ဒေါ်အောင်ဆန်းစုကြည်နှင့် တွေ့ဆုံမှုသည် အကျိုးရှိကြောင်း အမေရိကန်သံအဖွဲ့ကပြော

November 4, 2011 by ရွှေအောင်  

နှစ်ဘက်တွေ့ဆုံဆွေးနွေးမှုတွေဟာ အကျိုးရှိတဲ့ အကြောင်းနဲ့ ​ရှေ့ဆက်ပြီး​ ​တွေ့ဆုံ​ ​ဆွေးနွေးသွားကြရဦးမှာ​ ​ဖြစ်တဲ့အကြောင်း ဒေါ်အောင်ဆန်းစုကြည်နဲ့ ဒီနေ့တွေ့ဆုံခဲ့တဲ့  အမေရိကန်​ အထူးကိုယ်စားလှယ်အဖွဲ့က​ သတင်းထောက်တွေကို​ ​ပြောကြားခဲ့ပါတယ်။

မြန်မာနိုင်ငံမှာ ရောက်ရှိနေတဲ့  အမေရိကန် ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေးဝန်ကြီးနဲ့ ​ ​မြန်မာနိုင်ငံဆိုင်ရာ အမေရိကန် အထူးကိုယ်စားလှယ်တို့ ပါဝင်တဲ့​ သံတမန်အဖွဲနဲ့​မြန်မာ့ဒီမိုကရေစီ​ခေါင်းဆောင်​ ​ ​ဒေါ်အောင်ဆန်းစုကြည်တို့ ဒီနေ့မွန်းလွဲပိုင်းက တက္ကသိုလ်ရိပ်သာလမ်း​ ​နေအိမ်မှာ​ ​တွေ့ဆုံ​ ​ဆွေးနွေးပွဲအပြီး သတင်းထောက်တွေရဲ့​​ အမေးကို ​ဖြေကြားရာမှာ ခုလို ပြောကြားခဲ့တာပါ။

အမေရိကန်​ ကိုယ်စားလှယ်အဖွဲ့နဲ့ ​ဒေါ်အောင်ဆန်းစုကြည်တို့ သီး​သန့်တွေ့ဆုံ ​ဆွေးနွေးခဲ့ကြပြီးတဲ့နောက် အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးနဲ့ အဖွဲ့ချုပ်ဗဟိုအလုပ်အမှုဆောင်အဖွဲ့၊ စီအာပီပီ ပြည်သူ့လွှတ်တော် ကိုယ်စားပြု ကော်မတီက ဦးအေးသာအောင်၊ အဖွဲ့ဝင် ပူကျင်ရှင်းထန်တို့နဲ့ ဆက်လက်​တွေ့ဆုံ ​ဆွေးနွေးခဲ့ကြတာ​ ​ဖြစ်ပါတယ်။

အဖွဲ့ချုပ်က ဆွေးနွေးခဲ့တာတွေကို ပြန်ကြားရေးတာဝန်ခံ ဦးအုန်းကြိုင်က ခုလို ပြောပြပါတယ်။

“ဒုတိယ ဥက္ကဋ္ဌ ဦးတင်ဦးကတော့ နိုင်ငံရေး အခြေအနေက အခု အတော်အတန် တိုးတက်မှု ရှိလာတယ်လို့ ပြောရမှာဖြစ်ပါတယ်တဲ့။ အဲဒါကလည်း အထွေထွေအတွင်းရေးမှူး​ ​ဒေါ်အောင်ဆန်းစုကြည်နဲ့ သမ္မတ ဦးသိန်းစိန် ဆွေးနွေးပြီးတဲ့ နောက်ပိုင်းမှာ အထွေထွေအခြေအနေဟာ နည်းနည်း ပိုပြီးတော့ တိုးတက်တဲ့အရိပ်လက္ခဏာတွေ၊ အလားအလာကောင်းတွေ တွေ့လာတာ ဖြစ်ပါတယ်တဲ့။ အဲဒါတော့ အားလုံး သိပါတယ်တဲ့။ ပြည်သူတရပ်လုံးကလည်း ဒီအတွက် အတော်အတန် အလားအလာ​ ​ကောင်းတွေ ရှိနေတဲ့ဟာကို သိနေကြပါတယ်တဲ့။ အဲ့တော့ အဖွဲ့ချုပ်ကလည်းပဲ အလားအလာကောင်းတွေ ဆက်လက် ဖြစ်ထွန်း အောင်မြင်သွားဖို့နဲ့ စစ်မှန်တဲ့ ဒီမိုကရေစီ မြန်မာနိုင်ငံမှာ ပေါ်ထွန်းဖို့အတွက် အထွေထွေ အတွင်းရေးမှူး​ ​ဒေါ်အောင်ဆန်းစုကြည်ရဲ့ ဦးဆောင်မှုကို ခံယူပြီးတော့ ဆက်လက်ပြီးတော့ ချီတက်သွားမှာ ဖြစ်ပါတယ်။”

ဦးအေးသာအောင်နဲ့ ပူကျင့်ရှင်းထန်တို့ကလည်း တိုင်းရင်းသားဒေသတွေမှာ အပစ်ရပ်ရေး၊ စစ်မှန်တဲ့ ပြည်ထောင်စုပေါ်ထွန်းရေးကိစ္စရပ်တွေကို ဆွေးနွေးခဲ့ကြတယ်လို့လည်း ပြောပါတယ်။

ဒေါ်အောင်ဆန်းစုကြည်နဲ့ ဒီနေ့ တွေ့ဆုံခဲ့တဲ့ အမေရိကန် အထူးကိုယ်စားလှယ် ဒဲရစ်မစ်ချဲဟာ ဒီ ၂၀၁၁ ခုနှစ်ထဲမှာပဲ သုံးကြိမ်တိတိ လာရောက် ဆွေးနွေးနေတာ ဖြစ်ပါတယ်။

စက်တင်ဘာ၊ အောက်တိုဘာနဲ့ နိုဝင်ဘာ သုံးလဆက်တိုက် လာရောက်ပြီး အစိုးရ တာဝန်ရှိသူတွေ၊ ဒေါ်အောင်ဆန်းစုကြည်၊ နိုင်ငံရေးပါတီတွေ၊ လူမှုရေး အဖွဲ့တွေနဲ့ ဘက်ပေါင်းစုံကနေ တွေ့ဆုံ ဆွေးနွေးနေတာလည်း ဖြစ်ပါတယ်။

စီးပွားရေးဖွံ့ဖြိုးမှု ရန်ကုန် ညီလာခံ ဒေါ်အောင်ဆန်းစုကြည် တက်ရောက်

ဧရာဝတီ on November 4, 2011


မြန်မာ နိုင်ငံတွင် ပထမဆုံး အကြိမ် အဖြစ် ကျင်းပသော သဘာဝ ပတ်ဝန်းကျင် ထိန်းသိမ်းရေး၊ အစိမ်းရောင် စီးပွား ရေးနှင့် ဖွံ့ဖြိုးတိုး တက်မှု ဆိုင်ရာ နိုင်ငံ တကာ ညီလာ ခံသို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည် ယနေ့ မနက်ပိုင်းက
တက်ရောက် ခဲ့ကြောင်း သတင်း ရရှိသည်။

နေပြည်တော်နှင့် ရန်ကုန်မြို့တွင် နိုဝင်ဘာလ ၁ ရက်နေ့မှ ၄ ရက်နေ့အထိ ကျင်းပပြုလုပ်သော ယင်းအစည်းအဝေးသို့ ဒေါ်အောင်ဆန်းစုကြည် တက်ရောက်ရန် ဖိတ်ကြားခဲ့သော်လည်း အစည်းအဝေး၏ နောက်ဆုံးနေ့တွင်မှ ရန်ကုန်တွင် ကျင်းပသည့် အစည်းအဝေးကို ဒေါ်အောင်ဆန်းစုကြည်က လာရောက်ခဲ့ခြင်းဖြစ်သည်ဟု သိရသည်။

“ဒေါ်အောင်ဆန်းစုကြည် လာတက်တော့ တအားပေါ့။ အားလုံးက တက်တက်ကြွကြွ ရှိကြတယ်။ အရင်နေ့က အစည်းအဝေးမှာ လူသိပ်မရှိဘူး။ ဒီနေ့တော့ သတင်းထောက်တွေ၊ နိုင်ငံရေးပါတီတွေနဲ့ စုံစုံညီညီ စည်စည်ကားကား ရှိတယ်” ဟု အစည်းအဝေး ပုံမှန် တက်ရောက်နေသော ပြည်တွင်း သဘာဝပတ်ဝန်းကျင်ထိန်းသိမ်းရေး အဖွဲ့တဖွဲ့မှ တာဝန်ရှိသူက ပြောသည်။

ယင်းအစည်းအဝေးသို့ ဒေါ်အောင်ဆန်းစုကြည်နှင့်အတူ နိုင်ငံတော်သမ္မတ ဦးသိန်းစိန်၏ စီးပွားရေးအကြံပေး ဒေါက်တာဦးမြင့်၊
ဒေါက်တာသန့်မြင့်ဦး၊ ကုလသမဂ္ဂတွင် လက်ထောက်အုပ်ချုပ်ရေးမှူးအဖြစ် တာဝန်ထမ်းဆောင်ခဲ့သူ ဒေါက်တာ နေထွန်းအပါအ၀င် နိုင်ငံပေါင်းစုံမှ သံအမတ်များ၊ နိုင်ငံတကာမှ သဘာဝပတ်ဝန်းကျင် ထိန်းသိမ်းရေး ပညာရှင်များ စုံညီစွာ တက်ရောက်ခဲ့ကြသည်။

အဆိုပါအစည်းအဝေးကို ထွန်းဖောင်ဒေးရှင်းဘဏ်၊ Myanmar Development Resource Center (MDRC)၊ Myanmar Academy For Agriculture, Forestry, Livestock and Fisheries Sciences ၊ Myanmar Engineering Society (MES)၊ Association of Myanmar Architects(AMA)၊ Environmental Economic Research Institute (ERRI)၊ Yangon Media Group၊ Forest Resource Environmental Development and Conservation Association (FREDA)၊ Water, Research and Training Center (WRTC)၊ Myanmar Agribusiness and Rural Development Consultants (ARDC) စသည့် အဖွဲ့အစည်းများက ကူညီပံ့ပိုးကြကြောင်း သိရသည်။

“ပွဲရဲ့အဓိက ရည်ရွယ်ချက်က သဘာဝပတ်ဝန်းကျင် ထိန်းသိမ်းရေး၊ ပြန်လည်ပြည့်ဖြိုးမြဲ စွမ်းအင်ကိစ္စတွေ လုပ်ဖို့ မြန်မာအစိုးရ၊ NGO၊ INGO တွေ ပါဝင်တဲ့ ကောင်စီတခု ဖြစ်လာတဲ့အထိ ရည်ရွယ်တယ်။ ဒါနဲ့ ပတ်သက်လို့ နည်းပညာတွေ၊ အတွေ့အကြုံ တွေကို ရဖို့လည်း ရည်ရွယ်ပါတယ်။ အခုလိုပွဲမျိုးကို ဒေါ်အောင်ဆန်းစုကြည် တက်ရောက်တဲ့အတွက် နိုင်ငံတကာမှာ ဒီညီလာခံရဲ့ Image က ပိုပြီး ပေါ်လွင် ထင်ဟပ်စေမှာပါ” ဟု ပွဲစီစဉ်သူတဦးက ဆိုသည်။

ဒေါ်အောင်ဆန်းစုကြည်သည် မနက် ၉ နာရီမှ နေ့လည် ၁၂ နာရီအထိ အစည်းအဝေး တက်ရောက်ခဲ့ပြီး ယနေ့တွင် အမျိုးသား ဒီမိုကရေ စီအဖွဲ့ချုပ် (NLD) အလုပ်အမှုဆောင် အစည်းအဝေး တက်ရောက်ရန်နှင့် အမေရိကန် အထူးကိုယ်စားလှယ်အဖွဲ့ကို တွေ့ဆုံ ရန် ရှိသောကြောင့် နေ့လယ်ပိုင်းတွင် ပြန်လည်ထွက်ခွာသွားကြောင်း သိရသည်။

အစိမ်းရောင် စီးပွားရေးဆိုင်ရာ နိုင်ငံတကာညီလာခံသို့ အိန္ဒိယ၊ နော်ဝေ၊ ဂျပန်၊ အမေရိကန်၊ ထိုင်း၊ ဗီယက်နမ်၊ ဖိလစ်ပိုင်၊ စင်ကာပူ၊
မလေးရှားနိုင်ငံ စုစုပေါင်း နိုင်ငံ ၉ နိုင်ငံမှ ပညာရှင်များ၊ ထင်ပေါ်ကျော်ကြားသူများ တက်ရောက်ခဲ့သည်။

အဆိုပါ အစည်းအဝေးကို ရန်ကင်းမြို့နယ်ရှိ မြန်မာနိုင်ငံ ဘဏ်များအသင်း အဆောက်အုံတွင် ကျင်းပပြုလုပ် ခဲ့ခြင်းဖြစ်သည်။

ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက်လာခဲ့သည့်နောက်ပိုင်း နိုင်ငံ၏ စီးပွားရေး ဖွံဖြိုးတိုးတက်ရေး ကဏ္ဍနှင့် ပတ်သက်၍ ပိုမို ပူးပေါင်းပါဝင်လာသည်ကို တွေ့ရသည်။

နိုင်ငံတော်၏ စီးပွားရေးဖွံဖြိုးတိုးတက်မှုအတွက် ပြီးခဲ့သည့် သြဂုတ်လအတွင်းက နေပြည်တော်၌ ကျင်းပသည့် နိုင်ငံတော်၏ စီးပွားရေး ဖွံဖြိုးတိုးတက်မှုအတွက် ပြုပြင်ပြောင်းလဲ မှုဆိုင်ရာ အမျိုးသားအဆင့် အလုပ်ရုံဆွေးနွေးပွဲသို့ သွားရောက်ခဲ့ပြီး နယ်စပ်ရေးရာ ၀န်ကြီးဌာနနှင့် မြန်မာ့ စက်မှုဖွံဖြိုးရေးဝန်ကြီး ဒု ဗိုလ်ချုပ်ကြီး သိန်းဌေး အပါအ၀င် အစိုးရအဖွဲ့ဝင် ၀န်ကြီးများ၊ မြန်မာ့စီးပွားရေးပညာရှင် ဦးမြင့်နှင့် တခြားသော စီးပွားရေး လုပ်ငန်းရှင်ကြီးများအား တွေ့ဆုံခဲ့သည်။

ဒေါ်အောင်ဆန်းစုကြည်နှင့် အစိုးရ ကိုယ်စားလှယ် ဦးအောင်ကြည်တို့ မကြာသေးမီက စတုတ္ထအကြိမ် တွေ့ဆုံဆွေးနွေးရာတွင် လည်း တိုင်းပြည်စီးပွားရေး ဖွံဖြိုးတိုးတက်လာစေရန် လွတ်လပ်စွာ ကုန်သွယ် ကူးသန်းရောင်းဝယ်ခွင့်၊ လွတ်လပ်စွာ ငွေကြေး လည်ပတ် သုံးစွဲခွင့်တို့ကို ဆွေးနွေးခဲ့ကြောင်း အစိုးရသတင်းစာများတွင် ဖော်ပြထားသည်။

မြန်မာ့စီးပွားရေးကဏ္ဍတွင် ကျပ်ငွေ တန်ဖိုးမြင့်တက်နေမှုကြောင့် ပြည်ပပို့ကုန်များ ကျဆင်းလျှက် ရှိနေရာ ငွေကြေးတန်ဖိုး တည်ငြိမ် စေရန်အတွက် အစိုးရက အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) ကို အကူအညီ တောင်းခံခဲ့သည်။

ထိုကြောင့် ပြီးခဲ့သည့် အောက်တိုဘာလက IMF ကိုယ်စားလှယ်များ မြန်မာနိုင်ငံသို့ လာရောက်ကာ နိုင်ငံခြားငွေ လဲလှယ်နှုန်း ပြောင်းလဲ ရေးနှင့် လွတ်လပ်စွာ ငွေကြေးလည်ပတ် သုံးစွဲခွင့်ရှိရေးတို့နှင့် ပတ်သက်၍ လုပ်ထုံးလုပ်နည်းပိုင်းတွင် အကူအညီပေးရန် လာရောက် လေ့လာခဲ့သည်။

ယခုတလော အပြည်ပြည်ဆိုင်ရာ စီးပွားရေး ဖိုရမ်များ၊ ဆွေးနွေးပွဲများ မြန်မာနိုင်ငံ၌ လက်ခံကျင်းပမှု များပြားလာရာ ၃၇ ကြိမ် မြောက် အာဆီယံ – ဂျပန် စီးပွားရေးဆိုင်ရာ ဆွေးနွေးပွဲကိုလည်း ရန်ကုန်မြို့ ဆီဒိုနားဟိုတယ်တွင် ကျင်းပလျှက်ရှိသည်။

ဥရောပသမဂ္ဂမှ စီးပွားရေး ပညာရှင်တချို့ ပါဝင်သည့်ကိုယ်စားလှယ်အဖွဲ့သည်လည်း မြန်မာ့ဘဏ္ဍာရေးနှင့် ငွေကြေးကဏ္ဍ ဖွံ့ဖြိုးရေး၊ စီးပွားရေးဖွံ့ဖြိုး တိုးတက်ရေးနှင့် ဆင်းရဲမွဲတေမှု လျှော့ချရေးဆိုင်ရာ အလုပ်ရုံ ဆွေးနွေးပွဲကို လာမည် နိုဝင်ဘာ ၇ ရက်နေ့နှင့် ၈ ရက်နေ့တွင် ရန်ကုန်မြို့ရှိ Chatrium ဟိုတယ်တွင် ကျင်းပမည်ဖြစ်သည်။

မြန်မာ့မူပိုင်ခွင့် ဘာလဲ ဘယ်လဲ၊ မယောင်ရာ ဆီလူးတဲ့ ဆင်ဆာ၊ ဆန့်ကျင်ဘက်များနဲ့ ရသ

မစပ်စု on November 4, 2011


မြန်မာတွေ မူပိုင်ခွင့်နဲ့ အသားကျဖို့တော့ လိုနေပြီ

မြန်မာ့ရုပ်ရှင်ကို မြန်မာအများစုရှိတဲ့ ပြည်ပနိုင်ငံတွေမှာ ပုံမှန် ပြသနိုင်ဖို့အတွက် ကြိုးစားလာ ကြပေမယ့် ဖန်တီးမှုတွေထဲမှာ မသိမသာခိုးချထားတာတွေ၊ သိသိသာသာ ခိုးချထားတာတွေ ပါနေတာကြောင့် ဆင်ဆာဥပဒေနဲ့ ငြိစွန်းမှာကို စိုးရိမ်ပြီး ပြသဖို့ အခက်အခဲဖြစ်နေကြပါတယ်။

ပြီးခဲ့တဲ့လကဆိုရင် မြန်မာပရိသတ်တွေ ရှိရာ စင်ကာပူနိုင်ငံမှာရှိတဲ့ Kreta Ayer Theater မှာ “အာဒံရယ်၊ ဧ၀ရယ်၊ ဒဿရယ်” ဆိုတဲ့ မြန်မာဇာတ်ကားကို ရုံတင်ပြသခဲ့ပါတယ်။ လာကြည့်တဲ့ ပရိသတ် ရှိပေမယ့် ဇာတ်ဝင်သီချင်း သံစဉ်က ဂျပန်သံစဉ် ဖြစ်နေတာကြောင့် စင်ကာပူအစိုးရရဲ့ ဆင်ဆာဖြတ်တာကို ခံယူပြီးမှ ဆက်လက်ပြသခွင့် ပြုတယ်လို့ သိရပါတယ်။

အဲဒီနောက်မှာတော့ မြန်မာနိုင်ငံက ရုပ်ရှင်ဇာတ်ကားတွေကို ပြည်ပမှာ ပြသနိုင်ဖို့အတွက် ကိုယ်ပိုင်ဖန်တီးမှု အနုပညာတွေသာ ပါဝင်တဲ့ ဇာတ်ကားတွေကို ရွေးချယ်ကြရလို့ ရှားပါးတာကြောင့် ပုံမှန်ပြသဖို့ ခက်ခဲလာပါတယ်။

မြန်မာဗီဒီယို ဇာတ်ကားတွေကို ကြည့်လိုက်မယ်ဆိုရင် ဇာတ်ဝင်တေးတွေက ရှိထားပြီးသား ကော်ပီသီချင်းတွေ၊ နောက်ခံ တီးလုံးတွေကလည်း ကမ္ဘာကျော် ဂီတပညာရှင်ကြီးတွေရဲ့ တေးသွားတွေချည်း တော်တော်များများ တွေ့ရပါတယ်။ ယူသုံးတဲ့ သူတွေ အနေနဲ့ ဒါကိုပြဿနာလို့ ယူဆပုံ မရကြပါဘူး။ နာမည်ကြီး ဒါရိုက်တာတွေတောင် ဒီပုံစံ၊ ဒီအချိုးအတိုင်းပဲ အသားကျနေ ကြပါတယ်။

တကယ့်တကယ် နိုင်ငံတကာကို ချပြတော့မယ်ဆိုတော့ ကိုယ်ပိုင်ဖန်တီးထားတာ မရှိတော့ဘဲ ဒုက္ခရောက်ကြတော့ တာပါပဲ။ သေသေချာချာ တွေးကြည့်မယ်၊ နိုင်ငံတကာကို မြန်မာ့အနုပညာ ဝင်တိုးချင်တယ် ဆိုရင် ခိုးယူဖန်တီးမှုတွေကို စွန့်လွှတ်သင့် ပါပြီ။

သီချင်းတွေ ရေးစပ်ရာမှာ တချို့က ပေါ်ပေါ်တင်တင်ပဲ ကော်ပီလို့ ပြောကြပေမယ့် တချို့ တရုတ်သံစဉ်၊ ဂျပန်သံစဉ်၊ ထိုင်းသံစဉ် စတာတွေကို ကိုယ့်သံစဉ်လိုလို၊ ဘာလိုလို လုပ်ပြီး စာသားထည့်ဆိုလိုက်ကြတာ အဆိုတော်ကိုယ်တိုင်တောင် ကိုယ်ပိုင်သံစဉ်လား၊ ကော်ပီလား မသိကြတာတွေ ရှိပါတယ်။ ဒါကိုပဲ စာသားသွင်းသူက တေးရေးနာမည် ခံတာမျိုးကတော့ မြန်မာပြည်မှာပဲ ရှိမလား မပြောတတ်ပါဘူး။ အဲဒါကို အဆိုတော်လုပ်သူက ကိုယ်ပိုင်သံစဉ်ထင်ပြီး နိုင်ငံတကာ ခရီးထွက်တဲ့ အချိန်မှာ ဆိုလိုက်တော့မှ သူများသံစဉ်ကြီးလို့ အပြောခံရတဲ့အခါ ပိုရှက်ဖို့ကောင်း မနေဘူးလား။

ဒါက သီချင်းပြဿနာ တခုတည်း မဟုတ်ပါဘူး။ အခု အချိန်မှာ မြန်မာ့ရုပ်ရှင်၊ မြန်မာ့ဂီတကို နိုင်ငံတကာမှာ ချပြဖို့ စီစဉ်မယ် ဆိုတော့ ကိုယ်ပိုင်ဖန်တီးမှုက အရေးပါလာပါပြီ။ တချို့ ဇာတ်ကားတွေဆိုရင် တကားလုံးက နိုင်ငံခြားကားကို အစအဆုံး မြန်မာမှု ပြုထားပေမယ့် ဇာတ်ကားအဆုံးမှာ ဘယ်ဟာကို မှီးပါတယ်ဆိုတာလေးတောင် ထည့်မထား၊ ပရိသတ်ကလည်း ကိုယ်တိုင်ဖန်တီးတာ မှတ်ပြီး ကောင်းလိုက်တာလို့ ချီးကျူး၊ သိတဲ့သူတွေကတော့ စိတ်ပျက်လက်ပျက်ဖြစ်၊ ဒါမျိုးတွေလည်း ကြုံဖူးမှာပါ။ ဘယ်ကယူပါတယ်၊ ဘယ်ဟာကို မှီးပါတယ်ဆိုတဲ့ စာတကြောင်းလေး မပါတာဟာ မူရင်းဖန်တီးသူကို သာမက ပရိသတ်ကိုပါ မလေးမစားလုပ်ရာ၊ စော်ကားရာကျတယ်ဆိုတာ သိသင့်ပါတယ်။

သတင်းရေးတာပဲဖြစ်ဖြစ်၊ သတင်းဓာတ်ပုံ သုံးတာပဲဖြစ်ဖြစ် သတင်းမူလဇစ်မြစ်၊ ဓာတ်ပုံဘယ်ကယူသုံးတယ် ဆိုတာ ရေးရပါတယ်။ စာအုပ်ဘာသာပြန်ရင်ပဲဖြစ်ဖြစ်၊ ဝတ္ထုတို ဘာသာပြန်တာပဲဖြစ်ဖြစ် မူရင်းစာရေးသူ နာမည်နဲ့ မူရင်း ဝတ္ထု နာမည်ကို ဖော်ပြကြရတာပါ။ ကိုယ်က ဆင်းရဲတဲ့နိုင်ငံမို့လို့၊ ငွေကြေးမတတ်နိုင်လို့ ဖန်တီးမှုတွေကို ဝယ်ယူမသုံးစွဲ နိုင်ရင်တောင် “credit” ကတော့ ပေးကိုပေးရမှာပါ။ ဒါက မူပိုင်ခွင့်ရှိတဲ့ သူကိုလေးစားတာ၊ မူပိုင်ခွင့်နဲ့ ပတ်သက်တဲ့ အလေ့အကျင့်တခုပါ။ ငွေပေးပြီး ဝယ်ယူသုံးစွဲထားရင်တောင် ဖန်တီးသူကို “credit” ကတော့ ပေးရပါတယ်။ ဈေးထဲက ကြက်သွန်၊ အာလူး ဝယ်တာမျိုးဆိုရင်တော့ တမျိုးပေါ့လေ၊ ပိုက်ဆံပေးပြီး သူ့ဟာကို ကိုယ့်ဟာလုပ်လို့ရပါတယ်။

တခေတ်တခါက မြန်မာ့ရုပ်ရှင်သီချင်း ဆိုတဲ့ ခေတ်တခေတ် ရှိခဲ့တာ မှီတဲ့သူတိုင်း သိမှာပါ။ ရုပ်ရှင်တကားအတွက် ဒီဇာတ်ကားမှာ ထည့်မယ့် သီချင်းတွေကို သီးသန့်စပ်ကြပါတယ်။ ဒီမှာသုံးမယ့် ဂီတတေးသွား၊ နောက်ခံတေးတွေကိုလည်း ဂီတမှူးတွေဆီ သီးသန့် အပ်ကြပါတယ်။ ရှေ့ကောနောက်ကော မှီတာကို ပြမယ်ဆိုရင် သင်္ကြန်မိုးလို၊ ဒဏ္ဍာရီလို ကားမျိုးတွေ ပြလို့ရပါတယ်။ ဒီဇာတ်ကား တွေက သီချင်းတွေဆိုရင် စီးရီးတခွေစာ ပြန်ထုတ်လို့တောင် ရခဲ့ပါတယ်။

မြန်မာပြည်အနေနဲ့ ဒီမိုကရေစီနိုင်ငံ အဖြစ်သွားတော့မယ်လို့ ကြွေးကျော်နေကြပါပြီ။ အဲဒီအခါ အနုပညာကလည်း ငါနေခဲ့မယ် လို့ လုပ်လို့မရတော့ဘူး။ ဒီတော့ မူပိုင်ခွင့်ဆိုတာနဲ့ ပတ်သက်လို့ အလေ့အကျင့်ကောင်းတွေ ရှိထားဖို့ လိုအပ်နေပါပြီ။ မြန်မာ့ရုပ်ရှင်၊ မြန်မာ့ဂီတ နိုင်ငံတကာကို ချပြတော့မယ် ဆိုရင်တော့ မူပိုင်ခွင့်ကို သိရုံနဲ့ မရတော့ဘူး၊ ကိုယ်ပိုင် ဖန်တီးမှပဲ ရတော့မှာပါ။

အနုပညာဆိုတာကတော့ ကိုယ်ပိုင်ဖန်တီးနိုင်ရင် အကောင်းဆုံးပါ၊ ကိုယ်တိုင် မဖန်တီးနိုင်ဘူး ဆိုရင်တောင် ဖန်တီးသူကို လေးစားသမှုနဲ့ “credit” ပေးပြီး မူပိုင်ခွင့်နဲ့ ပတ်သက်လို့ အလေ့အကျင့် လုပ်သင့်ပါပြီ။

မြန်မာ့ရုပ်ရှင်လောကသားတွေ၊ ဂီတလောကသားတွေ အနေနဲ့ ခိုးကူးခွေထုတ်တဲ့သူတွေကို မကျေနပ်ကြတာ၊ ထုတ်ဖော် အရေးယူချင်ကြတာ အားလုံးအသိပါ။ ကိုယ်ပင်ပင်ပန်းပန်း လုပ်ထားရတာလေးတွေကို သူများက အလွယ်အတူ အညွန့် ခူးစားတာ ဘယ်သူက ကြိုက်မှာတဲ့လဲ။

ခိုးကူးသမားတွေကို နှိမ်နင်းချင်တယ် ဆိုရင်တော့ ကိုယ်တိုင်အရင်ဆုံး သူခိုး မဖြစ်ဖို့ လိုပါတယ်။ မဟုတ်ရင်တော့ သူခိုးလက်က သူဝှက်လုတာပဲလို့ သဘောထားပြီး ခွင့်လွှတ်လိုက်ရုံသာ ရှိပါတော့တယ်။

နိုင်ငံတကာမှာ မြန်မာ့ရုပ်ရှင်နဲ့ ဂီတ အရှက်ရခြင်းမှ ကင်းဝေးပါစေ။


မယောင်ရာဆီလူးတဲ့ ဆင်ဆာ

နိုင်ငံတကာ ရုပ်ရှင်ပွဲတော်တွေမှာ မြန်မာ့ရုပ်ရှင်ဇာတ်ကားတချို့၊ မှတ်တမ်းရုပ်ရှင်တချို့ ၀င်ရောက် ယှဉ်ပြိုင် ပြသတာ၊ ဆုရာတာတွေ ရှိနေပေမယ့် ဒီဇာတ်ကားတွေကို ပြည်တွင်းမှာ ပြသခွင့် မရတာတော့ တော်တော်ထူးဆန်း နေမလားပဲ။

၂၀၁၀ အောက်တိုဘာလက ဗီယက်နမ်နိုင်ငံမှာ ပြုလုပ်တဲ့ Festival of Photos, Reportage Film and Documentary Film on the Countries and People in ASEAN မှာ Best Documentary 2010 အမျိုးအစားအတွက် ဒုတိယဆု ရရှိခဲ့ဖူးတဲ့ ဒါရိုက်တာ မင်းထင်ကိုကိုကြီး ရိုက်ကူးတဲ့ “အင်းသီး” ဆိုတဲ့ မှတ်တမ်းရုပ်ရှင် ဇာတ်ကားကို အခုအချိန်ထိ မြန်မာ့ ရုပ်သံလိုင်းတွေမှာ ပြသခွင့် တင်ထားပေမယ့် မရသေးပါဘူး။

“အင်းသီး” ဆိုတာ အင်းလေးကန် မှာရှိတဲ့ ခရမ်းချဉ်သီးစိုက်ခင်းတွေမှာ ဓာတုဗေဒဆေးတွေ အများအပြား ပါဝင်နေတာကြောင့် သဘာဝပတ်ဝန်း ကျင်ထိခိုက်မှုရှိနိုင်တဲ့အကြောင်း ရိုက်ကူးထားတဲ့ မှတ်တမ်းရုပ်ရှင် ဇာတ်ကား ဖြစ်ပါတယ်။

နိုင်ငံတကာရုပ်ရှင်ပွဲတော်မှာ ဆုရခဲ့ဖူးတဲ့ မှတ်တမ်း ရုပ်ရှင်ဇာတ်ကားဟာ မြန်မာနိုင်ငံမှာ ပြသဖို့ ခက်ခဲနေပေမယ့် ပြည်တွင်းမှာ ပြသခွင့်ရတဲ့ ဇာတ်ကားတွေက နိုင်ငံတကာမူပိုင်ခွင့်တွေနဲ့ ဟိုငြိ ဒီငြိ ဖြစ်နေတယ် ဆိုတာကတော့ မြန်မာနိုင်ငံက ဆင်ဆာ ဘုတ်အဖွဲ့ရဲ့ အလွဲလားဆိုတာကို မေးခွန်းထုတ်စရာ ရှိပါတယ်။

မြန်မာ့အနုပညာနဲ့ ကမ္ဘာကို ထိုးဖောက်မယ်ဆိုရင်တော့ မြန်မာဆင်ဆာအဖွဲ့ရဲ့ မယောင်ရာဆီလူး ပုံစံတွေကို အရင်ဆုံး ပြင်ရမယ် ဆိုတဲ့အကြောင်း …။


ဆန့်ကျင်ဘက်များနဲ့ ရသ

မြန်မာပြည် ဟစ်ပ် ဟော့ပ်ရဲ့ ဒုတိယ မျိုးဆက်လို့ အမည် တပ်ခံ ရတဲ့ အဆိုတော် ရသက မြန်မာ့ ရိုးရာ ယဉ်ကျေးမှု ဆို၊ က၊ ရေး၊ တီး ပြိုင်ပွဲရဲ့ “ခေတ်အလိုက် ခေတ်အကြိုက်” ခေါင်းစဉ်နဲ့ သီချင်း ပြိုင်ပွဲမှာ ရခဲ့တဲ့ ရွှေတံဆိပ် ဆုကို အိမ်ဦး ခန်းမှာ ချိတ်ထား မယ်လို့ ဆိုပါတယ်။

၁၈ ကြိမ်မြောက် ကျင်းပခဲ့တဲ့ ဒီပြိုင်ပွဲမှာ ရသက ဇော်ဝင်းထွဋ်ရဲ့ “မဟာ” သီချင်းကို မဲကျပြီး ယှဉ်ပြိုင်ခဲ့တာလို့ သိရပါတယ်။

တချိန်က လျှမ်းလျှမ်းတောက် ကျော်ကြားခဲ့တဲ့ ရော့ကာကြီး ဇော်ဝင်းထွဋ်ဟာ “မဟာ” တေးစီးရီးခွေ ထွက်ရှိပြီးနောက်မှာ အဲဒီအခွေထဲက ပေါ်လစီဆန်တဲ့ သီချင်းတွေကြောင့် ပရိတ်သတ် တချို့ရဲ့ ပြစ်တင် ဝေဖန်သံတွေနဲ့ အတူ အောင်မြင်မှုတွေ မှေးမှိန်ခဲ့ရတယ်လို့ သတင်းတွေ ထွက်ပေါ်ခဲ့ပါတယ်။

ဟစ်ပ်ဟော့ပ် ဆိုတဲ့ ရသဟာ နိုင်ငံတော် အသိအမှတ်ပြု ဆုတံဆိပ်ကို လိုချင်တာကြောင့် ဆို၊ က၊ ရေး၊ တီး ပြိုင်ပွဲမှာ ပါဝင်ယှဉ်ပြိုင် ခဲ့တာလို့လည်း ပြည်တွင်းထုတ် ဂျာနယ်တွေမှာ ပြောဆိုခဲ့ဖူးပါတယ်။

ပြီးခဲ့တဲ့ ၂၀၁၀ ရွေးကောက်ပွဲတုန်းကတော့ အမျိုးသားဒီမိုကရေစီအင်အားစု (NDF) ရဲ့ ခေါင်းဆောင်ဟောင်းတဦး ဖြစ်ခဲ့တဲ့ ဦးသိန်းညွန့်အတွက် သင်္ဃန်းကျွန်းမြို့နယ် မဲဆန္ဒနယ်မှာ မဲဆွယ် စည်းရုံးပေးခဲ့ ဖူးတဲ့အပြင် အသက်ရှင်နေချိန် အတွင်း နိုင်ငံအတွက် တန်ဖိုးရှိတာတွေ လုပ်ချင်လို့ နိုင်ငံရေးလုပ်ဖို့ ဆုံးဖြတ်လိုက်တာလို့ ပြောဆိုဖူးပါတယ်။ အခုအချိန်မှာတော့ ဦးသိန်းညွန့် တည်ထောင်တဲ့ ပါတီသစ်မှာ ပါတီဝင်တယောက်အဖြစ် ရှိနေပြီး လူမှုရေး လုပ်ငန်းတွေကိုလည်း လုပ်ကိုင် နေပါတယ်။

ရသကို ခေါင်းစဉ်တပ်မယ်ဆိုရင် နိုင်ငံတော် အသိအမှတ်ပြု ဆို၊ က၊ ရေး၊ တီး ရွှေတံဆိပ်ဆုရှင်လား၊ ဒါမှမဟုတ် နိုင်ငံရေးသမားလား၊ လူမှုရေး လုပ်သူလား၊ ဟစ်ပ်ဟော့ပ် ဂီတသမားလား။ ထူးဆန်းတာကတော့ အဲဒါအားလုံးက တခုနဲ့ တခု ဆန့်ကျင်ဘက်တွေ ဖြစ်နေတာပါပဲ။

အစိုးရနှင့် ဆွေးနွေးရန် RCSS အသင့်ဖြစ်ပြီ

သောကြာနေ့၊ နိုဝင်ဘာလ 04 ရက် 2011 ခုနှစ် ဇော်ကြီး သတင်း - သတင်းနှင့်မီဒီယာကွန်ယက်

အစိုးရနှင့် အပစ်အခတ်ရပ်စဲရေး ဆွေးနွေးရန် အဆင် သင့်ဖြစ်ပြီဟု ရှမ်းပြည်တပ်မတော်တောင် ပိုင်း ခေါ် ရှမ်းပြည်ပြန်လည် တည်ဆောက်ရေး ကောင်စီ SSA/ RCSS က အစိုးရထံ အကြောင်းပြန်ကြားလိုက် သည်။

အစိုးရ၏ တွေ့ဆုံဆွေးနွေးရေး ဖိတ်ခေါ်ချက်အား SSA/ RCSS တပ်ဖွဲ့ဝင်များအပါအ၀င် ရှမ်းပြည် ပြည်သူလူထု တရပ်လုံးက လက်ခံသည့်အတွက် မကြာမီ နှစ်ဖက်တွေ့ဆုံမှုများ ပြုလုပ်ရန်ရှိပြီး အချက်(၂) ချက်ကို တောင်းဆိုသွားမည်ဟု SSA တပ်ဖွဲ့ ပြောရေးဆိုခွင့် ဒု-တာဝန်ခံ စိုင်းဆိုင်မိန်း က အခုလိုပြော သည်။

“ကျနော်တို့ဖက်က ဆွေးနွေးဖို့ ကတော့ပေ့ါနော် နိုင်ငံရေး ပြဿနာကို နိုင်ငံရေး နည်းလမ်းနဲ့ ငြိမ်းချမ်းစွာ ဖြေရှင်းဖို့အတွက် အဆင့် အထိပေ့ါနော်။ နောက်တခုက နိုင်ငံရေး ဆွေးနွေးစဉ် ကာလမှာအပစ်အခတ် ရပ်စဲဖို့အတွက် ထားရှိရမယ် ဆိုတာတွေတော့ ကျနော်တို့ ဆွေးနွေးဖို့ ရှိပါတယ်။ အဓိကကတော့ အဲဒီနှစ်ချက်ပေါ် မူတည်ပြီးဆွေးနွေးမှာပါ။”

ဆွေးနွေးမည့် နေ့ရက်နှင့် နေရာကို မရွေးချယ်ရသေးကြောင်းနှင့် SSA ဘက်က ဆွေးနွေးရန်အဆင် သင့်ဖြစ်ပြီဟု ယခုရက်ပိုင်းအတွင်းက ပြန်လည်အကြောင်းပြန်လိုက်ကြောင်း ဆက်လက် ပြောဆိုသည်။

“ဟိုဖက်ကလည်း တွေ့ဆုံဆွေးနွေးဖို့ နှစ်ဖက် ဆန္ဒရှိကြောင်းပေ့ါနော်။ အစောပိုင်းကလည်း ကမ်းလှမ်း တယ်။ ကျနော်တို့ပို့တဲ့စာကို လက်ခံရရှိပြီဆိုတဲ့ အဖြေလည်း ကျနော်တို့ဆီက ပြန်ရတာပေ့ါနော်။ဒါကြောင့် မို့ တွေ့ဆုံဆွေးနွေးဖို့ အပိုင်းကို ကျနော်တို့ ဖက်ကလည်း အဆင်သင့်ဖြစ်တယ်ဆိုတဲ့ အကြောင်းကိုပြန် အကြောင်းကြားခြင်း ဖြစ်ပါတယ်။”

လွန်ခဲ့သည့် သြဂုတ်လ(၁၈) ရက်နေ့က ပြည်ထောင်စု အစိုးရက ငြိမ်းချမ်းရေးကမ်းလှမ်းရန်ဖိတ်ခေါ်ခြင်း ကြေငြာချက် ထုတ်ပြန်ပြီးနောက် ရှမ်းပြည်တွင်းရှိ ပြည်သူ့စစ် အသွင်ပြောင်း ထားသည့် တပ်ဖွဲ့များမှ တဆင့် ဆက်သွယ်ခဲ့သလို ထိုင်းတပ်မတော် အကူညီဖြင့် မြန်မာ သံရုံးကလည်း ဆက်သွယ်ခဲ့သည်။

နှစ်ဖက် အဆက်အသွယ်ပြုနေသည့် ကာလအတွင်း နယ်စပ်ဒေသတလျောက်နှင့် ရှမ်းပြည်နယ်အတွင်း အစိုးရတပ်နှင့် ပြင်းထန်သည့် တိုက်ပွဲများ မရှိသော်လည်း အချို့ဒေသများတွင် တိုက်ပွဲငယ်လေးများ ဖြစ်ပွားမှုရှိကြောင်း စိုင်းဆိုင်မိန်းက ပြောသည်။

သို့သော် ယနေ့ထုတ် အစိုးရအာဘော် သတင်းစာတွင် အောက်တိုဘာလ (၃၁) ရက်နေ့ကရှမ်းပြည်တောင် ပိုင်း ဟိုပုန်းမြို့နယ်အတွင်း SSA (ယွက်ဆစ်) အဖွဲ့က ထောင်ထားသည့် မိုင်းတလုံးနင်းမိပြီးအရပ်သား တဦး ထိခိုက်ဒဏ်ရာရခဲ့သည်ဟု ဖော်ပြထားသည်။

ယင်းကိစ္စနှင့် ပတ်သက်၍ စိုင်းဆိုင်မိန်းက “တကယ်လို့ ငြိမ်းချမ်းရေးကို ဆွေးနွေးလိုတယ် ဆိုရင်တော့ ဒါမျိုးကိစ္စတွေကို ကောင်းကောင်း စိစစ်ကြည့်ရင် ပိုကောင်းတာပေ့ါနော်။ ဒါပေမယ့် အဲဒီကိစ္စကငြိမ်းချမ်း ရေး ဆွေးနွေးမှုကို ထိခိုက်ဖို့တော့ မရှိပါဘူး။” ဟု ပြောဆိုသည်။ 

လွန်ခဲ့သည့် အောက်တိုဘာလ (၂၉) ရက်နေ့က အခြား ရှမ်းလက်နက်ကိုင် တပ်ဖွဲ့ တခုဖြစ်သော ရှမ်းပြည် တပ်မတော် မြောက်ပိုင်းခေါ် ရှမ်းပြည်တိုးတက်ရေး ပါတီ SSA/ SSPP တပ်ဖွဲ့က ငြိမ်းချမ်းရေး ဆွေးနွေးရန် နေပြည်တော်သို့ သွားရောက်ခဲ့သည်။

ဒု-ဗိုလ်ချုပ်ကြီး စ၀်ယွက်ဆစ် ဦးဆောင်သည့် ရှမ်းပြည်တပ်မတော် တောင်ပိုင်းသည် ၁၉၈၉ ခုနှစ်စစ်အစိုးရ လက်ထက် အပစ်အခတ် ရပ်ခဲ့စဉ်က ပါဝင်ခြင်းမရှိဘဲ စစ်အစိုးရကို ဆက်လက် တိုက်ပွဲ ၀င်နေသည့် အဖွဲ့ဖြစ်သည်။

လွန်ခဲ့သည့် ၂၀၀၇ ခုနှစ် မေလက တောင်ပိုင်း SSA နှင့် အစိုးရ ကိုယ်စားလှယ်အဖွဲ့တို့ ငြိမ်းချမ်းရေး ဆွေးနွေးရန် ထိုင်းနိုင်ငံ မယ်ဆိုင်မြို့ကို ရွေးချယ်ခဲ့သည်။ သို့သော် အစိုးရဘက်က မြန်မာနိုင်ငံဘက်ခြမ်း တာချီလိတ် မြို့တွင်ဆွေးနွေးရန် တောင်းဆို ခဲ့မှုကြောင့် ဆွေးနွေးပွဲ အစီအစဉ် ပျက်ပြားခဲ့သည်။