မန္တလေးဗေဒါသင်တန်းကျောင်းခွဲ ဖွင့်ပွဲ သို့ ပေးပို့ ခဲ့တဲ့ NLDဒုဥက္ကဌဦးတင်ဦး မိန့် ခွန်း (ရုပ်/သံ)

နိုဝင်ဘာလ ၇ ရက်နေ့က အထက်မြန်မာပြည် မန္တလေးမြို့မှာ ပထမဆုံးအကြိမ် ဗေဒါသင်တန်းကျောင်းခွဲတခုကို မန္တလေးတိုင်း အမျိုးသားဒီမိုကရေစီအဖွဲ့ချုပ် မြို့နယ်စည်းအဖွဲ့ဝင် ဦးကိုကြီးရဲ့နေအိမ်မှာ ဖွင့်လှစ်သင်ကြားခဲ့ပါတယ်။ အဲ့ဒီအခမ်းအနားမှာ အမျိုးသားဒီမိုကရေစီအဖွဲ့ချုပ် ဒုဥက္ကဌ ဦးတင်ဦးက မိန့်ခွန်းဗီဒီယိုဖိုင် ပေးပို့ခဲ့ပါတယ်။

                                                            အပိုင်း(၁)

အပိုင်း(၂)

 

မဲခေါင်မြစ် တရုတ် ၁၃ ယောက်သတ်ခံရမှု ထိုင်းတပ်မတော် လက်ချက်မဟုတ်ဟု ထိုင်းအရာရှိများပြော

သျှမ်းသံတော်ဆင့်(သတင်း)


မဲခေါင်မြစ်အတွင်း တရုတ်နိုင်ငံသား ၁၃ ဦးသတ်ဖြတ် ခံရခြင်းမှာ မိမိတို့ထိုင်းတပ်မတော်မှ တပ်သားများ ၏လက်ချက် မဟုတ်သည်ကို အာမခံနိုင်ကြောင်း ထိုင်းတပ်မတော် အကြီးအကဲများက ပြောသည်။

“ထိုင်းတပ်သား ၉ ဦး တရားရုံးရောက်တာဟာ တရုတ် ၁၃ ယောက်ကိုသတ်ဖြတ်တယ်ဆိုတဲ့ဝန်ခံချက်သွားပေး တာ မဟုတ် ပါဘူး။ သူတို့ ၉ ယောက်အပေါ် ဘာပြစ်မှုတွေနဲ့ တရားစွဲ ဖို့ဆင့်ခေါ်တာလဲဆိုတာသိရအောင်လို့ တရားရုံးကိုသွားတာဖြစ် တယ်။ ဒီကိစ္စနဲ့ပတ်သက်တဲ့ သတင်းအမျိုးမျိုး အဖုံဖုံ ထွက်နေပေမယ့် ကျနော်တို့ တပ်မတော်သားကိုတော့ ကျနော်တို့ ယုံကြည်ပါတယ်” ဟု ထိုင်းတပ်မတော် ဖာမိုင်းတပ်မှူး ဗိုလ်ချုပ် ပရကန်း ချုန်းလယွတ် ကပြောသည်။

ထိုင်းစစ်သည် ၉ ဦးအား အောက်တိုဘာ ၂၈ ရက်က ထိုင်း ရဲအဖွဲ့မှခေါ်ယူ၍လူသတ်မှုနှင့်အလောင်းရွှေ့ပြောင်း မှုဖြင့် စွဲချက် တင်ခဲ့ခြင်း ဖြစ်သည်။

အလားတူ ထိုင်းစစ်တပ် စစ်ဦးစီးချုပ် ဗိုလ်ချုပ်ကြီး ပရယွတ်ု ဂျန်အိုးချားကလည်း - ထိုင်းစစ်တပ်အရာရှိ ၉ ဦးမှာ မိမိတို့ ပြစ်မှု ကင်းစင် ကြောင်း သက်သေပြလို၍ ရဲအဖွဲ့ထံရောက်ရ ခြင်းဖြစ်ကြောင်း စနေနေ့ထုတ်ဘန်ကောက် ပို့စ်သတင်းစာတွင် ပြောကြားလိုက်သည်။

“ ကျနော်တို့သတင်းရတာကတော့ တရုတ် ၁၃ ဦးကိုသတ်ဖြတ်တာဟာ အဲဒီဒေသတဝိုက်မှာလှုပ်ရှားတဲ့နော်ခမ်း တို့လက် ချက်ဘဲ။ ဘာလို့လဲဆိုတော့ အခင်းဖြစ်ပွါးတဲ့နေရာက ထိုင်းစစ်တပ်ထိန်းချုပ်နယ်မြေ ကိန်းဆဲန်နဲ့ ကီလိုမီတာ ၂၀ လောက် ဝေးတဲ့နေရာလေ။ အဲ့နေရာမှာ အသတ်ခံရလို့ ကျိန်းဆဲန်မှာအလောင်းကပေါလော လာပေါ်တာပေါ့။ ထိုင်းထိန်းချုပ်ရေ ပြင် မှာအသတ်ခံရရင် ဟိုးအကြေဖက်က ကျိန်း ခေါန်ဖက်မှာ အလောင်းက ပေါ်မှာပေါ့။ နောက်ပြီး သတ်မယ့် သတ်ရင် ထိုင်းကနာမည်ပျက်ဘယ်ခံပါ့မလဲ။ အလောင်းကို တခြားမှာသွား ဖျောက်ပစ်လိုက်မှာပေါ့။ ဒါကြောင့် ကျနော်တို့ စစ်တပ်က လုပ်တာမဟုတ်နိုင်ဘူးလို့ အာမခံရဲတာပါ” ဟု ထိုင်း အရာရှိတဦးက ပြော၏။

မြန်မာနှင့်လောဝ်တို့အား ညွန်းဆိုစွပ်စွဲခြင်းမဟုတ်။ သို့သော်အစုန်အဆန်လှေများအား ပြန်ပေးဆွဲခြင်းကုန်သည် များအား ဓါးပြတိုက် သတ်ဖြတ်ခြင်းလုပ်လေ့ရှိသော နော်ခမ်းအဖွဲ့လှုပ်ရှားရာ မြန်မာနှင့် လောဝ်ပိုင်နက်ရေပြင် တွင် ဖြစ်ပွားခဲ့သော ကြောင့် နော်ခမ်း လက်ချက်ဖြစ် နိုင်သည်ဟု ၎င်းကထပ်လောင်းပြောကြားခဲ့သည်။

ထိုင်းနိုင်ငံ မယ့်ဆိုင်နေ သျှမ်းအမျိုးသားတဦးက - တရုတ်၊ မြန်မာ၊ လောဝ်နှင့် ထိုင်းတို့ အလိုမရှိသောနော်ခမ်း တယောက် ၎င်းနှင့် ပတ်သက်၍ မည်သည့်ဖြေရှင်းချက်မျှမပေးပါက၎င်းအဖွဲ့သည်ဓါးစာခံဖြစ်လာနိုင်ဘွယ်ရှိ ကြောင်း - သျှမ်းသံတော် ဆင့်အား ပြောသည်။

အောက်တိုဘာ ၅ ရက် က ထိုင်း-မြန်မာ-လာအိုအကြား ရွှေတြိဂံနယ်မြေ မဲခေါင်မြစ်ပေါ် အမည်မသိလက်နက် ကိုင် အဖွဲ့ တဖွဲ့၏ပြန်ပေး ဆွဲခံရသော တရုတ်လှေ ၂ စီး မြစ်ထဲမျှောပါလာရာ နယ်စပ်လုံခြုံရေးစောင့် ဖာမိုင်း ထိုင်းစစ်တပ်နှင့်ပစ်ခတ် တိုက်ခိုက်မှုရှိခဲ့သည်။ အဆိုပါပစ်ခတ်မှုအပြီး ထိုင်းစစ်တပ်ကအလောင်း တလောင်း၊ ရာဘအပြား ၉ သိန်းကျော်သိမ်းဆည်း ခဲ့သည်။ အောက်တိုဘာ ၇ ရက် မှ လူသေအလောင်း ၁၂ လောင်း မဲခေါင်မြစ်အတိုင်းမျှောလာပြီး ထိုင်းနိုင်ငံ ကျိုင်းဆျဲန် မြို့နယ်တွင်တွေ့ရှိခြင်းဖြစ်သည်။ တရုတ် အစိုးရ ကအဆိုပါ ကိစ္စနှင့် ပတ်သက်၍ တရားခံအမြန်ဆုံးဖေါ်ထုတ်ပေးရန် ထိုင်း မြန်မာ လောဝ်တို့ အားတောင်းဆိုထားပြီးမဲခေါင် မြစ်အ တွင်း ယာဉ်သွားလာ အားလုံးပိတ်ထားခဲ့သည်။

NLD မှတ်ပုံတင်ရေး/မတင်ရေး ၁၈ ရက်နေ့တွင် စည်းဝေးမည်

သဲသဲ | အင်္ဂါနေ့၊ နိုဝင်ဘာလ ၀၈ ရက် ၂၀၁၁

ပါတီ မှတ်ပုံ တင်ရေး၊ မတင်ရေး အတွက် တိုင်းနှင့် ပြည်နယ် အသီး သီးရှိ ပါတီ ဗဟို ဦးစီး အဖွဲ့ဝင် ၁၀၆ ဦးနှင့် နိုဝင်ဘာလ ၁၈ ရက် နေ့တွင် အစည်း အဝေး ခေါ်ယူပြီး ဆုံးဖြတ်မည် ဖြစ်ကြောင်း အမျိုးသား ဒီမိုကရေစီ အဖွဲ့ချုပ်က ပြောသည်။

NLD ဗဟိုကော်မတီဝင်များ အစည်းအဝေးကို အင်္ဂါနေ့ မနက်ပိုင်းတွင် ရန်ကုန်မြို့ တက္ကသိုလ်ရိပ်သာလမ်းရှိဒေါ်အောင်ဆန်း စုကြည်၏ နေအိမ်တွင် ပြုလုပ် ခဲ့ပြီးနောက် ထိုသို့ ဆုံးဖြတ်လိုက်ခြင်း ဖြစ်ကြောင်း NLD ပါတီပြောခွင့်ရ ဦးအုန်းကြိုင်က မဇ္ဈိမကို ပြောသည်။

“နာမကျန်းဖြစ်နေတဲ့ ဗဟိုကော်မတီဝင်တွေ ကလွဲပြီး ကျန်တဲ့သူတွေ အကုန်လာတယ်။ ပါတီမှတ်ပုံတင်မယ် မတင်ဘူးကို ဗဟိုဦးစီးတွေနဲ့ အစည်းအဝေး လုပ်ပြီးမှ ဆုံးဖြတ်မှာပါ” ဟု ဦးအုန်းကြိုင်က ပြောသည်။

အစည်းအဝေးတွင် ပါတီဒုဥက္ကဋ္ဌ ဦးတင်ဦး၊ အထွေထွေ အတွင်းရေးမှူး ဒေါ်အောင်ဆန်းစုကြည်၊ ဦးဝင်းတင်၊ ဦးဉာဏ်ဝင်း၊ ဦးဟံသာမြင့်၊ဦးအုန်းကြိုင်၊ ဒေါ်မေဝင်းမြင့်၊ ဦးသန်းထွန်း၊ ဦးလှဖေ၊ ဦးဝင်းမြင့် တို့ တက်ရောက် ခဲ့ကြသည်။

ဗဟိုဦးစီးအဖွဲ့ အစည်းအဝေးကို ရန်ကုန်မြို့ ရွှေဂုံတိုင်လမ်းရှိ ရုံးချုပ်ရှိ အစည်းအဝေး ခန်းမတွင် နိုဝင်ဘာလ ၁၈ ရက်နေ့တွင် ကျင်းပရန် ဆုံးဖြတ်ခဲ့သည်။

နစ်နာကြေးထဲမှ တဝက်ပေးရမည်ဟု ကျောက်ဖြူအာဏာပိုင်များ အကျပ်ကိုင်

ခင်ဦးသာ on November 8, 2011

ရ ခိုင်ပြည်နယ် ကျောက်ဖြူမြို့၌ တည်ဆောက် နေသော ရွှေသဘာဝ ဓာတ်ငွေ့ ပိုက်လိုင်း စီမံကိန်းကြောင့် ဆုံးရှုံး နစ်နာ ကြေးအဖြစ် ပေး သော ငွေထဲမှတ၀က်ကို ပေးမှသာ လယ်မြေပိုင် ဆိုင်ကြောင်း ထောက်ခံချက် လက်မှတ်ထိုး ပေးမည်ဟု အာဏာပိုင်များက တောင်သူ များအား အကျပ်ကိုင် နေကြောင်း သိရသည်။

“လယ်တဧကအတွက် ကျပ် သိန်း ၃၀ ရတယ်ဆိုရင် ၁၅ သိန်း၊ သိန်း ၅၀ ဆိုရင် ၂၅ သိန်းပေးမှ လက်မှတ်ထိုး ထောက်ခံ ပေးမယ်လို့ မြေစာရင်းဌာနနဲ့ ကျောက်ခမောင်းရွာ ဥက္ကဋ္ဌက တောင်းတာပါ။ ပိုင်ဆိုင်ကြောင်းအထောက်အထား မပါတော့ လျော်ကြေးတွေ မရဘူး ဖြစ်နေကြတယ်” ဟု ဒေသခံ လယ်သမားတဦးက ဆိုသည်။

ထိုကိစ္စအားဖြေရှင်းပေးရန်အတွက် ကျောက်ဖြူမြို့နယ်အတွင်းရှိ ကျောက်ခမောင်းကျေးရွာ အုပ်စု၊ ကပ်သပြေ၊ စည်မောင်း၊ ဦးကင်း စသည့်ကျေးရွာများမှ လယ်သမားများ လက်မှတ်ရေးထိုး၍ ပြည်နယ်ဝန်ကြီးချုပ် ဦးလှမောင်တင်၊ သမ္မတ ဦးသိန်းစိန်၊ လွှတ်တော်ဥက္ကဋ္ဌ များ ဖြစ်ကြသော သူရ ဦးရွှေမန်း၊ ဦးခင်အောင်မြင့်၊ ရခိုင်တိုင်းရင်းသားများ တိုးတက်ရေးပါတီ (RNDP) တို့ထံ နိုဝင်ဘာလ ၂ ရက်နေ့က တိုင်ကြားထားကြောင်း သိရသည်။

“တိုင်ကြားထားတဲ့ အမှုတွေအများကြီးပါ။ ဒါတွေကို ၀န်ကြီးချုပ်နဲ့ ပြည်နယ်လွှတ်တော် အစည်းအဝေးမှာလည်း တင်ပြ ထားပါတယ်။ ဘယ်လို ဖြေရှင်းပေးမယ်ဆိုတာတော့ သေချာမသိသေးပါဘူး” ဟု ကျောက်ဖြူမြို့နယ်မှ RNDP ပါတီ၏ ပြည်နယ် လွှတ်တော်ကိုယ်စားလှယ် ဦးတင်ဖေက ပြောသည်။

ကျောက်ဖြူရေနက်ဆိပ်ကမ်း စီမံကိန်း၊ ရေနံသိုလှောင်ရုံ စီမံကိန်း၊ သဘာဝဓာတ်ငွေ့ သန့်စင်စက်ရုံစီမံကိန်း၊ သဘာဝဓာတ်ငွေ့ ပိုက်လိုင်းစီမံကိန်းစသည့် စီမံကိန်း များအား တရုတ်နိုင်ငံ၏ အကြီးဆုံးကုမ္ပဏီတခုဖြစ်သော (China National Petroleum Corporation – CNPC) နှင့်တရုတ်ကုမ္ပဏီများ၊ ကိုးရီးယားပိုင် ဒေ၀ူး၊ ဟွန်ဒိုင်းနှင့် အန္ဒိယ၊ မလေးရှား စသည့် နိုင်ငံများမှ ကုမ္ပဏီများက စီမံကိန်းအလိုက် တာဝန်ယူ တည်ဆောက်နေကြသည်။

မြန်မာနိုင်ငံမှ အေးရှားဝေါလ်၊ သန္တာနဂါး၊ မြန်မာ့ရွှေသရဖူ၊ 7-Star, PSC, Myint and Association စသည့် ကုမ္ပဏီများလည်း
တည်ဆောက်ရေး လုပ်ငန်းတချို့တွင် လုပ်ဆောင်နေကြသည်။

ထိုစံမံကိန်းများသည် တရုတ်နိုင်ငံ၏ စွမ်းအင်လောင်စာ ရရှိရေးနှင့် တရုတ်အကျိုးစီးပွားအတွက် များစွာအရေးပါသည့် စီမံကိန်းဖြစ်၍ အမြန်ဆုံးပြီးစီးရေးကို အလေးထား လုပ်ဆောင်နေကြောင်း၊ မဒေးကျွန်းပေါ်၌ ဓာတ်ငွေ့ ပိုက်လိုင်းတချို့ စတင်နေရာ ချထားနေပြီဖြစ်ကြောင်း သိရသည်။

ဧရာဝတီ မြစ်ဆုံစီမံကိန်းအား ပြည်သူများ၏ ဆန့်ကျင်ကန့်ကွက်မှုကြောင့် ဆိုင်းငံ့ထားရန် သမ္မတ ဦးသိန်းစိန်က ပြီးခဲ့သည့် လအတွင်း ဆုံးဖြတ်ခဲ့ပြီးနောက် ကျောက်ဖြူ စီမံကိန်းများကို အရှိန်မြှင့် တည်ဆောက်နေသည်ဟု ကျောက်ဖြူ ဒေသခံများက ပြောသည်။

ထိုစီမံကိန်းများ ပြီးစီးပါက ရခိုင်ကမ်းလွန်မှ ထွက်သော သဘာဝဓာတ်ငွေ့များကို တရုတ်နိုင်ငံက နှစ်ပေါင်း ၃၀ အထိ ထုတ်ယူ မည်ဖြစ်ပြီး အရှေ့အလယ်ပိုင်းဒေသက တင်သွင်းမည့် ရေနံစိမ်းများကိုလည်း ကျောက်ဖြူ ဆိပ်ကမ်း ကြားခံထားကာ တရုတ်
နိုင်ငံသို့ တင်သွင်းမည် ဖြစ်သည်။ စီမံကိန်းများကို ၂၀၀၉ ခုနှစ်က စတင်ခဲ့ပြီး ၂၀၁၃ ခုနှစ်တွင် အပြီးသတ်တည်ဆောက် မည်ဟု အစိုးရ သတင်းစာများတွင် ရေးသားထားသည်။

ဓာတ်ငွေ့ ပိုက်လိုင်းသည် ရခိုင်ပြည်နယ် ကျောက်ဖြူမြို့မှ မကွေးတိုင်း၊ မန္တလေးတိုင်း၊ ရှမ်းပြည်နယ်တို့ကို ဖြတ်မည်ဖြစ်ပြီး ကီလို မီတာ ၂၈၀၀ ၀န်းကျင် ရှည်သည်။ ဓာတ်ငွေ့ပိုက်လိုင်းနှင့်အတူ ရေနံပိုက်လိုင်း၊ မီးရထားလမ်း၊ မော်တော်ကား လမ်းတို့ ပါဝင်မည်ဟု သိရသည်။

ထိုစီမံကိန်းများကြောင့် ကျေးရွာများ ပြောင်းရွှေ့ခံရမှု၊ ဥယာဉ်ခြံမြေများနှင့်လယ်မြေများအား အဓမ္မ သိမ်းယူမှု၊ လုပ်အားခ ခေါင်းပုံဖြတ်မှု စသည့် လူ့အခွင့်အရေး ချိုးဖောက်မှုများအား သက်ဆိုင်ရာ အာဏာပိုင်တို့ထံ တိုင်ကြားသော်လည်း ထိရောက် စွာ အရေးယူမှုမရှိ၍ RNDP ပါတီ၊ သမ္မတနှင့် ဗဟို အစိုးရအဖွဲ့တို့ထံ တိုင်ကြားရခြင်းဖြစ်ကြောင်း ဒေသခံများက ဆိုသည်။

လူ့အခွင့်အရေး ချိုးဖောက်မှုများနှင့် ပတ်သက်၍ ဖြေရှင်းပေးရေးအဆိုကို RNDP ပါတီမှ ပြည်သူ့လွှတ်ကိုယ်စားလှယ် ဦးဘရှိန်က စက်တင်ဘာလ ၂၇ ရက်နေ့လွှတ်တော်တွင် တင်သွင်းခဲ့ပြီး ၎င်းကပင် ရခိုင်ကမ်းလွန်ဒေသရှိ ရွှေသဘာဝ ဓာတ်ငွေ့စီမံကိန်းမှ ထွက်ရှိသော စွမ်းအင်အသုံးပြု၍ ဒေသခံပြည်သူများအတွက် လျှပ်စစ်ဓာတ်အားပေးရန် မေးမြန်းခဲ့ရာ ပြည်ထောင်စုအဆင့် စွမ်းအင်ဝန်ကြီး ဦးသန်းဌေးက တရုတ်နိုင်ငံသို့ အပြီးအပိုင် ရောင်းချထားပြီး ဖြစ်ကြောင်း ပြန်လည် ဖြေဆိုခဲ့သည်။

ဦးသန်းဌေး၏ ပြောဆိုမှုသည် တာဝန်မဲ့သော စကားဟုဆိုကာ ရခိုင်ပြည်သူများ၊ အတိုက်အခံ နိုင်ငံရေး အင်အားစုများက ကန့်ကွက်ခဲ့ကြသည်။ ရွှေသဘာဝ ဓာတ်ငွေ့စီမံကိန်းမှ ထွက်သော လျှပ်စစ်ဖြင့် ၂၄ နာရီ လျှပ်စစ်မီးပေးရန် တောင်းဆိုထား သည့် ပိုစတာ တချို့ကို ရခိုင်ဒေသရှိ မြို့နယ်၊ ကျေးရွာ တချို့၌ ချိတ်ဆွဲထားသည်ဟု ဒေသခံများက ပြောသည်။

ထိုကိစ္စများ ဖြစ်ပေါ်ပြီးနောက် အစိုးရ တာဝန်ရှိသူ တချို့က ကျောက်ဖြူ ဒေသခံများ လျှပ်စစ်ဓာတ်အား ရရှိရေးအတွက် ဆောင်ရွက်ပေးမည်ဟု RNDP ပါတီ၏ ကိုယ်စားလှယ် တချို့ထံ အကြောင်းကြားလာကြောင်း သိရသည်။

“ကျောက်ဖြူဒေသခံတွေ လျှပ်စစ်မီးရရှိဖို့အတွက် စီမံဆောင်ရွက်ပေးမယ်လို့ ပြီးခဲ့တဲ့ ရက်ပိုင်းကပဲ အကြောင်းကြားပါတယ်။ ဒါပေမယ့် ဘယ်လိုဆောင်ရွက်ပေးမယ်၊ ဘယ်တော့ပေးမယ် ဆိုတာတော့ သေချာမပြောသေးပါဘူး” ဟု ဦးဘရှိန် က ရှင်းပြသည်။

ကျောက်ဖြူမြို့နယ် မဒေးကျွန်းပေါ်၌ ရေနက်ဆိပ်ကမ်း စီမံကိန်းနှင့် ရေနံသိုလှောင်ရုံ စီမံကိန်း၊ ရွှေသဘာဝ ဓာတ်ငွေ့ပိုက် လိုင်းနှင့် ဆက်စပ် သော စီမံကိန်းများကြောင့် ကျွန်းပေါ်ရှိ ကျေးရွာ ၆ ရွာ၊ ဒေသခံပြည်သူ ၂၄၀၀ ခန့်တို့၏ နေအိမ်များ ပြောင်းရွှေ့ခံခဲ့ရပြီး ဒေသတ၀ိုက် ငါးဖမ်းခွင့်လည်း မရတော့ကြောင်း ဒေသခံများက ပြောသည်။

ပါတီမှတ်ပုံတင်ရေး NLD နဲ့ တိုင်းရင်းသားတွေ ဆွေးနွေးမည်

By နန္ဒာချမ်း

ဒီအစည်းအဝေးကို ကျန်းမာရေး သိပ်မကောင်းတဲ့ ဗဟိုအလုပ်အမှုဆောင်အဖွဲ့ဝင်တွေကလွဲရင် - အဖွဲ့ဝင် ၁၀ ဦး တက်ရောက်ခဲ့ပြီး - ဒီကနေ့ အစည်းအဝေးအတွင်း ဆုံးဖြတ်ခဲ့ တာနဲ့ပတ်သက်လို့ ပါတီပြောခွင့်ရပုဂ္ဂိုလ် ဦးအုန်းကြိုင် က ဗွီအိုအေ ကို ပြောပါတယ်။
“ကျနော်တို့ မနက်က ဗဟိုအလုပ်အမှုဆောင်အဖွဲ့ အစည်းအဝေးကို အထွေထွေအတွင်းရေးမှူး ဒေါ်အောင်ဆန်းစုကြည်ရဲ့ နေအိမ်မှာရှိတဲ့ အစည်းအဝေးခန်းမမှာ မနက် ၁၀ နာရီကနေပြီးတော့ ၁၂ နာရီအထိ ကျင်းပပြီးစီးသွားပါပြီ။ အဲ့ဒီ အစည်းအဝေးကနေပြီးတော့ အမျိုးသား ဒီိမိုကရေစီအဖွဲ့ချုပ် ပါတီမှတ်ပုံတင်ရေး - မတင်ရေး၊ ရွေးကောက်ပွဲ ၀င်ရေး - မ၀င်ရေး ကိစ္စကို ဆွေးနွေးဆုံးဖြတ်ဖို့အတွက် နိုဝင်ဘာလ ၁၈ ရက်နေ့မှာ တည်ဆဲ ဗဟိုအဖွဲ့ဝင်များ အစည်းအဝေးကို ခေါ်ယူကျင်းပဖို့ ဆုံးဖြတ်ပါတယ်။ နိုဝင်ဘာ ၁၈ ရက်နေ့မှာ ဗဟိုဦးစီးအဖွဲ့ အစည်းအဝေးကို အဖွဲ့ချုပ်ဌာနချုပ်ရုံး ဗဟိုဦးစီးခန်းမမှာ ကျင်းပမှာဖြစ်ပါတယ်။ အဲ့ဒီမှာ ဆုံးဖြတ်မှာ ဖြစ်ပါတယ် ခင်ဗျ။”
ဒါကြောင့် နိုဝင်ဘာလ ၁၈ ရက်နေ့ကျရင် - တည်ဆဲဗဟိုအဖွဲ့ဝင်များအစည်းအဝေးကို ဗဟိုအလုပ်အမှုဆောင်အဖွဲ့ဝင် စုစုပေါင်း ၁၀၆ ဦး စလုံးနဲ့ အရံဗဟိုကော်မတီဝင်တွေကိုပါ သက်ဆိုင်ရာ တိုင်းဥက္ကဋ္ဌတွေကနေတဆင့် ဒီကနေ့ကစပြီး ဖိတ်ကြားနေပြီဖြစ်တယ်လို့ ဦးအုန်းကြိုင် က ပြောခဲ့ပါတယ်။
ဒါ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကလည်း - NLD မှတ်ပုံတင်ခြင်း - မတင်ခြင်းကိစ္စ ဆုံးဖြတ်ချက် မချခင် - တိုင်းရင်းသားအဖွဲ့တွေကိုလည်း တွေ့ဆုံဖို့ ဖိတ်ကြားထားတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပြောခွင့်ရသူ ဦးစိုင်းလိတ် က ပြောပါတယ်။
“ဒေါ်အောင်ဆန်းစုကြည်နဲ့ ဆွေးနွေးဖို့ လိုပါသေးတယ်။ ဒေါ်အောင်ဆန်းစုကြည်ကလည်း ကျနော်တို့နဲ့ ဆွေးနွေးဖို့ ကမ်းလှမ်းထားတာ ရှိပါတယ်။ လောလောဆယ် ဆွေးနွေးဖို့ကို ရက်အတိအကျ မသတ်မှတ်ရသေးဘူး။ အဲ့ဒီနောက်ပိုင်းမှပဲ ကျနော်တို့ ပြောလို့ရပါမယ်။ သူတို့ရဲ့ စီအီးစီ အစည်းအဝေးခေါ်ထားတာ ၁၈ ရက်နေ့လေ။ အဲ့ဒီ ၁၈ ရက်နေ့ မတိုင်ခင်မှာ ကျနော်တို့ တွေ့ဆုံ ဆွေးနွေးကြဖို့ရှိပါတယ်”
NLD ပါတီဟာ - ၂၀၀၈ ဖွဲ့စည်းပုံထဲမှာပါဝင်တဲ့ ထောင်ဒဏ်ကျခံနေရသူဟာ နိုင်ငံရေးပါတီဝင် မဖြစ်ရဆိုတဲ့ ကန့်သတ်ချက်ကြောင့် - မနှစ်က ၂၀၁၀ ရွေးကောက်ပွဲမတိုင်ခင် ပါတီမှတ်ပုံတင်ရမယ်ဆိုတာကို ငြင်းဆန်ခဲ့တာပါ။ ဒါကြောင့် အစိုးရကနေ NLD အပါအ၀င် မှတ်ပုံတင်ခြင်း မရှိတဲ့ နိုင်ငံရေးပါတီ တော်တော်များများကို တရားဝင်နိုင်ငံရေးပါတီအဖြစ်က ပယ်ဖျက်ခဲ့တာဖြစ်ပါတယ်။ ဒါပေမဲ့ မှတ်ပုံတင်ခြင်းဆိုင်ရာ ဥပဒေပြင်ဆင်ချက်တချို့ကို အစိုးရက ပြုလုပ်ခဲ့ပြီးနောက် နိုဝင်ဘာလ ၄ ရက်နေ့မှာပဲ သမ္မတ ဦးသိန်းစိန် က အတည်ပြုကြေညာခဲ့တာ ဖြစ်ပါတယ်။
ဒါ့အပြင် ဒီကနေ့မှာပဲ - UNA ညီညွတ်သောတိုင်းရင်းသားများမဟာမိတ်အဖွဲ့ကလည်း ပဏာမအကြိုအစည်းအဝေးတခု ပြုလုပ်ခဲ့ပြီးတော့ နိုင်ငံရေးပါတီတရပ်အနေနဲ့ မှတ်ပုံတင်သင့် - မတင်သင့်ကိစ္စကို ဆွေးနွေးခဲ့ပါတယ်။ ဒါပေမဲ့ အဖွဲ့ဝင်အားလုံး မစုံသေးတဲ့အတွက် ဆုံးဖြတ်ချက် အတိအကျတော့ မချနိုင်သေးဘူးလို့ UNA အဖွဲ့ဝင်ပါတီတခုဖြစ်တဲ့ SNLD မှ ပြောခွင့်ရသူ ဦးစိုင်းလိတ် က ဆက်ပြောပါတယ်။
“ဒီနေ့အစည်းအဝေးကတော့ ဦးနိုင်ငွေသိန်းရယ်၊ နောက် SNLD က အတွင်းရေးမှူး စိုင်းရွှေကြူးရယ်၊ နောက် UNLD က ဦးသာဘန်းပေါ့နော်။ ဒီ ၃ ယောက်ပဲပါတယ်။ ဆိုတော့ အဖွဲ့ဝင်တွေ မစုံသေးတဲ့အတွက်ကြောင့် ဆုံးဖြတ်ချက်တော့ မချရသေးဘူး။ ပဏာမ ဆွေးနွေးတဲ့အဆင့်ပဲ ရှိပါသေးတယ်။ အလားအလာကတော့ အင်မတန်မှ နဲပါသေးတယ်ခင်ဗျ။ UNA တဖွဲ့လုံးအနေနဲ့ စုပေါင်းပြီး မှတ်ပုံဆက်တင်ဖို့ ဆိုတာမျိုးကတော့ မရှိပါဘူး။ တဖွဲ့ချင်းအနေနဲ့ တင်ချင်တဲ့ အနေအထားမျိုးရှိတယ်ဆိုရင်တောင်မှ UNA နဲ့ မဆိုင်ဘူးပေါ့နော်”
UNA အဖွဲ့ဟာ ၁၉၉၀ ရွေးကောက်ပွဲတုန်းက လူထုထောက်ခံအားပေးမှုကို ရခဲ့တဲ့ တိုင်းရင်းသား နိုင်ငံရေးပါတီ ၁၃ ခုနဲ့ စုပေါင်းဖွဲ့စည်းထားတဲ့ အဖွဲ့ဖြစ်ပါတယ်။ ဒါပေမဲ့ SNLD ရှမ်းတိုင်းရင်းသားများဒီမိုကရေစီအဖွဲ့ချုပ်အနေနဲ့ကတော့ ခေါင်းဆောင်တွေ မလွတ်မြောက်သေးတဲ့အတွက် ပါတီ မှတ်ပုံတင်ဖို့ စဉ်းစားမှာမဟုတ်ကြောင်းနဲ့ NLD ပါတီ မှတ်ပုံတင်ခြင်း - မတင်ခြင်းကိစ္စပေါ် SNLD ရဲ့ သဘောထားကို အခုလို ပြောခဲ့ပါတယ်။
“ကျနော်တို့ကတော့ တင်ဖို့ မစဉ်းစားပါဘူး။ ဘာဖြစ်လို့လည်းဆိုတော့ ကျနော်တို့ရဲ့ ခေါင်းဆောင်တွေဖြစ်တဲ့ ဥက္ကဌ ခွန်ထွန်းဦးနဲ့ အတွင်းရေးမှူး စိုင်းညွန့်လွင်က အကျဉ်းကျနေဆဲမို့လို့ သူတို့တွေ လွတ်မြောက်လာခြင်းမရှိသေးပဲနဲ့ မှတ်ပုံတင်ဖိုိ့ကစ္စကို ကျနော်တို့ စဉ်းစားဦးမှာမဟုတ်ပါဘူး။ ကျနော်တို့ SNLD တခုတည်းရဲ့ သဘောထားဆိုရင်တော့ - NLD ရဲ့ ဆုံးဖြတ်ချက်ကို ဘာမှ ၀င်ရောက် ပြီး ဝေဖန်ချက် မပေးလိုပါဘူး။ ထိုက်သင့်သလို သူတို့လမ်းကြောင်းနဲ့ သူတို့ သွားမှာဖြစ်တဲ့အတွက်ကြောင့် ကျနော်တို့ကတော့ တူတာရှိရင် ပေါင်းလုပ်မယ်။ မတူတာရှိရင် ခွဲလုပ်မယ်ဆိုတဲ့ အနေအထားပဲရှိပါတယ်”
SNLD ပြောခွင့်ရသူ ဦးစိုင်းလိတ် ဖြစ်ပါတယ်။ SNLD ဥက္ကဋ္ဌ ဦးခွန်ထွန်းဦး ကတော့ ပူတာအိုအကျဉ်းထောင်မှာ ထောင်ဒဏ် ၉၃ နှစ် ကျခံ နေရပြီး အတွင်းရေးမှူး စိုင်းညွန့်လွင်ကိုလည်း ထောင်ဒဏ် ၈၃ နှစ်ချမှတ်ခံထားရတာပါ။ ဒါကြောင့် ဒီခေါင်းဆောင်တွေရဲ့ အမှုကို ပြန်လည်သုံးသပ်စစ်ဆေးပြီး သူတို့ လွတ်မြောက်ရေး မိသားစုဝင်တွေကနေ - မကြာသေးခင်ကပဲ - မြန်မာနိုင်ငံ အမျိုးသား လူ့အခွင့်အရေး ကော်မရှင်ကို လက်မှတ်ရေးထိုး တောင်းဆိုထားတာဖြစ်ပါတယ်ရှင်။