မြန်မာနိုင်ငံရဲ့ တိုးတက်ပြောင်းလဲမှု တစ်ခုချင်း အလိုက် အမေရိကန် တုံ့ပြန်မည်

မြန်မာအစိုးရရဲ့ ပြုပြင်ပြောင်းလဲရေး ခြေလှမ်း တစ်လှမ်းချင်း အလိုက် တုံ့ပြန်သွားမယ်လို့ အမေရိကန် နိုင်ငံခြားရေးဌာန ပြောခွင့်ရ ပုဂ္ဂိုလ် Ms. Victoria Nuland က မနေ့က ထပ်ပြီး ပြောကြားလိုက်ပါတယ်။

US Department of State

အမေရိကန် နိုင်ငံခြားရေးဝန်ကြီး ဌာန ပုံမှန် သတင်းစာရှင်းလင်းပွဲတွင် ပြောခွင့်ရ အမျိုးသမီး Victoria Nuland က သတင်းထောက်များကို ရှင်းလင်းတင်ပြနေစဉ်။

အမေရိကန် အထူးကိုယ်စားလှယ်နဲ့ လက်ထောက် အမေရိကန် နိုင်ငံခြားရေး ၀န်ကြီးတို့ မြန်မာနိုင်ငံ ခရီးစဉ်အပြီး မြန်မာအစိုးရ ပြုပြင်ပြောင်းလဲရေး ထပ်ပြီး လုပ်ဆောင်လာအောင် အမေရိကန် အစိုးရဘက်က ပြင်ဆင်ထားမှု ရှိမရှိ သတင်းထောက် တစ်ဦးက မေးမြန်းရာမှာ အခုလို တုံ့ပြန် ပြောကြားလိုက်တာပါ။ အမေရိကန် အစိုးရ ကိုယ်စားလှယ်တွေနဲ့ မြန်မာအစိုးရ ခေါင်းဆောင်တွေ ခရီးစဉ်အတွင်း တွေ့ဆုံ ဆွေးနွေးခဲ့တာတွေကို ပြန်လည် စိစစ် သုံးသပ်နေကြောင်း၊ ဌာနတွင်း ဆွေးနွေးတာတွေလည်း ရှိနေကြောင်း၊ ဘာလီကျွန်းမှာ မြန်မာကိစ္စ ပေါ်လာစရာရှိပြီး ဖြစ်ပေါ် တိုးတက်မှုတွေကို ဆက်ပြီး စိစစ် အကဲဖြတ်သွားမှာ ဖြစ်သလို ဖြေရှင်း ဆောင်ရွက်ဖို့ လိုအပ်တာတွေကိုလည်း အမေရိကန် အစိုးရအနေနဲ့ ဆက်ပြီး တိုက်တွန်းသွားမှာ ဖြစ်ကြောင်း Ms. Nuland က ပြောပါတယ်။ အမေရိကန် အထူးကိုယ်စားလှယ် Mr. Derek Mitchell နဲ့ လက်ထောက် နိုင်ငံခြားရေး ၀န်ကြီး Mr. Michael Posner တို့ရဲ့ မြန်မာ ခရီးစဉ်အဆုံး မြန်မာနိုင်ငံမှာ အသေးစား ချေးငွေ ကူညီမဲ့အကြောင်းနဲ့ ခရီးသွားလာရေး ကန့်သတ်ချက် တချို့ လျှော့ပေါ့မဲ့အကြောင်း ကြေညာခဲ့ပါတယ်။ အင်ဒိုနီးရှားနိုင်ငံ ဘာလီကျွန်းက အာဆီယံ ထိပ်သီး ညီလာခံ ကာလမှာ အမေရိကန် သမ္မတ အိုဘားမား တက်ရောက်ဖို့ ရှိပြီး ညီလာခံကာလ အတွင်း မြန်မာသမ္မတ ဦးသိန်းစိန်နဲ့ တွေ့ဆုံမဲ့ အလားအလာ ရှိကြောင်း သတင်းမီဒီယာတွေက ရေးသား ပြောဆိုနေကြပါတယ်။ ဘာလီညီလာခံ ကာလအတွင်း အမေရိကန်ဘက်က မူဝါဒနဲ့ အညီ နောက်ထပ် တုံ့ပြန် ဆောင်ရွက်ဖို့ ရှိမရှိ ဆိုတာကိုတော့ အမေရိကန် နိုင်ငံခြားရေးဌာန ပြောခွင့်ရ အမျိုးသမီး Ms. Nuland က လောလောဆယ် ကြေညာဖို့ရာ မရှိသေးကြောင်း ဖြေဆိုခဲ့ပါတယ်။

Copyright © 1998-2011 Radio Free Asia. All rights reserved.

ဧရာဝတီမြစ် ပြန်လည်ထူထောင်ရေး အတွက် လေ့လာဆန်းစစ်မှုများ စတင်ပြုလုပ်ရန် လိုအပ်နေကြောင်း ပညာရှင်များပြောကြား

မန္တလေးမြို့ရှိ ဧရာဝတီမြစ် ဆိပ်ကမ်း တစ်နေရာအား စက်တင်ဘာလက တွေ့ရစဉ် ဧရာဝတီမြစ် ပြန်လည်ထူထောင်ရေး အတွက် လေ့လာဆန်း စစ်မှုများ စတင်ပြုလုပ်သင့်ပြီ ဖြစ်ကြောင်း သဘာဝပတ်ဝန်းကျင် ထိန်းသိမ်းရေးလုပ်ငန်းများ လုပ်ကိုင်နေသူတို့၏ သုံးသပ်မှုများအရ သိရသည်။ ကချင်ပြည်နယ်ရှိ မြစ်ဆုံဒေသမှ စတင်စီးဆင်းလာသော ဧရာဝတီမြစ်သည် နိုင်ငံဧရိယာ၏ ၆၀ ရာခိုင်နှုန်း ၀န်းကျင်ကို လွှမ်းခြုံထားပြီး သဘာ၀၀န်းကျင် ပြောင်းလဲမှုများကြောင့် ယခုနှစ်များအတွင်း မြစ်ကြောင်း ပြောင်းလဲမှုများ သိသာလာသောမြစ်လည်း ဖြစ်သည်။ “ဧရာဝတီမြစ်ကို ပြန်လည် ထူထောင်နိုင်ဖို့အတွက်survey  လုပ်သင့်တဲ့ အချိန်ရောက်နေပါပြီ။ စပြီး လုပ်သင့်နေပါပြီ”ဟု Water, Re-search  and Training Centre  (WRTC)  မှ Founder and President  ဒေါ်ခင်နီနီသိန်းက ပြောပါသည်။ ဧရာဝတီမြစ်သည် မြစ်ဖျားပိုင်းဒေသ၌ သဘာဝပတ်ဝန်းကျင် ထိန်းသိမ်းနိုင်မှု အားနည်းလာမှု၊ ရေအရင်းအမြစ် နည်းပါးလာမှု၊ မြစ်တွင်အနည်အနှစ်ပို့ချမှု များပြားလာမှု စသည်တို့ကြောင့် မြစ်တွင်သောင်ထွန်းမှု များပြားလာခဲ့ ကာ ၂၀၀၉ ခုနှစ်မှ လက်ရှိကာလသည် အသိသာဆုံးသောနှစ်များ ဖြစ်ခဲ့သည်။ ဧရာဝတီမြစ်အစပြုသော မြစ်ဆုံဒေသတွင် တည်ဆောက်မည့် အကြီးဆုံး ရေအားလျှပ်စစ်စီမံကိန်း ဖြစ်သော မြစ်ဆုံစီမံကိန်းအား ၂၀၁၁ ခုနှစ်  စက်တင်ဘာလ ၃၀ ရက်နေ့တွင် ရပ်ဆိုင်းကြောင်း ထုတ်ပြန်ခဲ့ကာ လက်ရှိတွင်မူ လုပ်ငန်းလည်ပတ်မှုများ ရပ်နားထားပြီးဖြစ်သည်ဟု သိရှိရသည်။ “မြစ်ဆုံက ရပ်လိုက်ပြီ။ ဒါပေမဲ့ မတည်ဆောက်မီ ကာလတွေကတည်းက မြစ်ကြောင်းထိန်းသိမ်းမှု အားနည်းခဲ့တာရယ်၊ သဘာဝ ပတ်ဝန်းကျင် ပြောင်းလဲခဲ့တာတွေကိုတော့ ပြန်လည်ထူထောင်ဖို့ လိုအပ် နေပါတယ်။ မြစ်ကြောင်းထိန်းသိမ်းမှုက အခုအချိန်မှာပိုပြီး လိုအပ်လာပါတယ်” ဟု မြန်မာငှက် နှင့် သဘာဝပတ်ဝန်းကျင် ထိန်းသိမ်းရေးအသင်းမှ ဥက္ကဋ္ဌ ဦးစိုးညွန့်က ပြောကြားသည်။ “မြန်မာနိုင်ငံမှာ သဘာဝရင်း မြစ်များတယ်လို့ ပြောတယ်။ ရေလုံလောက်ပြီလား ဆိုတော့လည်း မလုံလောက်သေးဘူး။ ရန်ကုန်လို မြို့ကြီးတွေမှာတော့ ရေလုံလောက်တယ် ဆိုရမယ်။ မြန်မာနိုင်ငံ အလယ်ပိုင်းဒေသတွေမှာတော့ ရေရဖို့ကို မိုင်များစွာ လျှောက်နေရပါတယ်”ဟု ထိုင်းနိုင်ငံရှိ UNEP, AIT Regional Resource Center for Asia Pacific မှ ဦးတင်အောင်မိုးက ဆိုပါသည်။ မြန်မာနိုင်ငံသည် ယခုနှစ်များအတွင်း ရာသီဥတု ပြောင်းလဲမှုများကြောင့် မိုးနည်းပါး၍ မြစ်များတွင် ရေနည်းပါးခြင်း၊ သဘာဝ ပတ်ဝန်းကျင် ပြောင်းလဲမှုများကြောင့် မြစ်များတိမ်ကောမှုတို့ကို ရင်ဆိုင်လာရသည်။

 မြန်မာနိုင်ငံ၌ သဘာဝရင်းမြစ် သယံဇာတတည်ရှိမှု ပမာဏအချက်အလက် အားနည်း၍ မည်မျှဆုံးရှုံးနေသည်ကို မခန့်မှန်းနိုင်ဟု ပညာရှင်များ ပြောကြား

မြန်မာနိုင်ငံ၌ သဘာဝသယံဇာ တများအား အသုံးချရသည့် စီးပွားရေးလုပ်ငန်းများကို အဓိကလုပ်ကိုင်နေပြီး အဆိုပါ သဘာဝသယံ ဇာတများတည်ရှိမှုကို Data  အချက်အလက်များနှင့် အတိအကျ သိရှိထားခြင်း မရှိသည့်အတွက် လက်ရှိအချိန်တွင် မည်မျှဆုံးရှုံးနေပြီ ဆိုသည်ကို မခန့်မှန်းနိုင်ကြောင်း သိရှိရသည်။ မြန်မာနိုင်ငံသည် စက်မှုကို အခြေခံသော စီးပွားရေးလုပ်ငန်း ဖွံ့ဖြိုး သည့် နိုင်ငံမျိုးမဟုတ်ဘဲ သဘာဝ သယံဇာတများကို အသုံးချသော စီးပွားရေးလုပ်ငန်းများသာ အဓိကဖြစ်နေကာ အဆိုပါ သယံဇာတများမှာလည်း လျော့နည်းလာမှုကို ကြုံတွေ့ နေရကြောင်း သိရှိရသည်။ “မြန်မာနိုင်ငံမှာ သဘာဝရင်းမြစ်များတယ်။ ဒါပေမယ့် ဘယ်လောက်ရှိမှန်း မသိဘူး။ ဘယ်လောက် ဆုံးရှုံးသွားမှန်းလည်း မသိကြဘူး။ ဒါဟာ တစ်ချိန်မှာတော့ ပြဿနာ ဖြစ်လာနိုင်ပါတယ်”ဟု ထိုင်းနိုင်ငံရှိ UNEP, AIT Regional Resource Center for Asia Pacific မှ ဦးတင်အောင်မိုး ကပြောကြားသည်။ မြန်မာနိုင်ငံတွင် ကျောက်စိမ်း ကျောက်မျက် သယံဇာတ တူးဖော်ရေးလုပ်ငန်းများ၊ ရွှေတူးဖော်ရေး လုပ်ငန်းများကို လုပ်ကိုင်နေရာတွင် ကချင်ပြည်နယ်ရှိ လုံးခင်း-ဖားကန့် ရတနာနယ်မြေအတွင်း၌ပင် လုပ်ကွက်ပေါင်း ၇၅၃၅ ဖြင့် ကျောက်စိမ်းတူးဖော်ရေး လုပ်ငန်းများကို ဆောင်ရွက်နေသည်။ နိုင်ငံခြားရင်းနှီးမြှုပ်နှံမှု စီမံကိန်းများသည်လည်း ရေအားလျှပ်စစ်၊ သဘာဝဓာတ်ငွေ့စသော သယံဇာတများပေါ်တွင်သာ အဓိက လုပ်ဆောင်မှုရှိထားသည်။ “ ကျောက်မျက်တွေ တူးဖော်ကြတယ်။ ပတ္တမြားတွေ ရောင်းကြတယ်။ ရောင်းရတဲ့ ပိုက်ဆံကိုပဲ မြင်တာ။ တကယ်တော့ ကုန်ကျစရိတ်ကလည်း မသက်သာဘူး။ နောက်ပြီး ပတ်ဝန်းကျင်အပေါ် သက်ရောက်မှုနဲ့တွက်ရင် ရောင်းရတဲ့ငွေက တကယ်မြတ်တာရော ဟုတ်ရဲ့လားလို့ စဉ်းစားဖို့ လိုပါတယ်”ဟု ဦးတင်အောင်မိုးက ဆိုပါသည်။ လက်ရှိတွင် နိုင်ငံတွင်း၌ သစ်တောပြုန်းတီးမှုများကိုလည်း ရင်ဆိုင်နေရကာ သစ်တောပြုန်းတီးမှု သည် သစ်များကို စီးပွားဖြစ် အလွန်အကျွံထုတ်လုပ်၍ ဖြစ်ပေါ်နေသည်။ “သစ်တောတွေလည်း ပြုန်းတီးမှုဖြစ်လာတယ်။ သစ်တောတွေလည်း ကုန်တော့မယ်။ မျိုးစိတ်တွေလည်း ပြုန်းတီးမှုတွေရှိလာတယ် “ WWF International Greater Mekong Programme မှ ဦးတင်သန်းက ပြောကြားသည်။        “DATA  တွေရှိဖို့လိုပါတယ်။ DATA  မရှိရင် ကျဆုံးတာပါပဲ။ ဒါကတော့ ဌာနတစ်ခု၊ အေဂျင်စီတစ်ခုနဲ့ မရပါဘူး။ ပူးပေါင်းမှရမယ်”ဟု ဦးတင်အောင်မိုးက ပြောကြားသည်။ သဘာဝ သယံဇာတရင်းမြစ်များသည် အကန့်အသတ်နှင့်သာ တည်ရှိသောအရာများဖြစ်၍ ရနိုင်သရွေ့တူးဖော်ခြင်း၊ ထုတ်လုပ်ခြင်းများ ဆက်လက်ပြုလုပ်နေပါက တစ်ချိန်တွင် သယံဇာတများ နည်းပါးမှု၊ ကုန်ခမ်းမှုနှင့် ရင်ဆိုင်လာရနိုင်ကြောင်းလည်း ပညာရှင်အချို့က သုံးသပ်ကြသည်။

ဦးဝင်းတင်ကို “သူရသတ္တိ” ရွှေတံဆိပ်ဆု ချီးမြှင့်မည်

ဗုဒ္ဓဟူးနေ့၊ နိုဝင်ဘာလ 09 ရက် 2011 ခုနှစ် ထွန်းထွန်း သတင်း - မဇ္ဈိမသတင်းဌာန

နယူးဒေလီ (မဇ္ဈိမ) ။    ။ အမျိုးသားဒီမိုကရေစီ အဖွဲ့ချုပ် ခေါင်းဆောင်တဦးဖြစ်သော ဦးဝင်းတင် အား ဗိုလ်ချုပ်အောင်ဆန်းကဲ့သို့ပင်တိုင်းပြည် အတွက် အနစ်နာခံ လုပ်ဆောင်ခဲ့သည်ဟုဆိုကာ ဒဂုံမြို့သစ် အရှေ့ပိုင်းမြို့နယ်ရှိ မကွေးပရိယတ္တိ ကျောင်းတိုက် ဆရာတော်မှ “သူရသတ္တိ” ရွှေတံဆိပ် ဆု ပေးအပ်မည်ဟု သိရသည်။
ပြည်တွင်းတွင် ပထမဦးဆုံးအကြိမ် ပေးအပ်ခံရမည့် “သူရသတ္တိ” ရွှေတံဆိပ်ဆုမှာ ရင်ထိုးအမျိုးအစားဖြစ်ပြီး အလေး ချိန် တကျပ်သားရှိ ရွှေပြားပေါ်တွင် “သူရသတ္တိ” ဟူသော စကားလုံးနှင့် “ခွပ်ဒေါင်းပုံ” ပါဝင်သည်။ ယင်းဆုကိုလည်း ဆရာတော်တဦးတည်းမှ အကုန်အကျခံသော ဆုတံဆိပ်ကို နိုဝင်ဘာ ၁၂ ရက်နေ့တွင် ပေးအပ်မှာ ဖြစ်သည်။

ဒဂုံမြို့သစ် အရှေ့ပိုင်းမြို့နယ်ရှိ မကွေး ပရိယတ္တိကျောင်းတိုက် ဆရာတော်မှ အမျိုးသားဒီမိုကရေစီအဖွဲ့ချုပ် ခေါင်းဆောင်တဦးဖြစ်သော ဦးဝင်းတင်အား “သူရသတ္တိ” ရွှေတံဆိပ်ဆု ပေးအပ်မည် (ဓါတ်ပုံ မဇ္ဈိမ)

အခမ်းအနားကို ကျောင်းတိုက်တည်ရှိရာ ဒဂုံမြို့သစ် အရှေ့ပိုင်းမြို့နယ်၊ ၁ ရပ်ကွက်၊အနော်ရထာလမ်း တွင် ကျင်းပ မည်ဖြစ်ကာ တဆက်တည်းပင် စက်တင်ဘာ သံဃာ့ အရေးအခင်းအတွင်း ဖမ်းဆီးခံခဲ့ရသည့် သံဃာတော်များအား ပြန်လည် သိက္ခာထပ်ပွဲကို ပူးတွဲကျင်းပမည် ဖြစ်သည်။

“ဒီမိုကရေစီသွားတဲ့ နေရာမှာ အကွေ့အကောက်၊ အတိမ်းအစောင်း၊ အကြောက်အရွံ့မရှိပဲနဲ့ ဦးဝင်းတင်ဟာ ဒီမိုကရေစီ လမ်းကြောင်းပေါ်သို့ ရဲရဲဝင့်ဝင့်ဖြင့် ရင်ဆုိုင်သွားတဲ့ ပုဂ္ဂိုလ်ဖြစ်ပါတယ်။ အဲဒါကြောင့်ဘုန်းကြီး က ဦးဝင်းတင်ကို ရွေးချယ်ရခြင်း ဖြစ်ပါတယ်” ဟု မကွေး ပရိယတ္တိကျောင်းတိုက် ဆရာတော်အရှင် ပါမောက္ခက မဇ္ဈိမကို မိန့်သည်။

“ခွပ်ဒေါင်းဆိုတဲ့ သဘောတရားက မဟုတ်ရင် ဘယ်သူ့ကိုမှ မခံဘူး။ သူက အကုန်လုံး ခွပ်ပြီးတော့ သတ်မယ်ဆိုတဲ့ သဘောတရားကို ဆောင်တယ်။ မဟုတ်တဲ့နေရာမှာ ခွပ်ဒေါင်းဟာ သူ့အပေါ်မှာကျ ရောက်လာတဲ့ အန္တရာယ် မှန်သမျှကို အကုန်လုံး တိုက်ခိုက်နိုင်တဲ့ စွမ်းရည်သတ္တိ ရှိပါတယ်။ဦးဝင်းတင်က လည်း အဲဒီလို ခွပ်ဒေါင်းရုပ်နဲ့ ခွပ်ဒေါင်း စိတ်ဓာတ်ရှိတဲ့ ပုဂ္ဂိုလ်မို့လို့” ဟု ဆရာတော်ကဆက်လက်မိန့်ဆို သည်။

အသက် ၈၁ နှစ်အရွယ် ဦးဝင်းတင်မှာ သတင်းစာသမား ဘဝမှပင် တိုင်းပြည်နှင့် ပြည်သူ့အကျိုးအတွက် တစိုက် မက်မက် လုပ်ဆောင်ခဲ့သည့် အပြင် နိုင်ငံရေးသမားဘဝတွင်လည်း ဒီမိုကရေစီ ပေါ်ထွန်းရေး အတွက် NLD နှင့်အတူ စိုက်လိုက်မက်တပ် လုပ်ဆောင်ခဲ့သည်။

အတိုက်အခံနိုင်ငံရေး လှုပ်ရှားမှုကြောင့် ၁၉၈၉ ခုနှစ် ဇူလိုင်လတွင် ဖမ်းဆီးခံခဲ့ရကာ ၁၉ နှစ်ကျော်ကြာပြီး ၂၀၀၈ ခုနှစ် စက်တင်ဘာလ ၂၃ ရက်တွင် ပြန်လည် လွတ်မြောက်လာခဲ့သူ ဖြစ်သည်။

“အန်ကယ် ဦးဝင်းတင်က တကယ့်ကို ယုံမှားသံသယ မရှိကောင်းတဲ့ တကယ့်ဒီမိုကရက်တစ် တယောက် ဖြစ်တယ်။ ပုဂ္ဂိုလ်ရေး ဘဝအရပဲ ဖြစ်ဖြစ်၊ ဒီမိုကရေစီရေး ခံယူချက်အရပဲ ဖြစ်ဖြစ် လူထုနဲ့ တသားတည်း ရှိပြီးတော့ ဒီကနေ့ အချိန်အထိ မားမားမတ်မတ် ရပ်တည်နေတဲ့အတွက် သူဟာ ဒီဆုနဲ့ ပတ်သက်ပြီး ထိုက်တန်တဲ့ ပုဂ္ဂိုလ်တယောက်ဖြစ်တယ်” ဟု နိုင်ငံရေး အကျဉ်းသား မိသားစုများ အကျိုးဆောင် ကွန်ယက် တာဝန်ခံ ကိုအောင်ဇော်ထွန်းက မဇ္ဈိမကို ပြောသည်။

ဦးဝင်းတင်မှာ ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့မှ ပေးအပ်သည့် Guillermo Canoကမ္ဘာ့ စာနယ်ဇင်း လွတ်လပ်ရေးဆု - Guillermo Cano World Press Freedom Prize၊ ကမ္ဘာ့သတင်း စာများ အသင်း၏ လွတ်လပ်ရေး အတွက် ရွှေကလောင်ဆု - Newspapers' Golden Pen of Freedom နှင့် နယ်စည်းမခြား သတင်းထောက်များဆု - Winner of Reporters Without Border များ ချီးမြှင့်ခံထား ရသူလည်း ဖြစ်သည်။

ဆုပေးပွဲကို တခမ်းတနားဖြင့် မလုပ်ပေးစေလိုကြောင်း ဦးဝင်းတင်က အကြောင်းပြန်ခဲ့သည်ဟု သွားရောက် အကြောင်းကြားခဲ့သူ ကိုအောင်ဇော်ထွန်းက ပြန်ပြောပြသည်။

သိက္ခာထပ်ပွဲကို နိုင်ငံရေးအကျဉ်းသား မိသားစုများ အကျိုးဆောင်ကွန်ယက်၊ အင်္ဂါဝတ်ပြုဆုတောင်း အဖွဲ့နှင့် ဒီမိုကရေစီ အင်အားစုများက စုပေါင်းပြုလုပ်ခြင်းဖြစ်ကာ လက်ရှိတွင် သိက္ခာထပ်မည့် သံဃာတော် ၂၄ ပါး ရှိပြီဟု သိရသည်။ ယင်းအပြင် ပွဲသို့ လာရောက်မယ့် အကျဉ်းကျခံ မိသားစုများအတွက် စာအုပ် စာတမ်းနှင့် အခြားထောက်ပံ့ရေး ပစ္စည်းများကို ကူညီသွားမည် ဖြစ်သည်။

မန္တလေးကျောက်ဝိုင်း ဖျက်သိမ်း မည့် သတင်းများ ထွက်ပေါ်

မန်းကျောက်ဝိုင်း ဖျက်သိမ်း မည့် သတင်းများ ထွက်ပေါ်နေခြင်း ကြောင့် မန်းကျောက်ဝိုင်း ဈေးကွက် အတွင်း လှုပ်လှုပ်ရှားရှား ဖြစ်လျက် ရှိကြောင်း သိရသည် ။ကျောက် ဝိုင်း ဖျက်သိမ်းမည်ဆို သည့်သတင်းမှာ အောက်တိုဘာလ ဒုတိယပတ်အတွင်းထွက်ပေါ်လာခဲ့ ပြီးယင်းသတင်းကြောင့်ကျောက်ဝိုင်း အတွင်းအခြေချလုပ်ကိုင်ေ နကြသည့် ဆိုင်ခန်းအငှား အချို့နှင့် ပျံကျရောင်း ဝယ်လုပ်ကိုင် နေကြသူအများစုမှာ လုပ်ငန်းနေရာပျောက်မည်ကို စိုးရိမ် နေကြကြောင်း သိရသည်။”ဖျက်မယ်ဆိုတဲ့ သတင်းက အတိအကျကိုကြားထားတာ၊ အစည်း အဝေးလည်း လုပ်ပြီးပြီ ပြောတယ်၊ စီမံကိန်းနဲ့လုပ်သွားမယ်ပေါ့၊ တကယ် ဖျက်မယ်ဆိုရင်တော့ ဝိုင်းထဲကဆိုင် ခန်းအငှားတွေနဲ့ ပျံကျတွေ နေရာ ပျောက်တာပဲ၊ ဘယ်သွားလုပ်စားရ မှန်းမသိဖြစ်သွားမှာ” ဟု ကျောက် ဝိုင်းပွဲစား တစ်ဦးက ပြောသည်။ကျောက်ဝိုင်းဖျက်သိမ်းမည့် သတင်းမှာမန္တလေးမြို့တွင်းကျောက် မျက်အချောထည် ဈေးကွက် ဖော် ထုတ်တည်ဆောက်ရန်စီစဉ်နေသည့် အကြောင်းအပေါ်အခြေခံထွက်ပေါ် လာခြင်း ဖြစ် သည်။”ဖျက်သိမ်းမယ်ဆိုတဲ့ သတင်း တွေ ကျွန်တော်တို့လည်း ကြားပါ တယ်၊ ဒါပေမဲ့ ဒါက မဖြစ်နိုင်ပါဘူး၊ ဒီလိုပဲကောလဟလပြောကြတာပါ” ဟုကျောက်ဝိုင်းအကျိုးေ ဆာင်ကော်မ တီတာဝန်ရှိသူတစ်ဦးကပြောသည်။

ယင်းကဲ့သို့ပင် လွန်ခဲ့သောဆယ် နှစ်ကျော်ကာလအတွင်းကလည်း ကျောက်ဝိုင်းဖျက်သိမ်းမည့်သတင်း များထွက်ေ ပ်ါခဲ့ဖူးကြောင်းသိရသည်။”ဆိုင်ခန်းသမားတွေက တစ် ခန်းကို သိန်းရာကျော် ပေးထားရ တာ၊ ဖျက်သိမ်းလို့အစားပြန်ရရင်ခံ သာပေမယ့်၊ ဘာမှမရဘူးဆိုရင် တော့ နစ်နာမှုတွေရှိလာနိုင်တယ်” ဟု ဆိုင်ဖျက်သိမ်းလျှင် ကြုံတွေ့ရ နိုင်သည့် အခြေ အနေနှင့်ပတ်သက် ၍ ဆိုင်ခန်းရှင်တစ်ဦးက ပြောသည် ။ကျောက်မျက်အချော ထည် ဈေးကို တခြားနေရာသစ် လုပ် ဆောင်ဖြစ်လျှင်ပင် ကျောက်ဝိုင်း ဖျက်သိမ်း ရန်မှာမသေချာကြောင်း ကျောက်မျက် အသင်း(မန္တလေး)မှ တာဝန်ရှိသူတစ်ဦး က ပြော သည်။သို့ရာတွင် ကျောက်ဝိုင်း ဖျက် သိမ်းမည် မဖျက်သိမ်းမည်မှာ တိကျ သေချာ မသိရှိရသေးဘဲ ဖျက်သိမ်း ၍ နစ်နာမှုများမည်ဆိုပါက စဉ်းစား သင့်ကြောင်းနှင့် ဝိုင်းအတွင်း လုပ် ကိုင်စားသောက်နေသူများမှတောင်း ဆိုမှု ပြုလုပ်သင့်ကြောင်းလေ့လာ သူတစ်ဦးက ပြောသည်ဟုPopular News တွင်ထိုသတင်းအားဖော်ပြထားသည်.။

ဒေါ်အောင်ဆန်းစုကြည်က ဒါရိုက်တာ Besson အား သူမ၏ ဘဝဇာတ်ကြောင်း ရုပ်ရှင်အတွက် ကျေးဇူးစကားဆို

(AFP သတင်းမှ 7 Nov 2011 ရက်စွဲပါ “Aung San Suu Kyi Thanks Besson for film of her life story” သတင်းကို Transparency Myanmar မှဘာသာပြန်ဆိုသည်)

မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်က ဒါရိုက်တာ Luc Besson အား သူမ၏ ဘဝဇာတ်ကြောင်း ရုပ်ရှင်ရိုက်ကူးခြင်းနှင့် သူမ၏ နိုင်ငံအပေါ် အလင်းဖြန့်ကျက်ပေးခြင်းတို့အတွက် ကျေးဇူးစကားဆိုခဲ့ သည်ပာု ပြင်သစ်လူမျိုး ရုပ်ရှင်ဒါရိုက်တာ က တနလာင်္နေ့တွင်ပြောကြားသည်။

မြန်မာနိုင်ငံဆိုင်ရာ ဥရောပ သမဂ္ဂ သံအမတ်ကြီးနှင့် အင်တာဗျူး

ရန်ကုန်မြို့ Chatrium ဟိုတယ်တွင် ဘဏ္ဍာရေးနှင့် အခွန်ဝန်ကြီးဌာနနှင့် ဥရောပသမဂ္ဂတို့ ကျင်းပပြုလုပ်သော ဘဏ္ဍာရေးနှင့် ငွေရေးကြေးရေး ပြုပြင်ပြောင်းလဲမှုဆိုင်ရာ အလုပ်ရုံဆွေးနွေးပွဲသို့ တက်ရောက်လာသော မြန်မာနိုင်ငံဆိုင်ရာ ဥရောပ သမဂ္ဂ သံအမတ်ကြီးနှင့် The Messenger ဂျာနယ်မှ သီးသန့်တွေ့ဆုံမေးမြန်းထားသည်များကို ဖော်ပြလိုက်ပါသည်။

EU ကော်မရှင်အနေနဲ့ မြန်မာနိုင်ငံကိုလာခဲ့တဲ့ ခရီးစဉ်တွေတိုင်းမှာ ထင်သာမြင်သာရှိတဲ့ တိုးတက်ပြောင်းလဲမှုတွေကို မြန်မာအစိုးရဆီက ရခဲ့ပါသလား။

ဒါပေါ့ ရခဲ့ပါတယ်။ ဒေါ်အောင်ဆန်းစုကြည် လွတ်လာတာတစ်နှစ်တောင်ပြည့်ပြီ။ နောက်ပြီး ရွေးကောက် ပွဲ ဥပဒေကို ပြင်ဆင်ခဲ့တဲ့အပေါ် သမ္မတက လက်မှတ်ရေးထိုးခဲ့တယ်။ ကချင်ပြည်နယ် မြစ်ဆုံကိစ္စလည်းပါပါတယ်။ အခု ခင်ဗျားတို့ ကျွန်တော့်ကို ၀ိုင်းပြီးသတင်းမေးနိုင်တယ်၊ ဒါက ပြောင်းလဲတယ်ဆိုတာကို ပြတာပါ။ အစိုးရက အပြောင်းအလဲလုပ်တိုင်း ကျွန်တော်တို့ဘက်က ပြောင်းလဲမှာပါ။

မြန်မာနိုင်ငံမှာရှိတဲ့ နိုင်ငံရေးအကျဉ်းသားအားလုံး လွှတ်ပေးခဲ့ရင် EU က Sanction ကို ချက်ချင်းပယ်ဖျက်ပေးမယ် လို့ ပြောခဲ့ဖူးပါတယ်။ တကယ်လို့ မြန်မာအစိုးရက နိုင်ငံရေးအကျဉ်းသားတွေ လွှတ်ပေးခဲ့ရင် EU အနေနဲ့ Sanction ကို ချက်ချင်းရုပ်သိမ်းပေးမှာလား သိချင်ပါတယ်။

ဟုတ်ကဲ့ ပြောခဲ့ဖူးပါတယ်။ တကယ်လို့ နိုင်ငံရေးအကျဉ်းသား အားလုံးလွှတ်ပေးခဲ့ရင် ကျွန်တော်တို့ Sanction ကိစ္စကို review ပြန်လုပ်မှာပါ။ ချက်ချင်းတော့ မရုပ်သိမ်းပါဘူး။ EU မှာ မြန်မာနဲ့ပတ်သက်ပြီးတော့ ပေါ်လစီ သုံးခုရှိပါတယ်။ (၁) ညှိနှိုင်းဆွေးနွေးခြင်း၊ (၂) ပြန်လည်စဉ်းစားခြင်း၊ (၃) ပိတ်ဆို့အရေးယူခြင်းတို့ ဖြစ်ပါတယ်။

မနေ့က ဒေါ်အောင်ဆန်းစုကြည်နဲ့ သံအမက်ကြီး တွေ့ဆုံဆွေးနွေးခဲ့တယ်လို့ သိရပါတယ်။ ဘယ်အကြောင်းအရာ ကို အဓိကဆွေးနွေးခဲ့ပါသလဲ။

ကျွန်တော် ဒါကို အခုအချိန် မပြောချင်သေးပါဘူး။ သူမကိုယ်တိုင် ပြောတာပဲ ကောင်းပါတယ်။

မြန်မာနိုင်ငံရဲ့ ဘဏ်လုပ်ငန်းနဲ့ ငွေရေးကြေးရေးကဏ္ဍ ပြုပြင်ပြောင်းလဲမှုတွေအပေါ် မှတ်ချက်ပေးစရာများ ရှိပါသ လား။

မြန်မာနိုင်ငံ လူဦးရေရဲ့ ၇၀ ရာခိုင်နှုန်းက ကျေးလက်မှာပါ။ ကျေးလက်ဒေသအများစုကလည်း ဆင်းရဲ ကြပါတယ်။ ဒါတွေကို အဓိကဖြေရှင်းဖို့အတွက် ငွေရေးကြေးရေးကဏ္ဍကို အရင်ပြုပြင်ရမှာပါ။ ဒါကြောင့် ဒီပွဲကို ကူညီရတာပါ။ ကျွန်တော်တို့ ကဏ္ဍတိုင်းကို ပြောင်းလဲစေချင်ပါတယ်။ ဒီ ငွေရေးကြေးရေးကဏ္ဍမှ မဟုတ်ပါဘူး။ အဓိက ကတော့ ပွင့်လင်းမြင်သာမှုတွေကို နေရာတိုင်းမှာ ရှိစေချင်ပါတယ်။

၁၃လမ်း(အောက်)၊ဦးဘဂျမ်းလမ်းမှာ ကျင်းပတဲ့ (၆၈)ကြိမ်မြောက် တန်ဆောင်တိုင် ကာတွန်းမီးထွန်းပွဲ နှင့် ဆွမ်းဆန်စိမ်းလောင်းလှူပွဲတော်

သတင်း၊ဓာတ်ပုံ...Burma VJ Media

ရွေး​ကောက်ပွဲကိစ္စ စဉ်း​စား​ရန် အမျိုး​သား​ဒီမိုက​ရေစီအဖွဲ့​ချုပ်ကို တိုက်တွန်း​

November 8, 2011 by နေသွင် 

အမျိုး ​သား​ဒီမိုက​ရေစီအဖွဲ့​ချုပ်က ​ရွေး​ကောက်ပွဲဝင်ဖို့​ မဆုံး​ဖြတ်ခင် အကျိုး​အပြစ်​တွေကို အ​လေး​အနက်စဉ်း​စား​ဖို့​ မဟာမိတ်ပါတီ​တွေက တိုက်တွန်း​လိုက်တယ်လို့​ သိရပါတယ်။

၁၉၉၀ ​ရွေး​ကောက်ပွဲအနိုင်ရ မဟာမိတ်အစုအဖွဲ့​ဖြစ်တဲ့​ ပြည်သူ့​လွှတ်​တော်ကိုယ်စား​ပြု ​ကော်မတီ (စီအာပီပီ)ရဲ့​ မ​နေ့​က အစည်း​အ​ဝေး​မှာ ခုလိုတိုက်တွန်း​လိုက်တာဖြစ်ပါတယ်။ ‘စီအာပီပီ’အစည်း​အ​ဝေး​မှာ အဖွဲ့​ချုပ်အ​နေနဲ့​ ပါတီကို မှတ်ပုံတင်သင့်​ကြောင်း​ ဆုံး​ဖြတ်​ပေမယ့်​ ​ရွေး​ကောက်ပွဲဝင်​ရေး​ကိစ္စ အ​ပေါ်မှာ​တော့​ မဆုံး​ဖြတ်နိုင်ခဲ့​ဘူး​လို့​ သိရပါတယ်။

စီအာပီပီကို ၁၉၉၀ ​ရွေး​ကောက်ပွဲအနိုင်ရ အမျိုး​သား​ဒီမိုက​ရေစီအဖွဲ့​ချုပ်နဲ့​ ရှမ်း​၊​ ရခိုင်၊​ ဇိုမီး​၊​ မွန်ပါတီတို့​က ​ခေါင်း​ဆောင်​တွေနဲ့​ ​ရွေး​ကောက်ပွဲရလဒ် အ​ကောင်အထည်​ဖော်ဖို့​ ရည်ရွယ်ချက်နဲ့​ ၁၉၉၈ ခုနှစ်မှာ ဖွဲ့​စည်း​ခဲ့​တာဖြစ်ပါတယ်။

မ​နေ့​က ‘စီအာပီပီ’အစည်း​အဝး​ကို ‘စီအာပီပီ’အဖွဲ့​ဝင် အမျိုး​သား​ဒီမိုက​ရေစီအဖွဲ့​ချုပ်က ​ခေါင်း​ဆောင်​တွေဖြစ်တဲ့​ ဦး​တင်ဦး​၊​ ​ဒေါ်​အောင်ဆန်း​စုကြည်၊​ ဦး​ဝင်း​တင်နဲ့​ တိုင်း​ရင်း​သား​ပါတီ​တွေက ​ခေါင်း​ဆောင်​တွေ တက်​ရောက်တယ်လို့​ သိရပါတယ်။

‘စီအာပီပီ’အဖွဲ့ ​ဝင်​တွေထဲက အကျဉ်း​ကျခံ​နေရတဲ့​ ရှမ်း​အမျိုး​သား​ဒီမိုက​ရေစီအဖွဲ့​ချုပ် (အက်စ်အန်အယ်လ်ဒီ) ဥက္ကဋ္ဌ ခွန်ထွန်း​ဦး​တော့​ အစည်း​အ​ဝေး​ကို မတက်နိုင်ပါဘူး​။

အန်အယ်လ်ဒီပါတီ ​ရွေး​ကောက်ပွဲဝင်​ရေး​၊​ မဝင်​ရေး​ ကိစ္စနဲ့​ပတ်သက်လို့​ မဟာမိတ်ပါတီတရပ်ရဲ့​ သ​ဘောထား​ကို ​မေး​မြန်း​ရာမှာ အက်စ်အန်အယ်လ်ဒီ ​ပြော​ရေး​ဆိုခွင့်​ရှိသူ ဦး​စိုင်း​လိတ်က သူတို့​ပါတီက အန်အယ်လ်ဒီပါတီကိစ္စကို ဝင်​ရောက်စွက်ဖက်ဖို့​မရှိဘူး​လို့​ ​ပြောပါတယ်။

ဒါ​ပေမယ့်​ အက်စ်အန်အယ်လ်ဒီအ​နေနဲ့​တော့​ ပါတီ​ခေါင်း​ဆောင်​တွေဖြစ်တဲ့​ ခွန်ထွန်း​ဦး​၊​ စိုင်း​ညွန့်​လွင်တို့​ အကျဉ်း​ကျ​နေဆဲဖြစ်တဲ့​အတွက် ပါတီမှတ်ပုံတင်ဖို့​၊​ ​ရွေး​ကောက်ပွဲဝင်ဖို့​ မရှိဘူး​လို့​ ​ပြောပါတယ်။

အမျိုး​သား​ ဒီမိုက​ရေစီအဖွဲ့​ချုပ်က​တော့​ ပါတီမှတ်ပုံတင်​ရေး​၊​ မတင်​ရေး​နဲ့​ ​ရွေး​ကောက်ပွဲဝင်​ရေး​၊​ မဝင်​ရေး​ ကိစ္စကို လာမယ့်​ နိုဝင်ဘာ ၁၈ ရက် ပြည်နယ်နဲ့​ တိုင်း​ အလုပ်အမှု​ဆောင်​တွေရဲ့​ အစည်း​အ​ဝေး​က​နေ ဆုံး​ဖြတ်မယ်လို့​ အဖွဲ့​ချုပ် ဗဟိုပြန်ကြား​ရေး​အဖွဲ့​ဝင် ဦး​ဉာဏ်ဝင်း​က ​ပြောပါတယ်။

သတင်းစာဆရာတွေ သတိထားရေးဖို့ ရန်ကုန် ဝန်ကြီးချုပ်ပြော

သတင်းစာဆရာများအနေဖြင့် လွှတ်တော်တွင်း သတင်းများ ရေးသားရာတွင် သတိထား
ရေးသားကြရန်  ရန်ကုန်တိုင်း ဒေသကြီး ဝန်ကြီးချုပ်မြင့်ဆွေက သတင်းယူနေသည့် သတင်းထောက်များအား သတိပေး ပြောဆို လိုက်သည်။

“ရေးတဲ့ဟာလေးကိုတော့ သတိနည်းနည်းထား၊ လိုတာကို ဖြုတ်ယူရေးရင် ကျနော်တို့ အစိုးရအဖွဲ့ကပဲ၊ မြို့တော်ဝန် ပဲ ရေတောင်းတာကို မပေးချင်လို့ လွှတ်တော်မှာ ပယ်ချ ပစ်တယ်ဆိုတာ မြင်သွားတယ်။ လူထုက အဲဒီလိုမြင်သွား ရင် အစိုးရအဖွဲ့အနေနဲ့ မကောင်းဘူးပေါ့” ဟု ဦးမြင့်ဆွေက သတင်းထောက်များကို ပြောသည်။

အင်္ဂါနေ့တွင် ပြုလုပ်သည့် စတုတ္ထမြောက် လွှတ်တော် အစည်းအဝေး နောက်ဆုံးနေ့တွင်း ဦးမြင့်ဆွေက အစည်း အဝေး မစတင်မီ သတင်းထောက်များကို ပြောဆိုခဲ့ခြင်းဖြစ်ကြောင်း တက်ရောက်ခဲ့သော သတင်းထောက်များထံမှ သိရသည်။

လွှတ်တော်တွင်း သတင်းများ ရေးသားရာတွင် သတိထားရေးသားကြရန် ရန်ကုန်တိုင်း ဒေသကြီး ဝန်ကြီးချုပ်မြင့်ဆွေက သတင်းယူနေသည့် သတင်းထောက်များအား သတိပေး ပြောဆို (ဓါတ်ပုံ မဇ္ဈိမ)

အမျိုးသား ဒီမိုကရေစီသစ် ပါတီသစ်မှ သင်္ဃန်းကျွန်းမြို့နယ် လွှတ်တော် ကိုယ်စားလှယ် ဦးကျော် တင်သွင်းခဲ့သည့် “သင်္ဃန်းကျွန်း အပါအဝင် ရန်ကုန်မြို့ ဆင်ခြေဖုန်းမြို့နယ်များတွင် စည်ပင်သာယာရေး ကော်မတီ
မှပေးဝေနေသည့် သောက်သုံးရေ မလုံလောက်မှုကြောင့် လုံလောက်စွာ
ဖြန့်ဖြူပေးရန်” အဆိုအား လွှတ်တော်တွင်း မဲခွဲ၍ ဆုံးဖြတ်ခဲ့၌ ရှုံးနိမ့်ခဲ့မှု အပေါ် ရေးသားမှုနှင့် ပတ်သက်၍ ပြောဆိုလိုက်ခြင်း ဖြစ်သည်။

ဝန်ကြီးချုပ် ဦးမြင့်ဆွေ ပြောဆိုခဲ့သည့် စကားများကို မဇ္ဈိမမှ လက်ခံ ရရှိသည်မှာ “ရေရရှိရေး ကိစ္စနဲ့ ပတ်သက်ပြီးတော့ ဟိုနေ့က လွှတ်တော်
ရဲ့ အဆုံးအဖြတ်ကို ယူမယ်ဆိုတဲ့ အခါကျတော့ မဲခွဲရတယ်။ ဦးကျော်က ရှုံးသွားတယ် အဲဒါကို ဘယ်လိုရေးလဲဆိုတော့ ဂျာနယ်ထဲမှာ
ပြည်ထောင်စု ကြံ့ခိုင်ဖွံ့ဖြိုးပါတီနဲ့ တပ်မတော်သား ကိုယ်စားလှယ်တွေ ကပဲ ပေါင်းပြီးတော့ မြို့ရေရရှိရေး အဆိုကို ကန့်ကွယ်တယ်၊ မလုပ်ပေး ချင်လို့ ကန့်ကွက်လိုက်တယ် ဆိုပြီးတော့။ ဒါက အမှန်မဟုတ်ဘူး” ဟု ဖြစ်သည်။

ယင်းအပြင် “ဒီဟာကို ဦးကျော်က လွှတ်တော်မှာ နိုင်သွားရင် သူ့သင်္ဃန်းကျွန်း တခုတည်းကိုပဲ ဖိဖိစီးစီး လုပ်ရတော့ မယ်။ ကျန်တဲ့ ဒဂုံ တောင်/မြောက်၊ မြောက်ဥက္ကလာ၊ ဒဂုံဆိပ်ကမ်းမှာ ရေမရဘူး။ ဆိုလိုတာက ခုလုပ်နေတာ မျှမျှတတလုပ်နေတာ။ လက်ရှိလည်း မြို့တော်ဝန်က လုပ်နေပါတယ်။ ဘက်ဂျက်အပေါ် မူတည်ပြီးတော့ လုပ်သင့် တာကို လုပ်ရမယ်။ ဒါလေး နားလည်ပေးပါ။ သူတခုတည်းပဲ လုပ်လို့မရဘူး။ ဦးကျော်နိုင်ရင် ရှိသမျှဘက်ဂျက်ကို သင်္ဃန်းကျွန်းတခုတည်းကို ပုံအောပြီးတော့ လုပ်ရမယ့်အနေအထား” ဟုလည်း ပြောဆိုခဲ့သည်။

သို့သော် ဝန်ကြီးချုပ်ဦးမြင့်ဆွေ၏ ပြောကြားမှုမှာ မမှန်ကန်ကြောင်းနှင့် ဦးကျော် တင်သွင်းသည့် အဆိုမှာ သင်္ဃန်းကျွန်းမြို့နယ် တခုတည်းသာ ရေရရှိရေးအတွက် မဟုတ်ဘဲ ရန်ကုန်မြို့တော် တခုလုံးအား ခြုံငုံ ပြောဆိုခဲ့
ခြင်း ဖြစ်သည်။

“လွှတ်တော်စတဲ့နေ့မှာပဲ ဦးကျော်က အဆိုတင်တာ။ သင်္ဃန်းကျွန်းတခုတည်း မဟုတ်ဘူး” ဟု တက်ရောက် သတင်းယူနေသူ တဦးက ပြောသည်။

မိမိတို့အစိုးရအနေဖြင့် ဘက်ဂျက် အတိုင်းအတာအရ  မြို့နယ်အားလုံး ရေရရှိရန် အတွက် လုပ်ဆောင်ပေးနေ
ကြောင်း၊ လုပ်ဆောင်ပေးရာတွင်လည်း မြို့နယ်တိုင်း မျှမျှတတဖြစ်စေရန် ဆောင်ရွက်နေကြောင်းလည်း ဝန်ကြီးချုပ် ဦးမြင့်ဆွေက သတင်းထောက်များကို ပြောကြားခဲ့သည်။

“ကျန်တဲ့ဟာ ဘာဖြစ်ဖြစ် ငွေက ဒီလောက်ပဲ ရှိတယ်ဆိုတော့။ ဒါကြောင့်မို့လို့ ကျနော်တို့က လွှတ်တော်ထဲမှာ
ခုလည်း လုပ်ပေးနေတယ် မေးကြည့်။ သင်္ဃန်းကျွန်းမှာ လုပ်ပေးနေတယ်။ နောက် ရေမရတဲ့ ဒဂုံတောင်/မြောက်၊
 မြောက်ဥက္ကလာ၊ ဒဂုံဆိပ်ကမ်းတွေကိုလည်း ခုလုပ်နေတာ၊ မျှမျှတတ လုပ်နေတာ။ မြို့တွေကိုလည်း ဘက်ဂျက်နဲ့ လုပ်ပေးနေတာ။ သူ့ကို သပ်သပ် တယောက်တည်း လုပ်ပေးနေတယ်ဆိုရင် ခင်ဗျားတို့က ဒဂုံဆိပ်ကမ်းမှာနေတယ်၊ ခင်ဗျားတို့ကလည်း တောင်းမှာပဲ။ ရေးတဲ့ဟာလေးကိုတော့ သတိနည်းနည်းထား၊ လိုတာကို ဖြတ်ယူရင် ကျနော်တို့ အစိုးရအဖွဲ့ကပဲ၊ မြို့တော်ဝန်ကပဲ ရေတောင်းတာကို မပေးချင်လို့ လွှတ်တော်မှာ ပယ်ချပစ်တယ်ဆိုတာ မြင်သွား တယ်။ လူထုက အဲဒီလို မြင်သွားရင် အစိုးရအဖွဲ့အနေနဲ့ မကောင်းဘူးပေါ” ဟု ဝန်ကြီးချုပ်၏ ပြောစကားတွင် ပါရှိသည်။

လွှတ်တော် စတင်သော နိုဝင်ဘာလ ၂ ရက်နေ့က တင်သွင်းခဲ့သော ဦးကျော်၏ အဆိုကို နိုဝင်ဘာလ ၃ ရက်နေ့က
ဆွေးနွေးကြရာ ယင်းအဆိုကို ကိုယ်စားလှယ်သုံးဦးက ထပ်မံ အဆိုပြု ဆွေးနွေကြကြောင်း၊ လွှတ်တော်တွင် မှတ်တမ်းတင်ထားရေးထက် လွှတ်တော်ဆန္ဒခံယူရန် ပြောဆိုကြသောကြောင့် မဲခွဲဆုံးဖြတ်ရာတွင် ကန့်ကွက်သူ ၉၈ ဦးရှိနေပြီး ထောက်ခံသူ ၂၄ ဦးသာ ရှိခဲ့ခြင်း ဖြစ်သည်။

လွှတ်တော် ကိုယ်စားလှယ် ဦးကျော်က “ကျနော်တင်တဲ့ အဆိုဟာ မြို့တော်အတွင်း သောက်သုံးရေ ဖူလုံအောင်
ဖြန့်ဖြူးပေးရေး ဖြစ်ပါတယ်” ဟု ပြောသည်။

လွှတ်တော် ကိုယ်စားလှယ် ဦးကျော် တင်သွင်းသော အဆိုကို အားလုံးက တညီတညွတ်တည်း သဘောတူ
ထောက်ခံကြမည်ဟု တက်ရောက် သတင်းယူနေသူများ အားလုံးက ထင်ကြေး ပေးထားကြသည်။

“ရေရဖို့ ကိစ္စပဲဗျာ ဒါ ကန့်ကွက်စရာမှ မဟုတ်တာ။ ထင်သလို မဟုတ်ဘူး” ဟု သတင်းထောက်တဦးက ပြောသည်။

ရန်ကုန်မြို့ရှိ မြို့နယ် ၃၃ မြို့နယ်တအတွက် သောက်သုံးရေကို ချိုးဖြူ၊ လှော်ကား၊ ဖူးကြီး နှင့် ငမိုးရိပ် ရေလှောင် တမံ စီမံကိန်းများမှ ရေများကို ရေတွန်းစက် ၁၁ ရုံမှတဆင့် တမြို့လုံး ဖြန့်ဖြူးခြင်းဖြစ်ကာ၊ မြေအောက်ရေကိုမူ စက်ရေတွင်းများမှ တဆင့် ဖြန့်ဖြူးပေးခြင်း ဖြစ်သည်။

ရန်ကုန်တွင် လက်ရှိ ဖြန့်ဖြူးပေးနေသော ရေပမာဏာမှာ နေ့စဉ် ဂါလသန်း ၁၆ဝ ခန့်ရှိကြောင်း၊ ဆက်လက် ရေပေး
ဝေနိုင်ရန် စီမံကိန်းများ ဆောင်ရွက်နေကြောင်း မြို့တော်ဝန်ဦးလှမြင့်က နိုဝင်ဘာလ ၃ ရက်နေ့တွင် ပြောကြား ခဲ့သည်။

သတင်း---ရန်ကုန် (မဇ္ဈိမ)

မန္တလေးဗေဒါသင်တန်းကျောင်းခွဲ ဖွင့်ပွဲ သို့ ပေးပို့ ခဲ့တဲ့ လူထုခေါင်းဆောင် ဒေါ်စု မိန့် ခွန်း (ရုပ်/သံ)

နိုဝင်ဘာလ ၇ ရက်နေ့က အထက်မြန်မာပြည် မန္တလေးမြို့မှာ ပထမဆုံးအကြိမ် ဗေဒါသင်တန်းကျောင်းခွဲတခုကို မန္တလေးတိုင်း အမျိုးသားဒီမိုကရေစီအဖွဲ့ချုပ် မြို့နယ်စည်းအဖွဲ့ဝင် ဦးကိုကြီးရဲ့နေအိမ်မှာ ဖွင့်လှစ်သင်ကြားခဲ့ပါတယ်။ အဲ့ဒီအခမ်းအနားကို အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်က မိန့်ခွန်းဗီဒီယိုဖိုင် ပေးပို့ခဲ့ပါတယ်။