ဝန်ကြီးချုပ်ဟောင်း ဦးဗဆွေ၏သမီး ဒေါ်နေရီဗဆွေ ဒီချုပ်NLDသို့ ဝင်ပြီ

ဝန်ကြီးချုပ်ဟောင်း ဦးဗဆွေ၏သမီး ဒီမိုကရက်တစ်ပါတီ(မြန်မာ)၏ အတွင်းရေးမှူးဒေါ်နေရီဗဆွေအား ပါတီသို့ လာရောက် လျှောက်လွှာတင်စဉ်ကတည်းက ပါတီဝင်အဖြစ်လက်ခံထားပြီးဖြစ်ကြောင်း ဖေဖော်ဝါရီ ၂ဝ ရက် ဒီချုပ်ရုံး၌ ပြုလုပ်သော သတင်း စာရှင်းလင်းပွဲတွင် အမျိုးသားဒီမိုကရေစီအဖွဲ့ချုပ်အတွင်းရေးမှူး ဦးဥာဏ်ဝင်းက

ပြောသည်။ ''သူ့ကို လက်ခံပြီးပြီ။ သူ ပါတီဝင် မလျှောက်ခင်ကတည်း က ကျွန်တော်တို့နဲ့တွေ့ပါ တယ်။

 

ကျွန်တော်တို့က သူ့ကို လျှောက်လွှာတင်တာနဲ့ တစ်ခါတည်း လက်ခံလိုက် တယ်'' ဟု ဦးဥာဏ်ဝင်း က ပြောသည်။ လက်ရှိ၌ အမျိုးသား ဒီမို ကရေစီအဖွဲ့ချုပ်သည် လျှောက် လွှာတင်ထားသူများအား ပါတီဝင်အဖြစ် တစ်နေ့လျှင် ဦးရေ တစ်ရာခန့် ထုတ်ပြန်ပေးနေ ကြောင်း သိရသည်။ ''ကျွန်တော်တို့က လျှောက် လွှာတင်တဲ့ဟာ အားလုံးလက်ခံ တယ်။ တချို့တွေ စိစစ်မယ်ဆို တာက NLD ပါတီမှာ လုပ်ဖူး တယ်။ ပြန်ထွက်သွားတယ်။ ဒါမျိုးရှိတဲ့ သူတွေ သူ့အခြေအနေ နဲ့ စိစစ်မယ်။ ကျန်တဲ့ သာမန် ကိစ္စ ဘယ်သူ့ကိုမှ မစိစစ်ဘူး'' ဟု ဦးဥာဏ်ဝင်းကရှင်းပြသည်။ ဝန်ကြီးချုပ်ဟောင်း ဦးဗဆွေ ၏သမီး ဒေါ်နေရီဗဆွေသည် ၂ဝ၁ဝ

ရွေးကောက်ပွဲမတိုင်မီက ဦးသုဝေ ဦးစီးတည်ထောင်သော ဒီမိုကရက် တစ်ပါတီ(မြန်မာ)

တွင် ပါဝင်ခဲ့ပြီး ၄င်းနှင့်အတူ ဝန်ကြီးချုပ်ဟောင်း ဦးနု၏သမီး ဒေါ်သန်းသန်းနု၊ ဝန်ကြီး

ချုပ်ဟောင်း ဦးကျော်ငြိမ်း၏သမီး ဒေါ်ချိုချိုကျော်ငြိမ်းတို့ ပါဝင်ခဲ့သည်။

 

ယင်းနောက် ဒေါ်နေရီဗဆွေသည် ၂ဝ၁ဝ နိုဝင်ဘာ ၇ ရက်ရွေး ကောက်ပွဲ၌ စမ်းချောင်းမြို့နယ် ပြည်သူ့ လွှတ်တော်မဲဆန္ဒနယ်၌ ဝင် ရောက်ယှဉ်ပြိုင်ခဲ့ရာ ရှုံးနိမ့်ခဲ့သည်။ အမျိုးသား ဒီမိုကရေစီ အဖွဲ့ချုပ် သို့ ဒေါ်နေရီဗဆွေဝင်ရောက်ခြင်းနှင့် ပတ်သက် ၍ ဖေဖော်ဝါရီ ၁၉ ရက် က ၄င်းအား ပေါ်ပြူလာနယူးစ် မှမေးမြန်းရာ ပါတီဝင် ဖြစ်မဖြစ် မည်သို့မျှ မပြောနိုင်သေးကြောင်း ပြန်လည် ဖြေကြားခဲ့သည်။

 

အမျိုးသား ဒီမိုကရေစီအဖွဲ့ ချုပ်သည်၎င်းတို့ ပါတီမှ နုတ်ထွက် ၍ အမျိုးသားဒီမိုကရေစီ အင်အားစု NDF ပါတီအမည်ဖြင့် ၂ဝ၁ဝရွေးကောက်ပွဲ ဝင်ခဲ့သူ လက်ရှိ အမျိုးသားလွှတ်တော် ကိုယ်စား လှယ် ဒေါက်တာ မြတ်ဥာဏစိုး အား ပါတီဝင်အဖြစ် ပြန်လည် လက်ခံကာ ၄င်းတို့ပါတီ၏ ပထမဆုံး လွှတ်တော်ကိုယ်စားလှယ် အဖြစ် ဖေဖော်ဝါရီ ၂ဝ ရက် နေ့က ကြေညာခဲ့သည်။''ကျွန်တော် ပြည်သူကို မလိမ် ချင်ပါဘူး။ခမောက်ဆိုတာ NLD ရဲ့ကိုယ်ပွားတစ်ခုပါ။ ဒါကြောင့် ဒီပါတီကို ဝင်ခွင့်ပြန်လျှောက် တာ'' ဟု ဒေါက်တာမြတ်ဥာဏ စိုးက ၄င်းအား အမျိုးသားဒီမို ကရေစီအဖွဲ့ချုပ်မှ ပထမဆုံး လွှတ်တော် ကိုယ်စားလှယ်အ ဖြစ်အသိအမှတ်ပြုကြေညာ ချက်နှင့် NDF ပါတီမှ နုတ်ထွက် ခဲ့ရခြင်းအပေါ် မှတ်ချက်ပြုပြော

ကြားခဲ့သည်။

 

ဦးခင်မောင်ဆွေနှင့် ဒေါက် တာသန်းငြိမ်း ဦးဆောင်သော NDF ပါတီသည်၂ဝ၁ဝ ရွေး ကောက်ပွဲ၌ လွှတ်တော်ကိုယ် စားလှယ် ၁၆ ဦး ရွေးချယ်ခံခဲ့ ရသော်လည်းလွှတ်တော်ကိုယ် စားလှယ်အချို့မှာ ယခုအခါပါတီ မှ နုတ်ထွက်သွားပြီ ဖြစ်သည်။

ဒေါ်စု မိုးကောင်းမြို့  အိုးတန်းဘောလုံးကွင်း မိန့် ခွန်း အပြည့်အစုံ (အသံဖိုင်)

 အမျိုးသားဒိမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်ဟာ ကချင်ပြည်နယ် မိုးကောင်းမြို့နယ် ဘောလုံးကွင်းမှာ ဒီညနေပိုင်းက မဲဆွယ်ဟောပြောပွဲလုပ်ပြီး အဖွဲ့ချုပ်ကိုယ်စာလှယ်လောင်းကို မဲပေးကြဖို့ တိုက်တွန်းပြောဆိုခဲ့ပါတယ်၊ ဒီပွဲကို ဧည့်ပရိတ်သတ် ကွင်းလုံးပြည့် တက်ရောက်နားထောင်ကြတယ်လို့ မျက်မြင်တွေက ပြောပါတယ်၊ ညနေလေးနာရီခွဲမှာ မိန့်ခွန်းပြောဆိုမှုပြီးဆုံးပြီးနောက် မြစ်ကြီးနားကို ပြန်မှာဖြစ်ပါတယ်၊ မြစ်ကြီးနားမှာ ညအိပ်ပြီး မနက်ကျရင် မြစ်ကြီးနားမြိုံက မနောကွင်းမှာ မဲဆွယ်ဟောပြောစည်းရုံးမှာဖြစ်ပါတယ်၊ ဒေါ်အောင်ဆန်းစုကြည် မိုးကောင်းမြို့နယ် ဟောပြောချက် အသံဖိုင်ပါ။
An-daw su moe kaung township speech 23feb by dvbradio
ဒေါ်အောင်ဆန်းစုကြည်သည် မိုးကောင်းမြို့ကို မွန်းလွဲ ၁း၀၀ နာရီတွင်ရောက်ရှိရန် ခန့်မှန်းထားသော်လည်း ညနေ ၄း၀၀ နာရီတွင်မှ ရောက်ရှိပြီး အိုးတန်းဘောလုံးကွင်းတွင် မိနစ် ၃၀ ကြာမိန့်ခွန်းပြောကြားခဲ့သည်။ အိုးတန်းဘောလုံးကွင်းအပြည့်လာရေ

ာက်နားထောင်သော သောင်းနှင့်ချီသည့် ဒေသခံများကို ဒေါ်အောင်ဆန်းစုကြည်က မိန့်ခွန်းပြောကြားရာတွင် ကချင်ပြည်နယ် ငြိမ်းချမ်းရေး၊ မိုးကောင်းမြို့နယ်အတွင်း လယ်ယာမြေများ သိမ်းဆည်းခံနေရခြင်းကို နမူနာပေး၍ တရားဥပဒေစိုးမိုးရေးကို ပြောကြားခဲ့ပြီး၊ ပင်လုံစိတ်ဓာတ်ရှိကြရန် ထည့်သွင်းပြောကြားသွားသည်။ ဒေါ်အောင်ဆန်းစုကြည်မိန့်ခွန်းပြောကြားမှုကို တက်ရောက်နားထောင်သူများတွင် ကျောင်းသားငယ်များ ပါဝင်သည့်အတွက် ပင်လုံစိတ်ဓာတ်ရှိကြရန်ပြောကြားရန် ပင်လုံစာချုပ်အကြောင်းကို အသေးစိတ်၍ ရှင်းလင်းပြောကြားခဲ့ကြောင်း အဆိုပါ အခမ်းအနားသို့ တက်ရောက်သတင်းရယူနေသော 7Day သတင်းထောက်မှ သတင်းပေးပို့သည်။
-------------------------------------------------------------
 ဒေါ်အောင်ဆန်းစုကြည်က မိုးကောင်းမြို့နယ် ပြည်သူသို့ ပြောကြားသွားရာတွင် မိမိတို့ဒေသထံ လာရောက် စည်းရုံးသည့် မည်သည့် ပါတီမှက လွှတ်တော် ကိုယ်စားလှယ်လောင်းကို မဆို မေးခွန်းများ မေးရန်လိုအပ်ပြီး ကိုယ်စားလှယ်လောင်းများကလည်း ဆန္ဒရှင်များ၏ ထောက်ခံမှုကို လိုချင်ပါက ဘာ့ကြောင့် ထောက်ခံခိုင်းသည်ကို ရှင်းပြနိုင်ရမည်ဟု ပြောသွားသည်။


“ဘယ်နိုင်ငံရေးပါတီပဲဖြစ်ဖြစ် ဘယ်ပုဂ္ဂိုလ်ပဲဖြစ်ဖြစ် လာပြီးတော့ စည်းရုံးလို့ရှိရင် ပြည်သူတွေက မေးခွန်း
မေးပိုင်ခွင့် ရှိတယ်။ မေးခွန်းတွေ ခေါင်းထဲမှာရှိရင် မေးပိုင်ခွင့်ရှိတယ်။ ပြည်သူတွေက မေးပိုင်ခွင့်ရှိရင် ပြည်သူ
တွေ ဘာသိချင်သလဲဆိုတာကို စဉ်းစားပြီးတော့ ဖြေရမယ်။ ဘာ့ကြောင့် ဒီအလုပ်တခုကို လုပ်တယ်ဆိုတာကို ရှင်းပြရမယ်။ ပြည်သူတွေရဲ့ ထောက်ခံမှုလိုချင်ရင် ဒီထောက်ခံဖို့ ကိစ္စကို ဘာဖြစ်လို့ လုပ်ချင်လဲဆိုတာကို ရှင်းပြရမယ်။” ဟု ဒေါ်စုက ပြောသွားသည်။


NLD ၏ မိုးကောင်း လွှတ်တော် ကိုယ်စားလှယ်လောင်း ရွေးချယ်မှုနှင့် ပတ်သက်၍လည်း “ဒေါ်ခင်ကြည်ကို မိုးကောင်းမြို့နယ်မှာ ကိုယ်စားလှယ်လောင်း အဖြစ်နဲ့ ရွေးချယ်လိုက်သလဲဆိုတာက အဖွဲ့ချုပ်က ပြည်သူတွေ
လေးစားနိုင်လောက်အောင် ဒီမိုကရေစီလမ်းကြောင်းပေါ်မှာ လျောက်လှမ်းခဲ့တယ်။” ဟု ပြောကြားသွားပြီး အတွေ့အကြုံနှင့် ပညာအရည်အချင်းတို့ကိုလည်း ထည့်သွင်းစဉ်းစား ရွေးချယ်ခဲ့ကြောင်း ပြောကြားသွားသည်။
 မဇ္ဈိမ

ပြည်သူ့လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်က အရပ်ဖက်အဖွဲ့အစည်းများမှ စီမံခန့်ခွဲသူများနှင့် တွေ့ဆုံလစာတိုးရန်ပြောသည့်ကိစ္စသည် ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီအတွက် မဲဆွယ်ခြင်း မဟုတ်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းပြောကြား



Wednesday, 22 February 2012 16:48

ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်က အရပ်ဖက်အဖွဲ့အစည်းများ နယ်ပယ်အသီးသီးမှ ပညာရှင်များ မီဒီယာသမားများနှင့် တွေ့ဆုံပွဲ အခမ်းအနားကို ရန်ကုန်တိုင်းဒေသကြီး၊ ပြည်လမ်းရှိ လွှတ်တော် အဆောက်အအုံတွင် ဖေဖော်ဝါရီလ ၂၂ ရက် နေ့ နံနက် ၉နာရီက ကျင်းပခဲ့ကြောင်း သိရသည်။ ယင်းတွေ့ဆုံပွဲ အခမ်းအနားသို့ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာနှင့် စီးပွားရေး လုပ်ငန်းရှင်များ၊ နယ်ပယ်အသီးသီးမှ ပညာရှင်များ၊ မီဒီယာသမားများ တက်ရောက်ခဲ့ကြောင်း သိရသည်။ ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင် ဖွဲ့စည်းရခြင်းမှာ - နိုင်ငံနှင့် နိုင်ငံသားများအတွက် အကျိုးဖြစ်ထွန်းသည့် ကိစ္စရပ်များ ဆောင်ရွက်ရာတွင် အထောက်အကူ ဖြစ်စေရန် ပြည်သူများထံမှ အခက်အခဲများကို ယခုကော်မရှင်မှ တဆင့် ကူညီဖြေရှင်းပေးနိုင်ရန် ဖွဲ့စည်းခဲ့ခြင်းဖြစ်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက အဆိုပါ အခမ်းအနားတွင် ပြောကြားခဲ့ပါသည်။ ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ကို ဥက္ကဋ္ဌ ဦးနန္ဒကျော်စွာ ၊ ဒုတိယ ဥက္ကဋ္ဌများဖြစ်သည့် ဦးသိန်းဆွေနှင့် ဦးဋ္ဌေးမြင့် အပါအ၀င် အဖွဲ့ဝင် စုစုပေါင်း (၄၆)ဦးဖြင့် ဖွဲ့စည်းထားပြီး ပြည်သူများနှင့် နယ်ပယ်အသီးသီးမှ ပညာရှင်များအနေဖြင့် ဥပဒေရေးရာ ကိစ္စရပ်များအပါအ၀င် အခြားကိစ္စရပ်များနှင့် ပတ်သက်၍ အကြံဥာဏ်များပေးလိုပါက ယခုကော်မရှင်မှ တဆင့်လွှတ်တော်သို့ ဝေဖန်အကြံပြုနိုင်ကြောင်း သိရသည်။ အဆိုပါတွေ့ဆုံပွဲ၌ အဓိကအားဖြင့် ဆွေးနွေးရာတွင် ၀န်ထမ်းများ၏ လစာစရိတ်များတိုးမြှင့်ပေးပါက ဖြစ်ပေါ်လာနိုင်သည့် ကုန်ဈေးနှုန်းကြီးမြင့်မှု ငွေကြေး၏ဖောင်းပွမှုများနှင့်ပတ်သက်၍ ကြိုတင်ပြင်ဆင်ထားသင့်သည့် အချက်များ၊ နိုင်ငံတော်နှင့် နိုင်ငံသားများ၏ အကျိုးများကို ဖော်ဆောင်ရာတွင် ဥပဒေပြုရေးမဏ္ဍိုင်မှ ဆောင်ရွက်သင့်သည့် ကိစ္စရပ်များအား ပွင့်လင်းမြင်သာစွာဖြင့် ပကတိ အရှိတရားအတိုင်း ပါဝင်ဆွေးနွေးနိုင်ပြီး အချိန် ကန့်သတ်ချက်ရှိပါက ဆွေးနွေးလိုသည့် အကြောင်းအရာများအား ကော်မရှင်သို့စာဖြင့် ဆွေးနွေးအကြံပြုနိုင်ကြောင်း ၊အပြုသဘော ဆွေးနွေးခြင်း မှတ်တမ်းတင်ခြင်းများ ဆောင်ရွက်သွားမည် ဖြစ်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့ပါသည်။ လွှတ်တော်တွင် ၄င်းပြောကြားခဲ့သော စကားများနှင့်ပတ်သက်၍ သတင်းစာများတွင် ဖော်ပြရာ၌ ပြည့် ပြည့်စုံစုံမဟုတ်ဘဲ ဖြတ်တောက်ထားသည်ကို တွေ့ရပါကြောင်း၊ မိမိပြောကြားချက်များအား အပြည့်အစုံဖော်ပြပါက မိမိအားထိခိုက်နိုင်သည်ဟု ယူဆပြီး ဖြတ်တောက်ထားခြင်းမျိုး ဆိုသည်လား မသိကြောင်း၊  ၀န်ထမ်းများ လစာတိုးရန်ပြောသည့် ကိစ္စတွင် မိမိအား အကောင်းဘက်မှ ပြောကြားသူများ ရှိသကဲ့သို့ ဝေဖန်သည့်ဘက်မှ ပြောကြားသူများလည်း ရှိကြောင်း၊ ယခုအချိန်၌ ဒီမိုကရေစီစနစ်ကို သွားနေပြီဖြစ်၍ ဆွေးနွေးအကြံပေးရာတွင်လည်း ယခင်ကကဲ့သို့ အကြောက်တရားမရှိဘဲ သတ္တိရှိရှိ ပါဝင်ဆွေးနွေးနိုင်ကြောင်း၊ ၀န်ထမ်းများ လစာတိုးသည့်ကိစ္စနှင့်ပတ် သက်၍လည်း မိမိအနေဖြင့် အလျော့ပေးသွားမည်မဟုတ်ပဲ ၀န်ထမ်းများ လစာတိုးမြှင့်ရရှိသွားစေရန် ဆောင်ရွက်သွားမည်ဖြစ်ကြောင်း၊ လစာတိုးမြှင့်လိုက်ပါက ကုန်ဈေးနှုန်းများ မြင့်တက်လာနိုင်သည်ကိုလည်း ဖြေရှင်းရန် စဉ်းစားသွားရမည်ဖြစ်ကြောင်း  ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့ပါသည်။ ပြည်သူ့လွှတ်တော်ဥက္ကဋ္ဌကြီးက ၀န်ထမ်းများလစာတိုးရန်နှင့် ပတ်သက်၍ လွှတ်တော်တွင်ဆွေးနွေး ပြောကြားခဲ့ခြင်းအပေါ် ကြားဖြတ်ရွေးကောက်ပွဲအတွက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအား မဲဆွယ်စည်းရုံးခြင်း မျိုးလားဟု ပြည်သူများအကြား၌ ပြောကြားမှုအချို့ ရှိနေခြင်းအပေါ် ဥက္ကဋ္ဌကြီး၏ အမြင်အားသိရှိလိုပါကြောင်း သတင်းသမား တစ်ဦးကမေးမြန်းခဲ့ရာ ''၀န်ထမ်းတွေ လစာတိုးပေးဖို့ ပြောကြားခဲ့တာဟာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီအတွက် မဲဆွယ်စည်းရုံးတာ မဟုတ်ပါဘူး။ နိုင်ငံတော်နဲ့ နိုင်ငံသားတွေအတွက် လုပ်ဆောင်ခဲ့ တာဖြစ်ပါတယ်'' ဟု ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြန်လည်ဖြေကြားခဲ့ပါသည်။ ''ကျွန်တော် ပြည်သူ့ခေတ်ဂျာနယ်က အယ်ဒီတာဖေမြင့်ပါ ခင်ဗျာ့  ကျွန်တော်တို့ နားထောင်နေရင်းနဲ့ ဥက္ကဋ္ဌကြီးပြောတဲ့အထဲမှာ ပါလာတဲ့ အချက်တစ်ခုကြောင့် ကျွန်တော်တို့ စိတ်မကောင်းဖြစ်ရပါတယ်။ အဲဒါ ဘာလဲဆိုတော့ ဥက္ကဋ္ဌကြီးပြောသွားတဲ့ မိန့်ခွန်းကို ပြန်ကြားရေး ၀န်ကြီး ဌာနရဲ့ မီဒီယာတွေ အားလုံးကနေပြီးတော့ ဖြတ်တောက်မှုရှိတယ်ဆိုတဲ့ အချက်ပါ။ ဒီအချက်ဟာ ကျွန်တော်တို့ စာနယ်ဇင်းသမားတွေ အတွက်ဆိုရင် အင်မတန်မှ ထူးခြားတဲ့အချက် ဖြစ်ပါတယ်။ အဲဒီဖြတ်တောက်ခြင်းသည် ဥပဒေပြုမဏ္ဍိုင်က ပုဂ္ဂိုလ်တစ်ယောက်ကို အုပ်ချုပ်ရေးမဏ္ဍိုင်ကနေပြီး ပြန်ပြီးအပြန်အလှန် ထိန်းကျောင်းတဲ့ လုပ်ငန်းရဲ့ဘောင်ထဲမှာ ၀င်သလား မ၀င်ဘူးလားဆိုတာကို သိချင်ပါတယ်။ တဆက်တည်းမှာပဲ အဲသလို လွတ်လပ်စွာပြောဆိုခွင့် ပြည်သူ့လွှတ်တော် ဥက္ကဋ္ဌကြီးတစ်ယောက်ရဲ့ လွတ်လပ်စွာပြောဆိုခွင့်၊ တဆက်တည်း ကျွန်တော်တို့လို စာနယ်ဇင်း သမားတွေရဲ့ လွတ်လပ်စွာ ရေးသားခွင့်တွေကို စိစစ်ဖြတ်တောက်တယ် ဆိုတာတွေက ဖွဲ့စည်းပုံ အခြေခံဥပဒေမှာ ပြဌာန်းထားတဲ့ ပြည်သူ့ ရပိုင်ခွင့်တွေထဲက လွတ်လပ်စွာ ပြောဆိုခွင့် လွတ်လပ်စွာ ရေးသားခွင့် ဆိုတဲ့ဟာကို ကန့်သတ်ရာ ရောက်ပါသလား။ တနည်းပြောလို့ရှိရင် ဖွဲ့စည်းပုံ အခြေခံဥပဒေနဲ့ ညီညွတ်မှု ရှိသလား မရှိဘူးလား ဆိုတဲ့အချက်ကလေးကို ကျွန်တော်သိချင်ပါတယ်''ဟု ဦးဖေမြင့်၏ မေးမြန်းချက်အပေါ် ဥက္ကဋ္ဌ သူရဦးရွှေမန်းက '' ဒီအဖြေကို အတွေ့အကြုံရှိတဲ့ ဥာဏ်ပညာ အမြော်အမြင်ရှိတဲ့ ကျွန်တော်တို့ မီဒီယာတွေက ရင်ထဲမှာ အဖြေရှိမယ်လို့ ထင်ပါတယ်။ ဒါကြောင့် ကျွန်တော့်နှုတ်ကတော့ သီးခြားဖြေစရာ မလိုဘူးလို့ဘဲ ထင်ပါတယ်ခင်ဗျာ'' ဟု ပြန်လည်ဖြေကြားခဲ့ပါသည်။ ထို့နောက် တက်ရောက်လာသည့် အသင်းအဖွဲ့များမှ ကိုယ်စားလှယ်များ၊ စီးပွားရေးလုပ်ငန်းရှင်များ၊ ပညာရှင်များက ဆွေးနွေးခဲ့ကြောင်း၊ ပြည်သူ့လွှတ်တော် ဥက္ကဋ္ဌ သူရဦးရွှေမန်းက နိဂုံးချုပ် ဆွေးနွေးတင်ပြခဲ့ပြီး မီဒီယာများမှ သိလိုသည်များ မေးမြန်းခြင်းနှင့် ဖြေကြားခြင်းများ ပြုလုပ်ခဲ့ကြောင်း သိရသည်။

ကိုကိုကြီး သရက်ခရီးစဉ်မှာ ရင်ဖွင့်ပြီ

 

၈၈ မျိုးဆက်ကျောင်းသား ခေါင်းဆောင် ကိုကိုကြီး သရက်ခရီးစဉ်

ပြီးခဲ့တဲ့ ဇန်န၀ါရီလ ၁၃ ရက်နေ့က လွတ်ငြိမ်းချမ်းသာခွင့်နဲ့ မိုင်းဆတ် အကျဉ်းထောင်ကနေ ပြန်လည် လွတ်မြောက်လာတဲ့ ကျောင်းသားခေါင်းဆောင် ကိုကိုကြီးဟာ သရက်မြို့ကို
ဖေဖော်ဝါရီလ ၂၁ ရက်နေ့က သွားရောက် ခဲ့ပါတယ်။ ဒီခရီးစဉ်အတွင်း ထောင်နဲ့ချီတဲ့ သရက်မြို့ဒေသခံတွေက ကျောင်းသားခေါင်းဆောင် ကိုကိုကြီးတို့ကို ကြိုဆို ခဲ့ကြသလို
ကိုကိုကြီးကလည်း သရက်မြို့ အမျိုးသားဒီမိုကရေစီ အဖွဲ့ချုပ်ရုံး ဆိုင်းဘုတ်ဖွင့်ပွဲကို သွားရောက်ပြီး စာပေစီစစ်ရေးက ဖြတ်တောက်ခဲ့တဲ့ သူ့ရဲ့ထောင်တွင်း အတွေ့အကြုံ ပြောစကား
တွေကိုလည်း ဒေသခံတွေကို သူကပြန်ပြောပြ ခဲ့ပါတယ်။ ဒါ့အပြင် လာမယ့် ကြားဖြတ် ရွေးကောက်ပွဲမှာ ကိုယ်ပေးမယ့် မဲတစ်ပြားအပေါ် အလေးအနက်ထားဖို့ သရက်မြို့ဒေသခံတွေကို
သူက တိုက်တွန်း ခဲ့ပါတယ်။

တိုင်းရင်းသားများ ညီညွတ်ရန် ဒေါ်အောင်ဆန်းစုကြည် ပြော

ရန်ပိုင် on February 23, 2012


အမျိုးသား ဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်က ဒီမိုကရေစီ အတွက် တိုင်းရင်းသားများ စည်းလုံးညီညွတ်မှုရှိရန် ကချင်ပြည်နယ် နမ္မတီးကျေးရွာအားကစားကွင်း၌ မိနစ်၂၀ခန့် ပြုလုပ်သည့် လူထုဟောပြောပွဲတွင် ပြောကြားလိုက်သည်။

ဒေါ်အောင်ဆန်းစုကြည်က“ကျမတို့ ပြည်ထောင်စုကို တိုင်းရင်းသားလူမျိုးပေါင်းစုံနဲ့ ဖွဲ့စည်းထားတာဖြစ်တယ်၊ ဒါကြောင့်မို့လို့ ကျမ တို့ အချင်းချင်း တဦးအပေါ်တဦး နားလည်မှုရှိရမယ်၊ တဦးကိုတဦးလေးစားရမယ်၊ တဦးကိုတဦးသစ္စာထားရမယ်၊ ကိုယ်လိုချင်တဲ့ ပြည် ထောင်စုကြီးကို ထူထောင်နိုင်မယ်လို့ ယုံကြည်ချက်နဲ့ လက်တွဲဆောင်ရွက်ကြပါစို့”ဟု ကချင်ပြည်နယ် လူထုကိုပြောကြား သည်။

မိမိတို့ NLD ပါတီအနေဖြင့် ဒေသခံပြည်သူများ အကျိုးကို ဆောင်ရွက်ပေးစေချင်လျှင် မိမိတို့ ပါတီအား မဲထည့်ခြင်းအားဖြင့် ကူညီ စေလို ကြောင်း၊ သို့မှသာ ပြည်သူလူထုကို ကူညီနိုင်မည်ဖြစ်ကြောင်း၊ ပြည်သူများအနေဖြင့်လည်း မြို့နယ် NLD ပါတီရုံးသို့ ဆက် သွယ် အကူ အညီတောင်းခံနိုင်ကြောင်းလည်း ပြောဆိုသည်ဟု NLD အသိုင်းအ၀ိုင်းက ပြောပြသည်။

“ကျမတို့က ပြည်သူတွေကို အင်အားဖြည့်ပေးချင်တယ်၊ ကိုယ်ဘာသာကိုယ် ကျော်လွှားနိုင်တဲ့ အင်အားတွေ၊ အခွင့်အရေးတွေရဖို့ ကျိုး စား ရမယ်၊ ဘယ်သူ့ကိုမှ အားမကိုးရဘူးပေါ့၊ နောက်ဆုံး ပြည်သူတွေကို အစိုးရကအားကိုးရတဲ့အခြေအနေကို ကျမတို့ကပို့ပေး ရမယ်” ဟု ဒေါ်အောင်ဆန်းစုကြည်က ဆက်ပြောသည်။

ထို့အပြင် သမ္မတကြီး ဦးသိန်းစိန်အနေဖြင့်လည်း ဒီမိုကရေစီအတွက် တံခါးဖွင့်ဖော်ဆောင်ပေးနေကြောင်းလည်း ထည့်သွင်းပြောကြား သွားသည်။

ဒေါ်အောင်ဆန်းစုကြည်အား နမ္မတီးကျေးရွာနှင့်အနီးဝန်းကျင်ရှိ ပြည်သူ သောင်းနှင့်ချီ၍ သောင်းသောင်းဖြဖြ ကြိုဆိုကြောင်း နမ္မတီး NLD လူငယ် ကိုဝင်းနိုင်က ပြောသည်။

“နယ်တိုင်း က လာပြီး တအားတိုးနေတာ၊ လုံခြုံရေးအတွက်စိုးရိမ်ပေမယ့် နိုင်နိုင်နင်းနင်း ထိန်းနိုင်တယ်လို့ ပြောရမှာပဲ”ဟု ၎င်းက ဆို သည်။

မူလက ယခုခရီးစဉ်ကို ဒေသအာဏာပိုင်များက လုံခြုံရေးအကြောင်းပြချက်ဖြင့် တားမြစ်ထားခဲ့ပြီးနောက် ပြီးခဲ့သည့် တနင်္လာနေ့က ပြန် လည် ရုပ်သိမ်း၍ ခွင်းပြုခဲ့ခြင်း ဖြစ်သည်။

ဒေါ်အောင်ဆန်းစုကြည်နှင့် အဖွဲ့သည် မိုးကောင်းမြို့သို့ ဆက်လက်ထွက်ခွာသွားရာ လမ်းခရီးတွင် လူထုကြိုဆိုမှုများပြားသည့် အတွက် ယာဉ်တန်းကို ဖြေညင်းစွာ မောင်းနေရကြောင်း ကိုဝင်းနိုင်က ဆက်ပြောသည်။

မိုးကောင်းမြို့၌ လူထု စည်းရုံးရေးဟောပြောပွဲ ပြုလုပ်အပြီးတွင် မြစ်ကြီးနားသို့ ပြန်လည် ညအိပ်နားနေမည် ဖြစ်သည်ဟု ဆိုသည်။

ဒေါ်အောင်ဆန်းစုကြည်သည် ယနေ့နံနက် ၉ နာရီခွဲခန့်တွင် လေယာဉ်ဖြင့် ရန်ကုန်မြို့မှ ထွက်ခွာလာရာ မြစ်ကြီးနားမြို့သို့ ၁၂နာရီ ကျော် ကျော်တွင် ရောက်ရှိလာခြင်း ဖြစ်သည်။

မြစ်ကြီးနားလေဆိပ်တွင်လည်း ဒေါ်အောင်ဆန်းစုကြည်အား လူထုကသောင်းသောင်းဖြဖြ ကြိုဆိုကြောင်း၊ မြစ်ကြီးနား မနောကွင်း တွင် မနက်ဖြန်နံနက် ၉နာရီခန့်တွင် လူထုအားဟောပြောမည်ဖြစ်ကြောင်း မြစ်ကြီးနားမြို့ NLD ပါတီမှ ဦးနေ၀င်းကပြောသည်။

မနေ့က တိုင်ရီဖိနပ် စက်ရုံဆန္ဒပြ အလုပ်သမားများအား ရွှေညဝါဆရာတော်ကြီးမှ ဆန်နှင့်ခေါက်ဆွဲခြောက်များ လှူဒါန်းပေးအပ်ခဲ့ပါတယ်...

ဒီမိုဝေယံမှ-

မနေ့က လှိုင်သာယာမြို့၊ တိုင်ရီ ဖိနပ်စက်ရုံ ဆန္ဒပြ အလုပ်သမားများအတွက် ရွှေည၀ါ ဆရာတော်ကြီးမှ ဆန်နှင့် မားမား ခေါက်ဆွဲခြောက် စသည်များ ထောက်ပံ့လှုဒါန်းခဲ့ပါသည်။ ရွှေညဝါဆရာတော်ကြီးရဲ့ လက်ထောက် ဆရာတော် ဦးသူရိယ၊ စမ်းချောင်းကိုကိုကြီးနှင့် မစုစုနွေးတို့မှ လိုက်ပါ ကူညီ ဆောင်ရွက်ပေးခဲ့ပါပြီး အလုပ်သမားများရဲ့ အခက်အခဲများအား မေးမြန်းအားပေး ကူညီခဲ့ပါတယ်..။

တနာရီကို ကျပ်တစ်ရာတောင် မရရှိရှာတဲ့ ကျွန်တော်တို့ မြန်မာအလုပ်သမားတွေရဲ့ ဘဝတွေပါ..။ တနေ့ ကိုးနာရီလောက် လုပ်မှ ၁ဒေါ်လာနဲ့ ညီမျှတဲ့လုပ်ခ ရရှိတာပါ။

ဒေါ်စု ကချင်ပြည်နယ် ခရီးစဉ် (Update)

ဖနိဒါ၊ မျိုးသန့် | ကြာသပတေးနေ့၊ ဖေဖေါ်ဝါရီလ ၂၃ ရက် ၂၀၁၂

ပါတီအသီးသီးက ကိုယ်စားလှယ်လောင်းများကို မေးခွန်းမေးဖို့ မိုးကောင်းလူထုကို ဒေါ်စုပြော

သတင်းလွှင့်တင်ချိန်- မြန်မာစံတော်ချိန် ၁၆ နာရီ ၄၈ မိနစ
်
ဒေါ်အောင်ဆန်းစုကြည်က မိုးကောင်းမြို့နယ် ပြည်သူသို့ ပြောကြားသွားရာတွင် မိမိတို့ဒေသထံ လာရောက် စည်းရုံးသည့် မည်သည့် ပါတီမှက လွှတ်တော် ကိုယ်စားလှယ်လောင်းကို မဆို မေးခွန်းများ မေးရန်လိုအပ်ပြီး ကိုယ်စားလှယ်လောင်းများကလည်း ဆန္ဒရှင်များ၏ ထောက်ခံမှုကို လိုချင်ပါက ဘာ့ကြောင့် ထောက်ခံခိုင်းသည်ကို ရှင်းပြနိုင်ရမည်ဟု ပြောသွားသည်။

“ဘယ်နိုင်ငံရေးပါတီပဲဖြစ်ဖြစ် ဘယ်ပုဂ္ဂိုလ်ပဲဖြစ်ဖြစ် လာပြီးတော့ စည်းရုံးလို့ရှိရင် ပြည်သူတွေက မေးခွန်း မေးပိုင်ခွင့် ရှိတယ်။ မေးခွန်း တွေ ခေါင်းထဲ မှာရှိရင် မေးပိုင်ခွင့်ရှိတယ်။ ပြည်သူတွေက မေးပိုင်ခွင့်ရှိရင် ပြည်သူတွေ ဘာသိချင်သလဲဆိုတာကို စဉ်းစားပြီးတော့ ဖြေ ရမယ်။ ဘာ့ကြောင့် ဒီအလုပ်တခုကို လုပ်တယ်ဆိုတာကို ရှင်းပြရမယ်။ ပြည်သူတွေရဲ့ ထောက်ခံမှုလိုချင်ရင် ဒီထောက်ခံဖို့ ကိစ္စကို ဘာ ဖြစ်လို့ လုပ်ချင်လဲဆိုတာကို ရှင်းပြရမယ်။” ဟု ဒေါ်စုက ပြောသွားသည်။

NLD ၏ မိုးကောင်း လွှတ်တော် ကိုယ်စားလှယ်လောင်း ရွေးချယ်မှုနှင့် ပတ်သက်၍လည်း “ဒေါ်ခင်ကြည်ကို မိုးကောင်းမြို့နယ်မှာ ကိုယ် စားလှယ်လောင်း အဖြစ်နဲ့ ရွေးချယ်လိုက်သလဲဆိုတာက အဖွဲ့ချုပ်က ပြည်သူတွေ လေးစား နိုင်လောက် အောင် ဒီမိုကရေစီ လမ်း ကြောင်း ပေါ်မှာ လျောက်လှမ်းခဲ့တယ်။” ဟု ပြောကြားသွားပြီး အတွေ့အကြုံနှင့် ပညာအရည်အချင်းတို့ကိုလည်း ထည့်သွင်းစဉ်းစား ရွေးချယ်ခဲ့ကြောင်း ပြောကြားသွားသည်။

---------------------------------------------------------------------------------------------------------------------
ဒေါ်စု မိုးကောင်းရောက် လူထု တခဲနက်ကြိုဆို

သတင်းလွှင့်တင်ချိန်- မြန်မာစံတော်ချိန် ၁၆ နာရီ ၀၀ မိနစ်

မိုးကောင်းမြို့သို့ ဒေါ်အောင်ဆန်းစုကြည် ရောက်ရှိနေပြီဖြစ်ပြီး ကျောင်းသားလူငယ်များ၊ မြို့သူမြိုသားများမှ ကြိုဆိုကြသည်ဟု မြစ်ကြီး နား NLD ဥက္ကဋ္ဌ ဦးနေဝင်းက မဇ္ဈိမကို ပြောသည်။

“ကလေးတွေ၊ လူကြီးတွေကော၊ ကျောင်းသားတွေကော၊ ကျောင်းဝတ်စုံလေးတွေနဲ့ အကုန်လုံး တခဲနက် ကြိုဆို နေကြ တယ်ဗျ။ လူက လည်း တော်တော် များပါတယ် ခင်ဗျာ့ တော်တော်များပါတယ်။ လမ်းတလျောက် အရှည်ကြီး ပဲဗျ လူကတော့ လေးငါး ခြောက်သောင်း ကျော်ရှိမယ်ဗျ။ ကြိုဆိုနေကြတာ တခဲနက်ပဲ။” ဟု ဦးနေဝင်းက ပြောသည်။

ဦးနေဝင်း၏ ဖုန်းဖြင့် ဖြေကြားမှုတွင် မိုးကောင်းလူထုမှ “အမေစု ကျန်းမာပါစေ၊ အမေစု ကျန်းမာပါစေ” ဟု ဆန္ဒပြု ဆုတောင်း သံများ လည်း ကြားနေရသည်။

----------------------------------------------------------------------------------------------------------------
နမ္မတီး အားကစားကွင်းအတွင်း ဒေါ်အောင်ဆန်းစုကြည် မိန့်ခွန်း

သတင်းလွှင့်တင်ချိန်- မြန်မာစံတော်ချိန် ၁၅ နာရီ ၄၆ မိနစ်

နမ္မတီး ကျေးရွာရှိ ဘောလုံး ကွင်းတွင် လူထု ၅ သောင်းခန့် လာရောက် အားပေး ကြပြီး ဒေါ်အောင်ဆန်း စုကြည် ကျန်းမာ ပါစေ ဟူ သော ဆုတောင်း မေတ္တာများ ပေးခဲ့ ကြသည်။

ဒေါ်အောင်ဆန်းစုကြည် ဟောပြောပွဲမှ ကောက်နုတ်ချက် အချို့မှာ “မိုးကောင်းမြို့နယ်တွင် NLD ပါတီအနေဖြင့် ဝင်ရောက် ယှဉ်ပြိုင် ရ ခြင်းမှာ စစ်မှန်သော ပြည်ထောင်စုစိတ်ဓါတ် ပြန့်ပွားနေချင်လို့ ဖြစ်ပါတယ်။ ဖွဲ့ထားစဉ် ကာလကတည်းက တိုင်းရင်းသားအားလုံး သွေး စည်းညီညွတ်ရေးကို မြင်ချင်လို့ ဖြစ်တယ်”

“ကျမတို့ အမျိုးသားဒီမိုကရေစီအဖွဲ့မှာ တော်တော်များများ ရှိပါတယ်။ အဲဒီများတဲ့ထဲက ပြန်စဉ်းစားတဲ့အခါမှာ အမျိုးသမီးတွေ၊ တိုင်းရင်း သူ တိုင်းရင်းသားတွေကို ဦးစားပေးမယ် ဆိုပြီးတော့ ဆုံးဖြတ်ခဲ့ပါတယ်။ အမျိုးသမီးတွေကို အားပေးတဲ့ သဘောပါ။ ဘာကြောင့် လဲဆို တော့ အမျိုးသမီးတွေရဲ့ အင်အား မသုံးဘူးဆိုလို့ရှိရင် ကျမတို့နိုင်ငံမှာ တိုးတက်သင့်သလောက် တိုးတက်မှာ မဟုတ်ဘူး။ ကျမတို့နိုင်ငံ က အမျုိးသမီးတွေ များတယ်” ဟုဒေါ်အောင်ဆန်းစုကြည်က ဟောပြောသွားသည်။

------------------------------------------------------------------------------------------------------------------
တိုင်းရင်းသား စည်းလုံးညီညွတ်ရေး နမ္မတီးလူထုကို ဒေါ်စုပြော

သတင်းလွှင့်တင်ချိန်- မြန်မာစံတော်ချိန် ၁၅ နာရီ ၂၀ မိနစ်

ဒေါ်အောင်ဆန်းစုကြည်၏ နမ္မတီး အားကစားကွင်းအတွင်း လူထုပရိသတ် ၅ သောင်းခန့်အား ဟောပြောမှုတွင် တိုင်းရင်းသား စည်းလုံး ညီညွတ်ရေးတွက် ဟောပြောသွားပြီး ညီညွတ်သည့် ပြည်ထောင်စုထူထောင်နိုင်ရန် တိုင်းရင်းသားအားလုံး လက်တွဲကာ အတူတကွ လုပ် ဆောင်ကြရန် တိုက်တွန်း ပြောဆိုသွားသည်။

"ကျမတို့ဟာ ပြည်ထောင်စုပါ တိုင်းရင်းသားလူမျိုးပေါင်းစုံနဲ့ ဖွဲ့စည်းထားတဲ့ ပြည်ထောင်စုကြီး ဖြစ်ပါတယ်။ ဒါကြောင့် မလို့ ကျမတို့အချင်း ချင်း တဦးပေါ် တဦး နားလည်မှု ရှိရမယ်။ တဦးကိုတဦး လေးစားရမယ်။ တဦးအပေါ် တဦး သစ္စာထားရမယ်။ ညီညီညွတ်ညွတ်နဲ့ ကိုယ် လိုချင်တဲ့ ပြည်ထောင်စုကြီးကို ထူထောင်နိုင်မယ်ဆိုတဲ့ ယုံကြည်ချက်နဲ့ အားလုံးလက်တွဲပြီးတော့ ချီတက်ကြပါစို့လို့။" ဟု ဒေါ်စုက နမ္မတီး လူထုကို ပြောကြားသွားသည်။

ယင်းအပြင် ပြည်သူများအနေဖြင့် အခက်အခဲများကို ရင်ဆိုင်ကျော်လွှားနိုင်သည့် သတ္တိရှိရန် လိုအပ်ပြီး အစိုးရမှ အားကိုးရသည့် ပြည်သူ များဖြစ်ရန်လည်း တိုက်တွန်းသွားသည်။

"ပြည်သူတွေအနေနဲ့ ဘာပဲဖြစ်ဖြစ် ကိုယ့်ဘာသာကိုယ် ရင်ဆိုင်ပြီးတော့ ကိုယ့်ဘာသာကိုယ် ကျော်လွှားနိုင်တဲ့ အခွင့်အရေးတွေ ရဖို့လိုပါ တယ်။ အဲဒီတော့ ဘယ်သူ့ကိုမှ အားမကိုးနေရဘူးပေါ့။ နောက်ဆုံးကျတော့ ဘယ်လို ဖြစ်လာ ရမလဲ ဆိုတော့ ပြည်သူ တွေကို အစိုးရက အားကိုးတဲ့ အခြေ အနေကို ရောက်အောင်လို့ ကျမတို့က ပို့ပေးရမှာဖြစ်ပါတယ်။ အခုလည်း ကျမတို့က အားကိုးနေရမယ်။ ပြည်သူတွေရဲ့ မဲမရဘဲနဲ့ ကျမတို့က လုပ်ပိုင်ခွင့် ရှိမှာ မဟုတ်ဘူး။" ဟုပြောကြားသွားသည်။

လူငယ်များ အလုပ်အကိုင်ရရေး ဖြေရှင်းနိုင်ရန် မိုးကောင်းမြို့နယ်အတွင်း လေ့လာနိုင်ရန်အတွက် လွှတ်တော်ထဲ တရားဝင် အမတ် ရှိမှ သာ ရနိုင်မည်ဖြစ်၍ NlD ပါတီမှ လွှတ်တော်ကိုယ်စားလှယ်လောင်း ဒေါ်ခင်ကြည်ကို မဲထည့်ရန် တိုက်တွန်းလိုက်ကြောင်း နမ္မတီးမြို့နယ် NLD စည်းရုံးရေးမှူး ဦးဝင်းဗိုလ် က မဇ္ဈိမကို ပြောသည်။

ဟောပြောပွဲကို ၂ နာရီ ၄ဝ မိနစ်တွင် အဆုံးသတ်ခဲ့ပြီး ဒေါ်အောင်ဆန်းစုကြည်တို့ မိုးကောင်းမြို့သို့ ဦးတည်သွားနေပြီ ဖြစ်သည်။

မိုးကောင်းမြို့ အိုးတန်း ဘောလုံးကွင်းတွင် ဆက်လက်ဟောပြောမည်ဖြစ်သည်။

----------------------------------------------------------------------------------------------------------------
နမ္မတီးကျေးရွာတွင်း စဝင်နေပြီ

သတင်းလွှင့်တင်ချိန်- မြန်မာစံတော်ချိန် ၁၄ နာရီ ၂၃ မိနစ်

ဒေါ်အောင်ဆန်းစုကြည် နမ္မတီးမြို့သို့ မွန်းလွဲ ၂ နာရီခန့်တွင် ရောက်ရှိလာပြီး ပြည်သူလူထုအား နှုတ်ဆက် နေသည် ဟု ပြည်တွင်းမှ သ တင်းထောက်တဦးက ပြောသည်။

“အခုဘဲရောက်တယ်။ ကွင်းကိုတော့ မရောက်သေးဘူး။ နမ္မတီးရွာထဲကို ဝင်နေတာ။ ရွာကလူတွေက ဗုံးတီးသံတွေနဲ့ ကြိုနေတာ။ ကျောင်းသားတွေလည်း အများကြီးဘဲ။ တလမ်းလုံးကို နုတ်ဆက်သွားတယ်။ အလံအနီနဲ့ ထောင်ပြီးတော့ ကြိုဆိုနေတယ်”ဟု ပြောသည်။

ပြည်သူထူထုက ကချင်မောင်းတီးသံများဖြင့် လမ်းဘေးဝဲ ယာ ကြိုဆိုနေသည်ဟု သိရသည်။ လမ်းဘေးတလျှောက် လူထု ၁ဝ,ဝဝဝ ဝန်း ကျင်ခန့် ရှိမည်ဟု သိရသည်။

-------------------------------------------------------------------------------------------------------------------
ဒေါ်အောင်ဆန်းစုကြည် နမ္မတီးသို့ ထွက်ခွါ

သတင်းလွှင့်တင်ချိန်- မြန်မာစံတော်ချိန် ၁၂ နာရီ ၅၅ မိနစ်

ဒေါ်အောင်ဆန်းစုကြည်သည် ၁၁ နာရီ ၄၅ တွင် မြစ်ကြီးနားမြို့ လေဆိပ်ကို ရောက်ရှိလာသည်။ ကချင်လုံခြည် ငှက်ခါးရောင် ဝမ်းဆက် နှင့် ဖက်ဖူးရောက် ပုသိမ်ထီးစောင်းထားသည့် ဒေါ်အောင်ဆန်းစုကြည်အား လေဆိပ်မှ ထွက်လာရာ လမ်းတလျှောက်တွင် ပြည်သူလူထု ထောင်နှင့်ချီ၍ ကြိုဆိုကြကြောင်း ပြည်တွင်းမှ သတင်းထောက် တဦးကပြောသည်။ ယခု မြစ်ကြီးနားမြို့ပြင် ရောက်ရှိနေပြီး နမ္မတီးဘက် သွားနေပြီ ဖြစ်သည်။

--------------------------------------------------------------------------------------------------------------------
ဒေါ်အောင်ဆန်းစုကြည်အား ကချင်လူထု လေဆိပ်မှ စောင့်ကြို

သတင်းလွှင့်တင်ချိန်- မြန်မာစံတော်ချိန် ၁၂ နာရီ ၄၅ မိနစ်

ဒေါ်အောင်ဆန်းစုကြည်အား ကချင်ပြည်နယ် မြစ်ကြီးနားနှင့်ဖားကန့်မြို့နယ်များမှ အမျိုးသားဒီမိုကရေစီအဖွဲ့ချုပ် NlD အဖွဲ့ဝင်များ၊ နည်း ပညာ တက္ကသိုလ် GTC နှင့် ကွန်ပျူတာ တက္ကသိုလ်မှ ကျောင်းသားများနှင့် ပြည်သူလူထု စုစုပေါင်း ၃၀၀ ခန့်က ကြာသပတေးနေ့ နံနက် ပိုင်းကနေ မြစ်ကြီးနားလေဆိပ်၌ လာရောက်ကြိုဆိုကြသည်ဟု မြစ်ကြီးနားမြို့ခံ တဦးက ပြောသည်။

ဂျီတီစီကျောင်းသားများက တိုင်းရင်းသားမျိုးနွယ်စု၏ ရိုးရာဝတ်စုံများ ဝတ်ဆင်ကာ လာရောက် ကြိုဆိုနေကြသည်ဟု ဆိုသည်။

“မရောက်သေးဘူး အပြင်မှာဘဲ ရောက်နေတယ်၊ ရောက်တော့မယ်ထင်တယ်။ လူက NLD လူတွေရော၊ ကျောင်းသားတွေရော ပါတယ်။ ၃၀၀ လောက် ရှိမယ်ထင်တယ်။ တိုင်းရင်းသား ဝတ်စုံတွေနဲ့ ကချင်မျိုးနွယ်စုအားလုံး ဝတ်စုံနဲ့ စောင့်နေတယ်”ဟု မြစ်ကြီးနားမြို့ခံ တဦး က ပြောသည်။

မနက်ပိုင်းက ဒေါ်အောင်ဆန်းစုကြည်အား ကြိုဆိုကြသည့် ပြည်သူအချို့မှာ လေယာဉ်နောက်ကျမည်ဟု ဆိုသည့် ပြန်သွား ခဲ့သော်လည်း ယခု ပြန်လည် ရောက်ရှိလာကြပြီ ဖြစ်ကြောင်း သိရသည်။

ဒေါ်အောင်ဆန်းစုကြည် လိုက်ပါလာသည့် လေယာဉ်မှာ နှင်းများ ထူနေသဖြင့် မွန်းလွဲပိုင်း ၁၂ နာရီဝန်းကျင်တွင် ဆိုက်ရောက် နိုင်သည် ဟု သိရသည်။

“ပထမ မနက်က စောစောရောက်မယ်လို့ ထင်ကြတယ်။ အခုတော့ ၁၂ နာရီမှာ ရောက်မယ်ဆိုတော့ ပြန်ကြတာ။ ခုတော့ ပြန်ရောက် လာ ကြပါတယ်။ နှင်းထူလို့ နောက်ကျတယ်လို့ ပြောတာဘဲ”ဟု အဆိုပါ မြစ်ကြီးနားမြို့ခံကပြောပြသည်။

မြစ်ကြီးနားမြို့ လေဆိပ်သည် ကချင်ပြည်နယ် မြောက်ပိုင်းတိုင်း စစ်ဌာနချုပ်သွားရာ ကားလမ်းပေါ်တွင် ရှိပြီး ထိုကားလမ်းတလျှောက်ရှိ အစိုးရ လုံခြုံရေး တပ်များကိုလည်း နံနက်ပိုင်းက ရုပ်သိမ်းထားသည်ဟု အခြားမြစ်ကြီးနားမြို့ခံတဦးက ပြောသည်။

“ဓါတ်ပုံမှာ ပါလာမှာ ကြောက်လို့လားမသိဘူး။ လုံခြုံရေးတွေ ရုတ်ထားတယ်။ ညနေပိုင်းတော့ ပြန်ချမယ် ထင်တယ်” ဟု သူက မဇ္ဈိမကို ပြောသည်။

-----------------------------------------------------------------------------------------------------------------------
မြစ်ကြီးနား ခရီးစဉ်ကို စတင်ရန် ရန်ကုန်လေဆိပ်သို့ ရောက်ရှိ

သတင်းလွှင့်တင်ချိန်- မြန်မာစံတော်ချိန် ၁၂ နာရီ ၃၅ မိနစ်




ဒေါ်အောင်ဆန်းစုကြည်၏ မြစ်ကြီးနား ခရီးစဉ်ကို စတင်ရန် ဖေဖေါ်ဝါရီလ ၂၃ ရက် နံနက် ၆း၂၈ တွင် ရန်ကုန်လေဆိပ်သို့ ရောက်ရှိ လာ စဉ်။ (ဓါတ်ပုံ - မဇ္ဈိမ) ရန်ကုန်လေဆိပ်တွင် နှင်းများ ကျဆင်းနေသည်။

ဘာသာရေးအကြောင်းပြ ငွေကြေးကောက်ခံနေမှုကြောင့် ရပ်ကွက်နေပြည်သူများ မကျေမနပ်ဖြစ်နေ

သာသနဗိမာန်ဆောက်လုပ်ရန် ငွေကြေးကောက်ခံနေမှုကြောင့် ရပ်ကွက်နေပြည်သူများ မကျေမနပ်ဖြစ်နေကြောင်း ဒေသခံ တဦးက ပြောသည်။
ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ပေါက်ကုန်းရပ်ကွက်တွင် တည်ဆောက်လျှက်ရှိသည့် သာသန ဗိမာန်တော်အတွက် ရပ်ကွက် အုပ်ချုပ်ရေးမှူးများက မဖြစ်မနေ ထည့်ဝင်ရမည်ဟု ပြောဆိုကောက်ခံနေခြင်းဖြစ်သည်။
“ရပ်ကွက်မှာ နေတဲ့သူတွေက လက်လုပ်လက်စားတွေဘဲ ဆိုတော့ အခုလို မဖြစ်မနေထည့်ရမယ်ဆိုတော့ မကျေမနပ်ဖြစ်နေတာပေါ့၊ တအိမ်ကို (၃၀၀၀) ထည့်ရမယ်ဆိုပြီး ရပ်ကွက်မှူးတွေက ကောက်ခံနေတာ”ဟု ပြောသည်
ယင်းကဲ့သို့ အလှူခံကောက်ခံနေသည့် ရပ်ကွက်များမှာ ပေါက်ကုန်းရပ်ကွက် အပိုင်(၁)ရပ်ကွက်မှ အပိုင် (၁၅) ရပ်ကွက်အထိ ဖြစ်ကြောင်း ဒေသခံက ဆက်ပြောသည်။
အဆိုပါ ရပ်ကွက်များတွင် နေထိုင်သည့် အိမ်ထောင်စုပေါင်း (၂၂၀၀) ရှိပြီး သာသနာ့ဗိမာန်တော်မှ စတင်ဆောက်လုပ်နေလျှက်ရှိကြောင်း ဒေသခံက ဆက်ပြောသည်။

ယမန်နေ့မှ ကနေ့ အထိ မြန်မာ အစိုးရတပ် နှင့် သျှမ်းပြည် တပ်မတော် အပြန်အလှန် ဝန်းရံ တိုက်ခိုက်နေ

သျှမ်းသံတော်ဆင့်


သျှမ်းပြည်အရှေ့ပိုင်း ထိုင်းနယ်စပ် သို့ ပြောင်းရွှေ့ရန် မြန်မာအစိုးရစစ်တပ်၏ အင်အားဖြည့် လိုက်လံတိုက်ခိုက်မှုကြောင့် ယမန်နေ့ညနေ ပိုင်းမှ ကနေ့အထိ သျှမ်းပြည်တပ်မတော်တောင်ပိုင်းတပ်ဖွဲ့ခေါ် RCSS/SSA နှင့် အပြန်အလှန် ဝိုင်းရံပိတ် ဆို့တိုက်ခိုက်နေကြောင်း လွယ် ကော်ဝမ်း တပ်မှူးကြီးတဦးက ပြောပါသည်။

“ မနေ့ ညနေပိုင်း ၃ နာရီကတည်းက အင်အား ၁၅၀ နဲ့ ၁၈၀ ကြားလောက်ရှိတဲ့ ခလရ ၂၂၁ နဲ့ ခမရ ၅၇၀ ပူးပေါင်းတပ်က ကျနော်တို့တပ်နောက်ကို ကပ်လိုက်လာတယ်။ ကျနော်တို့လဲ ရွှေ့ပေးရင်းရွှေ့ပေးရင်း တာချီလိတ် အရှေ့မြောက်ဖက် က နောင်ကန်တောင်ကြောနဲ့ မိုင်းဟိုင်း ကြားလဲရောက်ရော ပြန်ပြီးခုခံတိုက်ခိုက်တာဖြစ်တယ်။ ဒီနေ့ညနေပိုင်းအထိ ကျနော် တို့ဖက်က မြန်မာပူးပေါင်းစစ်တပ်ကို ဝိုင်း ထားတုန်းဘဲ” သျှမ်းပြည်တပ်မတော် ကျိုင်းတုံစစ်ဒေသမှ အဆိုပါ တပ်မှူးကြီး ကပြောသည်။

အဆိုပါ မြန်မာပူးပေါင်းစစ်တပ်အား သျှမ်းပြည်တပ်မတော်မှ နယ်မြေခံလှုပ်ရှားရေးအဖွဲ့ တပ်ရင်း ၃၄ နှင့်ပူးပေါင်းကာ ပြန်လည် တိုက် ခိုက်ခြင်းဖြစ်ကြောင်း၊ ယခုတိုက်ပွဲဖြစ်ပွါးသည့်နေရာမှာ တာချီလိတ်မြို့အနောက်မြောက်ဘက် ၂၅ ကီလို မီတာခန့်အကွာ၊ SSA ၏ ကျိုင်း တုံစစ်ဒေသ လွယ်ကော်ဝမ်းတပ်စခန်းမြောက်ဖက် ၃၀ ကီလိုမီတာခန့်အကွာတွင် တည်ရှိ ကြောင်းလည်း အဆိုပါတပ်မှူးက ဆက်လက် ပြောပြသည်။

“ ဒီနေ့ ညနေ ၃ နာရီလောက်မှာ ကျနော်တို့ ဝိုင်းထားတဲ့ မြန်မာစစ်ကြောင်းရဲ့ ဗျူဟာမှူးအဆင့်ပါ ရုံးအဖွဲ့ကို ဝင်တိုက်မိ တယ်။ ဘယ်သူ ဘာဖြစ်လဲဆိုတာတော့ အသေးစိတ်မသိရသေးဘူး။ သူတို့ရုံးအဖွဲ့ကွဲသွားပြီ။ အကျအဆုံးလဲ မသိရသေး ဘူး” ဟု အဆိုပါ တပ်မှူးက ဆက်လက်ပြောပြသည်။

ယခုအပတ် ( ၁၈-၁၉ ရက်နေ့)က တာချီလိတ်မြို့နယ် မိုင်းဟိုင်းအုပ်စု ဖက်လှုပ်ရှားနေသည့် သျှမ်းပြည်တပ်မတော် RCSS/SSA တပ်ဖွဲ့အား ထိုင်းနယ်စပ်ရှိ ဌာနချုပ် တပ်စခန်းများတည်ရှိရာ လွယ်ကော်ဝမ်း၊ မယ့်မော့ ဖက် ပြောင်းရွှေ့ လှုပ်ရှားရန် မြန်မာအစိုးရစစ်တပ် ဗိုလ်မှူး မင်းဇော်ထွန်း ဦးဆောင်သည့် ခလရ ၂၂၁ နှင့် ဒု-ဗိုလ်မှူးကြီး ထိန်ဝင်းအောင် ဦးဆောင်သည့် ခမရ ၅၇၀ တို့က ပူးပေါင်း ဖိအားပေးလာရာ ၃ ကြိမ်ထက်မနည်း တိုက်ပွဲဖြစ်ပွါးခဲ့သည်။

သျှမ်းပြည်တပ်မတော်နှင့် မြန်မာအစိုးရတို့ အပစ်ရပ်ရေး ဆွေးနွေးပြီးနောက်ပိုင်း ယနေ့အပါအဝင် တိုက်ပွဲအပြင်းအထန် ၁၁ ကြိမ်ထက် မနည်း ဖြစ်ပွါးခဲ့ပါသည်။

မြန်မာနိုင်ငံရဲ့ လက်ရှိ ပြုပြင်ပြောင်းလဲမှုတွေ သူရ ဦးရွှေမန်း အားမရသေး

2012-02-22

မြန်မာနိုင်ငံရဲ့ လက်ရှိ ပြုပြင် ပြောင်းလဲမှုတွေဟာ နှေးကွေးလေးလံနေပြီး အားရကျေနပ်စရာ မကောင်းလှသေးဘူးလို့ ပြည်သူ့လွှတ်တော်ဥက္ကဋ္ဌ သူရ ဦးရွှေမန်းက မနေ့က ပြောလိုက်ပါတယ်။

RFA

ပြည်သူ့လွှတ်တော် ဥက္ကဋ္ဌ သူရ ဦးရွှေမန်း

ဗုဒ္ဒဟူးနေ့ မနက် ၉ နာရီက ရန်ကုန်တိုင်း ဒေသကြီးလွှတ်တော် အစည်းအဝေးခန်းမမှာ ကျင်းပခဲ့တဲ့ ပြည်သူ့လွှတ်တော် ဥပဒေရေးရာနဲ့ အထူးကိစ္စရပ်များ လေ့လာ ဆန်းစစ် သုံးသပ်ရေး ကော်မရှင် တွေ့ဆုံပွဲမှာ အဲဒီလို ပြောဆိုခဲ့တာပါ။ အစိုးရရဲ့ လက်ရှိဆောင်ရွက်နေတဲ့ ပုံစံအတိုင်း ဥပဒေတွေ ပြင်ဆင် ပြဋ္ဌာန်းရေးမှာ နှေးနှေးကွေးကွေး သွားနေမယ်ဆိုရင် မိမိတို့ရဲ့လွှတ်တော် ၅ နှစ်သက်တမ်းအတွင်း လုပ်ငန်းတွေ ပြီးစီးမှာမဟုတ်ဘူးလို့ ပြောဆိုခဲ့ပါတယ်။ ရွေ့ရမယ့်သူတွေက မရွေ့ရင် တွန်းရမယ့်သူတွေက ရွေ့အောင် တွန်းရမှာဖြစ်ကြောင်း၊ နေပြည်တော်က ဆောက်လုပ်ရေး အလုပ်သမားတွေ လစာ တစ်သိန်းကျော် ရနေချိန်မှာ မိမိအနေနဲ့ ပြည်သူ့ဝန်ထမ်း လစာတိုးပေးဖို့ အဆိုကို နောက်ဆုတ်မှာ မဟုတ်ကြောင်း၊ ၀န်ထမ်းလစာတိုးလို့ ကုန်ဈေးနှုန်းတွေ မမြင့်ရအောင် နည်းလမ်း ရှာရမှာဖြစ်ကြောင်း၊ လွှတ်တော် ကိုယ်စားလှယ်တွေ အဂတိတရား ရှောင်ရှားပြီး ရဲရဲဝံ့ဝံ့ သတ္တိရှိရှိနဲ့ ပြည်သူ့အကျိုး အရေးဆို ဆောင်ရွက်ကြစေလိုကြောင်း ပြောဆိုခဲ့ပါတယ်။ ဒါပေမယ့် မိမိရဲ့ မိန့်ခွန်းတွေကို ပြန်ကြားရေးဌာန သတင်းတွေမှာ အဖြတ်တောက် ခံခဲ့ရတယ်လို့လည်း သူရဦးရွှေမန်းက ထည့်သွင်းပြောဆိုခဲ့ပါတယ်။ အခုလို ၀န်ထမ်းလစာတိုးရေး ပြောဆိုနေတာဟာ ကြံ့ခိုင်ဖွံ့ဖြိုးရေးပါတီအတွက် မဲဆွယ်နေတဲ့ သဘောများလားလို့ သတင်းထောက် တစ်ယောက်က မေးမြန်းရာမှာတော့ အဲဒီသဘော မဟုတ်ကြောင်း၊ ပြည်သူ့အကျိုး အတွက်သာ ဖြစ်ကြောင်း ကြံ့ခိုင်ဖွံ့ဖြိုးရေးပါတီ ဒုတိယဥက္ကဋ္ဌလည်းဖြစ်တဲ့ ဦးရွှေမန်းက ငြင်းဆိုခဲ့ပါတယ်။ ဒီကနေ့မှာတော့ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းဟာ တရုတ်ပြည်ကို ငါးရက်ကြာ အလည်အပတ် ရောက်နေပြီဖြစ်ပါတယ်။

ဒေါ်စုကို ကချင်ပြည်နယ် လူထုကြိုဆို

NLD အမျိူးသားဒီမိုကရေစီအဖွဲ့ချုပ်ဟာ နှစ်ပေါင်း ၂၀ ကျော် လွတ်တော်ပြင်ပ နိုင်ငံရေးနဲ့  ပြည်သူ့အကျိူး ကို သယ်ပိုးခဲ့ပြီး အခုတော့ လွတ်တော်နိုင်ငံရေးနဲ့   ပြည်သူ့တာဝန်တွေကို
ဆက်ထမ်းဆောင်သွားမယ်လို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။  ဒေါ်အောင်ဆန်းစုကြည်ဟာ ပါတီစည်းရုံးရေးခရီးစဉ်အဖြစ် ဒီကနေ့ ဖေဖော်ဝါရီ  ၂၃ ရက်နဲ့ ၂၄ ရက်  (၂ )ရက်ကြာ ကချင်ပြည်နယ်ကို ပါတီစည်းရုံးရေးအဖြစ် သွားနေစဉ်အတွင်း  ကချင်လူထုကို အခုလိုပြောလိုက်တာပါ၊
ဒေါ်အောင်ဆန်းစုကြည်ဟာ ဒီကနေ့ မနက်ပိုင်း မြစ်ကြီးနားကိုလေယဉ်နဲ့ ရောက်ခဲ့ပြီး  မြစ်ကြီးနားကနေ နမ္မတီးကို သွားကာ  နမ္မတီးလူထုနဲ့ တွေ့ပါတယ်။ နေ့လည်ပိုင်းမှာ မိုးကောင်းမြို့ကို ရောက်လာခဲ့ပြီး မိုးကောင်း မြို့ခံတွေကို  ဒေါ်အောင်ဆန်းစုကြည်က မိန်ခွန်းပြောပါတယ်။
NLD ဟာ  ၁၉၉၀ ရွေးကောက်ပွဲမှာ အပြတ်အသတ် အနိုင်ရခဲ့တဲ့ ပါတီ ဖြစ်ပြီး ပြည်သူ့တာဝန်တွေကို လွတ်တော် နိုင်ငံရေးနဲ့ ထမ်းဆောင်ခွင့်မရခဲ့ပေမယ့် ပါတီရဲ့ ရပ်တည်ချက်တွေကို ခိုင်ခိုင်မာမာနဲ့ ဆက်လုပ်ခဲ့ တာတွေရှင်းပြခဲ့သလို အခုတော့ မြန်မာနိုင်ငံမှာ လွတ်တော်တရပ်ရှိလာပြီမို့ လွတ်တော်နိုင်ငံရေးနဲ့  ပြည်သူ့ အကျိူးကို ဆက်လုပ်သွားမယ်လို့ ဒေါ်အောင်ဆန်းစုကြည်က  မိုးကောင်း မြို့ခံတွေကို ပြောခဲ့ပါတယ်။
တခါ အမျိးသားဒီမိုကရေစီအဖွဲချုပ်ဟာ လက်ရှိမှာ နိုင်ငံရေးတွေကို လွတ်လွတ်လပ်လပ် လုပ်ဆောင်နိုင် နေတာ မဟုတ်သေးပေမယ့် လူထုရဲ့ ထောက်ခံမှုနဲ့ ရပ်တည်နေတာဖြစ်ကာ နိုင်ငံရေးတွေ ဆက်လုပ်နိုင်တာ ဖြစ်တယ် လို့လည်း ပြောပါ တယ်။ ဒါ့အပြင် ပင်လုံစိတ်ဓါတ်နဲ့အတူ  ဒေသတွင်းငြိမ်းချမ်းရေးတွေကို NLD က ကြိူးစား လုပ်ဆောင် မယ်ဆိုတာနဲ့ အတူ ဒေသဆိုင်ရာဖြွံ့ဖိုးရေး  ကျန်းမာရေးနဲ့ ပညာရေးကဏ္ဍ မြင့်မား လာရေးတွေကို NLD က ကြိုးစားရာမှာ လူထုက လည်း ကူညီဖို့ တိုက်တွန်းသွားပါတယ်။
အခု မိုးကောင်းမှာ ဒေါ်အောင်ဆန်းစုကြည်ရဲ့  လူထုကိုစကားပြောဖို့ နေရာမှာ မြိုနယ်အားကာစားကွင်း ခွင့်ပြုချက်မရလို့  ရပ်ကွက်အားကစားကွင်းထဲမှာ လုပ်ခဲ့ရတဲ့ အခက်အခဲရှိခဲ့တယ်လို့ ဒေါ်အောင်ဆန်းစုကြည် ရဲ့ ကိုယ်ရေးအရာရှိ ဦးခွန်သာမြင့်ကပြောပါတယ်။ ဒေသခံ အများအပြားက လမ်းတလျောက် ဒေါ်အောင်ဆန်း စုကြည်ကို ကြိုဆိုခဲ့ကြပါတယ်၊ ဒီကနေ့ ညနေမှာတော့ ဒေါ်အောင်ဆန်းစုကြည်ဟာ မိုးကောင်းကနေ မြစ်ကြီးနားကို ပြန်ခဲ့ပြီး မြစ်ကြီးနားမှာ တိုင်းရင်းသားခေါင်းဆောင်တချိုနဲ့ ညစာအတူစားပါတယ်။
ဒေါ်အောင်ဆန်းစုကြည်ဟာ ကချင်ပြည်ကို  သွားတာ ဒါတတိယအကြိမ်ဖြစ်ပြီး  ၁၉၈၉ နှစ်က တကြိမ် ၂၀၀၃ မှာ တကြိမ် သွားခဲ့ဖူးပါတယ်။