ပြည်သူ့အကျိုးထမ်းရွက်သူပြည်သူများရဲ့လက်ခံသူ

ဒေါ်အောင်ဆန်းစုကြည် နှင့် စမ်းချောင်းမြို့နယ် ဒေသခံများ – Daw Suu visited San Chaung

ဓာတ်ပုံသတင်း
အောက်တိုဘာ ၂၃၊ ၂၀၁၁

စမ်းချောင်းမြို့နယ်အတွင်းမှာပြည်သူများနဲ့ရင်းနှီးစွာ

ယမန်နေ့က NLD ခေါင်းဆောင် ဒေါ်အောင်ဆန်းစုကြည်သည် ရန်ကုန်မြို့ စမ်းချောင်းမြို့နယ်ရှိ ကရင်ရိုးရာ ဂျပ်ခုပ် အထည်လုပ်ငန်း သင်တန်းသို့ သွားရောက်လည်ပတ်ခဲ့သည်။ ထိုသင်တန်းကို NLD က စီစဉ်ခြင်း ဖြစ်သည်။

ဓာတ်ပုံ-AP

ဓာတ်ပုံ-AP

ဓာတ်ပုံ-AP

ဓာတ်ပုံ-NLD

ပြည်တွင်းဖြစ်ကိုအားပေးပါ။(ဖတ်ဖြစ်အောင်ဖတ်၊လုပ်ဖြစ်အောင်လုပ်ပါလို့တိုက်တွန်းပါရစေ)

 ထိုဆောင်းပါးရှင်အယူအဆကိုလက်ခံသည်။မှန်ကန်သင့်တော်သည်ဟု

 မြင်သောကြောင့်အများဖတ်နိုင်ရန်post အဖြစ်ပြန်လည်ဖေါ်ပြလိုက်ပါတယ်။

ထိုသို့သောတရုတ်စားသုံးကုန်၊လူသုံးကုန်များသည်အန္တာရယ်မကင်းကြောင်း

မြန်မာပြည်တခုတည်းကပြောဆိုနေခြင်းမဟုတ်ပါ။

ဂျပန်နိုင်ငံသတင်းဌာနများတွင်နေ့စဉ်တမျိုးမဟုတ်တမျိုးပါကြားသိနေ

ရပါတယ်။

 တရုတ်ပြည်ထုတ်ပစ္စည်းတွေကို မ၀ယ်ဘူး၊ မသုံးဘူးဆိုတဲ့ နေရာကနေ ကျမတော့ စကြည့်လိုက်တော့မယ်

by May Thingyan Hein on Saturday, October 22

by Ah Bayah on Saturday, 22 October 2011 at 21:17

လူမှန်းသိတတ်စအရွယ်ကတည်းက မုန့်လုပ်ငန်းတွေက သီတင်းကျွတ်လကို အများကြီးအားထားပြီး ထုတ်လုပ်ရောင်းချခဲ့တာလည်း မှတ်မိနေခဲ့ပါသေးတယ်။မနေ့တုန်းကတော့ ထူးထူးဆန်းဆန်း ကျမ ခင်ပွန်းသည်ဆီက စကားကြားရတော့ ကျမတော်တော့်ကို စိတ်မကောင်းဖြစ်သွားခဲ့ရတယ်။
 ကျမခင်ပွန်းက ....ဂျုံစက်တာဝန်ခံတယောက်ပါပဲ။ သူ့ဆီကနေ ပြည်တွင်းက မုန့်လုပ်ငန်းတွေ အကြောင်း၊ မုန့်လောကအကြောင်း ကြားရလေ့ရှိပါတယ်။
မနေ့က သူပြောတာကတော့ ဒီနှစ်အတွင်းမှာ ပြည်တွင်းက မုန့်လုပ်ငန်းအချို့ လုပ်ငန်းရပ်ရတဲ့အထိ ပြုတ်သွားတယ်လို့ ပြောပါတယ်။ ဘာကြောင့်လဲလို့ မေးတော့ သူက မျက်နှာပျက်ပျက်နဲ့ ဆက်ပြောပါတယ်။
`တရုတ်ပြည်ထုတ်တဲ့မုန့်တွေက ဈေးပေါပေါနဲ့ ၀င်လာတယ်၊ အဲဒီမုန့်တွေနဲ့အပြိုင်ပြည်တွင်းက မုန့်တွေက လိုက်မရောင်းနိုင်ကြဘူးလေ၊ တရုတ်မုန့်တွေက တထုတ်ကို ကျပ် ၆ရာလောက်နဲ့ ၁ ထောင်လောက်နဲ့ ရောင်းနေတာ၊ တကယ်အံ့သြစရာကောင်းတယ်။ တကယ့်ဂျုံအစစ်နဲ့သာလုပ်တယ်ဆိုရင် ဒီဈေးနဲ့ သူတို့ ဘယ်လိုမှ မရောင်းနိုင်ဘူး၊ ခုလို ဈေးပေါပေါနဲ့ ရောင်းနိုင်တယ်၊ ဒီက ဂျုံ့နဲ့လုပ်တဲ့ မုန့်တွေကတော့ အဲဒီလောက်ဈေးနဲ့ ဘယ်ရောင်းနိုင်မှာလဲ၊ ခုတရုတ်ပြည်ထုတ်ပြီး နယ်စပ်က ၀င်လာတဲ့မုန့်တွေရောင်းနေတဲ့ဈေးနဲ့ဘယ်လိုမှ ချရောင်းလို့မရဘူး အဲဒီတော့ ပြည်တွင်းက လုပ်ရောင်းနေတဲ့ မုန့်တွေ မရောင်းရဘူးလေ၊ ကြာကြာတောင့်မခံနိုင်တဲ့သူကတော့ ပြုတ်ကုန်မှာပဲ`လို့ သူက ပြောပြီး သက်ပြင်းချတယ်။
ဒါ့အပြင် တရုတ်မုန့်တွေက ပါကင်မှာလည်း လှတဲ့အကြောင်း၊ ဈေးကလည်း အံ့သြစရာကောင်းလောက်အောင်ကို သက်သာနေတော့ ၀ယ်တဲ့သူတွေက တရုတ်မုန့်တွေကိုပဲ ၀ယ်သွားကြောင်း သူက ပြောပါတယ်။သူ့စကားကြောင့် ကျမတော်တော်လေး ရင်ခံသွားခဲ့ပါတယ်။
တရုတ်မုန့်တွေရဲ့ အရည်အသွေးကို ကျမကြားဖူး ဖတ်ဖူးထားတာတွေရှိပါတယ်။ တရုတ်ပြည်က နို့မှုန့်တွေမှာ မယ်လမင်းဓါတ်တွေပါနေတာ၊ တရုတ်ပြည်က နို့မှုန့်နဲ့လုပ်တဲ့ မုန့်တွေမှာလ်း မယ်လ်မင်းတွေပါဝင်ပြီး စားတဲ့သူတွေကိုလည်း အန္တရာယ်ဖြစ်စေတာတွေကို သတင်းသမားဖြစ်နေတော့ သိနေမြင်နေကြားနေခဲ့ရတာကိုး။ ဒါ့အပြင်ကျမခင်ပွန်းက အိန္ဒိယက Food Techonology  မှာ မုန့်တွေရဲ့ အရည်အသွေးနဲ့ပတ်သက်ပြီး သင်ကြားခဲ့တဲ့သူပါ။ သူ အိန္ဒိယကနေ ပြန်လာတော့ အစားအသောက်တွေကို စားတိုင်း အန္တရာယ်ကင်းမကင်း အမြဲသတိထားလေ့ရှိပါတယ်။
`ပေါင်မုန့်လို အစားအသောက်နဲ့ဆိုင်တဲ့ မုန့်တွေက ကြာကြာအထားမခံကြပါဘူး၊ မှိုတက်တတ်တယ်။ ပြည်တွင်းက လုပ်ငန်းရှင်တွေက အစားအသောက်ထုတ်လုပ်ရာမှာ နည်းဟောင်းတွေကိုပဲ သုံးကြတာများတယ်။ဓါတုပစ္စည်းတွေကိုလည်း သ်ိတ်မသုံးဘူး၊ အဲဒါကြောင် မုန့်တွေက အမြင်မလှဘူး။ လူကြိုက်နည်းတယ် ဒါပေမဲ့ စားသုံးသူတွေအတွက်တော့ အန္တရာယ်ကင်းတယ်`လို့ သူက ပြောတတ်တယ်။
 စူပါမားကတ်တွေမှာသွားတိုင်းလည်း မုန့်တွေကို သေချာကြည့်ပြီး အမြဲပြောတယ်။ တရုတ်ပြည်က မုန့်တွေကိုတွေ့ရင် သူက ဈေးနှုန်းကိုကြည့်ပြီး ဝေဖန်လေ့ရှိပါတယ်။
 `တရုတ်ပြည်က မုန့်တွေ အမြင်လှအောင်လုပ်တယ်၊ ပါကင်လှအောင်လုပ်ပြီး ရေးချင်တာရေးထားကြတာ တရုတ်စာဆိုတော့ ဘယ်သူကမှလည်း သေချာမဖတ်ကြဘူး၊ ဘယ်လိုထုတ်လုပ်ထားတာလည်း ဘာတွေနဲ့ ထုတ်လုပ်ထားတာလဲ ဆိုတာလည်း ဘယ်သူကမှ မစစ်ဆေးပဲနဲ့ ရောင်းနေကြတာ၊ တရုတ်ပြည်ကလည်း ဒီလဈေးသက်သက်သာသာနဲ့ ရောင်းနိုင်အောင် လုပ်ထားတော့ စဉ်းစားစရာပဲ။`လို့ သူက အမြဲပြောတတ်တယ်။
သူပြောပြချက်တွေကို နားထောင်ရပြီးကတည်းက ကျမ သားသမီးတွေကို တရုတ်ပြည်ကလုပ်တဲ့ မုန့်မကျွေးရဲတော့ပါဘူး။ နွားနို့နဲ့ လုပ်တဲ့ မုန့်တွေတင်မက တခြားတရုတ်ပြည်ထုတ်မုန့်တွေကိုလည်း စိတ်မချရဲတဲ့အတွက် တရုတ်ပြည်ကတင်သွင်းတဲ့ မုန့်တွေ အစားအသောက်တွေ မှန်သမျှ ၀ယ်မကျွေးခဲ့တာပါ။
 ပြည်တွင်းက မုန့်လုပ်ငန်းတွေရဲ့ အကြောင်းကိုလည်း ကျမနည်းနည်းပြောချင်ပါတယ်။ အများကြီးတော့ မသိပါဘူး။ သိထားတဲ့ နည်းနည်းကိုပဲ ပြောချင်တာပါ။ ပြည်တွင်းမှာ တနိုင်တပိုင်အလုပလုပ်နေကြတဲ့ သူတွေ ရှိပါတယ်။ တနိုင်တပိုင်လုပ်တယ်ဆိုကတည်းက ငွေပင်ငွေရင်းကြီးကြီးနဲ့ လုပ်နေကြတာ မဟုတ်ပါဘူး။ စင်ကာပူမှာ၊ မလေးရှားမှာ၊ ထိုင်းမှာ စတဲ့ နိုင်ငံတွေမှာ မိသားစုပစ်ပြီး နှစ်ပေါင်းများစွာ အလုပ်လုပ်ကြပြီး ရလာတဲ့ငွေတွေနဲ့ တနိုင်တပိုင် လုပ်ငန်းတွေလုပ်ကြပါတယ်။ အဲဒီလို တနိုင်တပိုင်လုပ်ငန်းငယ်တွေထဲမှာ  မုန့်လုပ်ငန်းလေးတွေ ပါဝင်ကြပါတယ်။သူတို့တွေဟာ လဲကျတိုင်း ထူနိုင်လောက်တဲ့ ငွေကြေးအင်အားမရှိကြပါဘူး။
ခုလို တရုတ်ပြည်က မုန့်တွေက နယ်စပ်တွေကတဆင့် မြန်မာပြည်က ၀ါကျွတ်ချိန်အမီတင်သွင်းလိုက်တဲ့ မုန့်အများစုက ဈေးသက်သာတယ်၊ ပါကင်လှတယ်ဆိုတော့ ပြည်တွင်းက မုန့်တွေရဲ့ ဈေးကွက်ကို လုယူပြီးသားဖြစ်ကုန်တော့တာပါပဲ။ မုန့်လောကတင်မကပါဘူး။ တရုတ်ထုတ်ကုန်တွေနဲ့ မယှဉ်နိုင်တော့လို့ လုပ်ငန်းရက်သွားရတဲ့ ပြည်တွင်း လုပ်ငန်းရှင်တွေအများကြီး ရှိပါတယ်။စီးပွားရေးမှာ လုပ်ငန်းကြီးတွေကြောင့် လုပ်ငန်းငယ်လေးတွေ ပျောက်သွားတာကို ကျမကသာ မတရားဘူးလို့ ခံစားနေတာပါ။ဒါကို စီးပွားရေးပဲလို့ နားလည်ပြီး လုပ်ငန်းငယ်လေးတွေကို အပြုတ်တိုက်နေတဲ့သူတွေလည်း ရှိတာပါပဲ။
တရုတ်ပြည်အတွက် မြန်မာပြည်က ဘာလဲ။တရုတ်ပစ္စည်း အစုတ်ပလုတ်တွေကို ရောင်းချဖို့ ဈေးကွက်ကြီလားလို့လည်း ကျမ မကြာခဏတွေးမိပါတယ်။  တရုတ်ပြည်မကြီးမှာ မြန်မာပြည်ကိုတင်သွင်းဖို့ လုပ်တဲ့ ပစ္စည်းတွေက သီးသန့်ရှိတယ်။ ထိုင်းနိုင်ငံကို တင်သွင်းနေတဲ့ ပစ္စည်းနဲ့တောင် အရည်အသွေးမတူပါဘူး။ ဈေးပေါတဲ့ အရည်အသွေးညံ့တာတွေကိုပဲ တရုတ်ပြည်က မြန်မာပြည်ကို တင်သွင်းနေကြတာလို့လည်း ပြောဆိုသံတွေ ကြားခဲ့ရဖုးပါတယ်။
`ဗမာတွေက ဈေးပေါမှ ကိုက်တယ်၊ ဈေးပေါပေါနဲ့ ရောင်းလို့ရအောင် ထုတ်ထားတယ်၊ ဗမာပြည်အတွက် သေချာထုတ်ထားတာ`ဆိုတဲ့ တရုတ်ပြည်မကြီးက ကုန်သည်ကြီးတယောက်ရဲ့ စကားဟာ အဓိပ္ပါယ်တွေ အများကြီး ရှိပါတယ်။
 အဲဒါကိုပဲ ကျမတို့တွေက ဈေးပေါလှချည်ရဲ့ ဆိုပြီး တရုတ်ပစ္စည်းတွေကို ၀ယ်သုံးလာကြတာ ဘယ်လောက်ကြာနေပြီလဲ။ ခုလည်း တရုတ်ပြည်က တရားမ၀င်ရော၊ တရားဝင်ပါ အစစ်ဆေးမရှိ တင်သွင်းလာတဲ့ စားသုံးသူအတွက် အန္တရာယ်မကင်းတဲ့ ဈေးပေါပေါမုန့်၊ အစားအသောက်တွေနဲ့ ဆေးဝါးတွေကြောင့် မြန်မာပြည်သူပြည်ပြည်သား ဘယ်နှစ်ဦးလောက် ကင်ဆာ ဖြစ်ခဲ့ရသလဲ၊ ဖြစ်နေကြပြီလဲ။
ပြီးတော့ ဈေးပေါတဲ့ပေါချောင်ကောင်းရောင်းပြီးတိုက်ခိုက်နေတဲ့အတွက် ပြည်တွင်းက လုပ်ငန်းရှင်ဘယ်လောက် ထိခိုက်ခဲ့ကြသလဲ။ ကျမ ရင်ထဲမှာ မေးခွန်းတွေချည်းပါပဲ။
တရုတ်ပြည်ဖြစ် ဈေးပေါပေါတွေဟာ မြန်မာပြည်အတွက် ဈေးကွက်ဖြစ်လာတာလည်း ကျမတို့ဆီက စီးပွားရေးလုပ်ငန်းရှင်တွေ ကိုယ်ခံအားမကောင်းတော့တာလည်း ပါပါတယ်၊အထူးသဖြင့် အစိုးရမှာတော့ပိုပြီး တာဝန်ရှိတယ်လို့လည်း မြင်မိပါတယ်။
ကိုယ့်ပြည်သူတွေ သုံးစွဲမဲ့ပစ္စည်းတွေ အစားအသောက်တွေကို သေချာစစ်ဆေးပြီး အရည်အသွေးစစ်ဆေးမှုတွေ လုပ်ပြီးမှ ပြည်တွင်းကို တင်သွင်းခွင့်ပြုခဲ့သင့်တယ် မဟုတ်လား။ စစ်ဆေးမှုတွေ ပြုလုပ်ခဲ့တာလည်း ရှိချင်ရှိခဲ့မှာပါ။ဈေးကွက်ထဲအထိ ရှောင်တခင် ၀င်ရောက် စစ်ဆေးတာမျိုးတွေ လုပ်သင့်တယ်လို့လည်း မြင်မိပါတယ်။
နောက်တခု ပြောချင်တာက တရုတ်ပြည်အတွက် တရုတ်အစိုးရအတွက် ကိုယ့်ပြည်ကိုယ်ရောင်းစားနေတဲ့သူတွေရှိနေတဲ့ကိစ္စပါ။ ကျမရဲ့ပါပါ(ဦးထွန်းထွန်းဟိန်)ဟာ ယခုရှမ်းပြည်နယ်မြောက်ပိုင်း ကျောက်မဲမြို့မှာ နေပြီး မေမေပင်စင်ယူရင်နေဖို့ အိမ်လေးတလုံးဆောက်နေပါတယ်။ မကြာသေးခင်ရက်မှာ ရန်ကုန်ကိုပြန်လာတော့ ပါပါက ပြောပါတယ်။
`တရုတ်ပြည်အတွက် ဓါတ်ငွေ့ပိုက်လိုင်းဖြတ်ဖို့ လုပ်နေတော့ ရှမ်းပြည်နယ်မြောက်ပိုင်း ကျောက်မဲခရိုင်ထဲကနေ ဖြတ်ရမဲ့ မြေတွေရှိတယ်၊ အဲဒီမြေတွေအတွက် လျောကြေးဆိုပြီး လုပ်တဲ့နေရာမှာ တရုတ်ကလူတွေက ကျောက်မဲသားနယ်သားတွေကိုပဲ ပိုက်ဆံပေးပြီးစာရင်းကောက်ခိုင်းတယ်၊ ပိုက်ဆံပေးဖို့ တွက်ခိုင်းတယ်၊ အဲဒီမှာ တရုတ်တွေအားရအောင် တရုတ်တွေဆီကနေ မျက်နှာရအောင်ဆိုပြီးတော့ လုပ်နေကြတဲ့ တရုပ်လက်ပါးစေတွေရဲ့လုပ်ရပ်များ သိပ်ရင်နာဖို့ ကောင်းတယ်၊တရုတ်ပိုက်ဆံယူထားတဲ့ လူတွေက ကိုယ့်ဒေသခံတွေကို ပြောတယ်။` မြေအောက်ကနေ ဖြတ်မဲ့ ပိုက်လိုင်းအတွက် ခင်ဗျားတို့ကို ပိုက်ဆံပေးတာပဲ ကျေနပ်လိုက်ကြ၊ ဘယ်အစိုးရကမှ ပေးခဲ့တာ မဟုတ်ဘူး၊ ခုမှ ပေးတာ မပေးလဲ ဘာမှ မဖြစ်ဘူးလို့ ပြောဆိုပြီး မြေတွေကို စာရင်းကောက်နေကြတယ်၊ တရုတ်တွေ သက်သာအောင်ငွေတွေကို လျော့တွက်ပေးကြတယ် ``တဲ့။
 တရုတ်ပြည်အတွက် ဓါတ်ငွေ့ပိုက်လိုင်း ကိစ္စကိုလည်း စဉ်စားရေးသားကြရတော့မယ်လို့လည်းမြင်လာမိတယ်။လောလောဆယ်မှာတော့ ရှမ်းပြည်နယ်မြောက်ပိုင်းက မြေအောက်ကနေ ဖြတ်သွားဖို့အတွက် ပိုက်လိုင်းတွေတောင် ချထားပြီး မြေတွေတောင် တွက်ထားပြီးပါပြီတဲ့။ ဒေသခံအချို့ကလည်း မအူမလည်နဲ့ အသုံးချခံတွေ ဖြစ်သွားကြပြီးပုံရပါတယ်။
ဧရာဝတီမြစ်ဆုံကိစ္စလိုပဲ ရခိုင်ပြည်ကနေ တရုတ်ပြည်ကို သွယ်တန်းတဲ့ ဓါတ်ငွေ့ပိုက်လိုင်းကိစ္စဟာလည်း အရေးကြီးလှတယ်ဆိုတာကို အသိဝင်လာစေပါတယ်။
 တရုတ်ပြည်ရဲ့ စီးပွားရေး၊ လူမှုရေး၊ နိုင်ငံရေးတွေရဲ့ လွှမ်းမိုးမှုအောက်ကနေ အလွတ်ရုန်းနိုင်ဖို့အတွက် ကျမအနေနဲ့ကတော့ တရုတ်ပြည်ထုတ် ပစ္စည်းတွေကို မ၀ယ်ဘူး၊ မသုံးဘူး၊ ကြော်ငြာမပေးဘူး ဆိုတဲ့နေရာကနေ စကြည့်လိုက်ပါတော့မယ်။
  ကျမအနေနဲ့  ပြည်တွင်းဖြစ်တွေကိုပဲ အားထားပြီး သုံးကြည့်ပါမယ်။  နိုင်ငံခြားဖြစ်ကို မသုံးလို့ မဖြစ်တဲ့အခါမှပဲ သုံးပါမယ်။ ပြည်တွင်းမှာ တနိုင်တပိုင်ရပ်တည်နေကြတဲ့ စီးပွားရေးလုပ်ငန်းရှင်လေးတွေ ရှိပါတယ်။ ပြည်တွင်းက စီးပွားရေလုပ်ငန်းရှင်ကြီးတွေနဲ့ မတူတဲ့ လုပ်ငန်းရှင်တွေပါ။
 သူတို့တွေထုတ်လုပ်နေတဲ့ ပစ္စည်းတွေနဲ့ တရုတ်ပြည်က ပစ္စည်းတွေ ယှဉ်ပြီး ရောင်းနေတာတွေ့ရလို့ ၀ယ်မယ်ဆိုရင် ကျမကတော့ ပြည်တွင်းဖြစ်ကိုပဲ ၀ယ်ပါမယ်။ တရုတ်ပြည်က တင်သွင်းလိုက်တဲ့ တရုတ်ပိတ်စတွေနဲ့ မြန်မာပြည်ကနေ ထုတ်နေတဲ့ ပိတ်စယှဉ်ပြီး ၀ယ်ရမယ်ဆိုရင် ပြည်တွင်းဖြစ်အမှတ်တံဆိပ်တွေ ကိုပဲ အားပေးမယ်လို့ ဆုံးဖြတ်ထားပါတယ်။
မိတ်ဆွေများအားလုံးကို ခင်မင်လေးစားတဲ့
မိတ်ဆွေများရဲ့
 မေသင်္ကြန်ဟိန်(မြစ်မခ)

ပြည်သူ့လွှတ်တော်ဒုတိယပုံမှန်အစည်းအဝေးအဖွင့်မိန့်ခွန်းတွင်

ဒေါ်အောင်ဆန်းစုကြည်အား ပြည်သူများမှ ရွေးချယ်ပေးသည့် အချိန်တွင်လွှတ်တော်မှလက်ခံသွားမည်ဟု ပြည်သူ့လွှတ်တော်ဥက္ကဋ္ဌ ထည့်သွင်းပြောကြား

Sunday, 23 October 2011 13:55

ပြည်သူ့လွှတ်တော် အစည်းအဝေး ကျင်းပစဉ် ဒေါ်အောင်ဆန်းစုကြည် အား ပြည်သူများမှ ရွေးချယ်ပေးသည့် အချိန်တွင် လွှတ်တော်မှ လက်ခံသွားမည်ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက အောက်တိုဘာလ ၂၀ ရက်နေ့တွင်ပြုလုပ်သည့် ပထမအကြိမ် ပြည်သူ့လွှတ်တော် ဒုတိယပုံမှန် အစည်းအဝေး အဖွင့် မိန့်ခွန်းတွင် ထည့်သွင်းပြောကြားခဲ့သည်။ နော်ဝေ မီဒီယာများ၏ မေးမြန်းချက်များကို ပြန်လည်ဖြေကြားရာတွင် ထည့်သွင်းဖြေကြားခဲ့ခြင်း ဖြစ်ကြောင်းလည်း ပြောကြားချက် အရ သိရှိရသည်။ “ပြီးခဲ့တဲ့ နော်ဝေးနိုင်ငံ ဒုတိယ နိုင်ငံခြားရေး ၀န်ကြီးလာစဉ်က သူတို့ အတူပါလာတဲ့ မီဒီယာကရုတ်တရက် မိမိထံမေးမြန်းခွင့် တောင်းဆိုပါတယ်။ သူမေးတဲ့မေးခွန်းများကို ပြန်ဖြေ ကြားပေးခဲ့တာ မိမိနဲ့ အစည်းအဝေး မှာ တက်ရောက်ခဲ့တဲ့ လွှတ်တော် ကိုယ်စားလှယ်များ ကြားသိပြီးဖြစ်ပါတယ်။ သူမေးတဲ့မေးခွန်း ငါးခုက လွှတ်တော်သက်တမ်း ခြောက်လ ကာလအတွင်း ဘာတွေများ ဆောင်ရွက်နိုင်သလဲ၊ အဲဒီအထဲက ဘာကို အကြိုက်ဆုံးလည်းလို့ မေးပါတယ်။ မိမိတို့လွှတ်တော်အတွင်းမှာ တက်ရောက်လာကြတဲ့၊ ပါဝင်လာကြတဲ့ လွှတ်တော် ကိုယ်စားလှယ်များဟာ ပါတီစွဲ၊ ၀ါဒစွဲ၊ ဒေသစွဲ၊ လူမျိုးစွဲ၊ အယူဝါဒစွဲများ မထားရှိကြဘဲ အားလုံးဟာ နိုင်ငံတော်နဲ့ နိုင်ငံသား များ၊ အများပြည်သူများအတွက် ဆောင်ရွက်မယ်ဆိုတဲ့ ဆန္ဒတူများ ချမှတ်နိုင်တဲ့အတွက် လွှတ်တော် သက်တမ်း ခြောက်လကာလမှာ အအောင်မြင်ဆုံးလို့ ဖြေခဲ့ပါတယ်။ နောက်မေးခွန်းတစ်ခုက ဒီနေ့လွှတ်တော်ကျင်းပပုံများကို သတင်းမီဒီယာများမှာ ဖော်ပြနေပါတယ်။ သတင်းမီဒီယာများ လာရောက်လေ့လာတဲ့နေရာမှာ အစိုးရမီဒီယာ တစ်ခုထဲပဲလားလို့ မေးပါတယ်။ မဟုတ်ဘူး အခြားပုဂ္ဂလိကမီဒီယာများ ပါသလို နိုင်ငံခြားမီဒီယာများလည်း ပါပါတယ်။ ဘယ်နိုင်ငံတွေ က မီဒီယာတွေ ပါတယ်ဆိုတာ ဖြေကြားခဲ့ပါတယ်။ နောက်တစ်ခုက ဒေါ်စုကြည်နဲ့ ပတ်သက်ပြီး လွှတ်တော်က လက်ခံနိုင်ပါသလားလို့ မေးပါတယ်။ တိုတိုပဲ ဖြေပါတယ်။ လက်ခံနိုင်ပါတယ်လို့ ဖြေခဲ့ပါတယ်။ ထပ်ဆင့်မေးတာက ဘယ်အချိန်၊ ဘယ်အခြေအနေတွေမှာ လက်ခံနိုင်ပါသလဲလို့ မေးပါတယ်။ အဖြေက တော့ သက်ဆိုင်ရာ ပြည်သူများက သူ့ကိုရွေးချယ်ပေးတဲ့အချိန်မှာ လွှတ်တော်က လက်ခံနိုင်ပါတယ် လို့ဖြေခဲ့ပါတယ်။ နောက်ဆုံး မေးခွန်းတစ်ခုက နိုင်ငံရေးအကျဉ်းသားများ ဘယ်တော့ လွှတ်ပေးမလဲလို့ မေးပါတယ်။ မိမိဖြေလိုက်တာက အကျဉ်းသားများ၊ နိုင်ငံရေးအကျဉ်း သားရယ်လို့မဟုတ်ဘူး။ အကျဉ်း သားများ မကြာမီ လွှတ်ပေးမယ်လို့ ဖြေပါတယ်။ ဖြေတဲ့အခါ ရယ်ပါတယ်။ ရယ်ပြီးတဲ့အခါမှာ မကြာခင်ဆိုတာ ဘယ်တော့လဲလို့ မေးတဲ့အတွက် ရက်ပိုင်းအတွင်း လွှတ်ပေးနိုင်တယ်လို့ ဖြေခဲ့ပါတယ်။ ဒီအဖြေတွေပေါ် မူတည်ပြီး မီဒီယာများနဲ့ သက်ဆိုင်ရာ နိုင်ငံခြား တိုင်းပြည်များက ကြိုက်သည်ဖြစ်စေ၊ မကြိုက်သည် ဖြစ်စေ မိမိတို့လွှတ်တော်ရဲ့ သဘော ထားနဲ့ လွှတ်တော်ရဲ့အခြေအနေကို ဒီလိုပဲဖြေကြားခဲ့ပါတယ်”ဟု ပြည်သူ့ လွှတ်တော်ဥက္ကဋ္ဌ သူရဦးရွှေမန်းက အောက်တိုဘာလ ၂၀ ရက်နေ့တွင် ပြုလုပ်သည့် ပထမအကြိမ် ပြည်သူ့လွှတ်တော် ဒုတိယပုံမှန် အစည်းအဝေး အဖွင့်မိန့်ခွန်းတွင် ပြောကြားခဲ့သည်။

မုတ္တမပင်လယ်အော်မှလက်ခုတ်ကုန်းအနီးဓါတ်ငွေ့သိုက်ထပ်တွေ့

ကုန်းပိုင်းလုပ်ကွက် ၁၈ ကွက်တွင် ရေနံနှင့် သဘာဝဓာတ်ငွေ့ ရှာဖွေမှုများ ပြုလုပ်သွားမည် မုတ္တမပင်လယ်အော်ရှိ လက်ခုပ်ကုန်း ကမ်းခြေအနီးတွင် ဓာတ်ငွေ့သိုက်တစ်ခု ထပ်မံတွေ့ရှိ

Sunday, 23 October 2011 14:17

မြန်မာ-တရုတ် ရေနံစိမ်းပိုက်လိုင်းနှင့် သဘာဝဓာတ်ငွေ့ပိုက်လိုင်း စီမံကိန်း၏ အစိတ်အပိုင်း တစ်ခုဖြစ်သည့် မြစ်ငယ်မြစ်ဖြတ်ပိုက်လိုင်း တံတားတည်ဆောက်မှု လုပ်ငန်းခွင်ကို ၂၀၁၁ ခုနှစ် ဇူလိုင်လက တွေ့ရစဉ်။ ပြည်တွင်း အသုံးပြုရန်အတွက် ကုန်းတွင်းပိုင်းလုပ် ၁၈ ကွက် တွင် ရေနံနှင့် သဘာဝဓါတ်ငွေ့ ရှာဖွေမှုများ ပြုလုပ်သွားမည် ဖြစ်ပြီး လက်ရှိအချိန်တွင် ရန်ကုန်မြို့နှင့် အနီးဆုံးဖြစ်သည့် မုတ္တမ ပင်လယ်အော် လက်ခုပ်ကုန်းကမ်းခြေ လုပ်ကွက်တွင် သဘာဝဓါတ်ငွေ့ အမြောက်အများ ထွက်ရှိနိုင်မည့် သဘာဝဓါတ်ငွေ့သိုက် တစ်ခုကို ထပ်မံတွေ့ရှိထားကြောင်း စွမ်းအင်ဝန်ကြီးဌာန ပြည် ထောင်စုဝန်ကြီး ဦးသန်းဌေးက ပထမအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ၃၆ ရက် မြောက်နေ့တွင် လွှတ်တော် ကိုယ်စားလှယ်တစ်ဦး၏ မေးမြန်းချက်ကို ပြန်လည်ဖြေကြားရာ၌ ထည့်သွင်း ပြောကြားသွားခဲ့သည်။ မလှိုင်မြို့နယ် မဲဆန္ဒနယ်မှ ဦးအေးမောက်၏ ကုန်းတွင်းသဘာဝ ဓါတ်ငွေ့သာမကပဲ ကမ်းလွန် သဘာဝဓါတ်ငွေ့များကို ပြည်ပသို့ ရောင်းချမည့်အစား ပြည်တွင်း၌ ဦးစားပေး ရောင်းချရန် အစီစဉ်ရှိ မရှိ မေးခွန်း ကို ပြန်လည်ဖြေကြားသွားခဲ့ခြင်း ဖြစ်သည်။ “ဒီကနေ့ နိုင်ငံတော်ကနေ ကမ်းလွန်သဘာဝဓါတ်ငွေ့ အများအပြားကို နိုင်ငံခြားကို ထုတ်ရောင်းနေရပါ တယ်။ ၀င်ငွေအများဆုံးကိုလည်း ဒီကနေ ရှာပေးနေတာ ဖြစ်ပါတယ်။ ၁၉၈၁ခုနှစ်မှာ ရတနာသဘာဝ ဓါတ်ငွေ့မြေကို MOGE က ရှာဖွေတွေ့ရှိ ခဲ့ပေမယ့် နည်းပညာ အားနည်းမှုတွေကြောင့် ထုတ်ယူသုံးစွဲနိုင်ခြင်း မရှိတဲ့အတွက် နိုင်ငံတကာနဲ့ ပူးပေါင်း ဆောင်ရွက်မှုတွေ ပြုလုပ်ခဲ့ကြရပါတယ်။ အရင်ကလုပ်ခဲ့တဲ့ ကမ်းလွန် သဘာဝဓါတ်ငွေ့ စီမံကိန်း တော်တော်များများကိုလည်း အကြောင်းကြောင်းကြောင့် ပြည်ပထုတ်ရောင်းဖို့ ဆုံးဖြတ်ပြီး လုပ်ခဲ့ရတာဖြစ်ပါတယ်။ အခုကျွန်တော်တို့ အစိုးရသစ်လက်ထက်မှာ ထပ်တွေ့ထားတဲ့ သဘာဝမြေ အသစ်တစ်ခုရှိပါတယ်။ ရန်ကုန်မြို့နဲ့ အနီးဆုံးဖြစ်တဲ့ မုတ္တမပင်လယ်အော် လက်ခုပ်ကုန်း ကမ်းခြေအလွန် က လုပ်ကွက်မှာ သဘာဝဓါတ်ငွေ့ အမြောက်အများ တွေ့ရှိထားပါတယ်။ ထိုင်းနိုင်ငံ PTTEP နဲ့ ပူးပေါင်း ရှာတွေ့ထားတာ ဖြစ်ပါတယ်။ ဒါပေမဲ့ ဒီတစ်ကြိမ်မှာတော့ တို့ပဲသုံးတော့မယ်။ ဘယ်ကိုမှ မရောင်းဘူးဆိုတာ သူတို့ကို ပြောပြထားပါတယ်။ ဒါ အပြင် ကုန်းတွင်းပိုင်းလုပ်ကွက် ၁၈ ကွက်မှာလည်း ရေနံနဲ့သဘာဝဓါတ်ငွေ့ ထုတ်လုပ်ခြင်းလုပ်ငန်းတွေ ဆောင်ရွက်နိုင်ဖို့ စီစဉ်လျက်ရှိပါတယ်။ အဲဒီလုပ်ကွက်တွေကနေ သဘာဝဓါတ်ငွေ့တွေ ထပ်မံထုတ်လုပ် လာနိုင်ရင်လည်း ပြည်တွင်းကို ဦးစားပေးဖြန့်ဝေသွားမှာ ဖြစ်ပါတယ်” ဟု ပြန်လည်ဖြေကြားသွားခဲ့သည်။ လတ်တလော အခြေအနေတွင် ပြည်တွင်း သဘာဝဓါတ်ငွေ့တစ်ရက် လိုအပ်ချက်ပမာဏမှာ ၅၇၂ ကုဗပေ သန်းခန့်ရှိပြီး စွမ်းအင်ဝန်ကြီးဌာနမှ သဘာဝဓါတ်ငွေ့ တစ်ရက်လျင် ၂၄၀ ကုဗပေသန်းခန့်သာ ဖြန့်ဖြူးပေးနိုင်သဖြင့် လိုအပ်ချက်၏ ၄၂ ရာခိုင်နှုန်းသာ ဖြန့်ဖြူးပေးနိုင်ကြောင်း သိရှိရ သည်။ ကုန်းတွင်းသဘာဝဓါတ်ငွေ့ များမှ သဘာဝဓါတ်ငွေ့ ကုဗပေသန်း ၇၀ ခန့်ဖြင့် ပြည်တွင်းသုံးစွဲရန် မလုံလောက်သဖြင့် ရတနာသဘာဝဓါတ် ငွေ့စီမံကိန်းမှ သဘာဝဓါတ်ငွေ့ကုဗ ပေသန်း ၂၀၀ ကို ရယူဖြန့်ဝေလျက် ရှိကြောင်း ၂၀၁၃ခုနှစ်တွင် ပြည်တွင်းသုံးစွဲရန်အတွက် သဘာဝဓါတ်ငွေ့ ကုဗပေသန်း ၁၆၀ ကို ကမ်းလွန်သဘာဝဓါတ်ငွေ့စီမံကိန်းများ ဖြစ်သော ရွှေစီမံကိန်းနှင့် ဇောတိက စီမံကိန်းများမှ ထပ်မံရယူမည်ဖြစ် ပြီး အဆိုပါအချိန်တွင် စုစုပေါင်း သ ဘာဝဓါတ်ငွေ့ကုဗပေသန်း ၄၃၀ ခန့်နှင့် မုတ္တမကမ်းလွန်လုပ်ကွက် M3မှ ထွက်ရှိလာသည့် ဓါတ်ငွေ့အားလုံးကို နိုင်ငံပိုင်နှင့် ပုဂ္ဂလိကပိုင် စက်မှုလုပ်ငန်းများတွင် တိုးမြှင့်ဖြန့်ဖြူးပေးမည် ဖြစ်ကြောင်း သိရှိရသည်။

တာဝန်ရှိသူကြီးရယ်အပြောလေးနဲနဲလျှော့လက်တွေ့ကျကျလုပ်ပြပါ။

ရန်ကုန်မြစ်ကို ဖြတ်၍ ရန်ကုန်- ဒလဆက်သွယ်သည့် ကောင်းကင်တံတား တစ်ခု(သို့မဟုတ်) ရေအောက်ဥမင် လိုဏ်ခေါင်းတစ်ခု တည်ဆောက်ရန် ကိုရီးယားကုမ္ပဏီတစ်ခု လာရောက်ဆွေးနွေး

Sunday, 23 October 2011 11:16(အလဲဗင်းသတင်း)

ရန်ကုန်မြစ်ကိုဖြတ်၍ ရန်ကုန် -ဒလဆက်သွယ်သည့်  ကောင်းကင်တံတား (Sky Bridge)  (သို့မဟုတ်) ရေအောက်ဥမင် လိုဏ်ခေါင်းတစ်ခု တည်ဆောက်ရန် စိတ်ဝင်စားသည်ဟု ကိုရီးယားကုမ္ပဏီ တစ်ခုက ရန်ကုန် မြို့တော် စည်ပင်သာယာရေး ကော်မတီ နှင့် လာရောက် ဆွေးနွေးမှုပြုလုပ်ခဲ့ကြောင်း သတင်းရရှိသည်။ ကိုရီးယား ကုမ္ပဏီတစ်ခုက အထက်ပါ ပုံစံနှစ်ခုထဲမှ တစ်ခုကို တည်ဆောက်ချင်သည်ဟု အောက်တိုဘာလ ဒုတိယပတ်အတွင်းက လာရောက် ဆွေးနွေးခဲ့ခြင်းဖြစ်ပြီး ကုမ္ပဏီ အနေဖြင့် ပြုလုပ်မည့် မြေနေရာများကို ကွင်းဆင်းစစ်ဆေး ကြည့်ရှုခဲ့ပြီးဖြစ်ကြောင်း သိရှိရသည်။ “ကိုရီးယားကုမ္ပဏီကတော့ သူတို့က ဒီကအခြေအနေကို လေ့လာပြီး ကားသွားလို့ရတဲ့ ကောင်းကင် တံတား ဒါမှမဟုတ် ရေအောက်ဥမင် လှိုဏ်ခေါင်းလုပ်ပြီး သမ္ဗာန်တွေ သွားလို့ရအောင် လုပ်ချင်တယ်လို့ ပြောသွားပါတယ်။ သူတို့ကလုပ်ချင်တယ်လို့ပဲ ပြောသေးတာပါ။ အတိအကျ လုပ်မယ်လို့တော့ မပြောသေး ပါဘူး။ မြေနေရာကိုတော့ သူတို့ ကွင်းဆင်းကြည့်ပြီးပါပြီ။ ဒါကသူတို့ ဘက်က လုပ်ခဲ့တဲ့ အပိုင်းပေါ့။ စည်ပင်ဘက်ကတော့ ဒီလိုလုပ်မယ့် အစီအစဉ်ကို သူတို့နဲ့အတိအကျ ပြန်ဆွေးနွေး သွားရဦးမှာပါ။ လုပ်တာတော့ လုပ်လို့ ရပါတယ်။ ဒါပေမယ့် ဟိုဘက်က ခိုင်မာလားဆိုတာကိုတော့ ပြန်စိစစ်ရဦးမှာပါ”ဟု ရန်ကုန် မြို့တော် စည်ပင်သာယာရေး ကော်မတီ၊ လမ်းနှင့်တံတားဌာနမှ တာဝန်ရှိသူတစ်ဦးက ပြောပြခဲ့သည်။ ရန်ကုန်မြစ်ကိုဖြတ်၍ ရန်ကုန်-ဒလ ဆက်သွယ်သည့် ကောင်းကင်တံတား (Sky Bridge) တည်ဆောက်ရန်အတွက် တံတား၏ချဉ်းကပ်လမ်းများ ပြုလုပ်ရန်နေရာ အကျယ်အ၀န်း များများ ယူရမည်ဖြစ်ကြောင်း၊ အမှန်တကယ် တည်ဆောက်ဖြစ်လျှင်လည်း မြို့တွင်းဧရိယာများ အတွင်းရှိ အထပ်မြင့် အဆောက်အအုံများအား လွတ်ကင်းအောင် တည်ဆောက်ရမည့် အခြေအနေရှိနေကြောင်း သိရသည်။ ရေအောက်ဥမင်လိုဏ်ခေါင်း တည်ဆောက်ရန် အတွက်မူ လေ၀င်လေထွက်နှင့် လျှပ်စစ်မီး ၂၄ နာရီရရှိရန် လိုအပ်ကြောင်း၊ လိုဏ်ခေါင်းအတွင်း သွားလာသည့်အချိန်တွင် အရေးပေါ် အခြေအနေများ ရှိလာသည့်အခါ မည်သို့လုပ်မည်နည်း စသော အချက်အလက်များကို ထည့်သွင်း ဆုံးဖြတ်ရမည်ဖြစ်ပြီး လုံခြုံရေးပိုင်းဆိုင်ရာ များကိုလည်း ထည့်သွင်းရမည် ဖြစ်ကြောင်း သိရှိရသည်။ “ဒလဘက်ကမ်းကို အခုထက် ပိုပြီး ဖွံ့ဖြိုးစေချင်တဲ့အတွက် ဒီလိုလုပ်ဖို့ ဆွေးနွေးသွားတာပါ။ အဲဒီ အတွက်လည်း MoU ထိုးရဦးမှာပါ။ နည်းနည်းတော့ ကြာဦးမှာပါ။ တကယ် လုပ်ဖြစ်မယ်ဆိုရင်လည်း ကောင်းကင်တံတား ဆောက်ဖို့ကတော့ နည်းပညာ နည်းနည်းပိုမြင့်တယ်။ ဥမင်လိုဏ်ခေါင်းကတော့ အရင်ကတည်းက မြန်မာနိုင်ငံမှာ တည်ဆောက်ဖူးခဲ့ပြီဆိုတော့ အခက်အခဲတော့ အများကြီး မရှိပါဘူး”ဟု အဆိုပါ တာဝန်ရှိသူက ဆက်လက်ပြောပြခဲ့သည်။ ယခင်ကလည်း ရန်ကုန်မြို့ရှိ လမ်းမတော်၊ ကိုင်းတန်း၊ ဗားကရာ စသည့် ကမ်းနားများနှင့် ဒလဘက်ခြမ်း ကိုဆက်သွယ်ရန် ကောင်းကင်တံတားများ ထိုးမည့်အစီအစဉ်ကို ဆွေးနွေးခဲ့ ဖူးသော်လည်း အဆင်မပြေခဲ့ကြောင်း သိရှိရသည်။ တာဝန်ရှိသူများလုပ်ကိုင်ချင်တဲ့ရည်ရွယ်ချက်ကကောင်းပါတယ်။လမ်းပန်းဆက်သွယ်ရေးတိုးတက်ကောင်းမွန်လာ ခြင်းအားဖြင့် တိုင်းပြည်လည်းဖွံဖြိုးမှု့တွေပိုမိုမြန်ဆန်လာတာပေါ့။ဒါပေမဲ့ ရမ်းတော့မဖြီးဖြန်းပါနဲ့ ။ယခင်ထဲကမြန်မာနိုင်ငံမှာတည်ဆောက်ခဲ့ဖူးတဲ့ဥမင်လှိုဏ်ခေါင်းအမျိုးအစားနဲ့ အရှည်နဲ့ မြေအနက်ဘယ်လောက်ကိုဖောက်ပြီး၊မြေအမျိုးအစားသိပ်သည်းဆတွေ၊မြေမာကျောမှု့တွေ ၊လုံခြုံမှု့တွေဘယ်လောက်လုပ်ပြီးဆောင်ရွက်ထားတာပါလည်း။ရေအောက်ကိုဖြတ်ဆောက်ထားတာ၊တောင်တွေကို ထွင်းပြီးဥမင်လိုဏ်ခေါင်းတွေ မြန်မာပြည်မှနည်းပညာများနဲ့ယခင်ဘယ်ဒေသတွေမှာ တည်ဆောက်ခဲ့ပါသလည်း။ ကောင်းကင်တံတားဆိုတာမြေအောက်ထက်စာယင်ပိုမြင့်လို့ နည်းပညာပါနဲနဲပိုမြင့်တယ်လို့ပြောတာပါလားတာဝန် ရှိသူကြီးရယ်။သိပ်မအာပါနဲ့ မတတ်ရင်မတတ်ဘူးပြောတာရှက်စရာမဟုတ်ပါဘူး။ပြည်သူတွေကိုမလိမ်ပါနဲ့။ တည်ဆောက်ချင်တာလုပ်ချင်တာကောင်းပါတယ်။ပြည်သူတွေအပေါ်ပွင့်လင်းပါ။ရေအောက်ဥမင်လှိုင်ခေါင်းလုပ်ပြီး သမ္ဗာန် တွေသွားအောင်လုပ်မှာလို့လည်းဆိုထားပါတယ်။ဘယ်လိုလုပ်မှာ တုန်းကမ္ဘာကျော်အောင်လုပ်တော့မလို့လားလို့မေးချင်ပါတယ်။မလုပ်ခင်ဒီဆိုင်းနဲ့ပုံကြမ်းလေးပြည်သူတွေကို ချပြပါအုံးမြင်ဘူးချင်လို့ပါ။ ဥမင်လှိုင်ခေါင်းကားလမ်းကို၊ပင်လယ်ရေအောက်ကိုဖြတ်ပြီးဖေါက်ထားသောကားလမ်းများကို ဂျပန်နိုင်ငံတွင်မိမိသွားဖူးမှတ်တမ်းတင်ထားသောဗီဒီယိုဖိုင်အတိုများမှ ဖြတ်တောက်ဖေါ်ပြလိုက်ပါတယ်။ တာဝန်ရှိသူကြီးယခင်မြန်မာပြည်မှာတည်ဆောက်ဖူးတယ်။အခက်အခဲသ်ိပ်မရှိလှပါဘူးပြောဆိုနေလို့ပါ။(ပြည်သူ့အော်သံ)

မြန်မာပြည်တွင်ခလေးများကို ကာကွယ်စောင့်ရှောက်ပါ

	ရပ်ကွက်အချို့တွင်ကလေးသူငယ်များ ပျောက်ဆုံးနေသည်ဟုသတင်းများထွက်ပေါ်ပြီးနောက် အခြေခံပညာကျောင်းအချို့တွင် ကျောင်းသားကျောင်းသူများကို မိသားစုဝင်များကိုယ်တိုင် ကြိုပို့ပေးရန် ညွှန်ကြားမှုများ ပြုလုပ်လာSunday, 23 October 2011 00:32

ထိုဖြစ်ရပ်သည်အင်မတန်ဝမ်းနည်းစရာ၊ကြောက်စရာကောင်းလှသည်ဟုထင်မြင်သောကြောင့်ပတ်ဝန်းမှ အချိန်မှီတားဆီးပေးဖို့လိုအပ်ပါတယ်။ တိုးတက်ဖွံဖြိုးသောနှင့် တိုးတက်နေသောခေတ်စနစ်နည်းပညာများကိုပိုင်ဆိုင်နေသောတိုင်းပြည်ကြီးများတွင် ခလေးငယ်များကို ဂရုတစိုက်ပြုစုပျိုးထောင်ကြပါတယ်။ အနာဂတ်၏ခလေးငယ်များကိုကာကွယ်စောင့်ရှောက်ကြတယ်။ တွေးခေါ်မျှော်မြင်နိုင်ဘို့၊ ပညာရေးမြင့်မါးလာဘို့တွေ၊ အနာဂတ်တိုင်းပြည်တည်ဆောက်ရေးတွေမှာ ထည်ဝါလာဘို့
ခလေးများကိုပြုစုပျိုးထောင်ရပါတယ်။ လူဘဝအချိန်ဟာ တိုတောင်းတယ်လို့ယူဆလို့ရပါတယ်။ ဒီလိုဘာကြောင့်ပြောရသနည်း မိမိအမြင်ကိုတင်ပြရလျှင် အရွယ်ဥာဏ်ရည်မြင့်မားမှု့အကောင်းဆုံးအချိန်နှင့်လူဘဝသက်တမ်းတခုတွင်လေ့လာစရာ ၊လုပ်ကိုင်စရာများ၊ဖန်တီး ကြံဆမှု့များသည် တကယ်တမ်းလုပ်ဆောင်နေသူတဦးအတွက်အချိန်သည် အင်မတန်မြန်ဆန်လှသည် ဟုဆိုလိုခြင်းပင်ဖြစ်ပါတယ်။ ဥပမာ။ပူပူနွေးနွေးလေးပြောရယင် apple ရဲ့ pSteveJobsApple Co-Founder Steve Jobs DEAD AT 56 Steve Jobs -- the mega-genius who co-founded Apple Inc. -- has died ... reps for the company have confirmed. စတီးဂျော့ဟာ သူရဲ့အောင်မြင်မှု့လုပ်ငန်းတွေမပြီးဆုံးခင်သူ့အသက် ၅၆နှစ်မှာ လောကကိုစွန့်ခွာသွားရပါတယ်။ မူလစကားပြန်ဆက်ရလျှင် ခလေးငယ်များငယ်ရွယ်စဉ် အတွေးနုနယ်နေစဉ် ပတ်ဝန်းကျင်အဖြစ်ဆိုးများကိုရင်ဆိုင်ရ၊ကြောက်စရာလို့ကြားနေရတဲ့သတင်းဆိုးတွေကြောင့်ခလေးများရဲ့စိတ်ဟာ ငယ်စဉ်ကပင် ပတ်ဝန်းကျင်မှ ကြောက်စရာလွှမ်းမိုးမှု့များကိုရင်ဆိုင်နေရပါတယ်။အဖေါ်မပါရင်မသွားရဲမလာရဲ၊ လုပ်ကိုင်ရမည့်ကိစ္စများကိုမလုပ်ရဲမကိုင်ရဲ တဲ့စိတ်များလွှမ်းမိုးလာမှာဖြစ်ပါတယ်။အာရှတိုက်ထဲနေဂျပန်နိုင်ငံရှိခလေးများ ဟာ စကားပြောတတ်စကပင်ပတ်ဝန်းကျုင်ကိုထိတွေ့နေရတဲ့အလေ့အကျင့်ကိုစရယူနေရပါတယ်။မိဘများအလုပ်အကိုင်များ မအားလပ်မှု့ကြောင့် နေ့စဉ်နေ့တိုင်းခလေးထိမ်းကျောင်းများမှ ဆရာမများ၊ဘဝတူခလေးငယ်များစတင်တွေ့ဆုံပြီး၊ ကျောင်းတက်ရန်အရွယ် ၅နှစ်သားလောက်ကနေ အိမ်မှကျောင်းကို မိမိဘာသာရထားပဲစီးစီး၊ကားပဲစီးစီး သွားလာနေပြီဖြစ်ပါတယ်။ပတ်ဝန်းကျင်မှလည်းခလေးများပြောဆိုသောစကားသံကိုဂရုတစိုက်အသိအမှတ်ပြု နားထောင်ပေးပါတယ်။ ခလေးများကိုလူရာသွင်းဦးစားပေးပါတယ်။ သူ့ နိုင်ငံသားများကရော၊နိုင်ငံ့ဥပဒေကပါကာကွယ်စောင့်ရှောက်မှု့တွေ့လုပ်ထားပါတယ်။ဒါဟာသူတို့တိုင်းပြည် ရဲ့နောက်နှစ်နှစ်ဆယ်ကိုကြိုတင်ပြင်ဆင်လိုက်ခြင်းလို့ပြောလို့ရပါတယ်။ ဒီလို နှစ်နှစ်ဆယ်အတွင်းမှာမြန်မာပြည်မှ ကလေးများနှင့် ယှဉ်ကြည့်လိုက်ယင် ခလေးများအရွယ်ရောက်လို့တိုင်းပြည် တာဝန်တွေကိုယူတဲ့အချိန်မှာတော့ နှိင်းယှဉ်လိုက်ယင်အများကြီးကွာခြားသွားပြီဖြစ်ပါတယ်။ ကျွန်တော်တို့မြန်မာပြည်ဟာ အများသိတဲ့အတိုင်း ၁၉၈၈ ကနေပြည်သူလူထုကဒါကိုလက်မခံနိုင်ပါဘူးလို့။ပြောင်းလည်းဘို့ နိုင်ငံတော်အုပ်ချုပ်သူများ စဉ်းစားစီစဉ်လာတဲ့ ရုတ်မက်(ရ)ချက်ဟာ ၁၉၈၈ကနေ၂၀၁၁ရောက်လာပါတယ်။ ဒီကြားထဲအချိန်တွေမှာ တိုင်းပြည်မှာ ပညာသင်ကြရတဲ့ မျိုးဆက်သစ်များဟာ ပညာသင်နှစ်တွေကမောက်ကမဖြစ်တာ ၊ကျောင်းတွေ ပိတ်လိုက်ပြန်ပြီ။စတာတွေကို မျိုးဆက်တဆက်ကျော် အချိန်တွေကြာပြီးခုချိန်ထိလည်းတိတိကျကျမြန်မြန်ဆန်ဆန် ပြောင်းလည်းနေတာ မတွေ့ရသေးပါဘူး။ဟိုစမ်းစမ်းဒီစမ်းစမ်းနဲ့မျက်ကမ်းလမ်းလျှောက်တာကမှပိုမြန်မယ်ထင်ပါတယ်။ ဒီတော့မြန်မာပြည်ကို ကမ္ဘာ့မှာရင်ဘောင်တန်းလာနိုင်ဘို့ထက် အိမ်နီးချင်းတွေနဲ့ယှဉ်ဘို့ တောင်မလွယ်ကူသေးပါဘူး။ ဒါပေမဲ့ လက်ရှိစစ်တပ်အာဏာရများနဲ့ ပတ်သက်တဲ့အသိုင်းအဝိုင်းနဲ့ စီးပွားရေးလုပ်ကိုင်နေတဲ့ လူတစုကတော့ ပြည်ပတိုင်းပြည်များနဲ့ ဟိုစာချုပ်ချုပ်လိုက်၊ဟိုပစ္စည်းတွင်သွင်းလိုက်၊ ကွန်ပျုတာပြခန်းဖွင့်လိုက်၊ကားပြခန်း၊ ဆိုနီအရောင်းပြခန်းဖွင့်လိုက်နဲ့ ပြီးရင် ကိုယ်ညွှန်ကြား ရာလိုက်ရေးတဲ့မီဒီယာတွေကနေတိုင်းပြည်ကတိုးတက်လာသယောင်ယောင်တွေလုပ်ပြပါတယ်။    မြန်မာပြည်က အနေအစားအေးတဲ့မိဘပြည်သူများကတော့ပါးစပ်အဟောင်းသားနဲ့ သြ...လို့တယုံကလွှဲ ဘာမှ မတတ်နိုင်ကြပါဘူး။မြန်မာပြည်ရဲ့နိုင်ငံရေးစနစ်ကိုဥပက္ခာပြုထားလိုက်ပါတယ်။လုပ်ချင်တာသာလုပ်ကြတော့ ဆိုပြီးပြောမရတဲ့အဆုံးပြစ်ထားရတဲ့သဘောပါ။အခုတော့ပြောလို့ရသယောင်ယောင်လေးတွေ့နေရသလိုပါ။ ဒီလိုနဲ့မြန်မာပြည်ကြီးခြစားနေတာကြာနေပြီဖြစ်ပါတယ်။အမှန်တကယ် မြန်မာပြည်ကြီးတိုးတက်ကောင်းမွန်လာစေရန်မှန်ကန်သောဒီမိုကရေစီလမ်းစဉ်ကျကျဆောင်ရွက်ဘို့၊ တိုင်းပြည်တွင်းအရိုးစွဲနေသောအကျင့်ပျက်လာဒ်ပေးယူမှု့များ၊အာဏာအခွင့်အရေးများကိုယ်ကျိုးသုံးစွဲမှု့များ၊ စတဲ့စိတ်ဓါတ်ဟောင်းများကို ပြုပြင်ပြောင်းလည်းနိုင်ရန်လိုအပ်သည်။အကျင့်စရိုက်ဟောင်းများမပြောင်းလည်း သရွေ့တော့အန္ဒိယနိုင်ငံ၏ဒီမိုကရေစီကဲ့သို့ နောက်ကွယ်လာဒ်စားဆောင်ရွက်သောဒီမိုကရေစီ တိုင်းပြည်ကြီးဖြစ်လာ မှာပါ။တည်ငြိမ်သောလူနေမှု့အဆင့်အတန်းနဲ့ နိုင်ငံကြီးသားတိုင်းပြည်အဆင့်ကိုလက်လှမ်းနိုင်မည်မဟုတ်ပါ။ စနစ်တခုပြောင်းလည်းခြင်းနှင့်အတူ လက်ရှိမကောင်းသောအကျင့် စိတ်ဓါတ်ပိုင်းဆိုင်ရာပါပြောင်းလည်းပြီး တိုင်းပြည်အနာဂတ်ခလေးများရဲ့စိတ်ကို မနာကျင်စေရန်၊ကာကွယ်စောင့်ရှောက်ရန်၊ ခလေးများကို မြှင့်တင်ပေးရန်နေရာပေးရန် တိုက်တွန်းလိုက်ရပါတယ်။post by(ပြည်သူ့အော်သံ)  ခလေးများကြုံတွေ့နေရသော သတင်း(အလဲဗင်းမှ) ရန်ကုန်တိုင်းဒေသကြီးအတွင်းရှိ အခြေခံပညာကျောင်းအချို့တွင် ပညာသင်ကြားလျက်ရှိသော ကျောင်းသားကျောင်းသူများကို ဆရာ၊ ဆရာမအချို့မှ ကျောင်းဆင်းကျောင်းတက်ချိန်များတွင် မိသားစုဝင်များကိုယ်တိုင် ကြိုပို့သည့်ကိစ္စများကို ဆောင်ရွက်ကြရန် ယခုလမှစတင်၍ ညွှန်ကြားမှုများ ပြုလုပ်လာကြောင်း ကျောင်းသားမိဘများနှင့် ကျောင်းအုပ်ကြီးများထံမှ သိရှိရသည်။ ၂၀၁၁ ခုနှစ်အတွင်း၌ ရန်ကုန်တိုင်းဒေသကြီးအတွင်းရှိ မြို့နယ်များတွင် အသက် ၁၀ နှစ်ဝန်းကျင် ရှိကလေးသူငယ်များ အကြောင်းအမျိုးမျိုးကြောင့် ပျောက်ဆုံးနေသည်ဟု သတင်းများ မကြာခဏ ထွက်ပေါ်နေလျက်ရှိကြောင်း ဒေသခံများ၏ ပြောကြားချက်များထံမှ သိရှိရ သည်။ ကြည်မြင့်တိုင်မြို့နယ်ရှိ အခြေခံပညာကျောင်းတစ်ခုတွင် ပညာသင်ကြားလျက်ရှိသော ကျောင်းသားတစ်ခု၏ မိဘက "ပြီးခဲ့တဲ့အပတ်တုန်းက ကလေးကိုကျောင်းသွားကြို့တဲ့အခါမှာ ဆရာမတစ်ယောက်က ကလေးတွေကို မိသားစုဝင်တွေ ကိုယ်တိုင်လာကြို့ပေးပါ။ မျက်နှာစိမ်းတွေလာကြိုရင်တော့ မေးမြန်းမှုတွေပြုလုပ်သွားမယ်လို့ ပြောနေတဲ့အသံတော့ ကြားခဲ့ပါတယ်" ဟု ပြန်လည်ပြောကြားခဲ့သည်။ အ.ထ.က(၁) ဒဂုံ ကျောင်းအုပ်ကြီးဖြစ်သူ ဒေါက်တာအောင်ကိုကို က "ကျွန်တော်တို ကျောင်းမှာတော့ ကျောင်းသားကျောင်းသူတွေ လာကြို့တဲ့လူတိုင်းနဲ့ ကျောင်းဝန်းထဲဝင်ထွက်သွားလာတဲ့လူတိုင်းကို အမည်၊ မှတ်ပုံတင်၊ နေရပ်လိပ်စာ အပြည့်အစုံတောင်းပါတယ်။ အခုကာ လအတွင်းမှာ ကလေးတွေပျောက်နေတယ်ဆိုတဲ့ သတင်းကိုကြားမိတယ်။ ဒါပေမဲ့ ဒါတကယ်ဟုတ်၊ မဟုတ်ဆိုတာကိုတော့ မသိပါဘူး" ဟု ပြောကြားခဲ့သည်။             ထို့အတူ အကြောင်းအမျိုးမျိုးကြောင့် ခွင့်တိုင်ကြားခြင်းမရှိဘဲ ကျောင်းတက်ရန်ပျက်ကွက်ခဲ့သည့် ကျောင်းသား၊ ကျောင်းသူများကိုလည်း မိဘများခေါ်၍ မေးမြန်းမှုများပြုလုပ်လျက်ရှိကြောင်း သိရသည်။ သင်္ဃန်ကျွန်းမြို့နယ်အတွင်းရှိ ကျောင်းသူမိဘတစ်ဦးကလည်း "ကျွန်မသမီးက တတိယတန်း တက်နေပါတယ်။ ပြီးခဲ့တဲ့ အပတ်တုန်းက မိသားစုလိုက် ခရီးသွားဖို့အတွက် ကျောင်းမှာခွင့်သုံးရက် တိုင်ခဲ့ပါတယ်။ ဒါပေမဲ့ ခရီးလွန်သွားတဲ့အတွက် ရက်ကပိုရှည်သွားတယ်။ ရန် ကုန်လည်းပြန်ရောက်တော့ သမီးရဲ့အခန်းထဲက အခန်းဖေါ်က ဆရာမက စာပေးခိုင်းတယ်ဆိုပြီးတော့ စာလာပေးပါတယ်။ ကျွန်မက ဆရာမနဲ့ နောက်နေ့သွားတွေ့တော့ ဆရာမက ကလေးက တစ်ကယ်ခရီးလွန်နေတယ်ဆိုတော့ အကြောင်းမရှိပါဘူး။ အခုတလောမှာ ကလေးတွေ ခဏခဏပျောက်နေတဲ့ သတင်းတွေကြောင့် ခေါ်ပြီးတော့ တွေ့ရတာပါလို့ ပြောပါတယ်" ဟု ဆရာမက ပြောကြားချက်ကို ပြန်လည်ရှင်းပြခဲ့သည်။ ယင်းကဲ့သို့ မြို့နယ်များတွင် ကလေးငယ်များ အကြောင်းအမျိုးမျိုးကြောင့် ပျောက်ဆုံးနေသည်ဟု သတင်းများနှင့်ပတ်သက်၍ သက်ဆိုင်ရာတာဝန်ရှိသူများမှ အဆိုပါအကြောင်းအရာများမှာ ကောလဟာလ များသာဖြစ်ကြောင်း ပြောကြားခဲ့သည်။ အဆိုပါကိစ္စနှင့်ပတ်သက်၍ ရန်ကုန်တိုင်းဒေသကြီး မြောက်ပိုင်း ခရိုင်ရဲတပ်ဖွဲ့မှုးဖြစ်သူ ဒုတိယရဲမှုး ကြီး ဦးထွန်းမင်းက "အခု ရပ်ကွက်တော်တော်များများမှာ အသက် ၁၀ နှစ်ကနေ ၁၃ နှစ်ဝန်းကျင်ရှိတဲ့ ကလေးသူငယ်တွေ ပျောက်ဆုံးနေတယ်လို့ သတင်းတွေထွက်ပေါ်နေ တယ်။ တချို့ရပ်ကွက်တွေမှာဆိုရင် ကလေးသူငယ်တွေကို လိုက်ဖမ်းနေတဲ့ သူတွေရှိနေတယ်။ တစ်ဘက်နိုင်ငံကို ရောင်းစားနေတယ်။ ကလေးငယ်တွေ အသတ်ခံရတယ်။ စတဲ့ သတင်းထွက်ရှိနေတော့ အဲဒီနယ်မြေတွေကို အဖွဲ့တွေခွဲပြီး စုံစမ်းစစ်ဆေးခဲ့ပါတယ်။ တကယ်တမ်းမှာ တော့ ကလေးအချို့က မိသားစုဝင်တစ်ဦးနဲ့ စိတ်ဆိုးပြီးတော့ သူငယ်ချင်းအိမ်တွေမှာ သွားနေတဲ့သူတွေ၊ ယောကျာ်းနောက် လိုက်သွားတဲ့သူတွေ၊ အပျော်လွန်ပြီးတော့ ခရီးလွန်တဲ့သူတွေ၊ အပျော်လွန်းပြီးတော့ သူငယ်ချင်းတွေနဲ့ ရေကူးရင်းနဲ့ သေဆုံးခဲ့ရသူတွေ အများစုဖြစ်ပါတယ်။ အပြင်မှာထွက်ပေါ်နေတဲ့ ဖြစ်စဉ်တွေက ကောလဟာလသတင်းတွေ လိုက်လွှင့်နေတဲ့ သူတွေကြောင့်အများက စိုးရိမ်နေကြတာပါ။ ဒါကယ်တမ်းတော့ အဲဒီသတင်းတွေက လုံးဝမှားပါတယ်" ဟု ကလေးသူငယ်များ ပျောက်ဆုံးနေသည့်သတင်းများ နှင့်ပတ်သက်၍ စုံစမ်းခဲ့သည့်အပေါ် ရှင်းလင်းပြောကြားခဲ့သည်။

ပဲခူးမြို့က ရင်ဖွင့်စာ

Sunday, October 23, 2011

ပေးစာ၊ ရင်ဖွင့်စာ၊ တိုင်ကြားစာ (၃) စောင်

ပဲခူးမြို့ပေါ်က နာမည်ကြီး လူယုတ်မာ ချီးပုံးသန့်ဇင်ဂိုဏ်းနှင့် ပဲခူးတိုင်းဝန်ကြီးချုပ်တို့ ပိုမိုခင်မင်ရင်းနှီးလာသည်ဆိုသည့်
သတင်း၏ နောက်ကွယ် ...

မိတ်ဆွေတို့ ဖတ်ကြည့်ပါ။ ဖြန့်ဝေပေးပါ။ ကျနော်တို့နေတဲ့ မြို့လေးမှာ ဒီလိုမတရားမှုမျိုးတွေ တကယ်ဖြစ်နေ တာပါ။ ဒါကို ကျနော်တို့ ပဲခူးမြို့မှာရှိနေတဲ့ ၀န်ကြီးချုပ်နှင့် အစိုးရဘက်တော်သားများ၊ ဒီမိုကရေစီအင်အားစု များ၊ လူ့အခွင့်ရေးကာကွယ်စောင့်ရှောက်သူဆိုသူများ ဒီလိုပဲလက်ပိုက်ကြည့်နေသတဲ့လား၊ ကျော်မကောင်း ကြားမကောင်း ပဲခူးချီးပုံးမာဖီးယားဂိုဏ်းနဲ့ ပဲခူးတိုင်းဝန်ကြီးချုပ်တို့ ဆက်နွယ်နေသတဲ့ဗျာ။ ကဲ အပြည့်အစုံကို တော့ အောက်က သတင်းထောက်နဲ့ ပြည်သူတဦးရဲ့ ရင်ဖွင့်သံလေးကို နားထောင်ကြည့်ပါ။ လူမဆန်တဲ့ လူ မိုက်တယောက်ရဲ့ မတရားမှုကို ခေါင်းငုံ့ခံနေရတဲ့၊ ဥပဒေရဲ့မျက်ကွယ်ပြုခြင်းခံထားရတဲ့ ပဲခူးမြို့သူမြို့သားတ ချို့ရဲ့ ခံစားချက်ကို တွေ့ရပါလိမ့်မယ်။

လစ်ဗျားနိုင်ငံ ဆက်စပ်သတင်း

လစ်ဗျားလွတ်မြောက်ရေးနေ့ မကြာခင် ကြေညာမည်

By ဗွီအိုအေ (မြန်မာဌာန) စနေ, 22 အောက်တိုဘာ 2011

လစ်ဗျားနိုင်ငံကို အပြည့်အဝ လွတ်လပ်တဲ့နိုင်ငံအဖြစ် မနက်ဖြန် တနင်္ဂနွေနေ့မှာ ကြေညာဖို့ လစ်ဗျား ယာယီအစိုးရခေါင်းဆောင်တွေက စီစဉ်နေကြပါတယ်။ ဒီလိုကြေညာပြီးသွားရင် အစိုးရသစ် တည်ထောင်တဲ့ လုပ်ငန်းတွေကို ပြတ်ပြတ်သားသား လုပ်နိုင်တော့မှာဖြစ်ပါတယ်။
ကြေညာချက်ကို အစိုးရဆန့်ကျင်ရေး လှုပ်ရှားမှုတွေအတွက် အချက်အခြာဖြစ်ခဲ့တဲ့ ဘန်ဂါဇီ (Benghazi) မြို့ကနေ ထုတ်ပြန်မယ်လို့ အသွင်ကူးပြောင်းရေးကောင်စီ NTC တာဝန်ရှိသူတွေက ဒီကနေ့ စနေနေ့မှာ ပြောပါတယ်။ နိုင်ငံရဲ့ အခြေခံဥပဒေကြမ်း ရေးဆွဲရေး အမျိုးသားကောင်စီ ကိုယ်စားလှယ်တွေကို ရွေးချယ်မယ့် ရွေးကောက်ပွဲကို ၈ လအတွင်း ကျင်းပသင့်တယ်လို့ ယာယီဝန်ကြီးချုပ် မာမွတ်ဂျစ်ဘရီလ် (Mahmoud Jibril) ကဒီကနေ့ ပြောကြားခဲ့ပါတယ်။
တချိန်တည်းမှာပဲ ခေါင်းဆောင်ဟောင်း မိုမာဂဒါဖီ (Moammar Gadhafi) ကို ဘယ်မှာမြှပ်နှံမလဲဆိုတာကို NTC က ရွေးချယ်နေပါတယ်။ လောလောဆယ် သူ့ရဲ့အလောင်းကို မစ်ရာတာ (Misrata) မြို့က အသားအရောင်းဆိုင် ဟောင်းတစ်ခုရဲ့ အအေးခန်းထဲမှာ ပြသထားပါတယ်။
ဂဒါဖီရဲ့အလောင်းကို ဗွီဒီယိုထဲမှာမြင်ရတဲ့အတိုင်းဆိုရင် သူ့ဘယ်ဘက်နားထင်မှာ သေနတ်ရာတစ်ခုနဲ့ရင်ဘတ်အလယ်မှာ သေနတ်ဒဏ်ရာတစ်ခုကို တွေ့ရပါတယ်။

ဆက်လက်နောက်သတင်းတပုဒ်အနေဖြင့်

လစ်ဗျား မှာ ရွေးကောက်ပွဲ ၈ လအတွင်းကျင်းပမယ်လို့ ပြော ပြီ

လစ်ဗျား အမျိုးသားအသွင်ကူပြောင်းရေး ကောင်စီ ဥက္ကဌ မိုဟာမက် ဂျီဘီရီရယ်လ်က ရွေးကောက်ပွဲကို 

၈ လအတွင်းကျင်းပပေးမယ်လို့  ကတိပြုလိုက်ပါတယ်။

The chairman of Libya's National Transitional Council Mahmoud Jibril says elections will be held within eight months.

Tripoli, Libya (CNN) -- Libya will hold elections in the coming months as the war-torn country works toward building a new society in the post-Moammar Gadhafi era, interim government officials announced Saturday.