ပြည်ထောင်စုကြံ့ခိုင်ရေး နှင့် ဖွ့ံဖြိုးရေးပါတီ အဖွဲ့ ဝင်ဟောင်းများကနေ သူရဦးရွှေမန်းသို့ ”စွမ်းအားရှင်” ကိစ္စဖြေရှင်းရန် စာပေးပို့ ။

သို့ 

သူရဦးရွှေမန်း
ဒုတိယဥက္ကဌ
ပြည်ထောင်စုကြံ့ခိုင်ရေး နှင့် ဖွ့ံဖြိုးရေးပါတီ
နေပြည်တော်၊ ဌာနချုပ် ။

ရက်စွဲ ။ ၂၀၁၂ ခုနှစ် ၊ ဇန္န၀ါရီလ ၊ ( ၁၅ ) ရက်။

အကြောင်းအရာ။ ။ စွမ်းအားရှင်ဟု ပြည်သူလူထု အမြင်လွဲမှားအောင် ဆောင်ရွက်ထားမှုအား ဖြေရှင်းပေးရန်။

၁။ ပြည်ထောင်စုကြံ့ခိုင်ရေးနှင့်ဖွံ့ ဖြိုးရေးအသင်း လက်ထက်ကတည်းက လူမှုရေးလုပ်ငန်းများ နှင့် နိုင်ငံတော်တည်ဆောက်ရေးလုပ်ငန်းများကို အားတက်သရော ဆောင်ရွက်ခဲ့ကြသည့် လူငယ်များမှ ပြည်ထဲရေးဝန်ကြီးဌာန၏ မြို့  ပြဥပဒေကြောင့် “စွမ်းအားရှင်” အမည်တပ်ခံရပြီး လူမှုပတ်ဝန်းကျင် ပေါင်းသင်းဆက်ဆံရေးတွင် နစ်နာဆုံးရှုံးနေမှုများအား ဖြေရှင်းပေးရန် တောင်းဆိုလိုက်သည်။

၂။ ၂၀၀၇ ခုနှစ်၊ စက်တင်ဘာလ အရေးအခင်းတွင် မြို့ ပြဥပဒေအရ ဒေသဆိုင်ရာ အာဏာပိုင် (တိုင်း/ခရိုင်/မြို့ နယ်) များက ဒေသအတွင်းရှိ မည်သူ့ ကို မဆို စွမ်းအားရှင်အဖြစ် ခေါ်ယူအသုံးပြုနိုင်သည်ဟု ပြဌာန်းချက်ပါအတိုင်း ဆောင်ရွက်ရာတွင် အစိုးရ၀န်ထမ်းများက ပြည်ထဲရေးဝန်ကြီးဌာန၏ အမိန့် အရ ဆောင်ရွက်သည်ကို ဖုံးကွယ်နိုင်ရန်အတွက် ပြည်ခိုင်ဖြိုး အသင်းဝင်များကို စွမ်းအားရှင်များဟု ၀ါဒဖြန့် ခဲ့ကြသည်။

၃။ ရန်ကုန်တိုင်းဒေသကြီးအတွင်းရှိ မြို့ နယ် အသီးသီးမှ ပြည်ခိုင်ဖြိုး အသင်းဝင် လူငယ်များကလည်း ငါတော့ မဟုတ်ဘူး / သူ့ မြို့ နယ် ဟုတ်နိုးနိုးများဖြင့် ဖြေရှင်းခြင်း မရှိခဲ့ကြပဲ ပြည်သူလူထုစွပ်စွဲသော ဘုန်းကြီးရိုက်တယ်/ သံဃာရိုက်တယ် ပြောဆိုမှုများကို ရေငုံနုတ်ပိတ် နေထိုင်ခဲ့ကြသည်။

၎။ ဗိုလ်ချုပ်အောင်ဆန်းသမိုင်းအကြောင်း ဖြန့် ဝေသည့် ဗီစီဒီအခွေများတွင်၂၀၀၇ ခုနှစ် စက်တင်ဘာအရေးအခင်း နှိမ်နင်းမှုပြကွက်များမှ ဘုန်းကြီး/သံဃာကို ရိုက်သည်ဆိုသော ပြကွက်များတွင် ပြည်ခိုင်ဖြိုး တစ်ဦးတစ်ယောက်ကိုမျှ မတွေ့ ရပဲ စစ်သား/ ရဲ / ဆိုသည်များကို သာတွေ့ ရသည့်အတွက် ပြည်ခိုင်ဖြိုး လူငယ်များ စွပ်စွဲခံနေရသည့် သံဃာရိုက်/ ဘုန်းကြီး ရိုက် သူများ မဟုတ်ကြောင်း သက်သေခံလျှက်ရှိပါသည်။

၅။ ၂၀၀၇ ခုနှစ်၊ စက်တင်ဘာအရေးအခင်းကာလတွင် ပြည်ထဲရေးဝန်ကြီးအဖြစ် တာဝန်ထမ်းဆောင်ခဲ့ပြီး၊ လက်ရှိ ပြည်ခိုင်ဖြိုးပါတီတွင် ဗဟိုအလုပ်အမှုဆောင်အဖြစ် တာဝန်ထမ်းဆောင်နေသူ ဦးမောင်ဦးမှ မြို့ ပြအက်ဥပဒေအရ “စွမ်းအားရှင်” လူတန်းစား သတ်မှတ်ချက်ကို ဖေါ်ထုတ်ပြောကြားပေးနိုင်ပါရန်နှင့် ပြည်ခိုင်ဖြိုးအသင်းတွင် တာဝန်မရှိခဲ့ကြောင်း သက်သေထူပေးစေလိုပါသည်။

၆။ ယင်းသို့ သက်သေထူပြောဆိုပေးခြင်းများမရှိပါက ၁၉၉၆ ခုနှစ်က ပြည်ခိုင်ဖြိုးအသင်း အတွင်းရေးမှူးများမှ တစ်ဆင့် အနိုင်ကျင့် အမိန့် ပေး အကြပ်ကိုင် စေခိုင်းခဲ့မှုများကို ဆက်လက်ဖေါ်ထုတ်သွားမည်။

ပြည်ခိုင်ဖြိုးအသင်းဝင်ဟောင်းများ

ရန်ကုန်တိုင်းဒေသကြီး။

ပင်လုံ စိတ်ဓါတ် အရင်း ခံရန် ပြည်ထောင်စု အဆင့် ဆွေးနွေး ပွဲ၌ သဘောတူ

သျှမ်းသံတော်ဆင့်


ပြည်ထောင်စုအဆင့်ဆွေးနွေးပွဲမှ ပင်လုံစိတ်ဓါတ်ကိုအရင်းခံသည့် ပြည်ထောင်စုမပြိုကွဲအောင် ပူးပေါင်းတည်ဆောက်ရေး ပါသည့် အ ချက် ၅ ချက်ကို မြန်မာအစိုးရ၏ ငြိမ်းချမ်းရေးဖော်ဆောင်ရေးအဖွဲ့ နှင့်အတူ သဘောတူညီလက်မှတ်ရေး ထိုးခဲ့သည်ဟု သျှမ်းပြည် တပ် မတော်ပြောခွင့်ရ က ပြောသည်။

“ပြည်ထောင်စုအဆင့်ဆွေးနွေးပွဲကနေ သဘောတူညီချက် ၅ ချက်ထဲက ဒုတိယအချက်မှာလေ (ဒို့တာဝန်အရေးသုံးပါးမှာ) ပင်လုံ စိတ် ဓါတ်အရင်းခံ၍ ဆိုတာမပါရင်၊ ဒီအချက်ကို နိုင်ငံရေးဆွေးနွေးတဲ့အဆင့်ကျမှ ဆွေးနွေးဖို့ ကျနော်တို့ဘက်က ပြောတယ်။ အဲတာနဲ့ သူတို့က - ပြည်ထောင်စုအဆင့်ထဲမှာ ဒီ ဒို့တာဝန်အရေးသုံးပါးက မပါလို့မရဘူး။ အဓိက အနှစ်သာရ ဖြစ်နေတယ် ဆိုတော့ ဒီလိုဆိုရင် ပင်လုံ စိတ်ဓါတ်ကိုအရင်းခံ၍ ပြည်ထောင်စုကို ပူးပေါင်းတည်ဆောက်ရန် လို့ရေးလိုက် မယ်ဆိုပြီး ဆွေးနွေးသဘောတူလိုက်တာဖြစ်တယ် ” - SSPP/ SSA ပြောခွင့်ရဗိုလ်မှူးစိုင်းလက သျှမ်းသံတော်ဆင့်အား ပြောပြသည်။

ယခုလ ၂၈ ရက် စနေနေ့က ဦးအောင်သောင်းဦးဆောင်သော မြန်မာအစိုးရ၏ ငြိမ်းချမ်းရေးဆွေးနွေးရေးအဖွဲ့နှင့် သျှမ်း ပြည်တပ်မတော် SSPP/ SSA မှ စဝ်ခေးတိုင်းဦးဆောင်သော အဖွဲ့တို့ သျှမ်းပြည်မြို့တော် တောင်ကြီးရှိ ပြည်နယ်အစိုးရ ရုံး၌တွေ့ဆုံ ဆွေးနွေး ခဲ့ကြခြင်း ဖြစ်သည်။



“ကျနော်တို့ ပဏာမအဆင့် ဆွေးနွေးပွဲကနေ ပြည်နယ်အဆင့်ရော ပြည်ထောင်စုအဆင့်ပါ ဆွေးနွေးနိုင်ခဲ့တယ်။ ပြည်နယ် အဆင့်မှာ အချက် ၅ ချက် ပြည်ထောင်စုအဆင့်မှာ အချက် ၅ ချက် ဆွေးနွေးသဘောတူလက်မှတ်ရေးထိုးခဲ့တယ်။ နောက် ပြီး ကျနော်တို့ဖက်က တင်ပြထားတဲ့ အချက် ၇ ချက်ကိုတော့ အစိုးရကိုယ်စားလှယ်ဖက်က သဘာဝကျတယ်။ ဖြစ်နိုင်ချေ ရှိတယ်ဆိုပြီး ထပ်မံဆွေးနွေးဖို့ လက်ခံထားတယ်” - ဟူ၍ ဆက်လက်ပြောပြပါသည်။

သျှမ်းပြည်တိုးတက်ရေးပါတီမှ - မြန်မာနိုင်ငံအတွင်းရှိ လူတန်းစား လူ့အလွှာ အသီးသီးမှ တိုင်းရင်းသား လူမျိုးပေါင်း စုံကို ကိုယ်စား ပြု နိုင်သော ထာဝရငြိမ်းချမ်းရေးတည်ဆောက်ရေးကော်မတီအား ကျယ်ပြန့်စွာ ဖွဲ့စည်းအကောင်အထည်ဖေါ်သွား ရန်၊ အကျဉ်းကျ ခံနေရ ဆဲ နိုင်ငံရေးအကျဉ်းသား အားလုံးကို ချွင်းချက်မရှိ လွှတ်ပေးရန်၊ တရား ဥပဒေ စိုးမိုးရေးသည်မရှိ မဖြစ် လိုအပ်သဖြင့် လွတ်လပ်ပြီး တရားမျှတသော တရားရေးမဏ္ဍိုင်တည်ဆောက် အကောင်အထည်ဖော်သွားရန်၊ အမျိုး သား သွေးစည်းညီညွတ်ရေး အတွက် တန်းတူ ရေး နဲ့ ကိုယ်ပိုင်ပြဌာန်းခွင့်ကို အာမခံနိုင်သော စစ်မှန်သည့် ဖက်ဒရယ် ပြည် ထောင်စုစနစ်ကို တည်ဆောက်သွားရန်၊ စစ်ဒဏ်ကြောင့် အလဟဿ မြေဇာပင် ဖြစ်ပြီးတော့မှ သေကြေဒဏ်ရာရ၊ ပစ္စည်း ဥစ္စာ ပျက်စီးဆုံးရှုံးသွားရသည့် ရဟန်း ရှင်လူ ပြည်သူလူထု၊ စစ်ပြေး ဒုက္ခသည်များအား လူသားချင်းစာနာမှုဖြင့် နိုင်ငံတော် အစိုးရမှ ပြန်လည်ကူညီပံ့ပိုးပေးသွားရန် အစရှိသော အချက်များပါသည့် အချက် ၇ ချက်ကို တောင်းဆိုခဲ့ကြောင်း ဗိုလ်မှူးစိုင်းလ ကပြောသည်။

ပြည်ထောင်စုအဆင့်ဒုတိယအကြိမ်ဆွေးနွေးမှုအတွက် ရက်မသတ်မှတ်ရသေးဟုလည်း ဗိုလ်မှူးစိုင်းလ က ဆက်လက် ပြောပြသည်။

ဆွေးနွေးပွဲအပြီး သမ္မတက ပေးပို့လိုက်သော ဆန်အိတ် ၅၀၀၊ ဆိုလာဓါတ်ရောင်ခြည်ပြား ၅၀ စုံ နှင့် Sky Net ရုပ်သံ ဖမ်းစက် အစုံ ၂၀ တို့ကို ဦးအောင်သောင်းနှင့် ဦးသိန်းဇော်တို့က စဝ်ခေးတိုင်း နှင့် စဝ်ခွန်ဆိုင်ထံသို့ ပေးလိုက်ကြောင်း မြန်မာ့ အလင်း သတင်း စာ၌လည်း ဖော်ပြထားသည်။

အိမ်နီးချင်းနိုင်ငံများကို လေ့လာ၍ မြန်မာ့ မီဒီယာ ဥပဒေကြမ်း ရေးဆွဲပြီးပြီ

ခင်ဦးသာ on January 30, 2012


မီဒီယာ များနှင့် သက်ဆိုင်သည့် ဥပဒေ ကြမ်းတ ခုအား အိမ်နီးချင်း နိုင်ငံ များ၏ မီဒီယာ ဥပဒေ များကို လေ့လာ၍ ရေးဆွဲပြီး ဖြစ် ကြောင်း မြန်မာ နိုင်ငံ စာပေ စိစစ်နှင့် မှတ် ပုံတင် ဌာန၏ ဒု-ညွန်ကြား ရေးမှူး ချုပ် ဦးတင့်ဆွေက ယနေ့ ပြောလိုက် သည်။

ထိုဥပဒေကို လွှတ်တော်အစည်းအဝေးများ၌ မကြာမီ တင်သွင်းမည်ဟု ရန်ကုန်မြို့ အင်လျားလိတ်ဟိုတယ်တွင် ယနေ့ကျင်းပသော မီဒီ ယာ အလုပ်ရုံ ဆွေးနွေးပွဲ၌ ပြောဆိုခဲ့ခြင်း ဖြစ်သည်။

အဆိုပါ ဥပဒေဖြစ်မြောက်ရေးအတွက် ပြည်ထောင်စုအဆင့် ၀န်ကြီးနှင့် ၇ ကြိမ်၊ ဌာနအတွင်း အကြိမ် ၂၀ ဆွေးနွေးပြီးမှ ရေးဆွဲ ခဲ့ ကြောင်း၊ ထိုဥပဒေသည် ပုံနှိပ်မီဒီယာ တခုအတွက်သာ ဖြစ်ကြောင်း၊ အွန်လိုင်းနှင့် ရုပ်သံမီဒီယာတို့ အတွက် မဟုတ် ကြောင်းလည်း ၎င်း က ရှင်းပြခဲ့သည်။

လွှတ်တော်၌ ယင်းဥပဒေ အတည်ပြုပြီးပါက မီဒီယာဆင်ဆာ လျော့နည်းသွားမည်ဟု ဦးတင့်ဆွေက ဆွေးနွေးပွဲ တက်ရောက် လာသူ များအား ပြောခဲ့ကြောင်း သိရသည်။

ဆွေးနွေးပွဲတက်ရောက်လာသည့် ပြည်တွင်းဂျာနယ်တခုမှ အယ်ဒီတာတဦးက “ဒီ ဥပဒေ အတည်ဖြစ်သွားရင်တော့ မီဒီယာ သမားတွေ ပိုပြီး လွတ်လွတ်လပ်လပ် လုပ်လာနိုင်လိမ့်မယ်လို့ မျှော်လင့်တယ်” ဟု ပြောသည်။

ထိုဥပဒေ၌ အခန်း ၁၀ ခန်းပါဝင်ပြီး စာရေးသူများ၊ စာနယ်ဇင်းသမားများ၏ ရပိုင်ခွင့်များ၊ တာဝန်များနှင့် ကျင့်ဝတ်များ၊ စာပေ လွတ်လပ် ခွင့်နှင့် ကျင့်ဝတ်များ အကောင်အထည် ဖော်ရေးအတွက် စာနယ်ဇင်း ကော်မတီ၊ ပြည်တွင်း ပြည်ပ ထုတ်ဝေဖြန့်ချိခြင်း၊ ပြစ်ဒဏ်များ စ သည်ဖြင့် ပါဝင်သည်။

ဆွေးနွေးပွဲအား Media Development in Democratic society ဟုအမည်ပေးထားပြီး ပြည်တွင်း၊ ပြည်ပ မီဒီယာသမားများ တက်ရောက် ၍ စာတမ်းများ ဖတ်ခြင်း၊ ဆွေးနွေးခြင်းတို့ လုပ်ဆောင်ခဲ့ကြပြီး ပထမဆုံးသော မီဒီယာ အလုပ်ရုံဆွေးနွေးပွဲ တခု လည်း ဖြစ်သည်။

ထိုင်း၊ အင်ဒိုနီးရှား၊ မလေးရှား၊ စင်ကာပူ၊ သီရိလင်္ကာ စသည့်နိုင်ငံများက စာတမ်းများ ဖတ်ခဲ့ပြီး VOA မြန်မာပိုင်း ဌာနမှူး ဦးသန်းလွင် ထွန်း၊ The Voice ဂျာနယ်တို့မှလည်း လက်ရှိပြည်တွင်း မီဒီယာ အခြေအနေများနှင့် ပိုမိုလွတ်လပ်ခွင့် ရရှိရေး ကိစ္စများအကြောင်း စာ တမ်းများ ဖတ်ကြားခဲ့သည်ဟု သိရသည်။

ထိုအလုပ်ရုံ ဆွေးနွေးပွဲအား မြန်မာနိုင်ငံ စာပေနှင့်စာနယ်ဇင်းအဖွဲ့နှင့် စင်္ကာပူနိုင်ငံမှ Asia Media Information Centre တို့က ပူးပေါင်း ကျင်းပခြင်း ဖြစ်ပြီး မနက်ဖြန်တွင် ပြီးဆုံးမည် ဖြစ်သည်။

မီဒီယာအလုပ်ရုံ ဆွေးနွေးပွဲသို့ ပြန်ကြားရေးဝန်ကြီးဌာန တာဝန်ရှိသူများ၊ ပြည်တွင်းအခြေစိုက် မီဒီယာများအပြင်၊ ပြည်ပအခြေစိုက် မြန် မာ သတင်းဌာနများ ဖြစ်သည့် BBC (မြန်မာပိုင်း) ဌာနမှူး ဒေါ်တင်ထားဆွေ၊ မဇ္စျိမ သတင်းဌာနမှ တာဝန်ရှိသူများ အစ ရှိသူတို့လည်း တက်ရောက် ကြကြောင်းသိရသည်။