ရန်ကုန်မြို့ ဓမ္မစေတီလမ်းနဲ့ လင့်လမ်းထောင့်မှာ နေ့တိုင်းရှိနေတဲ့လူတစ်ယောက်ကို ပရိသတ်ကြီး တွေ့ဖူးကြပါလိမ့်မယ်။ ယာဉ်ထိန်းတပ်ဖွဲ့ ယူနီဖောင်းကို စမတ်ကျကျဝတ်ပြီး ကားတွေဘယ် လောက်ပဲရှုပ်ထွေးနေပါစေ၊ ယာဉ်ကြောရှင်းလင်းအောင် ကြိုးပမ်းနေတဲ့သူ့ဆီမှာ အပြုံးတွေအမြဲ တမ်းတွေ့ရပါလိမ့်မယ်။ သူကတော့ ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့မှူးရုံး အမှတ်(၂)နယ်မြေ ဒု-တပ်ကြပ်ခင်မြင့်မောင်ဖြစ်ပါတယ်။ ရိုးရိုးသားသားပြောရရင် ယာဉ်ထိန်းရဲတွေကို ကားသမား တွေချစ်ခင်တာ၊ အမြင်ကြည်တာနည်းပေမယ့် သူ့ကိုတော့ ရန်ကုန်မြို့က ကားသမားအများစု ချစ်ခင်ကြပါတယ်။ သူက တာဝန်ကျတဲ့ အချိန်တစ်ချိန်လုံးမှာ ယာဉ်ကြောရှင်းလင်းဖို့ပဲ နေပူပူ၊ မိုးရွာရွာလမ်းမထက်ကနေ ယာဉ်မောင်းတွေအားလုံးကို ကူညီပေးပါတယ်။ သူက ယာဉ်မောင်း တွေဆီက ပိုက်ဆံမတောင်းပါဘူး။ ကားသမားတွေကို မရစ်ဘူး။ မတော်တဆယာဉ်တိုက်မှုတွေ ဖြစ်ရင်တောင် သူကကူညီပေးပါတယ်။ ယာဉ်ထိန်းရဲတွေအပေါ်လူတွေရဲ့အမြင်ပြောင်းလာအောင် ရိုးသားပြီး အလုပ်ကြိုးစားတဲ့၊ ပြည်သူလူထုကို အကောင်းဆုံးဝန်ဆောင်မှုပေးတဲ့ ဒု-တပ်ကြပ် ခင်မြင့်မောင်ကို ၂၀၁၁7Day News သူရဲကောင်းဆုချီးမြှင့်ဖို့ ရွေးချယ်ပါတယ်။
အဆိုပါဆုကို ဦးတိုးနိုင်မန်း (ပြည်သူ့လွှတ်တော်ဥပဒေရေးရာနှင့် ထူးခြားဖြစ်စဉ် များ လေ့လာစိစစ်သုံးသပ်ရေးကော်မတီဝင်)က တက်ရောက်ချီးမြှင့်ပေးခဲ့ပြီး ဒုတပ်ကြပ်ခင်မြင့်မောင်ကိုယ်တိုင် လက်ခံရယူခဲ့ပါတယ်။
အသားမဲတဲ့ ဒုတပ်ကြပ်ခင်မြင့်မောင်ကို ကားသမားတွေက ကုလားလေးလို့ခေါ်ကြပါတယ်။ ဖိုးပြုံးချို၊ ချစ်ကောင်း စသဖြင့်လည်း ချစ်စနိုးခေါ်ကြပါသေးတယ်။
ဒီယာဉ်ထိန်းရဲဟာ အရမ်းအလုပ်လုပ်ပါတယ်။ လင့်လမ်းကဖြတ်သန်းသူတိုင်း သတိထားကြည့်ရင် မြင်မှာပါ။ မနက်အစောကြီးဆို သူရောက်နေပြီ။ တာဝန်ချိန်ပြီးအောင်အလုပ်လုပ်တယ်။ မခိုဘူး။ မနားဘူး။ သွက်သွက်လက်လက်နဲ့ ယာဉ်တွေကို လမ်းရှင်းပေးတယ်။ သူအလုပ်လုပ်တာ အ၇မ်းမာန်ပါတယ်။ အမြဲပြုံးနေတယ်။ စည်းကမ်းမဲ့ကားတွေကို ဆဲဆိုကြိမ်းမောင်းတာမလုပ်ဘူး။ ပိုက်ဆံလုံးဝမတောင်းဘူး။ ဒါပေမယ့် လိုင်းကားသမားတွေက သူ့ကို ပိုက်ဆံပစ်ပေးကြတာတွေ့လို့ ကားသမားတော်တော်များများကို ကျနော်တို့မေးကြည့်ပြီးပါပြီ။ သူမတောင်းပါဘူးတဲ့။ ဒီရဲကို ချစ်လို့ ခင်လို့ တမင်ပေးကြတာပါတဲ့။ ကားသမားတိုင်းကို ကိုယ့်ဆွေမျိုးတွေကို ပြုံးရယ်ပြတယ်။ သူ့အလုပ်ကို သူပျော်တဲ့ပုံပေါက်တယ်။ မယုံရင် အဲ့နားကို တစ်ရက်လောက်ဖြတ်ကြည့်ပါ။ သူ့ကို တွေ့ရပါလိမ့်မယ်။ ဒါထက်ပိုမသင်္ကာရင် အဲ့နားမှာ ထိုင်စောင့်ကြည့်နေပါ။
စစ်တွေသား... အသားမည်းမည်းနဲ့ ဖိုးပြုံးချိုကို တွေ့ကြရပါလိမ့်မယ်။
ပွဲလာတက်ခဲ့တဲ့ ဧည့်သည်အားလုံးက သူရတာကို ကျေနပ်ကြပါတယ်။ သူ့ကို သိနေကြပါတယ်။
သူ့ခမျာ.... ဗွီအိုင်ပီဝိုင်းမှာရှေ့ဆုံးကထိုင်ခိုင်းတာကို အပြင်ထွက်ပြီး ငုတ်တုတ်လေး သွားထိုင်နေလို့ မနည်းလိုက်ရှာရတယ်။ လူတွေကို လန့်နေတာလေ။ ကျနော်လည်းရခိုင်ပါပဲလို့ပြောပြီး သူစိတ်အေးအောင် ပြောဆိုခေါ်ယူရတယ်။
