ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် နှင့် ဒဲရက်မစ်ချဲလ် US-မြန်မာ စစ်ရေးပူးပေါင်းဆောင်ရွက်ဖို့ ဆွေးနွေး

ဒဲရက်မစ်ချဲလ် နှင့် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်

တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင် နှင့် အမေရိကန်အစိုးရ၏  မြန်မာ နိုင်ငံဆိုင်ရာ အမေရိကန် အထူးကိုယ်စားလှယ်နှင့် မူဝါဒရေးရာညှိနှိုင်း ရေးမှူး ဒဲရက်မစ်ချဲလ်တို့သည် နိုဝင်ဘာလ ၃ရက်နေ့က နေပြည်တော်၌ တွေ့ဆုံခဲ့ပြီး မြန်မာ-အမေရိကန် နှစ်နိုင်ငံ တပ်မတော်နှစ်ရပ် ပူးပေါင်း ဆောင်ရွက်ရန် ကိစ္စရပ်များ ဆွေးနွေး ခဲ့ကြကြောင်း သိရှိရပါသည်။

မြန်မာနိုင်ငံမှကာကွယ်ရေး ဦးစီးချုပ်အဆင့်ရှိ တာဝန်ရှိသူနှင့် အမေရိကန် အဆင့်မြင့်အရာရှိတို့ တွေ့ဆုံ ဆွေးနွေးမှုမှာ ၁၉၈၈ ခုနှစ် နောက်ပိုင်း တစ်ကြိမ်မျှ မရှိခဲ့ဘဲ ယခုတစ်ကြိမ်သည် ပထမဆုံးအနေဖြင့် တွေ့ဆုံ ဆွေးနွေးခဲ့ကြခြင်း ဖြစ်သည်။

ဆွေးနွေးမှုများကို နိုဝင်ဘာလ ၃ ရက်နေ့ မွန်းလွဲပိုင်းအချိန်က နေ ပြည်တော်ရှိ ဇေယျာသီရိဗိမာန်၌ ပြု လုပ်ခဲ့ခြင်းဖြစ်ကာ မြန်မာ-အမေရိကန် နှစ်နိုင်ငံဆက်ဆံရေး မြှင့်တင်ရေး လုပ်ငန်းများ အပြင် နှစ်နိုင်ငံတပ်မတော် နှစ်ရပ်ပူးပေါင်း ဆောင်ရွက်ရန် ကိစ္စရပ်များကို ဆွေးနွေးခဲ့သည်ဟု နိုင်ငံပိုင်မီဒီယာများမှ တစ်ဆင့် သတင်း ထုတ်ပြန်ခဲ့ပါသည်။

ဗိုလ်ချုပ်ကြီး မင်းအောင်လှိုင် နှင့် ဒဲရက်မစ်ချဲလ်တို့၏ တွေ့ဆုံ ဆွေးနွေးပွဲသို့ ဒုတိယ တပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) ဒုတိယဗိုလ်ချုပ်ကြီး စိုးဝင်း၊ ကာကွယ်ရေး ဦးစီးချုပ်ရုံးမှ  ဒုတိယဗိုလ်ချုပ်ကြီး လှဌေးဝင်း၊ ကာကွယ်ရေးဦးစီးချုပ်(ရေ) ဒုတိယဗိုလ်ချုပ်ကြီး ဥာဏ်ထွန်း၊ ကာကွယ်ရေးဦးစီးချုပ်(လေ) ဒုတိယဗိုလ်ချုပ်ကြီး မြတ်ဟိန်း၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ကျော်ဆွေတို့ တက်ရောက်ခဲ့ကြပြီး အမေရိကန် ကိုယ်စားလှယ်အဖွဲ့မှ ပြည်ထောင်စု သမ္မတမြန်မာနိုင်ငံတော် ဆိုင်ရာ အမေရိကန်နိုင်ငံ စစ်သံမှူး Colonel Brey Sloan၊ အရှေ့တောင်အာရှ ဒေသဆိုင်ရာ ဒုတိယညွှန်ကြားရေးမှူး Mr.Eric Barborlak နှင့် ပြည်ထောင်စု သမ္မတမြန်မာနိုင်ငံတော် ဆိုင်ရာ အမေရိကန်သံရုံး ပထမအတွင်းဝန် Mr. Machut Shishak တို့ တက်ရောက်ခဲ့ကြကြောင်း သိရသည်။

မြန်မာနိုင်ငံဆိုင်ရာ အမေရိကန် အထူးကိုယ်စားလှယ်နှင့် မူဝါဒရေးရာ ညှိနှိုင်းရေးမှူး ဒဲရက်မစ်ချဲလ်သည် စက်တင်ဘာလ ၉ ရက်နေ့က မြန်မာနိုင်ငံသို့ ပထမဆုံးလာရောက်ထားပြီး အောက်တိုဘာလ ၂၅ရက် နေ့တွင် ဒုတိယအကြိမ် လာရောက်ခဲ့ ကာ နိုဝင်ဘာလ ၂ ရက်နေ့တွင် တတိယအကြိမ်ရောက်ရှိလာခဲ့ခြင်း ဖြစ်ပါသည်။ မြန်မာနိုင်ငံသို့ အချိန် နှစ်လအတွင်း သုံးကြိမ်မြောက် ရောက်ရှိလာသည့် ဒဲရက်မစ်ချဲလ်၏ တတိယ ခရီးစဉ်၌ အမေရိကန်နိုင်ငံ ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက်နိုင်ငံခြားရေး ၀န်ကြီး မိုက်ကယ်ပိုစနာလည်း လိုက်ပါခဲ့ပါသည်။ အမေရိကန် ကိုယ်စားလှယ် အဖွဲ့၏ခရီးစဉ်ကို နိုဝင်ဘာလ ၄ ရက်နေ့တွင် အဆုံးသတ်ခဲ့ပါသည်။

သတင်း---Eleven Media Group

မြန်မာနိုင်ငံတွင် ကျယ်ပြန့်ပြီး အဓိပ္ပာယ် ပြည့်ဝသည့် အသွင်ကူးပြောင်းရေးကို ဆက်လက် ဆောင်ရွက်သွားမည်ဟု မျှော်လင့်ကြောင်းနှင့် အမေရိကန်က အရေးပါသော အခန်းကဏ္ဍမှ ပါဝင်နိုင်ရန် မျှော်လင့်ဟု အမေရိကန်လက်ထောက် နိုင်ငံခြားရေးဝန်ကြီး ပြောကြား

Sunday, 06 November 2011 10:34

ဒေါ်အောင်ဆန်းစုကြည်နှင့် ဒီမိုကရေစီ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ်ပိုစနာ၊ အမေရိကန်အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ် ဒဲရက်မစ်ချဲလ်တို့ကို ရန်ကုန်မြို့ရှိ ဒေါ်အောင်ဆန်းစုကြည် နေအိမ်တွင် တွေ့ရစဉ် မြန်မာနိုင်ငံသို့ ပထမဆုံး အကြိမ်လာရောက် လည်ပတ်ခဲ့သော ဒီမိုကရေစီ လူ့အခွင့်အရေးနှင့် အလုပ်သမားရေးရာ လက်ထောက် နိုင်ငံခြားရေးဝန်ကြီး မိုက်ကယ်ပိုစနာက ယခု ခရီးစဉ်သည် အလွန်အကျိုးရှိပြီး အသုံးဝင်သည့် သတင်းအချက်အလက်များ ရရှိခဲ့သည့် ခရီးစဉ်အဖြစ် မှတ်ယူနိုင်ကြောင်း၊ ယခုခရီးစဉ်တွင် အစိုးရ အဆင့်မြင့်တာဝန်ရှိသူများ၊ အရပ် ဘက်လူ့အဖွဲ့အစည်းများမှ အဖွဲ့ဝင်များ၊ နိုင်ငံရေးခေါင်းဆောင်များ၊ နိုင်ငံတကာ အဖွဲ့အစည်းများမှ ကိုယ်စားလှယ်များနှင့် တွေ့ဆုံခဲ့ကြောင်း ပြောကြားခဲ့သည်။ မြန်မာနိုင်ငံသည် လူ့အခွင့်အရေး ပြဿနာများကြောင့် စီးပွားရေးနှင့် နိုင်ငံရေး အထီးကျန်နေသည်မှာ ဆယ်စုနှစ်ချီ ကြာနေပြီဖြစ်ကြောင်း၊ မကြာသေးခင်လများအတွင်း မြန်မာ အစိုးရသည် အသွင်ကူးပြောင်းရေး စတင်နေပြီဆိုသည်ကို ထင်ဟပ်စေသည့် အရေးယူဆောင်ရွက်မှုများ ဆောင်ရွက်ခဲ့ကြောင်း၊ ပြီးခဲ့သည့်လက အကျဉ်းသားများ လွှတ်ပေးမှုကို ကြို ဆိုကြောင်း၊ ကျန်ရှိသည့် ယုံကြည်ချက်ကြောင့် အကျဉ်းကျခံနေရသူများ ကို အမြန်ဆုံး လွှတ်ပေးစေလိုကြောင်း မစ္စတာပိုစနာက ပြောကြားခဲ့သည်။ မြန်မာနိုင်ငံရေးဖြစ်စဉ်တွင် NLD အပါအ၀င် နိုင်ငံရေးနှင့် သက်ဆိုင်သူအားလုံး တရားဝင်ပါဝင်ခွင့်ရရန် နိုင်ငံရေးပါတီများ မှတ်ပုံတင်ခြင်းဥပဒေကို အမြန်ဆုံးပြင်ဆင် ပြဋ္ဌာန်းရန် အပါအ၀င် အရေးယူ ဆောင်ရွက်မှုများ ထပ်မံဆောင်ရွက် စေလိုကြောင်း၊ တိုင်းရင်းသားလူမျိုးစု ဒေသများ၌ ပဋိပက္ခများ ဖြစ်ပွားနေသည်ကို ဖြေရှင်းဆောင်ရွက်စေလို ကြောင်း အဆိုပါကဏ္ဍများတွင် သိသာထင်ရှားသည့် တိုးတက်မှုများ ရှိလာပါက နှစ်နိုင်ငံဆက်ဆံရေးထူးခြားစွာ တိုးတက်လာမည်ဖြစ်ကြောင်း ပိုစနာ က ပြောကြားခဲ့သည်။ မြန်မာ ပြည်သူများအနေဖြင့် လွတ်လပ်စွာ တွေ့ဆုံခွင့်၊ လွတ်လပ်စွာဆောင်ရွက် နိုင်သော အစိုးရမဟုတ်သည့်အဖွဲ့ များဖွဲ့စည်းခွင့်၊ နိုင်ငံရေးပါတီများ၊ အလုပ်သမား သမဂ္ဂများနှင့် အခြားသော အရပ်ဘက်အဖွဲ့အစည်းများ ဖွဲ့စည်းခွင့်ရရှိရေးသည် အရေးကြီးကြောင်း၊ ထိုကဲ့သို့ ပြုပြင်ပြောင်းလဲမှုများ ဆောင်ရွက်ရန် အတွက် လွတ်လပ်စွာ ဖော်ထုတ်ရေးသားခွင့်၊ အစိုးရ အဖွဲ့အတွင်း သိသာမြင်သာမှုရှိမှုနှင့် ဥပဒေဖြင့်အုပ်စိုးမှုတို့ကို လေးစားရန် လိုအပ်ကြောင်း၊ ထိုကိစ္စများကို ညတွင်းချင်း ပြုပြင်ပြောင်းလဲနိုင်မည်ဟု မျှော်လင့်မထားကြောင်း၊ ကျယ်ပြန့်ပြီး အဓိပ္ပာယ်ပြည့်ဝသည့် အသွင်ကူးပြောင်းရေးကို ဆက်လက် ဆောင်ရွက်သွားမည်ဟု မျှော်လင့်ကြောင်း၊ အမေရိကန်က အရေးပါ သောအခန်းကဏ္ဍမှ ပါဝင်နိုင်ရန် မျှော်လင့်ကြောင်း မစ္စတာပိုစနာက ပြောကြားခဲ့သည်။ ထို့ပြင် မြန်မာနိုင်ငံဆိုင်ရာ အမေရိကန် အထူးကိုယ်စားလှယ် မစ္စတာဒဲရက်မစ်ချယ်က အမေရိကန်သည် မြန်မာနိုင်ငံကို အသေးစား လုပ်ငန်းချေးငွေနှင့် စိုက်ပျိုးရေးလုပ် ငန်းချေးငွေများတိုးမြှင့်ပေးသွားမည် ဖြစ်ကြောင်း နိုဝင်ဘာလ ၄ ရက် နေ့က မီဒီယာများနှင့်တွေ့ဆုံစဉ် ပြောကြားခဲ့သည်။ မြန်မာနိုင်ငံသို့ တတိယအကြိမ် လာရောက်လည် ပတ်ခဲ့သောဒဲရက်မစ်ချယ်က မြန်မာနိုင်ငံ၌ အကျိုးရှိသည့် အပြောင်းအလဲ များ ဖြစ်ပေါ်နေချိန်တွင် ခရီးစဉ်လာ ရောက်ခဲ့ခြင်းဖြစ်ကြောင်း၊ ယခုခရီး စဉ်သည်ထိရောက်ပြီးအကျိုးရှိသည့် ခရီးစဉ်ဖြစ်ကြောင်း၊ ထိတွေ့ဆက်ဆံရေးမူဝါဒ၏ အရေးကြီးသော အစိတ်အပိုင်း တစ်ရပ်အနေဖြင့် အမေရိကန်က မြန်မာနိုင်ငံကို USAID (Agency for International Development)  မှ တစ်ဆင့် အသေးစား ငွေချေးလုပ်ငန်းနှင့် စိုက်ပျိုးရေးချေးငွေများ တိုးမြှင့်ပေးသွားမည် ဖြစ်ကြောင်း၊  အမေရိကန်သည် USAID မှ တစ်ဆင့် ချေးငွေများပေးသည့် အစီအစဉ်ရှိခဲ့ကြောင်း ဒေါ်အောင်ဆန်းစုကြည် နှင့်ဆွေးနွေးတိုင်ပင်ပြီးနောက် အမေရိကန်၏ ကြိုးပမ်းမှုများကို အရှိန် မြှင့်တင်ရန်အတွက် မြန်မာနိုင်ငံ တိုင်းရင်းသား လူမျိုးစု ဒေသများနှင့် အခြားဒေသများတွင် ဒေသခံများ ဖွံ့ဖြိုးရေးအတွက် ချေးငွေများ တိုးချဲ့ ပေးသွားရန် နှစ်နိုင်ငံလုံးက နည်းလမ်း ရှာဖွေနေကြောင်း မစ္စတာဒဲရက်မစ်ချယ်က ပြောကြားခဲ့သည်။

အမေရိကန်အဆင့်မြင့်အရာရှိ ၂ ဦးရဲ့ မြန်မာပြည်ခရီး

ဗီအိုအေ-မြန်မာ(သတင်း)မှ

By David Gollust/ မအေးသန္တာကျော်

မြန်မာနိုင်ငံမှာ အရပ်သားအစိုးရသစ်ရဲ့ခေါင်းဆောင်တွေ၊ မြန်မာစစ်ဘက်ဆိုင်ရာ ခေါင်းဆောင်တွေနဲ့ အပြုသဘောဆောင် ဆွေးနွေးမှုတွေ ကျင်းပနိုင်ခဲ့တယ်လို့ မြန်မာနိုင်ငံကို ပြီးခဲ့တဲ့သီတင်းပတ်တွင်းမှာ သွားရောက်ခဲ့တဲ့ အမေရိကန်နိုင်ငံခြားရေး ၀န်ကြီးဌာနရဲ့ အဆင့်မြင့်အရာရှိတွေက ပြောကြားသွားပါတယ်။ ဒီလို မြန်မာဘက်က ပြုပြင်ပြောင်းလဲရေးတွေ လုပ်ဆောင်လာတာကို အမေရိကန်တို့ဘက်ကလည်း ထိန်းချုပ်မှုတွေ လျှော့ပေါ့ပေးခြင်းအားဖြင့် အပြုသဘောနဲ့ တုံ့ပြန်ဖို့စီစဉ်ထားတယ်လို့ သူတို့က ပြောပါတယ်။ ဒီသတင်းနဲ့ပတ်သက်လို့ ဗွီအိုအေ သတင်းထောက် David Gollust က နိုင်ငံခြားရေးဝန်ကြီးဌာနကနေ သတင်းပေးပို့ထားပါတယ်။

NLD ပါတီ မှတ်ပုံတင်ရေး အင်္ဂါနေ့ ဆွေးနွေးမည်

2011-11-05

နိုင်ငံရေးပါတီများ မှတ်ပုံတင်ခြင်း ဥပဒေကို ပြင်ဆင်တဲ့ ဥပဒေ ပြဋ္ဌာန်းချက်တရပ် ၂ဝ၁၁ ခုနှစ် နိုဝင်ဘာလ ၄ ရက် နေ့စွဲနဲ့ သမ္မတ ဦးသိန်းစိန်က လက်မှတ်ရေးထိုး ထုတ်ပြန်လိုက်ပါတယ်။

AFP

အမျိုးသား ဒီမိုကရေစီအဖွဲ့ချုပ် (NLD) ၏ ရန်ကုန်မြို့၊ ဗဟိုဌာနချုပ် ရုံးရှေ့တွင် စစ်အစိုးရ၏ ရွေးကောက်ပွဲကို ဆန့်ကျင်သော ပိုစတာ ကပ်ထားသည်ကို ၂ဝ၁ဝ ခုနှစ် နိုဝင်ဘာ ၄ ရက်နေ့က တွေ့ရပုံ ဖြစ်ပါသည်။

အခု ပြဋ္ဌာန်းလိုက်တဲ့ ဥပဒေမှာ အဓိက ဥပဒေ ၂ ရပ်ကို ပြင်ဆင်ထားပြီး နောက်ထပ် ဥပဒေ တခုကို ဖြည့်စွက် ထားပါတယ်။ အခုလို ပြင်ဆင် ထုတ်ပြန်လိုက်တာနဲ့ ပတ်သက်ပြီး NLD ပါတီ ပြောခွင့်ရပုဂ္ဂိုလ် ရှေ့နေ ဦးဉာဏ်ဝင်းက အခုလို ပြောပြပါတယ်။

“အခုပြင်လိုက်တာက ‘ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ရမယ်’ လို့ အရင် သုံးနှုန်းထားတာကို ‘လေးစားလိုက်နာရမယ်’၊ နောက်တခုက ကျနော်တို့ ပါတီဝင်တွေဟာ အကျဉ်းကျ မဖြစ်ရဘူး၊ အကျဉ်းကျရှိရင်လည်း ထုတ်ပယ်ရမယ် ဆိုတာ အဲဒါ ဖြုတ်လိုက်တယ်”

ဒီ ပြင်ဆင်ချက်ဥပဒေဟာ NLD ပါတီ မှတ်ပုံတင်ခွင့်ရအောင် ပြင်ဆင်ပေးလိုက်တာ ဖြစ်တယ်လို့ အေအက်ဖ်ပီ သတင်းဌာနက ဖော်ပြထားပါတယ်။ NLD ပါတီ ပြောခွင့်ရပုဂ္ဂိုလ် ဦးဉာဏ်ဝင်းက... ပါတီအနေနဲ့ ရွေးကောက်ပွဲ ကော်မရှင်မှာ မှတ်ပုံတင်သင့် မတင်သင့် ကိစ္စနဲ့ ပတ်သက်ပြီး လာမယ့် အင်္ဂါနေ့မှာ စတင် ဆွေးနွေးပြီး ဆုံးဖြတ်ချက်ချမှာ ဖြစ်တယ်လို့ RFA ကို ပြောပါတယ်။

ဝန်ကြီးတွေ မယ်မယ်ရရလုပ်တာ မတွေ့ရသေးဘူး၊ ရုံးတက် ချက်ထိုး အိမ်ပြန်လုပ်နေတဲ့ ၀န်ကြီးတွေလည်း ရှိတယ်

ချင်းအမျိုးသားပါတီမှ ပြည်နယ်လွတ်တော်ကိုယ်စားလှယ် ဦးချန်ပုမ်မှ ချင်းပြည်နယ်အစိုးရထံ အောက်တိုဘာလ ၁၈ ရက်နေ့က တင်သွင်းသော ၁၃ ချက်ပါ ဒေသဖွံ့ဖြိုးရေး အဆိုများအား ပြည်နယ်လွတ်တော်ဥက္ကဌ ဦးဟောက်ခင်ခမ်း က မေးခွန်းအဖြစ် ပြောင်းခိုင်းကြောင်း သိရသည်။ “လွတ်တော်ဥက္ကဌ ရဲ့ ၂၆ အောက်တိုဘာ ပြန်စာမှာ အဆိုတွေကို မေးခွန်းအဖြစ်ပြန်ပြင်ခိုင်းတယ်” ဟု ဟားခါးမြို့ နယ် စီအဲန် ပီပါတီဝင်တဦးက ပြောသည်။ ယခုအဆိုသည် တိုင်းဒေသကြီးနှင့် ပြည်နယ်လွတ်တော်ဆိုင်ရာ ဥပဒေပုဒ်မ ၁၁၂ နှင့် ၁၁၃ ကို မဆန့်ကျင်စေပဲ ပြည်နယ်လွတ်တော်ဆိုင်ရာ နည်းဥပဒေ ပုဒ်မ ၁၁၀ အရ တင်သွင်းခြင်းဖြစ်သည်ဟု ဆိုသည်။ ထို့အပြင် လွတ်တော်ဥက္ကဌ၏ စာထဲတွင် ယခု အဆိုများသည် ပြည်သူအတွက် အထူးအကျိုးရှိမည့် အဆိုများဖြစ် သော် လည်း တကယ့်ဒီမိုကရေစီ အုပ်ချုပ်ရေးမဟုတ်သည့် အတွက် အကောင်အထည်မဖော်ပေးနိုင်ကြောင်း ပါရှိသည်ဟု ထပ်မံ သိရသည်။ အဆိုထဲတွင် ကားလမ်းဖောက်လုပ်ရေး၊ မြို့တွင်းကားလမ်းများ ကတ္တရာခင်းပေးရေး၊ မြို့တွင်း ရပ်ကွက်ပြန် လည်ဖွဲ့ စည်းရေး၊ ကျေးရွာအုပ်စု ပြင်ဆင်ဖွဲ့စည်းရေး၊ ခရိုင်များ တိုးချဲ့ဖွဲ့စည်းရေး၊ မြို့နယ်တိုးချဲ့ရေး၊ ကျောင်းဆရာများ တိုးချဲ့ရေး၊ အလယ်တန်းအဆင့် အထိ ဒေသစာပေများ သင်ကြားခွင့်ပြုရေး၊ ရုပ်မြင်သံကြား တိုးချဲ့တပ်ဆင်ပေးရေး၊ မြို့နယ် အသီး သီးတွင် မြေတူးစက်များ ထားရှိပေးရေး ဟု ပါရှိကြောင်း ပြောကြသည်။ “ ပြည်သူလိုချင်တဲ့ ဒီမိုကရေစီဖက်ကို တဖြည်းဖြည်းပြောင်းလဲမယ် ဆိုတဲ့ သဘောဆိုယင် ကောင်းတဲ့ လက္ခဏာပေါ့ကွာ၊ ဒါပေမဲ့ အဆိုတွေကို မေးခွန်းအဖြစ်ပြောင်းပေးပါ ဆိုတာက အစည်းအဝေးမှာ အဆိုမရှိ၊ မေးခွန်းသာရှိ ဆိုပြီး ပယ်ချတာ မျိုးဖြစ်တယ်လို့ မြင်တယ်” ဟု ဟား ခါးမြို့က ရပ်မိရပ်ဖ တဦးက ဝေဖန်သွားသည်။ ချင်းပြည်နယ်အစိုးရ ၀န်ကြီးများသည် အာဏာရယူသည့်နေ့မှစပြီး ယနေ့အထိ ပြည်နယ်အတွက် မည်မည်ရရ အကောင် အထည်ဖော်သည့် လုပ်ငန်းများ မရှိသေးကြောင်းလည်းပြောကြသည်။ “ ၀န်ကြီးတွေ မယ်မယ်ရရလုပ်တာ မတွေ့ရသေးဘူး၊ ရုံးတက် ချက်ထိုး အိမ်ပြန်လုပ်နေတဲ့ ၀န်ကြီးတွေလည်း ရှိတယ်” ဟု ၀န်ကြီးရုံး ၀န်ထမ်းက ပြော သည်။ ချင်းပြည်နယ်ပုံမှန်လွတ်တော်အစည်းအဝေးကို လာမည့် နိုဝင်ဘာ ၈ ရက်နေ့မှ စတင်ပြီး ပြုလုပ်မည်ဖြစ်သည်။ သတင်း---Khonumthung News Group

မေယူတောင်တွင် သစ်ထုတ်လုပ်မူကြောင့် တောဆင်ရိုင်းများ ခိုကိုးရာမဲ့ဖြစ်လာနေ

နိရဉ္စရာ

ရခိုင်ပြည် နယ်မှ တော ဆင်ရိုင်းများ အဓိက ကျက်စားရာ မေယူ တောင်တွင် သစ်များကို ပရမ်းပတာ ခုတ်လှဲ ထုတ်ယူနေမူကြောင့် တောဆင် ရိုင်းများမှာ တစ တစ ခိုးကိုး ရာမဲ့ ဖြစ်လာ နေကြောင်း သတင်း ရရှိသည်။

မေယူ တောင်တန်းသည် ရခိုင်ပြည်နယ် ဘူးသီးတောင်၊ မောင်တောနှင့် ရသေ့ တောင်မြို့ နယ်များ အကြားတွင် တည်ရှိပြီး သဘာဝ အလျောက် ပေါက်ရောက်သော သစ်မာ ပင်များ အကြီး အကျယ် ဖြစ်ထွန်း တည်ရှိကာ တောဆင် ရိုင်းများ အဓိက ကျက်စားရာ မြန်မာ နိုင်ငံထဲမှ တောင်တန်း တစ်ခု ဖြစ်သည်။

ယခင်က ဖမ်းဆီးရမိခဲ့သော ဆင်ဖြူ (၆) ကောင်မှာလည်း ဤတောင်တန်းမှ ဖမ်းဆီး ရမိခဲ့ခြင်း ဖြစ်သည်။

သို့သော် ယခုအခါ သစ်ထုတ်လုပ်ရေး ကုမ္ပဏီတစ်ခုမှ သစ်တောဌာန၏ ခွင့်ပြုချက်ဖြင့် စက်ယန္တရား များကို အသုံးပြုကာ သစ်များကို ထုတ်လုပ်နေသဖြင့် သစ်တောများ ပါးလာပြီး တောဆင်ရိုင်း များမှာလည်း နေစရာ နေရာ မရှိ ဖြစ်လာကြောင်း မောင်တော ဒေသခံ တစ်ဦးက ပြောသည်။

" အခု မေယူတောင်တန်းမှာ နေထိုင် ကျက်စားနေတဲ့ ဆင်ရိုင်းတွေက နေစရာ နေရာ မရှိ ဖြစ်လာတော့ လူတွေနေတဲ့ နေရာတွေကို ဆင်းလာတယ်။ သီးနှံ စိုက်ခင်းတွေကို ဖျက်ဆီးလာတယ်။ လူတွေကို ရန်မူတာတွေလည်း လုပ်လာတာကို တွေ့နေရတယ်။ သစ်ပင်တွေကိုအရင်တုန်းကဆို ဒေသအတွင်းက လူတွေ အိမ်ဆောက်ဖို့ အတွက် ခုတ်လှဲတာလောက်ဘဲ ရှိတယ်။ ခုတော့ သစ်ထုတ်လုပ်ရေး ကုမ္ပဏီ တစ်ခုနဲ့ သစ်တောဌာနက လူကြီးတွေပူး ပေါင်းပြီး စက်ယန္တရားတွေနဲ့ နေ့စဉ်နဲ့အမျှ ခုတ်လှဲနေတော့ သစ်တောတွေ တအားပြုန်းတီးလာနေပါတယ်။" ဟု ပြောသည်။

တောဆင်ရိုင်းများသည် ယခုအခါ လူနေဒေသများသို့ ဆင်းလာပြီး စိုက်ခင်းများကို ၀င်ရောက် စားသောက်သဖြင့် ဒေသအတွင်းရှိ တောင်သူများ အတွက် အထူး အခက်အခဲ ဖြစ်နေရကြောင်း မေယူ တောင်ခြေရင်းတွင် တည်ရှိသော ရသေ့တောင်မြို့နယ် စူးခွင်ကျေးရွာမှ တောင်သူ တစ်ဦးက ပြောသည်။

" မေယူတောင်မှာ အရင် ငှက်ပျောခင်းတွေ၊ ဆောင်းသီးနှံတွေ ဖြစ်တဲ့ ဖရဲတို့၊ ငရုတ်တို့၊ ပဲတောင့်တို့ စိုက်ပျိုးကြတယ်။ ခုတော့ မရတော့ဘူး။ ဆင်တွေက လာဖျက်တယ်။ အစောင့် ထားရင်လည်း မနိုင်ဘူး" ဟု သူက ပြောသည်။

မေယူတောင်တန်း တလျှောက်ရှိ သစ်တောများမှာ ယခင်နှစ်များထက် တစ တစ ပြုန်းတီးလာနေရာ တောဆင်ရိုင်းများ နေစရာမဲ့ ဖြစ်လာနေသဖြင့် မောင်တောမြို့နယ်တွင်လည်း ဆင်များကြောင်း အလုပ်အကိုင်များ ထိခိုက်မူ ရှိနေကြောင်း အောင်ဗလ ရွာသား တစ်ဦးက ပြောသည်။

"သစ်တောတွေနည်းလာတော့ လူတွေ စိုက်ထားတဲ့ဥယာဉ်ခြံမြေတွေ ဘက်ကို ဆင်တွေက ဦးတည်လာတယ်။ သီးပင်စိုက်ခင်းတွေထဲကို ၀င်ရှာစားလာတော့ ဆင်နဲ့လူအကြား မကြာခဏ ထိပ်တိုက် တိုးလာတော့ လူတွေ အတွက် အသက်အန္တရာယ် စိုးရိမ်လာရတယ်ပေါ့ နော်။ လွန်ခဲ့တဲ့လတွေကလည်း ဆင်နှင်း သတ်လို့ လူတွေသေဆုံးတာ ရှိတယ်လေ။ အဲဒါကြောင့် ကိုယ့်ရဲ့ ဥယာဉ်ခြံ မြေနဲ့ စိုက်ပျိုးထားတဲ့ စပါးခင်း၊ ဟင်းခင်းတွေကို သွားဖို့တောင် ကြောက်လာ ကြပါတယ်" ဟုဆက်ပြောပြသည်။

ဒေသအတွင်း နေထိုင်သူများ အနေဖြင့် မေယူတောင်တန်းတွင် သစ်များ ထုတ်လုပ်ခြင်းအပေါ် သဘော မကျကြောင်းနှင့် ဆင်များကို ထိန်းသိမ်းစောင့်ရှောက်ထားရန် လိုအပ်ကြောင်း ရှု့မြင်ကြသည်ဟု သူက ဆက်ပြောသည်။

မြန်မာ အစိုးရသစ် လက်ထက်တွင် သစ်တောများ မပြုန်းတီးရေးနှင့် သဘာဝ ပတ်ဝန်းကျင် သာယာ လှပရေး အတွက် "အစိမ်းရောင် စီးပွားရေး စီမံကိန်း " အဖြစ် သစ်ပင် စိုက်ပျိုးရေးကို နိုင်ငံတကာနှင့်ပူး ပေါင်းလုပ်ဆောင်နေသည်ဟု ကြေညာနေသော်လည်း လက်တွေ့မှာ အဆိုပါ စီမံကိန်းကို မေယူဒေသ၌ အရေးတယူ အကောင်အည်ဖေါ် လုပ်ဆောင်ခြင်းမျိုး မမြင်တွေ့ရ ကြောင်း ဒေသခံများက ပြောဆိုသည်။

၁၉၉၀ ရွေးကောက်ပွဲ ရလဒ် ဖျောက်ဖျက်မရနိုင်လို့ ပြည်ထောင်စုလွှတ်တော် နာယကပြော

RFA မှ(သတင်း)2011-11-03

အန်အယ်လ်ဒီပါတီ အပြတ်အသတ် အနိုင်ရခဲ့တဲ့ ၁၉၉၀ ရွေးကောက်ပွဲ ရလဒ်ကို အသိအမှတ်ပြုကြောင်း၊ ဖျောက်ဖျက်လို့ရတဲ့ ကိစ္စ မဟုတ်ကြောင်း ပြည်ထောင်စု လွှတ်တော် နာယကက ပြောလိုက်ပါတယ်။

၂၀၁၁ ခုနှစ် သြဂုတ်လ ၂၂ ရက် နေ့တွင် ကျင်းပသည့် ပထမ အကြိမ် အမျိုးသား လွှတ်တော် ဒုတိယ ပုံမှန် အစည်းအဝေး ပထမနေ့တွင် လွှတ်တော် ဥက္ကဋ္ဌ ဦးခင်အောင်မြင့် သဘာပတိ အမှာစကား ပြောကြားသည့် မြင်ကွင်း ဖြစ်ပါသည်။

ရန်ကုန်တိုင်းမ် သတင်းဂျာနယ်နဲ့ အောက်တိုဘာလ ၃၁ ရက်က တွေ့ဆုံ မေးမြန်းခန်းမှာ ဦးခင်အောင်မြင့်က အခုလို ပြောကြားခဲ့တယ်လို့ နောက်ဆုံးထုတ် ရန်ကုန်တိုင်းမ် ဂျာနယ်မှာ ဖော်ပြထားပါတယ်။ အခုလို လွှတ်တော်အကြီးအကဲ ဦးခင်အောင်မြင့်က ၁၉၉၀ ရွေးကောက်ပွဲ ရလဒ်ကို အသိအမှတ်ပြုကြောင်း ပြောဆိုချက်ဟာ အန်အယ်လ်ဒီပါတီ မှတ်ပုံတင်ရေးအတွက် လုံလောက်မှု ရှိမရှိ ပါတီမှာ ဆွေးနွေးမှု မလုပ်ရသေးဘူးလို့ အန်အယ်လ်ဒီ ပြောခွင့်ရ ပုဂ္ဂိုလ် ဦးဥာဏ်ဝင်းက ပြောပါတယ်။ အန်အယ်လ်ဒီ ပါတီ မှတ်ပုံပြန်တင်မယ်ဆိုရင် လွှတ်တော် အကြီးအကဲ မိမိနဲ့တကွ လွှတ်တော် ကိုယ်စားလှယ်တွေ ကြိုဆိုမှာ ဖြစ်ကြောင်း၊ ပြည်သူတွေ ရွေးချယ်မယ်ဆိုရင် ဒေါ်အောင်ဆန်းစုကြည် လွှတ်တော်ထဲကို ရောက်လာမှာ ဖြစ်ကြောင်း၊ ဒေါ်အောင်ဆန်းစုကြည်ဟာ နိုင်ငံတကာ ဗဟုသုတ ကြွယ်ဝတဲ့ ပညာတတ် တစ်ယောက် ဖြစ်တာကြောင့် နိုင်ငံ တည်ဆောက်ရေး အတွက် အများကြီး အားကိုးရမှာ ဖြစ်ကြောင်းကိုလည်း ရန်ကုန်တိုင်းမ်က တွေ့ဆုံမေးမြန်းရာမှာ ပြည်ထောင်စု လွှတ်တော် နာယက ဦးခင်အောင်မြင့်က ပြောကြားသွားပါတယ်။

တမ်းတမ်းတတ အလွမ်းများ(၅) အောင်ဝေး

မိုးမခမှပြန်လည်ဖေါ်ပြပါသည်။
အောင်ဝေး  နိုဝင်ဘာ ၅၊ ၂၀၁၁

(ဒီတပတ်မှာ-၁၉၇၀ပြည့်နှစ်၊ အမျိုးသားနေ့ ရွှေရတုသဘင်မှာ၊ ဦးနေ၀င်း ပြောခဲ့တဲ့ စကားတခွန်းနဲ့၊ ၁၉၈၈- ရှစ်လေးလုံး အရေးတော်ပုံတုန်းက ၀န်ကြီးချုပ်ဦးနု ပြောခဲ့တဲ့ စကားတခွန်းတို့ကို ဆက်စပ် တင်ပြထားပါတယ်)

အားလုံး မင်္ဂလာပါ။
ဟိုးလွန်ခဲ့တဲ့ အနှစ်(၄၀) တရံရောတုန်းကလို့ပဲ ဆိုပါတော့။ ၁၉၇၀ပြည့်နှစ်ထဲမှာ၊ အမျိုးသားနေ့ ရွှေရတုသဘင်ကြီးကို တခမ်းတနား ဆင်ယင်ကျင်းပခဲ့ကြပါတယ်။ အဲဒီတုန်းက မဆလအစိုးရ လက်ထက်ပေါ့ ။

အဲဒီအမျိုးသားနေ့ ပရိသတ်ဗိုလ်ပုံ အလယ်မှာ၊ ဦးနေ၀င်း တဖြစ်လဲ၊ ဗိုလ်ချုပ်ကြီးနေ၀င်း ပြောခဲ့တဲ့ စကားတခွန်း မှတ်မိကြပါဦးမယ်။ “နာစရာရှိရင်၊ လွမ်းစရာနဲ့ဖြေ” တဲ့။ ဦးနေ၀င်းက သူနဲ့ ပုလဲနံပမသင့်လို့ အတိုက်အခံဖြစ်နေတဲ့ နိုင်ငံရေးအင်အားစုတွေကိုပဲ ရည်ညွှန်းချင်တာလား၊ ဒါမှမဟုတ် မြန်မာစကားမှာ ဆိုရိုးရှိလို့ လွယ်လွယ်ပဲ ပြောခဲ့လေသလား။

အဲဒီအချိန်တုန်းက၊ အဲဒီလို ဗိုလ်ချုပ်ကြီးနေ၀င်း ပြောလိုက်တဲ့ဟာက၊ ပြောလိုက်တဲ့သူအဖို့တော့ လွယ်လွယ်လေးပါပဲ။ ဘာမှဟုတ်ချင်မှ ဟုတ်ပေမဲ့၊ ကြားခဲ့ရ၊ နားထောင်ခဲ့ရတဲ့ ပုဂ္ဂိုလ်များ အဖို့တော့ (တနည်းအားဖြင့် ဦးနေ၀င်းအကြောင်း ကောင်းကောင်း သိထားတဲ့လူကြီးတွေ ဆိုရင်) နာကျင်ခံခက် ဖြစ်စရာလို့တောင် ထင်ရပါတယ်။ ဦးနေ၀င်း ပြောလိုက်ပုံများ “နာစရာရှိရင် လွမ်းစရာနဲ့ဖြေကြပါ” တဲ့။

အဲဒီအချိန်က ကျနော်တို့ အရွယ်ကလည်း၊ အထက်တန်းကျောင်းသား အရွယ်ပဲ ရှိသေးတာ ဆိုတော့၊ ဒီစကားရဲ့ အတိမ်အနက်ကို၊ ဘယ် ဒီတုန်းက ဟုတ္တိပတ္တိ နားလည်ခဲ့ကြဦးမှာတုံး။ နောင် နည်းနည်းလေးကြီးလာ၊ တက္ကသိုလ်လည်း ရောက်လာလို့၊ စာတွေပေတွေလည်း ဖတ်လာတော့မှ၊ ဦးနေ၀င်းပြောခဲ့တဲ့ စကားကို သေချာဂန၊ အနုလုံပဋိလုံ ဝေဖန်ပိုင်းခြား သုံးသပ်နိုင်လာတာပါ။

ကျနော်တို့ တိုင်းပြည်မှာ ဦးနေ၀င်းကြောင့် နစ်နာခဲ့ရတဲ့သူတွေ အများကြီး ရှိပါတယ်။ သခင်နိုင်ငံရေးသမားကြီးတွေ၊ စာရေးဆရာ၊ ကဗျာဆရာတွေ၊ တက္ကသိုလ် ပညာရှင်ကြီးတွေ၊ တပ်မှူးဟောင်းကြီးတွေ၊ ကျောင်းသားတွေ၊ ရဟန်းသံဃာတွေ အမြောက်အမြားဟာ၊ ထောင်ထဲရောက်သူရောက်၊ အသက်ပျောက်သူပျောက်၊ ဘ၀ ပျက်လောက်အောင်ကို နစ်နာခဲ့ရတာပါ။

ဦးနေ၀င်းဟာ ခေတ္တခဏ အာဏာယူပါတယ် ဆိုတဲ့ ၁၉၅၈-၅၉ အိမ်စောင့်အစိုးရအချိန်ကလေးမှာတောင်၊ နိုင်ငံရေးသမားတွေ၊ စာရေးဆရာတွေ၊ ကျောင်းသားတွေကို၊ ကိုကိုးကျွန်း အကျဉ်းထောင် ပို့ပစ်ခဲ့သေးတာပါ။ ဒါကပထမအကြိမ်ပါ။ ဒုတိယ အကြိမ်က၊ မဆလ အစိုးရ လက်ထက် ၁၉၆၉-၇၀၊ နိုင်ငံရေးသမားတွေ၊ စာရေးဆရာတွေ၊ ကျောင်းသားတွေကို၊ ကိုကိုးကျွန်း ပို့ခဲ့ပြန်တာပါပဲ။

ဆိုကြရင်တော့၊ အဲဒီလို ဦးနေ၀င်းက ၁၉၇၀ ပြည့်နှစ်ပေါ့ လေ၊ တန်ဆောင်မုန်းလဆုတ် (၁၀)ရက်နေ့၊ အမျိုးသားနေ့ ရွှေရတုအခါသမယမှာ “နာစရာရှိရင်၊ လွမ်းစရာနဲ့ဖြေကြပါ” လို့ ပြောလိုက်တဲ့စကားကို၊ သူနှိပ်စက်လို့ (ဦးနေ၀င်းနှိပ်စက်လို့) ကိုကိုးကျွန်းကို အရှင်လတ်လတ် အပို့ခံရတဲ့သူတွေများ ကြားသွားရင်၊ ဘယ်လိုများ နေကြမှာပါလိမ့်။

“နာစရာရှိရင်၊ လွမ်းစရာနဲ့ဖြေ” တဲ့။ ဒီစကားက အပြောလွယ်သလောက်၊ လက်တွေ့ ကျင့်ကြံရတဲ့နေရာမှာတော့၊ အတော့်ကို ခက်ခဲလိမ့်မယ်လို့ ထင်မိပါရဲ့ ။ ဖြေဖို့ဆိုတာက ဖြေဆည်ရာက ဘယ်မှာလဲ။ စကားကြုံလို့ ကဗျာလေး တပုဒ် အမှတ်ရမိတာ ဖြတ်ပြောပရစေ။ “အဆုံးမရှိအောင် ကျယ်ဝန်းတဲ့ အမှားတွေထဲ၊ တိမ်တွေက လှလိုက်တာ၊ ကိုယ့်မှာတရားနဲ့ဖြေနေရတယ်” ဆိုတဲ့၊ ဇာတ်မင်းသားကြီး မောင်သိန်းဇော်ရဲ့ “ရှုမျှော်ခင်း” ကဗျာထဲကလို၊ ကျနော်တို့အဖို့က၊ တရားနဲ့ဖြေလို့ရမယ့် အနေအထားလည်း မဟုတ်ပြန်ဘူးလေ။
ကောင်းပါပြီ။ နာစရာရှိတာ လွမ်းစရာနဲ့ဖြေပါပြီတဲ့။ ဆိုပါတော့၊ ဦးနေ၀င်းကြောင့်နစ်နာခဲ့ရ၊ နာကျင်ခဲ့ရတဲ့သူတွေ၊ ဦးနေ၀င်းအပေါ် စိတ်နာခဲ့ကြ၊ နှလုံးနာခဲ့ကြတဲ့သူတွေ၊ အဲဒီအနာတွေ၊ အနာတွေကိုဖြေဖို့ ဆိုတာ၊ ဦးနေ၀င်းမှာကလွမ်းစရာကော ရှိလို့လား။ ဦးနေ၀င်းဆီမှာ ကျနော်တို့ လွမ်းလောက်တဲ့ အလွမ်းတွေ တွေ့ မိပါသလား။ ကျနော်တို့ ပြည်သူတွေ လွမ်းကျန်နေရစ်အောင် ဦးနေ၀င်း ဘာတွေလုပ်ပြခဲ့ဖူးလို့လဲ။

ဒီတော့ အမျိုးသား ရင်ကြားစေ့ရေးဆိုတဲ့ အသံတွေကြားမှာ၊ နာစရာရှိရင် လွမ်းစရာနဲ့ ဖြေဖို့ ဆိုတာ၊ တော်တော်တော့ သဘောထားကြီးမှဖြစ်မယ်။ နည်းနည်းလည်း အချိန်ယူရလိမ့်မယ်။ ဒီလိုဖြစ်မယ် ထင်မိပါရဲ့ ။ ကျနော်တို့လူမျိုး ဆိုတာ၊ ကိုယ်ချင်းစာတရား ခေါင်းပါးတဲ့သူတွေ မဟုတ်ပါဘူး။ ခွင့်မလွှတ်တတ်တဲ့၊ အာဃာတကြီးတဲ့လူမျိုး မဟုတ်ပါဘူး။

ရှစ်လေးလုံး အရေးတော်ပုံကြီး အတွင်းတုန်းက ဘကြီးနု(၀န်ကြီးချုပ်ဦးနု)က“ချေ နှစ် ချေ” ဆိုပြီး လူထုကို ပြောခဲ့တယ်။ လက်စားမချေပါနဲ့၊ သင်ပုန်းချေကြပါတဲ့။ ကျနော်တို့ဟာ ယဉ်ကျေးတဲ့လူမျိုး အနေနဲ့၊ လူကြိးသူမ ဆိုဆုံးမစကားကို နားထောင်ချင်ကြပါတယ်။ သို့သော်- ကျနော်တို့မှာ သင်ပုန်းချေနိုင်တဲ့ အခွင့်အရေး မရှိသေးပါဘူး။ သင်ပုန်းချေနိုင်တဲ့ အခြေအနေကိုလည်း ကျနော်တို့ မရောက်ရှိသေးပါဘူး။
ခု လောလောဆယ် အထိတော့၊ ကျနော်တို့ဟာ စိတ်ရော ကိုယ်ရော ချေမှုန်းခံနေရတုန်းပဲလို့ ခံစားနေရဆဲပါ။ ကိုမင်းကိုနိုင်တို့၊ ဦးခွန်ထွန်းဦးတို့ အပါအ၀င် နိုင်ငံရေးအကျဉ်းသားတွေ အားလုံး မလွတ်မြောက်သေးပါ။ တိုင်းရင်းသား နယ်မြေတွေမှာ ဖြစ်ပွားနေတဲ့စစ်မီးတွေ မငြိမ်းသေးပါ။

အကယ်၍များ၊ သမ္မတကြီးဦးသိန်းစိန် အစိုးရအနေနဲ့ သဘောထားကြီးတယ် ဆိုရင် နိုင်ငံရေး အကျဉ်းသားတွေ အားလုံးကို ခြွင်းချက်မရှိ အမြန် ပြန်လွှတ်ပေးလိုက်ပါ။ တိုင်းရင်းသားတွေကို တိုက်ခိုက်နေတဲ့ စစ်ပွဲတွေ အမြန်ရပ်စဲလိုက်ပါ။ ဒါဟာ လွမ်းစရာ မကောင်းဘူးလား။

အဲဒီအခါ ပြည်သူတွေက နာစရာရှိတာတချို့ ကို ဖြေနိုင်ကြလိမ့်မယ် လို့ ထင်ပါတယ်။
နားဆင်တဲ့ အတွက် ကျေးဇူးပါ။ ။

အောင်ဝေး
အောက်တိုဘာ ၂၄-၂၀၁၁။

မူရင်း - လွတ်လပ်တဲ့အာရှအသံ http://www.rfa.org/burmese