၂၀၁၂ ကြားဖြတ် ရွေးကောက်ပွဲ ဆိုင်ရာ သတင်းတိုများ

ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှုအားပေးသူများ

မဲပေးချိန်ကုန်ဆုံးချိန် ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံး ရှေ့တွင် မဲရလာဒ်တင်ဆက်မှုများကို လာရောက်ကြည့်ရှု အားပေး သူ များကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)

ရွှေဂုံတိုင် အမျိုးသားဒီမိုကရေစီအဖွဲ့ချုပ်ရုံးရှေ့ရှိ မဲရလာဒ်တင်ဆက်မှုကို လာရောက်ကြည့်ရှုအားပေးသည့် ပါတီထောက်ခံသူတဦးကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။ (ဓါတ်ပုံ-လင်းဘိုဘို၊ မဇ္ဈိမ)

နိုင်ငံခြားသား ဧည့်သည်များကို ဧပြီလ ၁ ရက် ၂ဝ၁၂ ခုနှစ် ညနေပိုင်းက တွေ့မြင်ရစဉ်။

ရွေးကောက်ပွဲဆိုင်ရာနောက်ဆုံးသတင်းများ

ဧပြီ(၁) ရက် ကြားဖြတ်ရွေးကောက်ပွဲ နှင့်ပတ်သက်သောနောက်ဆုံးရသတင်းများကို အောက်ပါလင့်တွင်ကြည့်နိုင်ပါသည်။
(ရွေးကောက်ပွဲဆိုင်ရာ သတင်းများ) စာသားပေါ်ကလစ်နှိပ်ပါ။

ရွေးကောက်ပွဲဆိုင်ရာအထူးသတင်းများ

အဖွဲ့ချုပ် ခွပ်ဒေါင်း အမှတ်အသားနေရာမှာ ဖယောင်းသုတ်ထားမှုများ တပြည်လုံး အတိုင်းအတာမှာ ဖြစ်ပေါ်နေကြောင်း ရွေးကောက်ပွဲ အောင်နိုင်ရေး မန်နေဂျာ ရှေ့နေကြီးဦးဥာဏ်ဝင်း မှပြောဆိုသွားပြီး မကြာခင် ရွေးကောက်ပွဲ ကော်မရှင်အား ဖက်စ်ဖြင့်ပေးပို့ကာအများသိရှိနိုင်ရန် ကြေငြာချက်ထုတ်ပြန်မည်ဖြစ်ကြောင်း ပြောဆိုသွားပါတယ်..။

 

စစ်ထောက်လှမ်းရေးဟောင်းဗိုလ်ချုပ်ကြီးဦးခင်ညွှန်(ငြိမ်း)၏သားဦးရဲနိုင်ဝင်းကမရမ်းကုန်မြို့နယ်NLDပြည်သူ့လွှတ်တော်ကိုယ်စားလှယ်လောင်းဒေါ်မေ၀င်းမြင့်အားဆန္ဒမဲပေးခဲ့ကြောင်း မရမ်းကုန်းမဲဆန္ဒနယ်တွင်သတင်းရယူနေသော Messenger သတင်းထောက်အားပြောသည်။

ကော့မှူးမြို့နယ်တွင် ဒေါ်အောင်ဆန်းစုကြည်အနိုင်ရပြီ။

ကော့မှူးမဲဆန္ဒနယ်မြေတွင် မဲရေတွက်မှု၇၀ရာခိုင်နှုန်းပြီးစီးမှုတွင် လူထုခေါင်းဆောင် ဒေါ်အောင်ဆန်းကြည်မဲအပြတ်အနိုင်ရရှိကြောင်းနှင့် မဲဆန္ဒနယ်မြေ (၃၀)ကျော်ခန့် အနိုင်ရနေပြီဟု ခန့်မှန်းကြောင်း NLD မှထုတ်ဖေါ်ပြောဆိုလိုက်သည်။ နေရာအနှံ့တွင် ညစ်ပါတ်မှုများ၊မဲမသမာမှုများကို ဆက်လက်အရေးယူသွားနိုင်ရန်အတွက် ဆောင်ရွက်မည်ဖြစ်ကြောင်းပြောကြားခဲ့သည်။

ရွေးကောက်ပွဲအကြို ရန်ကုန်တိုင်းတွင်းမြင်ကွင်း (ဗီဒီယို)

စနေ, 31 မတ် 2012(သတင်း-ဗီအိ်ုအေ)

မတ်လ ၃၁၊ ၂၀၁၂။ ရွေးကေက်ပွဲအကြို လူထုသဘောထားအသီးသီးကို ရန်ကုန်မြို့ကို ရောက်ရှိနေတဲ့ ဗွီအိုအေ သတင်းထောက် ကိုကျော်ကျော်သိန်းက တွေ့ဆုံမေးမြန်းထားတာပါ။

ဒေါ်စု ကော့မှုးမြို့နယ် ရောက်ရှိ (ဗွီဒီယို)သတင်းဗီအိုအေ

ကောမှုးမြို့နယ် ပြည်သူလွှတ်တော်မဲဆန္ဒနယ်ကနေ ၀င်ရောက် အရွေးခြယ်ခံမယ့် အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ကော့မှုးမြို့နယ် ၀ါးသင်္ခံကျေးရွာကို မတ်လ ၃၁ ရက်နေ့ ညပိုင်းမှာ ရောက်ရှိပါတယ်။
ဒေါ်အောင်ဆန်းစုကြည် ကော့မှုးမြို့ လာရောက်စဉ်မှာပဲ ကော့မှုးမှာ NLD ပါတီ မဲဆွယ်ရေးအဖွဲ့တွေကို အနှောက်အယှက်တွေ ရှိခဲ့တာကြောင့် ဒေါ်အောင်ဆန်းစုကြည် လုံခြုံရေးအတွက် စိုးရိမ်ခဲ့ကြပါတယ်။

    

အမျိုးသားဒီမိုကရေစီအဖွဲ့ချုပ် ပြောခွင့်ရသူ ဦးဥာဏ်ဝင်းကတော့ ဒီလို နှောက်ယှက်မှုတွေကို ရည်ရွယ်ချက်ရှိရှိ လုပ်တယ်လို့ ယူဆပြီး၊ ဒေါ်အာင်ဆန်းစုကြည် ခရီးစဉ်အတွက် စိုးရိမ်ခဲ့တယ်လို့ ပြောပါတယ်။
ဒေါ်အောင်ဆန်းစုကြည်ဟာ အခုတော့ ၀ါးသင်္ခံကျေးရွာကို ငြိမ်းငြိမ်းချမ်းချမ်းရောက်ရှိ အနားယူနေပြီး၊ ဧပြီ ၁ ရက်နေ့ မနက်ပိုင်းမှာတော့ အဲဒီက မဲရုံတွေကို လှည့်လည်ကြည့်မယ်လို့ သိရပါတယ်။

ယနေ့ ကော့မှူးမြို့ နယ် မြင်ကွင်း (ဓါတ်ပုံ)သတင်း

ကော့မှူးကိုယ်စားလှယ်လောင်း လူထုခေါင်းဆောင်ဒေါ်အောင်ဆန်းစုကြည် အား ကော့မှူးမြို့ နယ်မှာ ယနေ့ တွေ့ ရစဉ် ဓါတ်ပုံ(ရိုက်တာ)

ဒေါ်အောင်ဆန်းစုကြည် ရခိုင် ရှေးဟောင်း သမိုင်းဝင် မဟာမုနိရွှေထီးတော်အားလာရောက်ဖူးမြော်

 ရန်ကုန်မြို့ အောင်မြေဗောဓိဓမ္မာရိပ်သာ အလိုတော်ပြည့်ကျောင်းတိုက်သို့ (21.3.2012)ရက်နေ့ အမျိုးသားဒီမိုကရေစီးအဖွဲ့ချုပ် NLD ဥက္ကဌ ဒေါ်အောင်ဆန်းစုကြည်သည် ရခိုင်ပြည်နယ် ကျောက်တော်မြိုနယ် ရှိ ရခိုင့် ရှေးဟောင်းသမိုင်းဝင် မဟာမုနိရှပ်ရှင်တော်မြတ်ကြီး၏အထွက်ထိပ်သို့တင်လှူပူဇော်မည့်ရွှေစင်းရွှေသားရွှေထီးတော်အား (၃း၃၀)နာရီအချိန်တွင် လာရောက်ဖူးမြော်ခဲ့ပါသည်။ ရခိုင့်ရှေးဟောင်းသမိုင်းဝင် မဟာမုနိရုပ်ရှင်တော်မြတ်ကြီးဟာ မြတ်စွာဘုရားရင်ငွေတော်ဖြင့်သွန်းလုပ်ခဲ့တဲ့ကိုယ်ပွါးတော်ဖြစ်ပါတယ်။

ထိုသို့လာရောက်ဖူးမြှော်ခဲ့သည့်ဓါတ်ပုံများအားပြန်လည်ဖေါ်ပြလိုက်ပါတယ်။

ဒေါ်အောင်ဆန်းစုကြည် နေအိမ်မှ ကော့မှူးသို့ ထွက်ခွာပြီ

လင်းဘိုဘို | စနေနေ့၊ မတ်လ ၃၁ ရက် ၂၀၁၂


ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်မည့် ဒေါ်အောင်ဆန်းစုကြည်သည် သူမ ရွေးကောက်ခံ မဲဆန္ဒ နယ်မြေ ဖြစ်သည့် ကော့ မှူး မြို့နယ်သို့ သွားရောက်ရန် ယနေ့ ညနေ လေးနာရီအချိန်တွင် နေအိမ်မှ ထွက်ခွာသွားခဲ့သည်။

တနင်္ဂနွေနေ့ နံနက်ပိုင်းတွင် စတင်ပြုလုပ်မည့် ရွေးကောက်ပွဲအတွက် ဒေါ်အောင်ဆန်းစုကြည်သည် ရန်ကုန်မြို့မှ မိုင်လေးဆယ်ကျော် ကွာဝေးသည့် ကော့မှူးမြို့နယ်ရှိ ဝါးသိင်္ခကျေးရွာတွင် ယနေ့ (စနေနေ့) ညအိပ်နားခိုမည်ဖြစ်သည်။

တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်၏ နေအိမ်ခြံဝင်းရှေ့တွင် ခရီးစဉ်နှင့်အတူ လိုက်ပါသတင်းယူမည့် ပြည်တွင်း ပြည်ပ သတင်း သမားများ တရာကျော်က မွန်းလွဲ ၂ နာရီခွဲ ဝန်းကျင်ခန့်မှ စ၍ စောင့်ဆိုင်းနေခဲ့သည်။

နေအိမ်မှထွက်ခွာပြီးနောက် ဒေါ်အောင်ဆန်းစုကြည်သည် ရွှေဂုံတိုင်အဖွဲ့ချုပ်ရုံးတွင် တပ်ဆင်ထားသည့် ရွေးကောက်ပွဲ သတင်း အချက် အလက်များ ထုတ်ပြန်ပေးမည့် LED ဆိုင်းဘုတ်တပ်ဆင်ပြီးစီးမှုကို သွားရောက် ကြည့်ရှုခဲ့ကြောင်း သတင်းရရှိသည်။

Envoy ဂျာနယ်မှ အဆိုတော်လေးဖြူသို့ တောင်းပန်ခြင်းအပေါ်ပရိတ်သတ်အချို့မကျေနပ်

ဒေါ်စုတည်းခိုမည့် ၀ါးသင်္ခအိမ်တွင် ကရင်လူငယ်များလုံခြုံရေးတာဝန်ယူ

မတ်လ ၃၁ရက်။ ၂၀၁၂ ခုနှစ်။ နန်းသူးလေ (ကေအိုင်စီ)

ဒေါ်အောင်ဆန်းစုကြည် ညအိပ်ခရီး သွားရောက်နေထိုင်မည့် ၀ါးသင်္ခကျေးရွာရှိ နေအိမ်တွင် ဒေသခံကရင် လူငယ်အယောက် (၃၀) က လုံခြုံရေးတာဝန်ယူထားသည်။
“အန်တီနေမကောင်းလို့ နောက်ပြီး သူတည်းမယ့် အိမ်တစ်ခုထဲအတွက်မဟုတ်ဘူး။ သူသွားတဲ့နေရာမှာ နှုတ် ဆက်သူ တွေ လမ်းတစ်လျှောက်လုံး လမ်းမပိတ်အောင် မီဒီယာတွေက ပိတ်ပြီး ဓါတ်ပုံရိုက်တာတွေ မရှိအောင် တာဝန်ပေးထားတာလို့ သိရတယ် ” ဟု ရွေးကောက်ပွဲစောင့်ကြည့်မည့် သတင်းထောက်တစ်ဦးက ပြောသည်။

ပြည်ပ​ရောက် မြန်မာ သန်း​ချီ မဲ​ပေး​ခွင့်​မရှိ

ဧပြီလ ၁ ရက်မှာ ကျင်း​ပမယ့်​ ကြား​ဖြတ်​ရွေး​ကောက်ပွဲမှာ ပြည်ပ​ရောက် မြန်မာနိုင်ငံသား​တွေကို မဲ​ပေး​နိုင်​အောင် အစိုး​ရက မစီစဉ်​ပေး​ဘူး​လို့​ ပြည်ပ​ရောက် မြန်မာပြည်သား​တွေက ​ပြောပါတယ်။

စင်ကာပူ ​ရောက် မြန်မာနိုင်ငံသား​တွေဟာ အခုကြား​ဖြတ်​ရွေး​ကောက်ပွဲမှာ မဲ​ပေး​ဖို မြန်မာသံရုံး​က ဘာမှ မ​ပြောပါဘူး​လို့​ စင်ကာပူ​ရောက် မြန်မာ​တွေက ​ပြောပါတယ်။

၂၀၀၈ ဖွဲ့​စည်း​ပုံအ​ခြေခံဥပ​ဒေ ဆန္ဒခံယူပွဲတုန်း​က မဲ​ပေး​ရ​ပေမယ့်​ ၂၀၁၀ ​ရွေး​ကောက်ပွဲတုန်း​ကလည်း​ မဲမ​ပေး​ခဲ့​ရဘူး​လို့​ သူတို့​က ​ပြောပါတယ်။

ကချင်ပြည်နယ်အတွင်းရှိ ဒေသခံတွေကြား ကျီးလန့်စာစား ဒုက္ခရောက်နေ

ကချင်နေ့စဉ်သတင်းမှ-ပြန်လည်ဖေါ်ပြသည်။

ပြီးခဲ့တဲ့ မတ်လ (၂၉) ရက်နေ့ မနက်က မိုးညှင်းမြို့နယ်၊ နမ္မားကျေးရွာ၊ ရန်အောင်ရပ်ကွက်မှာ မိုင်းပေါက်ကွဲမှု ဖြစ်ပွားခဲ့ပါတယ်။ ဖြစ်စဉ်မှာ နမ္မားကျေးရွာနေ ဦးကံကောင်းဆိုသူ ရွှေကျင်လုပ်သား

တစ်ဦးသည် ဆွမ်ပရာဘွမ်မြို့နယ်၊ ဆွတ်ခါးကျေးရွာ မြောက်ဘက်ရှိ  ရွှေမှော်မှ ပြန်လာစဉ် ချောင်းစပ်အနီး မှာ ထောင်ထားတဲ့ ကေအိုင်အေအဖွဲ့ရဲ့ မိုင်းတစ်လုံးကို နင်းမိပေါက်ကွဲခဲ့ကာ မိုင်းစများထိမှန် ခဲ့ပြီး မြစ်ကြီးနား ပြည်သူ့ဆေးရုံ မှာ တက်ရောက် ဆေးဝါး ကူသမှု ခံနေရကြောင်း သိရှိရပါတယ်။

နေအိမ်အတွင်း ဗလီဆောက်ဖို့ ကြိုးပမ်းသည့်အတွက် ကျောက်ပန်းတောင်းမြို့ခံများ ဝိုင်းဝန်းဖြိုဖျက်

သတင်း-ဘားမားဗီဂျေ

ကျောက်ပန်းတောင်းမြို့

By ဇာဏီ၊ မတ်လ ၃၀ ရက်နေ့၊ ၂၀၁၂ ခုနှစ်။
မန္တလေးတိုင်း ကျောက်ပန်းတောင်းမြို့နယ် ဘုရားနီ ဘုရားအနီးရှိ အိမ်တအိမ်အတွင်း ဗလီ ဆောက်လုပ်ရန် ကြိုးစားသည့်အတွက် ကျောက်ပန်းတောင်းမြို့ခံ လူဦးရေ တသောင်းခွဲ ဝန်းကျင်ခန့် လာရောက် ဖြိုဖျက်နေသည်လို့ မြို့ခံပြည်သူတဦးက ဘားမားဗီဂျေ မီဒီယာကို သတင်းပေးပို့ပါသည်။
အခုလိုဖြစ်ပွားနေသည့် ပြဿနာအပေါ် ကျောက်ပန်းတောင်းမြို့နယ် နိုင်ငံရေးအသိုင်းအဝိုင်းက ပြောနေကြတာကတော့ “ အရင်တုန်းကတည်းက ကျောက်ပန်းတောင်းက လူမျိုးခြားကုလား လက်မခံတဲ့ မြို့ ဖြစ်တယ်၊ ညအိပ်ညနေတောင် လက်မခံဘူး။ အပြင်ဘက်မှာ ထွက်နေတဲ့အသံက ကျောက်ပန်းတောင်းမှာ ကုလားတွေ ဗလီ ဆောက်တယ်ဆိုပြီး သတင်းရလို့ မြို့ခံတွေ စုပေါင်းပြီး ဝင်ဖျက်နေတာ၊ လူထုက တသောင်းခွဲလောက် ရှိတယ်၊ ကားအစီး ၁၀၀ လောက် ရှိသွားပြီ၊ တကယ်က ကုလားနဲ့ ဘုန်းကြီးနဲ့ ပြဿနာဖြစ်တယ်ဆိုပြီးတော့ အသံထွက်နေတာ” ဟု မြို့ခံ တဦးက ဘားမားဗီဂျေ မီဒီယာကို ပြောပါသည်။

ဧရာဝတီမြစ်ဆုံစီမံကိန်းအမှန်တကယ် ရပ်တန့်ပါပြီလော.။

နိုင်ငံတော်သမ္မတဦးသိန်းစိန်သည်လွှတ်တော်သို့ ဧရာဝတီမြစ်ဆုံစီမံကိန်းရပ်ဆိုင်းရန် အချက်(၁၀)ပါရှိသော သဏ်လွှာကိုအောက်ပါအတိုင်းစာအမှတ်နေ့စွဲဖြင့်ပေးပို့ခဲ့သည်။

( ပြည်ထောင်စုသမ္မတနိုင်ငံတော် နိုင်ငံတော်သမ္မတရုံး စာအမှတ်  ၁၅၁(၂)/၈/၃ဖြင့် လွှတ်တော်သို့ ပေးပို့ခဲ့သည့် (၂၉-၉-၂၀၁၁)နေ့စွဲပါ  နိုင်ငံတော်သမ္မတ၏ အချက် (၁၀) ချက်........)

သို့သော်ယနေ့ထိတိုင် ဧရာဝတီ မြစ်ဆုံ ဆည်စီမံကိန်းနှင့်ပတ်သက်နောက်ဆက်တွဲသတင်းများသေချာစွာ

အစိုးရအဖွဲ့အစည်းများမှ ဆက်လက်ထုတ်ပြန်ကြေငြာခြင်းမရှိချေ။ သတင်းမီဒီယာများတွင်လည်းရေးသားဖေါ်ပြခြင်းမရှိချေ။  လောလောဆယ်အများ၏ အာရုံသည်

      ဧပြီလတွင်ကျင်းပမည့်ကြားဖြတ်ရွေးကောက်ပွဲ နှင့်ပတ်သက်သောလှုပ်ရှားမှု့များတွင် အာရုံစိုက်နေကြရသည်။

အမျိုးသား နိုင်ငံရေးကိုသာ လုပ်မည်ဟု ဦးခင်ညွန့် ပြောကြား

28 Mar 2012  |ကိုခင်ညွန့်ကစကားပြောရင်သူ့ကိုယ်သူ "အဘ "စစ်တပ်အတွင်းခေါ်ဝေါ်သုံးစွဲတာလေးကအဖျောက်နိုင်သေးဘူးအကျုင့်ပါနေတုန်း။အခုလည်းမြန်မာစကား

ကို အဓိပ္ပါယ်အနက်အမျိုးမျိုး ဖွင့်ဆိုပြောနေပြန်ပြီ "အမျိုးသားနိုင်ငံရေးတဲ့" ဒါဆိုရုပ်ရှင်မင်းသားကိုကျော်သူ လူမှု့ရေးလုပ်ငန်း အကျိုးဆောင်နေတာ ဟာအမျိုးသားနိုင်ငံရေးဖြစ်ပြီး။ ဒေါ်အောင်ဆန်းစုကြည်ဟာ ပါတီနိုင်ငံရေးပေါ့။ ကိုခင်ညွန့်က

စစ်တပ်ကပြုတ်တာ၊ ပါတီကို ဦးဆောင်နေတာ စစ်တပ်ကလက်ရှိ ဖြစ်နေတော့ စင်ပြိုင်လုပ်လို့မရဘူးလေ၊ ဟိုက ကိုခင်ညွန့်ကို ဆွဲစားသွားမှာပေါ့၊ ကိုခင်ညွန့်လည်းခေသူမှမဟုတ်တာ

ထောက်လှမ်းရေးနံပါတ်တစ် ပြုတ်ပဲဟာ။ဒီလောက်တော့ပါးတာပေါ့နော်။အေးအေးနေပါအဘခင်ညွန့်ရယ်။

အမျိုးသား နိုင်ငံရေးသာ လုပ်မည် ဖြစ်ပြီး ပါတီ နိုင်ငံရေးကို ဘယ်တော့မှ လုပ်မည် မဟုတ်ကြောင်း ဗိုလ်ချုပ်ကြီး ဟောင်း ဦးခင်ညွန့်က မတ် ၂၁ ရက် နံနက်ပိုင်း တွင် သူ၏ နေအိမ်၌ ပြောကြားခဲ့ကြောင်း သိရသည်။
အမျိုးသား နိုင်ငံရေးအကြောင်း ဦးခင်ညွန့်က ပြောကြားရာတွင် " အမျိုးသား နိုင်ငံရေး ဆိုတာ ပြည်သူ ပြည်သားတွေ ကောင်းဖို့အတွက်လုပ် တာ၊ ပြည်သူ ပြည်သား တွေကို ထောက်ပံ့ဖို့ အတွက် ပညာရေး၊ ကျန်းမာရေး၊ လူမှုရေး ဆိုင်ရာတွေ အကူအညီပေးဖို့ ဖြစ်တယ်၊ ကျွန် တော်တို့နိုင်ငံမှာ ဆင်းရဲတဲ့ပြည်သူ တွေ အများကြီး ရှိတယ်၊ သူတို့အတွက် ရွှေမှော်ဝန်းဖောင်ဒေးရှင်းကို ကျွန်တော်တို့ ယုံကြည်ပြီးလေးစား တဲ့သူတွေ ကျောက်တန်းဒေသကို အခြေပြုပြီး လုပ်သွားမယ်၊ နောက် တော့တိုင်းပြည်အတိုင်းအတာနှင့် လုပ်သွားမှာပါ" ဟုပြောကြားခဲ့သည်။

NLD မဲဆွယ်စည်းရုံးပွဲကို သွားရောက်နေတဲ့ စစ်ကိုင်းတိုင်း ဝင်းကုန်းရွာ ရွာလုံးကျွတ် မီးလောင်မှုဖြစ်ပွား

စစ်ကိုင်းတိုင်း ယင်းမာပင်မြို့နယ် ဝင်းကုန်းရွာမှာ မတ်လ ၂၉ ရက်နေ့ ညနေပိုင်းက ရွာလုံးကျွတ် မီးလောင်မှု ဖြစ်ပွားခဲ့ပါတယ်။ လူမင်း၊ ထွန်းအိန္ဒြာဗိုလ်၊ ရဲတိုက်၊ ဝိုင်း၊ ချစ်သုဝေ၊ လင်းလင်း၊ မာရဇ္ဇ စတဲ့ အနုပညာရှင်တွေက မဲပညာပေး စည်းရုံးရေးခရီးစဉ်နဲ့ ဖျော်ဖြေရေး ခရီးစဉ်အဖြစ် စစ်ကိုင်းတိုင်းကို လာရောက်ဖျော်ဖြေနေချိန်မှာ တရွာလုံး သွားရောက် အားပေးနေစဉ် မီးလောင်ကျွမ်းမှု ဖြစ်ပွားခဲ့တယ်လို့ သိရပါတယ်။

ဆန္ဒပြရန် ပြင်ဆင်သည့်​ အလုပ်သမား​များ​နှင့်​ အာဏာပိုင်များ​ ရုန်း​ရင်း​ဆန်ခတ်ဖြစ်

လုပ်အား​ခ တိုး​မြှင့်​ရရှိ​ရေး​ ဆန္ဒပြဖို့​ ရန်ကုန်တိုင်း​ဒေသကြီး​အတွင်း​ တိုင်ရီဖိနပ်စက်ရုံ အလုပ် သမား​တွေရဲ့​ ကြိုး​ပမ်း​မှုကို အုပ်ချုပ်​ရေး​ အာဏာပိုင်​တွေက တား​မြစ်မှုအပြီး​ ရုန်း​ရင်း​ဆန်ခတ်မှုဖြစ်ပွား​ရာမှာ မြို့​နယ်အုပ်ချုပ်​ရေး​မှူး​ဖြစ်သူ ဒဏ်ရာအနည်း​ငယ် ရသွား​ပါတယ်။

ဒီအဖြစ်အပျက်နဲ့​ပတ်သက်ပြီး​ ကိုယ်တိုင်သွား​ကြည့်​သူ တဦး​ကို ​နေ့​လည် ၁၂ နာရီမှာ ဆက်သွယ် ​မေး​မြန်း​ထား​ပါတယ်။

တရားခံထက်ထက်မိုးဦးအား ငွေဒဏ်ကျပ်တစ်ထောင် ပြစ်ဒဏ်ချမှတ်ခြင်းခံရ

ယခင်အမှုခြိမ်းများတွင် တရားရှေ့၌တွေ့ ရသော ထက်ထက်မိုးဦး

ရုပ်ရှင်မင်းသမီး ထက်ထက်မိုးဦးနှင့် သတင်းထောက် မအေးသူစံတို့အကြား ဖြစ်ပွားခဲ့သည့် အမှုနှင့်ပတ်သတ်၍ အပြီးသတ် စီရင်ချက်ကို မတ်လ ၃၀ ရက်နေ့က ရန်ကင်းမြို့နယ် တရားရုံးတွင် အမိန့်ချမှတ်ခဲ့ရာ တရားခံ ထက်ထက်မိုးဦးသည် ငွေဒဏ် တစ်ထောင်ကျပ်သာ ပြစ်ဒဏ်ချမှတ် ခြင်းခံခဲ့ရကြောင်း သိရသည်။

ထက်ထက်မိုးဦးအား ပြစ်မှုဆိုင်ရာ ဥပဒေပုဒ်မ ၃၂၃ဖြင့် အမိန့်ချမှတ်ခဲ့ရာ ဒဏ်ငွေကျပ်တစ်ထောင် ပေးဆောင်စေရန်နှင့် မပေးဆောင်ပါက အလုပ်ကြမ်းနှင့် ထောင်ဒဏ်တစ်လ အမိန့်ချမှတ်ခဲ့ကြောင်း သိရသည်။

ရွေးကောက်ပွဲအကြိုအခြေအနေ လက်ခံနိုင်ဖွယ် မရှိ

သောကြာနေ့သတင်းစာရှင်းလင်းပွဲအတွင်း ဒေါ်အောင်ဆန်းစုကြည်နှင့် သတင်းထောက်များ (၀၃-၃၀-၁၂)VOA သတင်း

ကြားဖြတ်ရွေးကောက်ပွဲကျင်းပမယ့်ရက် မတိုင်ခင် ဖြစ်နေခဲ့တဲ့အခြေအနေတွေဟာ ဒီမိုကရေစီနည်းကျ ရွေးကောက်ပွဲတခု ဖြစ်ဖို့အတွက် လက်ခံနိုင်တဲ့ အခြေအနေတွေ မဟုတ်ပါဘူးလို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ရွေးကောက်ပွဲဆိုင်ရာ စည်းကမ်း နည်းလမ်းမကျတာတွေ၊ တရားမ၀င်လုပ်ရပ်တွေနဲ့ပတ်သက်ပြီး အစိုးရနဲ့ ရွေးကောက်ပွဲကော်မရှင်တို့က လုပ်သင့်သလောက် တင်းတင်းကျပ်ကျပ် မလုပ်တာကလည်း စိတ်မကောင်းစရာ ဖြစ်ပါတယ်လို့ ဆိုပါတယ်။ အပြည့်အစုံကို ရန်ကုန်မြို့ကနေ ကိုကျော်ကျော်သိန်းက သတင်းပေးပို့ထားပါတယ်။