ဒေါ်အောင်ဆန်းစုကြည်ကို တိုင်းပြည်ကောင်းကျိုး လုပ်မည့်သူဟု ကော်မရှင်ဥက္ကဋ္ဌ ယုံကြည်

ဆောင်းပါး | By Aye Myat Htet

ကြားဖြတ်ရွေးကောက်ပွဲဝင်မည့် ဒေါ်အောင်ဆန်းစုကြည်အား တိုင်းပြည်ကောင်းကျိုး လုပ်ပေးမည့်သူဟု ယုံကြည်ပြီး၊ သူမအား ကြိုဆိုကြောင်း ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးက ဒီဇင်ဘာ ၁၆ ရက်နေ့ နေပြည်တော်တွင် ကျင်းပခဲ့သည့် သတင်းစာ ရှင်းလင်းပွဲတွင် ပြောကြားခဲ့သည်။ ပြည်ထောင်စု ရွေးကောက်ပွဲ aက်ာမရှင်၏ သတင်းစာ ရှင်းလင်းပွဲကို ဒီဇင်ဘာလ ၁၆ ရက်နေ့ နံနက် ၁၀ နာရီက နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ရုံးတွင် ပြုလုပ်ခဲ့သည်။

နိုင်ငံကောင်းအောင် ဒေါ်အောင်ဆန်းစုကြည် လုပ်မည်ဟု ယုံကြည်ကြောင်း၊ နိုင်ငံကောင်းအောင် လုပ်ဆောင်သူ အားလုံးနှင့် ပူးပေါင်း လုပ်ကိုင်သွားမည် ဖြစ်ကြောင်း၊ ပြည်ထောင်စု ရွေးကောက်ပွဲကော်မရှင် အနေဖြင့် မည်သူ့ သြဇာ လွှမ်းမိုးမှုမှ မခံဘဲ လွတ်လွတ်လပ်လပ် လုပ်ဆောင်နေကြောင်း၊ ဖွဲ့စည်းပုံ အခြေခံဥပဒေ အတိုင်း လုပ်ဆောင်သွားမည် ဖြစ်ကြောင်း၊ ကြားဖြတ်ရွေးကောက်ပွဲ မကျင်းပမီ သုံးလ ကြိုတင် အသိပေးမည် ဖြစ်ပြီး၊ ပါတီ မှတ်ပုံတင်ခွင့်ပြုပြီးသား ပါတီများ အားလုံး စည်းရုံးရေး စတင် လုပ်ဆောင်နိုင်ပြီ ဖြစ်ကြောင်း ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက အထက်ပါ သတင်းစာ ရှင်းလင်းပွဲတွင် ပြောကြားခဲ့သည်။

ထို့ပြင် ရွေးကောက်ပွဲနှင့် ပတ်သက်၍ ”ညစ်ပြီး နိုင်တာထက် မှန်မှန်ကန်ကန် လုပ်ပြီး ရှုံးသွားတာကိုပဲ ဂုဏ်ယူပါတယ်။ ၂၀၁၀ ရွေးကောက်ပွဲမှာ အားနည်းချက်တွေ ရှိကောင်း ရှိပါလိမ့်မယ်။ နောင်လာမယ့် ရွေးကောက်ပွဲ တွေမှာ အကောင်းဆုံး လုပ်နိုင်အောင် ကြိုးစားသွားပါမယ်၊ ပါတီတွေကို လွတ်လွတ်လပ်လပ် လုပ်ခွင့်ပေးပါတယ်။ ဘယ်ကို သွားသွား မကန့်ကွက်ပါဘူး။ ပါတီတွေ အနေနဲ့ စည်းရုံးမယ်ဆိုရင် ပြည်သူတွေ အနေနဲ့ ယုံကြည် အားကိုးလာမယ်။ အဲဒါမှ မဲနိုင်ပြီး လွှတ်တော်ထဲ ရောက်မယ်။ လွှတ်တော်ထဲ ရောက်မှ တိုင်းပြည်အတွက် ပြောနိုင် ဆိုနိုင်မှာ ဖြစ်ပါတယ်” ဟုလည်း ကော်မရှင်ဥက္ကဋ္ဌက ပြောကြားခဲ့သည်။

လစ်လပ်နေသည့် လွှတ်တော်ကိုယ်စားလှယ် ၄၈ နေရာမှာ  ပြည်သူ့လွှတ်တော်တွင် နေရာ ၄၀၊ အမျိုးသားလွှတ်တော်တွင် ၆ နေရာ၊ တိုင်းဒေသကြီး/ ပြည်နယ်လွှတ်တော်တွင် ၂ နေရာ ဖြစ်သည်။

လက်ရှိတွင် မှတ်ပုံတင်ထားသည့် နိုင်ငံရေးပါတီ ၃၇ ပါတီ ရှိနေပြီး၊ ပါတီတည်ထောင်ခွင့် လျှောက်ထားသည့် ပါတီ ၁၀ ခု ရှိသည်။၎င်းပါတီ ၁၀ ပါတီမှာ  ပြည်သူ့ဒီမိုကရေစီပါတီ၊ အမျိုးသားဒီမိုကရေစီပါတီသစ်၊ ညီညွတ်ရေးနှင့် ငြိမ်းချမ်းရေးပါတီ၊ ဒီမိုကရက်တစ် မဟာမိတ်ပါတီ၊ ၈၈ ပြည်သူ့အင်အားစုပါတီ၊ မြန်မာ့လူ့ဘောင်သစ် ဒီမိုကရက်တစ်ပါတီ၊ မြန်မာအမျိုးသားကွန်ဂရက်၊ အမျိုးသားဒီမိုကရေစီအဖွဲ့ချုပ်၊ ကရင်ဒီမိုကရက်တစ်ပါတီ၊ မြိုတိုင်းရင်းသားပါတီတို့ ဖြစ်သည်။

ရွေးကောက်ပွဲကော်မရှင် ဥက္ကဋ္ဌ ဦးတင်အေး၏ ပြောဆိုချက်အရ အမျိုးသားဒီမိုကရေစီ အဖွဲ့ချုပ် အပါအ၀င် ကြားဖြတ် ရွေးကောက်ပွဲ ၀င်မည့် ပါတီများသည် ရွေးကောက်ပွဲ မဲဆွယ်စည်းရုံးရေး စတင်လုပ်ဆောင်နိုင်ပြီ ဖြစ်သည်။

လွှတ်တော်ကိုယ်စားလှယ်များ လတ်တလော လစ်လပ်လျက်ရှိသည့် ကြားဖြတ် ရွေးကောက်ပွဲ ကျင်းပမည့် မဲဆန္ဒနယ်မှာ ၄၈ နေရာဖြစ်ပါသည်။

သားငယ် (ဘားမားဗီဂျေ)

၁၅ရက်နေ့က ရွှေညဝါဆရာတော်ကြီး သီတင်းသုံးရာ ခရေပင်ကျောင်းသို့ လာရောက်ဆွေးနွေး တိုင်ပင် အဖြေရှာကြတဲ့ ဘဘဦးဝင်းတင်၊ မဖြူဖြူသင်းနဲ့ အဖွဲ့ချုပ် အဖွဲ့ဝင်များ...

 ၁၅ရက်နေ့က ရွှေညဝါဆရာတော်ကြီး သီတင်းသုံးရာ ခရေပင်ကျောင်းသို့ လာရောက်ဆွေးနွေး တိုင်ပင် အဖြေရှာကြတဲ့ ဘဘဦးဝင်းတင်၊ မဖြူဖြူသင်းနဲ့ အဖွဲ့ချုပ် အဖွဲ့ဝင်များ...။

အကြောင်းကြောင်းကြောင့် တနေ့ဒီသတင်း၊ ဒီဓာတ်ပုံ မှတ်တမ်းလေးအတွက် ရေးသားခွင့်ရခဲ့မယ် သို့မဟုတ် ဖော်ပြခွင့်ပေးမယ့် တချိန်မှာတော့  ရေးသားဖော်ပြပါဦးမယ်...။ တနေ့မှာတော့ အဓမ္မကို ဓမ္မကအောင်ပွဲခံမှာပါ..။ ယနေ့ဖြစ်ပေါ်နေတဲ့ အခြေအနေ အဖြစ်အပျက်တွေနဲ့ ပတ်သက်ပြီး ရွှေညဝါဆရာတော်ကြီးရဲ့ အနေအထား၊ အခက်အခဲ အခြေအနေတွေကို အားလုံးသဘောပေါက်၊ နားလည်မယ်လို့ ယုံကြည်မိပါတယ်..။ ဘာသာ၊ သာသနာနဲ့ အများအကျိုးတွေ စွမ်းစွမ်းတမံ ဆောင်ရွက်နေတဲ့ အခက်အခဲကြားက ရွှေညဝါဆရာတော်ကြီးအား ရိုသေစွာ ရှိခိုးကန်တော့ လိုက်ပါတယ်..။

ဒီမိုဝေယံ

ရွှေညဝါဆရာတော်ကြီးအား လေးစား၊ရိုသေ မေတ္တာထားကြတဲ့ အလွှာပေါင်းစုံက ဒကာ၊ ဒကာမများမှစုပေါင်း လက်မှတ်ထိုးပေးကြတာ ယနေ့ဆိုရင် လက်မှတ်ပေါင်း ၂သောင်းနီးပါး ရရှိနေပါပြီ..။
ဓာတ်ပုံ ဒီမိုဝေယံ

သံဃာ့မဟာနာယကဖျက်သိမ်းရေး စတင်တော့ မည် ... အဲဒီသံဃာ့မဟာနာယက ဆိုတာဘာလဲ ..

ယနေ့ ဖေ့ဘုခ်ပေါ်မှ သတင်းများ အရ

နုိုင်ငံတော် သံဃာမဟာနာယကအဖွဲ့ ဖျက်သိမ်းရေး လှုပ်ရှားမှု များ ကို ရန်ကုန် ၊မန္တလေး နှင့်
တစ်နိုင်ငံလုံး က သံဃာများ မကြာခင် စတင်တော့ မည် ဟု FNG မှ သတင်း ရရှိ သည်။သံဃာ
မဟာနာယကအဖွဲ့ ဖျက်သိမ်းရေး လှုပ်ရှားမှု များ ကို ရန်ကုန် ၊ မန္တလေး နယ်မြို့ များ တွင် စတင်
သလို ပင် တစ်ချိန် တည်း တစ်ပြိုင် တည်း တွင် စစ်တွေ ဉ်လည်း စတင် မည် ဖြစ်ကြောင်း စစ်
တွေ မြို့  သံဃာတော် တစ်ပါး က FNG သို့  မိန့် ကြားတော် မူသည်။

သတင်းဖေ့ဘုခ် FNG မှ....

သံဃာ့မဟာနာယက ဆိုတာဘာလဲ ..

သံဃာ့မဟာနာယကအဖွဲ့ကြီးကို မဆလ တပါတီအာဏာရှင် ဦးနေ၀င်းရဲ့ စီစဉ်ဆောင်ရွက်မှုနဲ့ ၁၃၄၂ ခုနှစ် နယုန်လ (၁၉၈၀ ပြည့်နှစ် မေလ) မှာ ဂိုဏ်းပေါင်းစုံက သံဃာတော် (၁၂၀၀) ကို ပင့်ဖိတ်ပြီး ရန်ကုန်မြို့ ကမ္ဘာအေးကုန်းမြေ မဟာပါသာဏလိုဏ်ဂူကြီးအတွင်းမှာ စတင်ဖွဲ့စည်းခဲ့တာပါ။

သံဃာ့ကိုယ်စားလှယ် ၁၂၀၀ ထဲမှ နိုင်ငံတော် ဗဟိုသံဃာ့ဝန်ဆောင်ဆရာတော် အပါး (၃၀၀) ကို ရွေးချယ်ခဲ့ပါတယ်။ အဲဒီအထဲကမှ သံဃာ့မဟာနာယကဆရာတော် (၃၃) ပါး (နောက်ပိုင်း (၄၇) ပါး) ကို ထပ်မံရွေးချယ်ခဲ့ပြီး ရန်ကုန်မြို့မှာ ရုံးထိုင်စေခဲ့တာပါ။ အဖွဲ့ရဲ့ ရည်ရွယ်ချက်ကတော့ သာသနာတော်သန့်ရှင်းတည်တံ့ပြန့်ပွားရေး ဆောင်ရွက်ဖို့ပါ။

သံဃာ့နာယကအဖွဲ့ စတင်ဖွဲ့စည်းစဉ်က ထင်ရှားတဲ့ မန္တလေးက စာသင်တိုက်ကြီးအချို့က ဆရာတော်ကြီးတွေက သဘောမကျခဲ့တာ အမှန်ပါ။ သံဃာ့နာယက ဖွဲ့စည်းပြီးရင် စစ်အစိုးရက သံဃာ့နာယက အဖွဲ့ကို အသုံးချပြီး သံဃာတော်တွေကို ဖိနှိပ်လာလိမ့်မယ်ဆိုတာ မြင်တော်မူပါတယ်။ သာသနာရေးဌာနက အကောင်ကြီးကြီးတွေကိုယ်တိုင် ဆရာတော်ကြီးတွေထံ ချဉ်းကပ်ပြီး သံဃာ့နာယက အဖွဲ့အစည်းထဲဝင်ဖို့ စည်းရုံးဖူးပါတယ်။ ဆရာတော်ကြီးတွေက လက်မခံဘဲ သံဃနာယကအဖွဲ့နဲ့ ကင်းကင်းနေပြီး စာသင်စာချအလုပ်တွေကိုပဲ ကြိုးစားလုပ်ဆောင်နေခဲ့ကြပါတယ်။ အဲဒီလိုဆရာတော်ကြီးတွေကို နှစ်စဉ်ဆက်ကပ်နေကြ အဂ္ဂမဟာပဏ္ဍိတဘွဲ့တော်နဲ့ အဘိဓဇဘွဲ့တော် ရနိုင်တဲ့အရည်အချင်းတွေရှိပေမယ့် မပေးပဲ အာဏာပိုင်တွေက ချောင်ထိုးထားခဲ့ပါတယ်။ ဆရာတော်ကြီးတွေကတော့ အာဏာရှင်တွေနဲ့ မပတ်သက်ချင်လို့ ဘွဲ့တံဆိပ် မဆက်ကပ်လေ ကြိုက်လေပါ။

ဒါကတော့ သံဃမဟာနာယကအဖွဲ့နဲ့ ပတ်သက်လို့ အရှင်ပညာနန္ဒက သံဃမဟာနယကအဖွဲ့ စတင်ပေါ်ပေါက်လာပုံ၊ ဆောင်ရွက်ချက်များ၊ အကျိုးများ၊ အပြစ်များကို ရေးသားဖော်ပြထားတဲ့ အထဲက ကောက်နုတ်ထားတာပါ။

အပြည့်အစုံကို ဘားမားဗီဂျေ ဝက်ဘ်ဆိုဒ်မှာ ဖတ်ရှုနိုင်ပါတယ်။
ဧရာဝတီဘလော့မှရယူပါတယ်................

'အင်းသီး'မှတ်တမ်းရုပ်ရှင် တစ်နိုင်ငံလုံးဖြန့်ချိရန် ဆင်ဆာခွင့်ပြုချက်ရရှိ

ဒါရိုက်တာ မင်းထင်ကိုကိုကြီး ရိုက်ကူးထားတဲ့ 'အင်းသီး'မှတ်တမ်းရုပ်ရှင်ကို ဆင်ဆာခွင့်ပြုချက်ရရှိပြီဖြစ်တဲ့အတွက် လာမယ့် ဇန်န၀ါရီလမှာ တစ်နိုင်ငံလုံး ကို ဖြန့်ချိသွားမယ်လို့ သိရပါတယ်။
အင်းလေးဒေသက ခရမ်းချဉ်သီး ရေခြံလုပ်ငန်းတွေမှာ ခရမ်းချဉ်သီးစိုက်တဲ့အခါ သုံးကြတဲ့ ပိုးသတ်ဆေးနဲ့ ဓာတ်မြေဩဇာ တွေကြောင့် ရေထဲမှာ ဓာတုညစ်ညမ်းမှု ပါဝင်တဲ့အနေအထား၊ ရေထုညစ်ညမ်းစေတဲ့ အနေအထား တွေက လူတွေအတွက် ဘယ်လိုဆိုးကျိုး တွေဖြစ်နိုင်တယ်ဆိုတာကို 'အင်းသီး' မှတ်တမ်းရုပ်ရှင်မှာ တင်ပြထားတာပါ။
၂၀၀၉ ခုနှစ်၊ မတ်လက စတင် ပြင်ဆင်ရိုက်ကူးခဲ့တဲ့ ဒီ'အင်းသီး' မှတ်တမ်းရုပ်ရှင်က နိုင်ငံတကာရုပ်ရှင် ပွဲတော်တွေမှာ အကြိမ်ကြိမ် ပြသခွင့် ရရှိခဲ့ပေမယ့် ပြည်တွင်းမှာတော့ ပြသခွင့်ကို ခုမှ ရရှိတာဖြစ်ပါတယ်။
"လွန်ခဲ့တဲ့ တစ်ပတ်က ပြသခွင့်ဆင်ဆာကျပါတယ်။ အရမ်းထူးဆန်းတယ်။ တင်ထားတာကို ဘာတစ်ခုမှမဖြတ်ခိုင်းဘူး။ အဖြတ် အတောက် မပါဘူး။ ဒါကို ပြသဖြန့်ချိဖို့ စမိတ်ဆက်တဲ့ ၂၀၁၀ ပြည့် နှစ်၊ ဇွန်လကတည်းက စောင့်ခဲ့ရတာ။ ခုမှ တစ်နိုင်ငံလုံး အတိုင်းအတာနဲ့ခွင့်ပြုတယ် ဆိုတော့ ဆင်ဆာနဲ့ပတ်သက်ရင် မူဝါဒ အပြောင်းအလဲတွေ့ရတာပေါ့"လို့ဒါရိုက်တာမင်းထင်ကိုကိုကြီးက ဆိုပါတယ်။
ဒီ'အင်းသီး' မှတ်တမ်းရုပ်ရှင်ကို The Art of Freedom ရုပ်ရှင်ပွဲတော် စတင်ဖွင့်လှစ်တဲ့ ဇန်န၀ါရီလ ၄ ရက် နေ့မှာ ရောင်းချမှာဖြစ်ပြီး ပွဲတော်ကာလ လေးရက်စလုံးမှာလည်း တစ်ခွေကို ကျပ် ၂,၀၀၀ ၀န်းကျင်နဲ့ ရောင်းချသွား မယ်လို့ သိရပါတယ်။
'အင်းသီး'က ၂၀၁၀ ပြည့်နှစ်၊ အောက်တိုဘာလက ဗီယက်နမ်နိုင်ငံမှာ ပြုလုပ်တဲ့ Festival of Photos, Reportage Film and Docu-
mentary Film on the Countries and People in ASEAN မှာ Best Documentary 2010 အမျိုးအစားအတွက် ဒုတိယဆုရခဲ့ပြီး ထိုင်းနိုင်ငံ၊ ချင်းမိုင်မြို့၊ လာအိုနိုင်ငံ ဗီယင်ကျန်းမြို့၊ တောင်ကိုရီးယားနိုင်ငံ ဆိုးလ်မြို့မှာပြုလုပ်တဲ့ ရုပ်ရှင်ပွဲတော်တွေမှာ ပါဝင်ပြသ ခဲ့ဖူးပါတယ်။
ပြည်တွင်းကရုပ်သံလိုင်းတွေမှာ ပြသဖို့ ကမ်းလှမ်းခံရဖူးပေမယ့် ဆင်ဆာမရတာကြောင့် ပြသခွင့် မသာခဲ့ပါဘူး။ အခု ပြသခွင့် ရရှိပြီဖြစ်တဲ့အတွက် 'အင်းသီး'ကို ပြည်တွင်းမှာ ပြသဖို့ ရုပ်သံလိုင်းတွေနဲ့ ထပ်မံဆွေးနွေးဖို့ရှိတယ်လို့လည်း ဒါရိုက်တာ မင်းထင် ကိုကိုကြီး က ပြောပါတယ်။
လာမယ့် ဖေဖော်ဝါရီလထဲမှာ ထိုင်းနိုင်ငံကို သွားရောက်ပြီး ၀သန်ရုပ်ရှင်ပွဲတော်မှာ New Vision ဆုရရှိခဲ့တဲ့ 'အလျင်'ဇာတ်ကားတိုကို ပြသဖို့ရှိတယ်လို့လည်း သူက ပြောပါတယ်။

 ရတနာထွန်း
မြန်မာ့တိုင်းမ်

'အင်းသီး'မှတ်တမ်းရုပ်ရှင် By: သစ်ထူးလွင်

ချင်းအမျိူးသားနေ့အဖြစ် တရားဝင် ကျင်းပခွင့်ပြုရေး တောင်းဆိုစာကို ၀န်ကြီးချူပ်က ပယ်ချ

လာမည့် ၂၀၁၂ခုနှစ် ဖေဖော်ဝါရီလ ၂၀ ရက်နေ့တွင် ကျရောက်မည့် ၆၄ နှစ်မြောက် ချင်း အမျိူးသားနေ့ ကိုချင်းပြည်နယ် တွင် “အမျိူးသားနေ့” အဖြစ် တရားဝင် ကျင်းပ ခွင့်ပြုရေး တောင်း ဆိုချက်ကို ၀န်ကြီးချူပ်ဦးဟုန်းငိုင်းက ပယ်ချလိုက် သည် ဟုသိရသည်။

ချင်းပြည်နယ် တောင်ပိုင်း မင်းတပ်မြို့ ချင်းအမျိူးသားနေ့ ကျင်းပရေး ကော်မတီအဖွဲ့က ချင်းပြည်နယ်တွင် ချင်းအမျိူးသား နေ့ကို “ပြည်နယ်နေ့”အနေဖြင့်မဟုတ်ဘဲ “အမျိူးသားနေ့” အဖြစ် တရားဝင် ကျင်းပခွင့်ပြုရန် ယခုလဆန်းပိုင်းက စာတင်ခဲ့ ရာတွင် ချင်းပြည်နယ် ၀န်ကြီးချူပ်ဦးဟုန်းငိုင်းက ပယ်ချလိုက် သည်ဟု ချင်း တိုးတက်ရေးပါတီ အထွေထွေအတွင်းရေးမှူး(၂) ဦး ရှိန်းထွန်းပြောသည်။

“မင်းတပ်မြို့ ချင်းအမျိူးသားနေ့ ကျင်းပရေး ကော်မတီအဖွဲ့ဝင်တဦးက ကျနော့်ကိုဖုန်းနှင့် လမ်း အကြောင်းကြာလိုက်တာပါ ၊ ချင်းအမျိူးသားနေ့ အနေနဲ့ တရားဝင် ကျင်းပ ခွင့်ပြုဖို့ ၀န်ကြီးချူပ် ဆီစာနဲ့ တောင်းဆိုပါတယ်၊ ဒါပေမဲ့ ၀န်ကြီးချူပ်က စာပြန် တဲ့အခါမှာ ဒီကိစ္စ တွေက ခင်များ တို့လုပ်ရမယ့် အလုပ်မ ဟုတ်ဘူးဆိုတဲ့ ပုံစံမျိူးပြောလိုက် တော့ အတော်လေး စိတ်မကောင်းဖြစ်နေကြတယ်” ဟု ဦးရှိန်းထွန်းကပြောသည်။

လွန်ခဲ့သည့်၁၉၇၄ ခုနှစ်က ဦးနေ၀င်း ဦးဆောင်သော မြန်မာ့ဆိရှယ်လစ်လမ်းစဉ်ပါတီ (မဆလ) အစိုးရ လက်ထက် ကစပြီး မြန်မာနိုင်ငံတွင် ဖေဖော်ဝါရီလ (၂၀) ရက်နေ့ကို ချင်းအမျိူးသားနေ့အဖြစ် ကျင်းပခွင့်မရှိ တော့ဘဲ ယနေ့ချိန်ထိ “ချင်းပြည် နယ်နေ့” အဖြစ်နှင့်သာ ကျင်းပခွင့်ပြုခဲ့သည်။

ချင်းပြည်နယ်ဝန်ကြီးချူပ်ဦးဟုန်းငိုင်းက “ ချင်းအမျိူးသားနေ့” အဖြစ်အမည်ဖြင့်ကျင်းပ ခွင့်တောင်း ဆိုချက်ကို ဖယ်ချသည့် အတွက်ကြောင့် လာမည့် နှစ်ပြည်ထောင်စုလွှတ်တော် အစည်းအဝေးမှာ “ချင်းအမျိူးသားနေ့” ကိစ္စကို တင်ပြမည်ဟု ဦးရှန်းထွန်းက ပြောသည်။

“ ပြည် နယ် မှာ ဆွေးနွေးရမယ့် အရေး ကိုပြည်နယ် ၀န်ကြီးချူပ်ကို ပယ်ချ လိုက်ပြီဆိုတော့ ၊ ၀န်ကြီးချူပ် ကို တာဝန်ခံတာက နိုင်ငံတော် သမ္မတ ဆိုတော့လေ ၊ ပြည်ထောင် စုလွှတ်တော်မှာ တရားဝင် ဆွေးနွေး ရပါလိမ့်မယ်’’ဟု သူ ကပြောသည်။

၁၉၄၈ ခှုနှစ် ဖေဖော်ဝါရီ ၂၀ ရက်နေ့က ချင်းပြည်နယ်ဖလမ်းမြို့တွင် ကျင်းပခဲ့ သော ပထမဦးဆုံးအကြိမ် ချင်းအမျိူးသား ညီလာခံမှာ တက်ရောက် လာခဲ့ကြသော ကိုယ်စားလှယ်ပေါင်း ငါးထောင်ကျော်က ချင်းပြည်နယ်၏ သက်ဦးစံပိုင်မြေရှင် ပဒေသရာဇ်စနစ်ကို တခဲနက် ကန့်ကွက် ဖယ်ရှား လိုက်ကြသည့် နေ့ကို အစွဲပြုပြီး ၁၉၅၀ တွင် ချင်းရေရာကောင်စီမှ ချင်းအမျိူးသားနေ့ အဖြစ် သတ်မှတ်ခဲ့ ကြခြင်းဖြစ်သည်။

ပထမဆုံး အကြိမ် ချင်းအမျိူးသားနေ့ကို ၁၉၅၁ ခုနှစ်တွင် ချင်းပြည်နယ် တောင်ပိုင်း မင်းတပ်မြို့တွင် ကျင်းပခဲ့ကြပြီး ယင်းအချိန်က နိုင်ငံတော် ၀န်ကြီးချူပ်ဖြစ်တဲ့ ဦးနု နဲ့ အခြား တိုင်းရင်းသားဝန်ကြီးများလည်း တက်ရောက်ခဲ့ကြသည်။

မြန်မာအစိုးရ အနေဖြင့် တခြားတိုင်းရင်းသားများ ၏ အမျိူးသားနေ့ကို အမျိူးသားနေ့ အနေဖြင့် တရားဝင် ကျင်းပခွင့် မပြုခြင်း သည် တိုင်းရင်းသားများအမျိူးသားနေ့ကို အသိအမှတ် မပြုရာကျ သည် ဟုဦးရှိန်းထွန်း ကပြောသည်။

“တိုင်းရင်းသားတွေရဲ့ နယ်ချဲ့တွေကိုဆန့်ကျင်တော်လှန်ခဲ့ အမျိူးသားနေ့ တွေကို ပွင့်ပွင့်လင်းလင်း ပြောရရင် အသိ အမှတ်မပြုတဲ့ သဘောမှာရှိတယ်၊ ပြီးရင်လည်း အမျိူးသားနေ့ ဆိုတာ တခုတည်းရှိ ရမယ် မြန်မာတွေ ယူထားတဲ့ အမျိူးသားနေ့ကို တိုင်းရင်းသား တွေအနေနဲ့ ဒီဟာကိုဘဲ ယူရမယ် ဆိုတဲ့ အမြင်မျိူး သူ တို့မှာရှိတယ်’’ ဟု သူ ကပြောသည်။

ရင်းမြစ်...Khonumthung News Group

သတ်ဖြတ်ခံရသည့် ရွာသားနှစ်ဦး အတွက်လျော်ကြေး မိသားစုများအား အတင်းလက်မှတ်ထိုး လက်ခံခိုင်း

သျှမ်းပြည်အရှေ့ပိုင်း မိုင်းယန်းအခြေစိုက် မြန်မာ စစ်တပ်က ဝ နှင့် သျှမ်းရွာသား ၂ ဦးအား သတ် ဖြတ်ပြီး လျော်ကြေးငွေ အနည်းငယ်ကို မယူမနေရ လက်မှတ်ရေးထိုးယူခိုင်းကြောင်း မကျေနပ်ပါက ကျိုင်းတုံအထိ အမှုဖွင့်အရေးယူ နိုင်ကြောင်း မိုင်းခတ်စစ်ဗျူဟာမှ အရာရှိတဦးက ပြောသည်ဟု ဆိုသည်။

“ နိုဝင်ဘာလက စပါးသွားတင်ပြီးပြန်လာတဲ့ အိုက်ပေါက်နဲ့ အိုက်အင်းကို ဗမာစစ်တပ်က သျှမ်းစစ်သား အကြောင်း မေးရင်း နဲ့ သတ်လိုက်တာလေ။ သျှမ်းသံတော်ဆင့်က အဲ့ဒီသတင်း(၂၃၊ ၁၁၊ ၂၀၁၁ မှာ) ထွက်ပြီး ၃ ရက်အကြာ အဲ့ဒီ ခမရ ၂၈၁ က မှ တပ်မှူးတဦးက ကျန်ရစ်တဲ့မိသားစုတွေကိုခေါ်ပြီးပေးတာ။ အမိန့်နဲ့ လက်မှတ်ထိုးခိုင်းတာ။ လျော်ကြေးက ၂ ယောက် စလုံး အတွက် ၇ သိန်း ၂ သောင်းပေးတယ်တဲ့” ဟု ကျိုင်းတုံ ရောက်မိုင်းခတ်ဒေသခံ တဦးက သျှမ်းသံတော်ဆင့်အား ပြောပြသည်။

ထိုင်းဘတ်ငွေ ၂ သောင်း ၈ ထောင်နှင့် တန်ဖိုးညီမျှသည့် အဆိုပါ လျော်ကြေးငွေအပေါ် မကျေနပ်ပါက မိုင်းခတ် တရားရုံး သို့လည်းကောင်း၊ ကျိုင်းတုံမြို့သို့လည်းကောင်း ကျန်ရစ်သူဆွေမျိုးများ သွားရောက် တိုင်ကြား နိုင်ကြောင်း ခြိမ်းခြောက် ပြောဆိုခဲ့သေးသည်ဟု သေဆုံးသူနှင့်အမျိုးတော်စပ်သူတဦးကပြောသည်။

၎င်းနှင့်ပတ်သက်၍ အဆိုပါမိုင်းခတ်ဒေသခံက- “ အသတ်ခံရတဲ့သူတွေဟာ ဝ အမျိုးသားတွေဖြစ်တဲ့အတွက် ခုလို တိုင်း ရင်းသားလက်နက်ကိုင်တပ်ဖွဲ့တွေနဲ့အစိုးရက ငြိမ်းချမ်းရေးဆွေးနွေးပွဲလုပ်နေချိန်မှာတိုင်းရင်းသား လက်နက်ကိုင် တပ်ဖွဲ့ တွေ မကျေနပ်ရင် နေပြည်တော်အထိ တက်ပြီးပြဿနာရှာမှာ စိုးလို့နဲ့တူတယ်။ အဲ့ကြောင့် ပိုက်ဆံအနည်းငယ်သာ လျော် ကြေးပေးပြီး ခုလိုပြန်အကျပ်ကိုင်လိုက်တာဖြစ်တယ်”- ဟုသုံးသပ် ပြောဆိုသည်။

နိုဝင်ဘာ ၂၀ ရက် က မိုင်းယန်းအခြေစိုက် ခလရ ၂၈၁ တပ်က ကျိုင်းတုံမြို့ (အနောက်မြောက်ဘက် ၃၀ မိုင်) မုံးငဲန်း အုပ် စု အရှေ့မြောက်ဖက် ၁၂ မိုင်အကွာ ဝမ့်ဟိုဇင်း (ကျိုင်းတုံ - မုံးငဲန်း လမ်းမပေါ်၊ မုံးငဲန်း တောင် ဘက် ၁၂ မိုင်) ရွာမှ ဒေသခံ ရွာသား ၂ ဦးအား ဖမ်းဆီးကာ သူပုန်အကြောင်းမေးမြန်းရာ ‘ သျှမ်းသူပုန်များတခါမှရွာ ထဲမဝင်လာ’ ဟု ဖြေ သဖြင့် ပစ်သတ်လိုက်သည်ဟု သတင်းရရှိသည်။

ရင်းမြစ်....သျှမ်းသံတော်ဆင့်သတင်း

ဒေါ်အောင်ဆန်းစုကြည်ကို လေးစားကြောင်း လီဗာပူးလ် မန်နေဂျာဟောင်း ဟူလီယာဆို

လီဗာပူးလ် မန်နေဂျာဟောင်း ဂျရတ်ဟူလီယာ

မိမိသည် ဘောလုံး လောကမှ မဟုတ်သော ပုဂ္ဂိုလ်များ အနက် ဒေါ်အောင်ဆန်းစုကြည်ကို အလေးစားဆုံး ဖြစ်ကြောင်း လီဗာပူးလ် မန်နေဂျာဟောင်း ဂျရတ်ဟူလီယာက ပြောကြားခဲ့သည်။

Euro Sport နှင့် ပြုလုပ်သော အင်တာဗျူးတွင် ဟူလီယာက ဘောလုံးလောက ပြင်ပမှ လူပုဂ္ဂိုလ်များ အနက် မြန်မာနိုင်ငံမှ နိုင်ငံရေး ခေါင်းဆောင် တစ်ဦးဖြစ်သူ ဒေါ်အောင်ဆန်းစုကြည်သည် မိမိအတွက် ကြည်ညိုစရာ အကောင်းဆုံးသူ တစ်ဦးဟု ပြောဆိုသွားသည်။ “မြန်မာနိုင်ငံရဲ့ The Lady (မစ်ရှယ်ယို ခေါင်းဆောင် ပါဝင်ထားသည့် ဒေါ်အောင်ဆန်းစုကြည်၏ အထ္ထုပ္ပတ္တိ ဇာတ်ကား အမည်ကို ရည်ညွှန်းခြင်းဖြစ်) ဒေါ်အောင်ဆန်းစုကြည်ကို ကျွန်တော် အရမ်း လေးစား မိပါတယ်။ ခင်ဗျား အနေနဲ့ လူတစ်ယောက်ကို သူ့ရဲ့ သတ္တိနဲ့ စရိုက် သဘာဝတွေကြောင့် လေးစားနိုင်သလို ယုံကြည်မှု အတွက် မြဲမြဲမြံမြံ ရပ်တည် ရဲတာကိုလည်း လေးစားနိုင်ပါတယ်။ ဒါတွေ အားလုံးကို ဒေါ်အောင်ဆန်းစုကြည် လုပ်ပြခဲ့ပါတယ်။ အထူးသဖြင့် အမျိုးသမီး တစ်ဦး အနေနဲ့ပေါ့။ ဒါဟာ အံ့ဩ ချီးကျူးစရာပါ။ ခုဆိုရင် မြန်မာနိုင်ငံမှာ အများကြီး တိုးတက်မှုတွေ ရှိလာပြီလို့ ကျွန်တော်ထင်တယ်” ဟု ဟူလီယာက ဆိုသည်။

ဘောလုံး လောကတွင်မူ ငယ်စဉ်က ၎င်းသည် ရေမွန်ကိုပါကို အတုယူ ကြိုးစားခဲ့ကြောင်း ဟူလီယာက ပြောကြားခဲ့သည်။ ကိုပါသည် ရီးယဲလ်မက်ဒရစ်နှင့် ရိမ်းစ်အသင်းများတွင် ကစားခဲ့ဖူးသော ပြင်သစ် လက်ရွေးစင်ဟောင်း တစ်ဦးဖြစ်သည်။ ထို့အပြင် မစ်ချယ်ပလာတီနီမှာလည်း ၎င်းအပေါ် လွှမ်းမိုးမှုရှိကြောင်း အက်စ်တန်ဗီလာနှင့် အိုလံပစ် လိုင်ယွန်တို့ကို ကိုင်တွယ် ကြီးကြပ်ဖူးသည့် ဟူလီယာက ဆိုသည်။ ထို့အပြင် လီဗာပူးလ်တွင် ၎င်းကိုင်တွယ်ဖူးသည့် စတီဗန်ဂျရတ်ကို နှစ်သက်မိကြောင်းလည်း ပြောကြားခဲ့သည်။ “ကျွန်တော် ဂျရတ်ရဲ့အသက် (၂၂)နှစ် အရွယ်မှာ လီဗာပူးလ် အသင်းခေါင်းဆောင် ရာထူးပေးဖို့ ဆုံးဖြတ်ခဲ့ပါတယ်။ အဲဒီတုန်းက သူဟာ တော်တော်လေး ငယ်ပါသေးတယ်။ ဒါပေမဲ့ သူ့အသက်ဟာ သူပြသနေတဲ့ ခြေစွမ်းနဲ့ တစ်သင်းလုံးက သူ့အပေါ် လေးစား ကြည်ညိုမှုကြောင့် အသင်းခေါင်းဆောင် ရာထူးကို လက်ခံယူဖို့ ဘာပြဿနာမှ မရှိခဲ့ဘူး” ဟုလည်း ဟူလီယာ မှတ်ချက်ပြုခဲ့သည်။

soccermyanmar

မန္တလေး ဘူတာကြီး၌ လက်မှတ်မှောင်ခို ပြုလုပ်သူများ ရှိနေ

ရန်ကုန်-မန္တလေး အမြန်ရထား (ဓါတ်ပုံ-ပေါ်ပျူလာဂျာနယ်)

မြန်မာ့ မီးရထား၊ မန္တလေးဘူတာကြီး၌ ပွင့်လင်း ရာသီရောက်ချိန် ရထားစီး ခရီးသွားများ အနေနှင့် ခရီးသွား လက်မှတ် ဝယ်ယူရေးတွင် လွယ်ကူ အဆင်ပြေစေရန်၊ လက်မှတ် ရောင်းဝယ်မှု လျော့နည်း ပပျောက်စေရန် မီးရထား တာဝန်ရှိ ဝန်ထမ်းများ နေ့စဉ် အထူးကြပ်မတ် ဆောင်ရွက်လျက် ရှိနေပြီး ရထာစီး ခရီးသွားများ လက်မှတ် ဝယ်ယူရေးတွင် မသိ နားမလည်မှုများအပေါ် လက်မှတ်မှောင်ခို ရောင်းဝယ် ပြုလုပ်နေသော သူများ ရှိနေသောကြောင့် မြန်မာ့မီးရထား အနေနှင့် ကူညီ ဖြေရှင်း ပေးနေရပြီး ခရီသွား ပြည်သူများ စိတ်ချမ်းမြေ့ အဆင်ပြေစေရန် အဓိကထား လုပ်ဆောင်လျက် ရှိနေကြောင်း မြန်မာ့မီးရထား တာဝန်ရှိ ဝန်ထမ်းများထံမှ သိရသည်။ ရထားလက်မှတ် မှောင်ခို ရောင်းဝယ် ပြုလုပ်နေသူများသည် နယ်မြို့များမှ ရထားစီးရန် လာကြသော ခရီးသွားများကို အဓိကထား ပြုမူလုပ်ဆောင်နေကြောင်း သိရသည်။ ယခု ရက်ပိုင်းအတွင်း ဖြစ်ပေါ်ခဲ့သော လက်မှတ်မှောင်ခို ရောင်းဝယ်မှုတွင် ကွတ်ခိုင်မှလာသော ခရီးသွား မောင်အိုက်ရီမှ သူကိုယ်တိုင် ကြုံတွေ့ ခံခဲ့ရပုံကို ပြောပြရာတွင် “ကျွန်တော်တို့ (၁၁) ဦး အဖွဲ့ မြစ်ကြီးနား၊ တနိုင်း၊ ဖားကန့်ကို အလုပ် သွားလုပ်ဖို့ ကွတ်ခိုင်ကနေ မန္တလေးကို လာခဲ့တယ်။ မန္တလေးရောက်တော့ မြို့တွင်း ခေါက်တို ကားသမား တစ်ယောက်က ဘူတာကြီးကို တစ်ယောက် တစ်ထောင် တောင်းပြီး ကားနဲ့ လိုက်ပို့တယ်။ ဘူတာကြီး မပို့ဘဲ ၇၇ လမ်း၊ ၃ဝx ၃၁ လမ်းကြားရှိ ကားဂိတ်တစ်ခုရဲ့ အိမ်တစ်အိမ်ကို ပို့ခဲ့တယ်။ မင်းတို့ကို ဒီအိမ်က လူတွေက ရထားလက်မှတ် ဝယ်ပေးပြီး ရထားပေါ်ထိ လိုက်တင် ပေးလိမ့်မယ်လို့ ပြောပြီး ထားခဲ့တယ်။

အဲဒီအိမ်က လူကလည်း မင်းတို့ ဒီမှာ နားနားနေနေ နေကြပြီးရင် လက်မှတ် သွားဝယ် ပေးမယ် ပြောတယ်။ လက်မှတ် တစ်စောင်ကို၂၆၀၀၀ ကျပ် တောင်းတယ်။ များပါတယ်လို့ ပြောတော့ ၂၃၀၀၀ ကျပ်နဲ့ လုပ်ပေးမယ် ပြောပြီး မှတ်ပုံတင် (၁၁) ခုကို တောင်းတယ်။ ပြီးတော့ လက်မှတ်ဖိုး ကျသင့်ငွေ ၂၅၃၀၀၀ ကျပ်ကို တောင်းလို့ ပေးလိုက်ရတယ်။ လက်မှတ်ကို နောက်သုံးနာရီနေရင် ရမယ်လို့ ပြောတယ်။ ခဏနေတော့ ဆိုင်ကယ်နဲ့ ကျွန်တော်တို့ အဖွဲ့ထဲက လေးယောက်ကို ဘူတာကြီးအပေါ်ထပ် လက်မှတ်ရောင်း နေရာကို ခေါ်သွားတယ်။ လက်မှတ်တန်းစီတဲ့ နေရာမှာ ကျွန်တော်တို့ကို တန်းစီခိုင်းပြီး သူတို့ နေရာလို့ ပြောတယ်။ မှတ်ပုံတင်လေးစောင်နဲ့ လက်မှတ်ဖိုး ၁၇၀၀၀ ကျပ်ပေးပြီး ဝယ်ခိုင်းတယ်။ လက်မှတ်ဝယ်ပြီး အိမ်ကို ပြန်ခေါ်တယ်။ လက်မှတ် လေးစောင်ပဲ ရတယ်။ ကျန်တဲ့ လူတွေအတွက် မရတော့ဘူး ပြောတယ်။ စိတ်ပူပြီး ကျန်တဲ့လူတွေက အိတ်တွေယူပြီး ဘူတာကို သွားကြတယ်။ ကျွန်တော်တို့လည်း ဘူတာကို ပြန်လိုက်လာတယ်။ ကျွန်တော်တို့ လက်မှတ်တွေကို သူတို့က ယူထားလိုက်တယ်။ ကျွန်တော်တို့ လက်မှတ် ရောင်းလိုက်တဲ့ နေရာကို သွားမေးကြတယ်။ ကျွန်တော်တို့ (၁၁) ယောက်အတွက် လက်မှတ်ခ ပေးထားတယ်။ အခု လေးစောင်ပဲ ရတယ်။ ကျန်တဲ့လူတွေက ဘာလို့ မရတာလဲလို့ မေးကြည့်လိုက်တော့ မီးရထားဝန်ထမ်းတွေက ကျွန်တော်တို့ကို ခေါ်ပြီး အကျိုးအကြောင်း မေးတော့ ဖြစ်စဉ်ကို ပြောပြတဲ့အခါ ကျွန်တော်တို့ကို လက်မှတ် မှောင်ခိုသမားတွေ လက်မှတ်ဝယ်ပေးမယ် ပြောပြီး ပိုက်ဆံကို အဆမတန် တောင်းသွားခြင်း ဖြစ်ကြောင်း သိရတယ်။

ကျွန်တော်တို့လည်း ကားဂိတ်ကအိမ်ကို ပြန်လိုက်သွားတယ်။ လက်မှတ် မဝယ်တော့ဘူး။ ကိုယ်တိုင် ဝယ်မယ် မှတ်ပုံတင်နဲ့ ပိုက်ဆံ ပြန်တောင်းတယ်။ မှတ်ပုံတင်နဲ့ ပိုက်ဆံ ပြန်ပေးတယ်။ ပထမဝယ်ထားတဲ့ လက်မှတ် (၄) စောင်ကို ပြန်မပေးဘူး။ လက်မှတ်ခတွေက (၁၅) ရက် (၁) ကြိမ် မီးရထားက တက်နေတာလို့ ပြောပြီး ကျွန်တော်တို့ကို မြန်မြန်သွားကြ ဆိုပြီး နှင်ထုတ်လိုက်တယ်။ မီးရထား တာဝန်ရှိသူတွေက ကျွန်တော်တို့ရဲ့ အဖြစ်မှန်ကို သိပြီး ရထားလက်မှတ် အခက်အခဲကို ဖြေရှင်း အကူအညီ ပေးခဲ့ကြတယ်။ အမှန်တကယ် လက်မှတ် တန်ဖိုးက ၄၂၅၀ ကျပ်သာ ရှိတာ။ ကျွန်တော်တို့က လက်မှတ်ဖိုးကို အတိအကျ မသိဘူး။ မီးရထား ဝန်ထမ်းတွေ ရှင်းပြလို့ သိရတာ။ ကျေးဇူးအများကြီး တင်ပါတယ်။ အခုလို လက်မှတ် မှောင်ခိုသမားတွေရဲ့ မသမာမှုတွေကို သက်ဆိုင်ရာ တာဝန် ရှိသူတွေကိုလည်း အကြောင်း ကြားထားတယ်။ ကျွန်တော်တို့ ခံရသလို ခရီးသွား ပြည်သူတွေ မဖြစ်အောင်လို့ ပြောရတာပါ” ဟု ပြောပြခဲ့သည်။ “ရထားစီး ခရီးသွား ပြည်သူများ အနေနဲ့ ရထားလက်မှတ် ဝယ်ယူရာတွင် ဘူတာကြီးထိ ရောက်အောင် လာပြီး လက်မှတ်ရုံတွေမှာ တိုက်ရိုက်ဆက်သွယ် ဝယ်ယူစေချင် ပါတယ်။ အထက်တန်း (၃) ရက်ကြို ရိုးရိုးတန်း (၁) ရက်ကြို နေ့ချင်း လက်မှတ် တစ်ဦးကို (၁) စောင်နှုန်းနဲ့ ရောင်းချပေးနေ ပါတယ်။ လက်မှတ်နဲ့ ပတ်သက်ပြီး ကြေညာ ဆိုင်းဘုတ်တွေကိုလည်း ခရီးသွား အများမြင်သာ သိရှိနိုင်အောင် လက်မှတ်ရုံများနဲ့ ဘူတာကြီး နေရာအများ ချိတ်ဆွဲထားပါတယ်။ ပြန်ကြားရေးကလည်း (၁၅) မိနစ် တစ်ကြိမ် ကြေညာပေးနေ ပါတယ်။

ဘူတာကြီး ပထမထပ်ရှိ ရိုးရိုးတန်း လက်မှတ်ရုံနဲ့ အထက်တန်းရုံကြား မီးရထားမှာ Complain Center ထားရှိပြီး ခရီသွားပြည်သူများ ရထားလက်မှတ် ဝယ်ယူနိုင်ရေးမှာ အဆင်ပြေ ချောမွေ့စေဖို့ မီးရထားကနေ အခုလို စီစဉ်ပေးထား ပါတယ်” လို့ မီးရထား တာဝန်ရှိသူ တစ်ဦးက ပြောပြသည်။ မန္တလေး ဘူတာကြီးအနီး ပတ်ဝန်းကျင်၌ ရှိသော တည်းခိုခန်း လုပ်ငန်းများ၊ အဝေးပြေး ကားဂိတ်များသည်လည်း ရထားစီး ခရီးသည်များကို အဓိကအားထား ပြုနေရသော လုပ်ငန်းများ ဖြစ်သည့်အတွက် ရထားစီး ခရီးသည်များ လက်မှတ် ဝယ်ယူရေးတွင် ကောင်းမွန် မှန်ကန်စွာ လမ်းညွှန် ပေးကြရန် လိုအပ်သလို ရထားလက်မှတ် တန်းစီ ဝယ်ယူရာတွင်လည်း အမှန်တကယ် ခရီးသွားများသာ တန်းစီ ဝယ်ယူနိုင်ရန်အတွက် ယခုလက်ရ လက်မှတ်ရုံ အနေအထားမှ ပိုမိုကောင်းမွန်သော မီးရထားဝန်ဆောင်မှုများကို တိုးမြှင့် လုပ်ဆောင်ပေးမှသာ မီးရထား အဓိက ရည်မှန်းချက်များ ဖြစ်တဲ့ လက်မှတ်မဲ့ မပါရှိရေး၊ မှောင်ခို ပပျောက်ရေး၊ မသမာသော နည်းများနဲ့ ခရီးသွားများအပေါ် အမြတ်ထုတ် ကိုယ်ကျိုးရှာနေသူများ ဖော်ထုတ် အရေးယူရေးတို့ကို ဆောင်ရွက်နိုင်မှာ ဖြစ်သလို ရထားစီး ခရီးသည်များ စိတ်ချမ်းမြေ့ အဆင်ပြေမှာ ဖြစ်ပါတယ်လို့ မီးရထား တာဝန်ရှိသူ တစ်ဦးက ပြောသည်။

ကြည်စိုး (မန္တလေး)

ဒေါ်အောင်ဆန်းစုကြည် လာမယ်ဆိုလို့ . . . ကော့မှူးသားတွေ ပျော်မြူးနေကြပြီ

“အဘတို့ ကော့မှူးမြို့နယ်လေးက ရန်ကုန်တိုင်းမှာ အသေးဆုံးနဲ့ ဖွံ့ဖြိုးမှု အနည်းဆုံး မြို့နယ်လေးပါ။ အခု ဒေါ်အောင်ဆန်းစုကြည်ကြောင့် ကမ္ဘာသိမြို့လေး ဖြစ်တော့မှာကို ဂုဏ်ယူပါတယ်” ဟု ဝမ်းသာဂုဏ်ယူစွာ ပြောလိုက်သော အဘဦးချို၏  စကားသံတို့မှာ အသက် (၇၀) အရွယ်နှင့် မလိုက်အောင် တက်တက်ကြွကြွ ရှိလွန်းလှသည်။

အမျိုးသား ဒီမိုကရေစီ အဖွဲ့ချုပ်သည် တရားဝင်ပါတီအဖြစ် ရပ်တည်ရန် ၂၀၁၁ ခုနှစ် နိုဝင်ဘာ ၂၅ ရက်တွင် ပါတီတည်ထောင်ခွင့် လျှောက်ထားခဲ့ပြီး ကြားဖြတ် ရွေးကောက်ပွဲတွင် လစ်လပ်မဲဆန္ဒနယ်များ၌ ဝင်ရောက်ယှဉ်ပြိုင်မည် ဖြစ်သည်။ အဆိုပါ ကြားဖြတ် ရွေးကောက်ပွဲတွင် ဒေါ်အောင်ဆန်းစုကြည်ကိုယ်တိုင် ဖွံ့ဖြိုးမှုအနည်းဆုံး မြို့နယ်မှ ဝင်ရောက် အရွေးချယ်ခံမည်ဟု NLD ပါတီမှ သတင်း ထုတ်ပြန်ခဲ့သည်။ ယင်းနောက်တွင် အတည်မပြုသေးသော်လည်း ကော့မှူးမြို့နယ် ပြည်သူ့လွှတ်တော် ကိုယ်စားလှယ်အဖြစ် ဒေါ်အောင်ဆန်းစုကြည် ဝင်ရောက်အရွေးခံမည်ဆိုသည့် သတင်းများ ထွက်ပေါ်နေသည့်အတွက် ကော့မှူးမြို့နယ်ရှိ ပြည်သူများမှာ ဝမ်းသာ ဂုဏ်ယူနေကြသည်။

အိပ်မပျော်အောင် ဝမ်းသာကြ

“ဒေါ်အောင်ဆန်းစုကြည် ကော့မှူးကနေ အရွေးချယ်ခံမယ်လို့ ကြားလိုက်ရတော့ အရမ်းဝမ်းသာတာ၊ ဦးတို့မိသားစုတင် ဝမ်းသာတာ မဟုတ်ဘူး။ ကော့မှူးကသူတွေ အားလုံး ဝမ်းသာကြတာ။ ဒီသတင်းကြားပြီး ဝမ်းသာလို့ အိပ်မပျော်တဲ့သူတွေ ရှိတယ်။ သတင်းပျံ့တာလဲ အရမ်းမြန်တယ်။ ကော့မှူးကနေ အမေစု အရွေးခံမယ်ဆိုတာ မသိတဲ့သူ မရှိဘူး။ ကော့မှူးဒေသခံ တစ်ဦးဖြစ်သူ ဦးမြင့်သိန်းက ကော့မှူးပြည်သူများ၏ ခံစားချက်ကို ပြောသည်။ “ကော့မှူးမှာ အန်တီစု အရွေးခံမယ်လို့ ကြားကြားချင်းမှာ အရမ်းဝမ်းသာပြီး ရင်ထဲမှာ ဆို့နေတယ်။ အံ့သြပြီးတော့ အရမ်းဝမ်းသာတယ်။ အန်တီစုကို တစ်ခါပဲ တွေ့ဖူးသေးတော့ ထပ်ပြီး တွေ့ချင်တယ်” ဟု ရေခဲချောင်းရောင်းသူ မတင်ဇာအိက မျက်ရည်များဝဲကာ သူ၏ ဝမ်းသာမှုကို ပြောပြသည်။

သမိုင်းတွင်မည့် ကော့မှူး

ဒေါ်အောင်ဆန်းစုကြည်သည် နိုင်ငံတကာမှ လေးစားရသော ကမ္ဘာသိပုဂ္ဂိုလ် ဖြစ်သည့်အတွက် ကော့မှူးမြို့နယ် ကိုယ်စားလှယ်အဖြစ် အရွေးခံခြင်းသည် ကော့မှူးမြို့နယ်အား ကမ္ဘာမှ သိရှိသွားသကဲ့သို့ မြန်မာ့သမိုင်းတွင်လည်း မှတ်တမ်းဝင်မည် ဖြစ်ကြောင်း အငြိမ်းစား ကျောင်းအုပ်ဆရာကြီး ဦးအောင်မင်းက “ကော့မှူးပြည်သူ တစ်ယောက်အနေနဲ့ ဝမ်းသာ ကြိုဆိုတာထက် အရမ်းကို ဂုဏ်ယူနေတာပါ။ တကယ်သာ ဒေါ်စုအရွေးခံမယ်ဆိုရင် ကော့မှူးလဲ သမိုင်းဝင် ဖြစ်သွားမယ်။ ဒါဟာ ကော့မှူးပြည်သူ တစ်ယောက်အတွက် အင်မတန် ဂုဏ်ယူစရာ ကောင်းတယ်လို့ ခံစားရတယ်” ဟု ပြောသည်။ မဲပေးဖို့ ပြန်လာမယ် အဆိုပါ သတင်းကြောင့် လက်ရှိ ကော့မှူးမြို့နယ်တွင် နေထိုင်သူများသာမက အလုပ်အကိုင်ကြောင့် အဝေးရောက်နေသူများနှင့် တစ်နယ်တစ်ကျေးသို့ ပြောင်းရွှေ့သွားသူများကပင် ဝမ်းသာနေကြကြောင်း ကော့မှူးမြို့နယ် တရားရုံးလမ်း၌ နေထိုင်သူ အငြိမ်းစား ကျောင်းအုပ်ဆရာမကြီးက ပြောသည်။ ယင်းက - “ပြည်မှာ အလုပ်သွားလုပ်နေတဲ့ ကောင်လေး မောင်မောင်မြက BBC နားထောင်ပြီး ကော့မှူးကနေ ဒေါ်အောင်ဆန်းစုကြည် အရွေးခံမယ်လို့ သိတာနဲ့ ချက်ချင်းအိမ်ကို ဖုန်းဆက်တာ သူအရမ်းဝမ်းသာတဲ့ အကြောင်းနဲ့ ဒေါ်စုကို မဲထည့်ဖို့ ကော့မှူးကို ပြန်လာခဲ့မယ်။ သူ့အတွက် မဲစာရင်း ပေးထားပါလို့ ပြောတယ်။ မဲဆွယ်စည်းရုံးရေး လုပ်ရင်လဲ သူကိုယ်တိုင် ပါဝင်ချင်လို့ ကော့မှူးကို ပြန်လာတော့မယ်လို့ ဖုန်းဆက်ပြောတယ်။ နောက်တစ်ယောက်က ဆရာမကြီး သူငယ်ချင်း ကျောင်းဆရာကြီး သူက အခု ဝမ်းတွင်းမှာ နေတာ။ သူကလဲဖုန်းဆက်ပြီး ဝမ်းသာကြောင်းနဲ့ အခုလထဲမှာ ကော့မှူးမှာလုပ်မယ့် ဆရာကန်တော့ပွဲကို သူလာမယ် ပြောတယ်။ ဆရာမကြီးတို့ကိုလဲ ဒေါ်စုအတွက် ဒေသခံတွေ ဝိုင်းဝန်းလုပ်ဆောင်ပေးပါလို့ ဖုန်းဆက် ပြောတယ်” ဟု တစ်ဆင့် ပြန်လည် ပြောပြသည်။

မဲမထည့်ခဲ့သူများ မဲထည့်တော့မည်

“ဒေါ်အောင်ဆန်းစုကြည်လို တိုင်းပြည်ကို အကျိုးပြုနိုင်ပြီး ပြုပြင်ပြောင်းလဲရေး လုပ်နိုင်တဲ့ ပုဂ္ဂိုလ်ကို ဦးတို့မိသားစုတင်မကဘူး၊ ကော့မှူး ပြည်သူလူထု အားလုံးက မဲပုံထည့်ဖို့ ဆန္ဒရှိနေကြတယ်” ဟု ကော့မှူးမြို့နယ်ဒေသခံ ဦးမြင့်သိန်းက ပြောသည်။ ၂၀၁၀ ပြည့်နှစ် နိုဝင်ဘာ ရွေးကောက်ပွဲတွင် ဆန္ဒမဲ မထည့်ဖြစ်ခဲ့သော အဘွားဒေါ်တင်၊ ဦးခင်ဇော်နှင့် ဦးအောင်မင်းတို့က မိသားစုလိုက် မဲသွားထည့်ရန် ဆန္ဒရှိနေပြီး ဒေါ်အောင်ဆန်းစုကြည်ကို မဲပေးရမည်ဖြစ်၍ ဝမ်းသာကြည်နူး မိသည်ဟု ဆိုကြသည်။ “ဒေါ်စုဆိုရင်တော့ အဘွားကိုယ်တိုင် မဲသွားထည့်မယ်” ဟု အသက် (၆၃) နှစ်အရွယ် အဘွားဒေါ်တင်က ပြောသည်။

နိုင်စေချင်တယ်

“ကော့မှူးက ပြည်သူတွေရဲ့ဆန္ဒက ဒေါ်အောင်ဆန်းစုကြည်ကို ပွတ်ကာသီကာလေး နိုင်တာထက် မဲအပြတ်အသတ်နဲ့ နိုင်စေချင်တယ်။ ကော့မှူးကနေ ကျိန်းသေအရွေးခံရင် စည်းရုံးရေး ဆင်းတာကအစ ဘယ်နေရာကမဆို လုပ်ဆောင်ပေးဖို့ အဆင်သင့် ဖြစ်နေကြပါပြီ။ မဲမသမာမှုတွေ မရှိအောင် ပြည်သူလူထုက ပူးပေါင်းပြီး ကြိုတင်ပြင်ဆင်ဖို့လဲ ဆန္ဒရှိကြတယ်” ဟု ဦးမြင့်သိန်းက ပြောသည်။ တစ်နေ့လုပ် တစ်နေ့စား ဈေးသည်ဖြစ်ပေမယ့် ဒေါ်အောင်ဆန်းစုကြည်အတွက် မဲဆွယ်စည်းရုံးရေး လုပ်ငန်းများတွင် တစ်တပ်တစ်အား ပါဝင်လိုကြောင်း မတင်ဝါဝါငြိမ်းက ပြောသည်။ ယင်းက “အန်တီစုအတွက်ဆိုရင် မဲဆွယ်တာပဲဖြစ်ဖြစ်၊ တခြား ဘာပဲခိုင်းခိုင်း လုပ်ပေးဖို့ အဆင်သင့်ပဲ။ ကျွန်မတို့နိုင်တဲ့အားနဲ့ ဝင်ပါချင်တယ်။ အန်တီစုကို အမေတို့ လက်ထက်ကတည်းက လေးစားပြီး ကြိုက်တာ။ ကြည်ညိုလွန်းလို့ အိမ်မှာတောင် ပုံတွေ ကပ်ထားပါတယ်” ဟု ပြောသည်။



ကော့မှူးသာမက နိုင်ငံပါ တိုးတက်မည်



“ဒေါ်စုက ကမ္ဘာ့ခေါင်းဆောင်အဆင့်ရှိတဲ့ ပုဂ္ဂိုလ်ပါ။ ဒီပုဂ္ဂိုလ်ကို မဲပေးလိုက်ရင် အဘတို့မြို့နယ်လေးကို ပစ်မထားဘူးလို့ ယုံကြည်တယ်။ စီးပွားရေး၊ လူမှုရေး အစစအရာရာ တိုးတက်လာမယ်လို့ ယုံတယ်။ ဒေါ်စု လွှတ်တော်ထဲ ရောက်သွားရင် မြန်မာ့နိုင်ငံရေးလဲ အများကြီး တိုးတက်လာမယ် ထင်တယ်” ဟု ဦးချိုက သူ့အမြင်ကို သုံးသပ်ပြောသည်။ “ကော့မှူးက ဖွံ့ဖြိုးရေး အရမ်းနိမ့်ကျတယ်။ စီးပွားရေးအနေနဲ့ လက်လုပ်လက်စား သာသာပဲ ရှိတယ်။ အလုပ်အကိုင် အခွင့်အလမ်းဘာမှ မရှိတော့ မဖွံ့ဖြိုးဘူး။ အစိုးရသစ် လက်ထက်မှာလဲ ထူးထူးခြားခြား ဘာမှ မပြောင်းလဲဘူး။ သမားရိုးကျ လမ်းပြင်တာလောက်ပဲ ရှိတယ်။ ဒေါ်စုသာဆိုရင် ကော့မှူးဖွံ့ဖြိုးလာမယ်လို့ ယုံတယ်။ သူ့ကို ယုံလို့ သူ့စကားကို ယုံလို့ပြောတာပါ။ ပြည်သူကို သူ့အသက်ထက် တန်ဖိုးထားတာကို လေးစားတယ်။ သူ့မှာ ဘွဲ့တွေရရ မရရ ကြံ့ကြံ့ခံနိုင်တဲ့ စိတ်ဓာတ်ကို လေးစားတယ်။ သူ့ကို ယုံတယ်” ဟု အဘဦးခင်ဇော်က ဒေါ်အောင်ဆန်းစုကြည်ကြောင့် ကော့မှူးမြို့နယ် ဖွံ့ဖြိုးတိုးတက်လာမည်ဟု ယုံကြည်ကြောင်း သူ့အမြင်ကို ပြောသည်။

အတည်ဖြစ်ဖို့ ဆုတောင်းနေတယ်



ဒေါ်အောင်ဆန်းစုကြည် ကော့မှူးမြို့နယ်မှ အရွေးချယ်ခံမည်ဆိုခြင်းက ကော့မှူးပြည်သူများအတွက် ဝမ်းသာဂုဏ်ယူစရာဖြစ်ပြီး ကော့မှူးမြို့နယ် ဖွံ့ဖြိုးစည်ပင်ရန် အတွက်လည်း မျှော်လင့်ချက် ရောင်ခြည်တစ်ခု ဖြစ်နေသည်။ “အနိုင်ရခဲ့တဲ့ ပါတီက လုပ်ပေးသင့်တာ လုပ်ပေးပေမယ့် ဒေသဖွံ့ဖြိုးလာအောင်တော့ အပြည့်အဝ လုပ်ပေးနိုင်တာ မတွေ့ရဘူး။ ဒေါ်စုကတော့ လုပ်ပေးနိုင်လိမ့်မယ်လို့ ယုံကြည်တယ်။ စီးပွားရေး တိုးတက်လာအောင် လုပ်ပေးရင် နိမ့်ကျနေတဲ့ ပညာရေး၊ ကျန်းမာရေး ကဏ္ဍတွေပါ အဆင်ပြေသွားမယ်” ဟု ကော့မှူးမြို့နယ် သာသနာ့ နုဂ္ဂဟအသင်းဥက္ကဋ္ဌ ဦးသောင်းရွှေကသူ၏ ထင်မြင်ချက်ကို ပြောသည်။ “၂၀၁၀ ရွေးကောက်ပွဲမှာ NLD မပါခဲ့ဘူး။ အဲဒီတုန်းက ကျွန်တော် တစညကို မဲပေးခဲ့တယ်။ ဘာကြောင့်လဲဆိုတော့ တစည မဲဆွယ်တုန်းက အနိုင်ရရင် ကော့မှူးမှာ တက္ကသိုလ်ဖွင့်နိုင်အောင် လုပ်ပေးမယ်လို့ ပြောလို့ပါ။ ကြံ့ခိုင်ရေးက အနိုင်ရသွားလို့ တက္ကသိုလ်လဲ ဖြစ်မလာခဲ့ဘူး။ ဒီက ကျောင်းသားတွေ အနေနဲ့ ကျောင်းသွားတက်ရတာ ခရီးဝေးသလို လမ်းက အရမ်းဆိုးပါတယ်။ ဒေါ်စုအနိုင်ရရင် တက္ကသိုလ်ဖွင့်ပေးပါလို့ တောင်းဆိုချင်တယ်။ အနီးအနားက တွံတေး၊ ကွမ်းခြံကုန်း၊ ဒလ၊ ဒေးဒရဲနဲ့ ကျိုက်လတ်က ကျောင်းသားတွေလဲ အဆင်ပြေသွားမယ်” ဟု ရန်ကုန် အနောက်ပိုင်းတက္ကသိုလ် ရုက္ခဗေဒ ပထမနှစ် ကျောင်းသား မောင်ခန့်သူဝင်းက တက္ကသိုလ် ကျောင်းသားများ အခက်အခဲ ဖြစ်နေရသည်ကို ပြောသည်။ “ဒေါ်စုကိုယ်စားပြုတဲ့မြို့က သေးချင်သေးမယ်။ ဒါပေမဲ့ သူက နိုင်ငံတော် တစ်ခုလုံးကို နောက်ဆုံးကမ္ဘာ့အဆင့်မှာ လုပ်ဆောင်နိုင်သူလို့ ယုံကြည်ထားတယ်။ ဒါကြောင့် ကော့မှူးမြို့နယ် တစ်ခုတည်းအတွက် မျှော်လင့်မထားဘူး။ တစ်ဆင့်ပြီး တစ်ဆင့် ဖြစ်လာလိမ့်မယ်လို့ ယုံကြည်ပြီးသားပါ။ ဒါကြောင့် ကော့မှူးကို ကိုယ်စားပြုပြီး အရွေးချယ်ခံပါစေလို့ပဲ ဆုတောင်းနေတယ်” ဟု ဦးအောင်မင်းက အပြည့်အဝ ဝမ်းမသာနိုင် ဖြစ်နေကြသည်ကို ပြောသည်။

အန်တီစုကို အမှန်တကယ် လာစေချင်တယ်



ကြားဖြတ်ရွေးကောက်ပွဲကြီးက မကြာမီ လာချေတော့မည်။ မြန်မာတစ်နိုင်ငံလုံး အနေအထားအရ ၄၈ နေရာ လစ်လပ်သည်။ ရန်ကုန်တိုင်းဒေသကြီးတွင် ခြောက်နေရာ လစ်လပ်သည်။ ခြောက်နေရာစလုံးသည် ပြည်သူ့လွှတ်တော် နေရာများဖြစ်သည်။ ၂၀၁၀ ရွေးကောက်ပွဲတွင် ကော့မှူးမှ ဝင်ပြိုင်အနိုင်ရခဲ့သော ဦးစိုးတင့်မှာ ယခုအခါ ဆောက်လုပ်ရေး ဝန်ကြီးဌာန၏ ဒုတိယဝန်ကြီး တာဝန်ကို ယူနေပြီဖြစ်သည့်အတွက် ယင်းနေရာမှာ လစ်လပ်နေသည်။ ထို့ကြောင့် ဒေါ်အောင်ဆန်းစုကြည်က ကော့မှူးတွင် ဝင်ရောက်ရွေးချယ်ခံရန် ပြင်ဆင်နေကြောင်း မကြာသေးမီ ရက်ပိုင်းက သတင်းများ ထွက်ပေါ်ခဲ့သည်။ ကော့မှူးမြို့နယ် မဲဆန္ဒနယ်မှ ပြည်သူ့လွှတ်တော် ကိုယ်စားလှယ်အဖြစ် ဒေါ်အောင်ဆန်းစုကြည် ကြားဖြတ် ရွေးကောက်ပွဲတွင် ဝင်ရောက် အရွေးချယ်ခံမည်ဆိုသည့် သတင်းမှာ အတည် မပြုနိုင်သေးပေ။ သို့သော် ထိုသတင်းသည် ကော့မှူးမြို့နယ် တစ်ခုလုံး လှည်းနေ၊ လှေအောင်း၊ မြင်းဇောင်းမကျန် လူကြီးအစ ကလေးအဆုံး အားလုံးက သိနေကြသည်။ အားလုံးက ဝမ်းသာကြသည်။ ဂုဏ်ယူကြသည်။ အမှန်တကယ်ဖြစ်လာဖို့ ဆုတောင်း နေကြသည်။ ဒေသဖွံ့ဖြိုးဖို့အတွက် မျှော်လင့်ချက်များ ရှင်သန်လာသည်။ ကော့မှူးမြို့နယ်တွင် နေသော အဘဦးချိုသည် သူနေသော မြို့နယ်လေးကို ကမ္ဘာသိမြို့လေး ဖြစ်လာတော့မည်ဟု တွေးရင်း ဝမ်းသာနေရှာသည်။

 အေးမြမြထွန်း၊ ဖြိုးညီညီဝင်း

UNHCR လက်ထောက်မဟာမင်းကြီး ဒေါ်အောင်ဆန်းစုကြည်နဲ့ ရန်ကုန်မြို့မှာ တွေ့ဆုံ

မြန်မာနိုင်ငံက အခြေအနေတွေအပေါ် အကောင်းမြင်ကြောင်း ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR အကြီးတန်း အရာရှိတစ်ဦးက ပြောကြားလိုက်ပါတယ်။

UNHCR

UNHCR လက်ထောက်မဟာမင်းကြီး ဒေါ်အောင်ဆန်းစုကြည်နဲ့ ရန်ကုန်မြို့မှာ တွေ့ဆုံစဉ်။

မြန်မာပြည်ခရီးစဉ်အပြီး မနေ့ကနေ့စွဲနဲ့ ထုတ်ပြန်တဲ့ UNHCR ရဲ့ တွေ့ဆုံမေးမြန်းခန်းမှာ ဆွစ်ဇာလန် နိုင်ငံ ဂျီနီဗာမြို့အခြေစိုက် UNHCR ဒုက္ခသည်များ အကာကွယ်ပေးရေးဆိုင်ရာ လက်ထောက် မဟာမင်းကြီး Erika Feller က အခုလို ပြောကြားလိုက်တာပါ။
Ms. Erika Feller က ထိုင်းမြန်မာနယ်စပ် မြန်မာဒုက္ခသည်တွေအရေး လေ့လာဖို့ ထိုင်းမြန်မာနယ်စပ်ကို သွားအပြီး မြန်မာနိုင်ငံကို ရောက်ခဲ့ကြောင်း၊ ဒုက္ခသည်တွေနဲ့ပတ်သက်ပြီး မြန်မာနိုင်ငံမှာ အရင်က မရှိဖူး၊ မတွေ့ဖူးတဲ့ အခြေအနေ အခွင့်အလမ်းတွေ တွေ့ခဲ့ကြောင်း၊ ဒုက္ခသည် ပြဿနာတွေနဲ့ပတ်သက်လို့ ဖြေရှင်းနိုင်မယ့် အလားလာတွေလည်း တွေ့ခဲ့ရကြောင်း UNHCR သတင်းပြန်ကြားရေးဌာနနဲ့ မေးမြန်းခန်းမှာ ပြောကြားထားပါတယ်။
မြန်မာနိုင်ငံခရီးစဉ်အတွင်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးခဲ့သလို နိုင်ငံခြားရေးဝန်ကြီး၊ လူဝင်မှုကြီးကြပ်ရေးဝန်ကြီးအပါအ၀င် မြန်မာအစိုးရ အကြီးတန်း အရာရှိတွေ၊ နေပြည်တော်က လွှတ်တော်အမတ်တွေနဲ့ တွေ့ဆုံခဲ့တယ်လို့လည်း သိရပါတယ်။
လက်ထောက်မဟာမင်းကြီးဟာ မြန်မာနိုင်ငံမှာ အစိုးရနဲ့ ပူးပေါင်းပြီး UNHCR စီမံကိန်းတွေနဲ့ လှုပ်ရှားဆောင်ရွက်ခွင့်တွေ ပိုရလာမယ်လို့ အပြုသဘောတွေ့ရှိရပြီး မြန်မာပြည်တွင်းမှာ UNHCR ၀န်ထမ်းတွေ အကန့်အသတ်နည်းနည်းနဲ့ လုပ်ငန်းဆောင်ရွက်ခွင့်တွေရဖို့လည်း တောင်းဆိုခဲ့တယ်လို့ သိရပါတယ်။

--
Myo Min Aung

ကော်မရှင်အနေဖြင့် ဒေါ်အောင်ဆန်းစုကြည်ကို ကြိုဆိုကြောင်း ကော်မရှင်ဥက္ကဋ္ဌပြောကြား

ဦးတင်အေး (ဓါတ်ပုံ-မက်စင်ဂျာ ဂျာနယ် ဖေ့ဘုတ်)

ကြားဖြတ်ရွေးကောက်ပွဲဝင်မည့် ဒေါ်အောင်ဆန်းစုကြည်အား တိုင်းပြည်ကောင်းကျိုးလုပ်ပေးမည့်သူ ဟု ယုံကြည်ပြီး သူမအား ကြိုဆိုကြောင်း ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြောကြားသည်။
ရွေးကောက်ပွဲကော်မရှင်အနေဖြင့် ဒေါ်အောင်ဆန်းစုကြည်ကို ကန့်ကွက်စရာမရှိကြောင်း၊ အကယ်၍ ပါတီမှတ်ပုံတင်လျှောက်ထားလာပါက ကော်မရှင်လုပ်ထုံးလုပ်နည်းအတိုင်း ပါတီဝင်အဖြစ် လျှောက် ထားသူများ၏နောက်ကြောင်းစုံစမ်းခြင်းများကို လုပ်ရမည်ဖြစ်ကြောင်း ဦးတင်အေးကဆက်လက် ပြောကြားသည်။
အမျိုးသားဒီမိုကရေစီအဖွဲ့ချုပ်က ပါတီတည်ထောင်ခွင့်လျှောက်ထားခဲ့ပြီး ပြည်ထောင်စုရွေးကောက်ပွဲ ကော်မရှင်ကလည်း တည်ထောင်ခွင့်ချထားပြီးဖြစ်သည့်အတွက် နိုင်ငံရေးပါတီအဖြစ် မှတ်ပုံတင်ရန် သာ ကျန်ရှိတော့သည်။
ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲတွင် ၀င်ရောက်ရွေးချယ်ခံရန် သေချာနေပြီး ၀င်ရောက်ယှဉ်ပြိုင်မည့် မဲဆန္ဒနယ်ကို ကော့မှူးမြို့နယ်မဲဆန္ဒနယ်အား စဉ်းစားနေကြောင်း သတင်း များထွက်ပေါ်လျက်ရှိသည်။
အမျိုးသားဒီမိုကရေစီအဖွဲ့ချုပ်က ကြားဖြတ်ရွေးကောက်ပွဲတွင် လစ်လပ်မဲဆန္ဒနယ် ၄၈ နေရာစလုံး၌ ၀င်ရောက်ယှဉ်ပြိုင်သွားမည်ဖြစ်ကြောင်း မီဒီယာသို့ပြောကြားထားသည်။
 by 7Day News Journal

ကြားဖြတ်ရွေးကောက်ပွဲကို တရားမျှတစွာ ကျင်းပသွားမည်ဟု ရွေးကောက်ပွဲ ကော်မရှင် ဥက္ကဌဆို

ရွေးကောက်ပွဲကော်မရှင်ဥက္ကဌမီဒီယာများနှင့်တွေ့ဆုံ

နေပြည်တော်၊ ဒီဇင်ဘာ ၁၆၊ ၂၀၁၁
လာမည့်ကြားဖြတ်ရွေးကောက်ပွဲကို  မည်သည့်ပါတီကိုမျှ ဘက်မလိုက်ဘဲ အမှန်ကန်ဆုံးနှင့် တရားမျှတစွာ ကျင်းပပေးမည်ဟု ရွေးကောက်ပွဲ ကော်မရှင်ဥက္ကဌမှ ပြည်တွင်း မီဒီယာများနှင့် တွေ့ဆုံစဉ်ပြောကြားခဲ့သည်။

“ကျွန်တော် အမှန်ကန်ဆုံးနဲ့ အမျှတဆုံးဖြစ်အောင် ကြိုးစားသွားပါ့မယ်။ ကျွန်တော်ဘက်လိုက်ရင် ကျွန်တော် သိက္ခာကျမယ်၊ ကော်မရှင် သိက္ခာကျမယ်။ ဒီလို အလုပ်မျိုး လုံးဝမလုပ်ပါဘူး၊ ဥပဒေနဲ့ အညီပဲ ရွေးကောက်ပွဲကို ကျင်းပမှာပါ၊ မညီရင် မလုပ်ပါဘူး”ဟု ရွေးကောက်ပွဲ ကော်မရှင် ဥက္ကဌ ဦးတင်အေးမှ ပြည်တွင်းမီဒီယာများ၏ မေးမြန်းချက်ကို ပြန်လည်ဖြေကြားခဲ့သည်။

ဒီမိုကရေစီအစိုးရလက်ထက်တွင် ပထမဆုံးအကြိမ် ကျင်းပပြုလုပ်မည့် ကြားဖြတ်ရွေးကောက်ပွဲကျင်းပမည့်ရက်ကို အတိအကျ မသတ်မှတ်ရသေးသော်လည်း ကျင်းပမည့်ကာလထက် သုံးလကြိုတင် အသိပေးသွားမည်ဖြစ်ကြောင်း သိရသည်။

“ကျွန်တော် ဒီတာဝန်ကို စယူကတည်းက အကြီးအကဲတွေကို ပြောထားတယ်။ ဘယ်သူရဲ့ ဘက်ကိုမှ မလိုက်ဖူး၊ လွတ်လွတ်လပ်လပ်ပဲ လုပ်ပါမယ်လို့ ပြောခဲ့တယ်။ နောက်ပြီး ကျွန်တော့်အနေနဲ့ ၂၀၁၀ ရွေးကောက်ပွဲကို သင်္ခန်းစာယူပြီး လာမဲ့ရွေးကောက်ပွဲတွေကို တရားအမျှတဆုံးနဲ့ အောင်အောင်မြင်မြင် ကျင်းပသွားမှာပါ”ဟု ၎င်းက ဆက်လက်ပြောကြားသည်။

ယခုကဲ့သို့ ရွေးကောက်ပွဲများကို ဘက်မလိုက်ပဲ တရားမျှတစွာ ကျင်းပပေးသွားမည်ဟူသော ရွေးကောက်ပွဲ ကော်မရှင်ဥက္ကဌ၏ ပြောကြားချက်ကို ပြည်သူ့ခေတ်ဂျာနယ် အတိုင်ပင်ခံအယ်ဒီတာ၊ သတင်းစာဆရာ မောင်ဝံသက

“ဒါက မဖြစ်မနေ လုပ်ရမဲ့ တာဝန်ပဲ၊ ဒီတာဝန်မျိုးက နိုင်ငံတကာမှာလည်း အင်မတန် ဂုဏ်သိက္ခာရှိတဲ့တာဝန်မျိုးဖြစ်တယ်။ နိုင်ငံတကာကို ကြည့်မယ် ဆိုရင်လည်း ရွေးကောက်ပွဲ ပြီးတိုင်း ပေးထားတဲ့ ကတိနဲ့ ညီမညီ မှတ်ကျောက်တင်လေ့ရှိကြတယ်။ အခုလို ရွေးကောက်ပွဲ ကော်မရှင် ဥက္ကဌက ပြောသလို အဆင့်ဆင့်သော ရွေးကောက်ပွဲ ကော်မရှင် ၀င်တွေဖြစ်တဲ့ မဲရုံမှူး၊ မဲရုံအဖွဲ့ဝင်တွေ အားလုံးကလည်း ကော်မရှင်ဥက္ကဌ မှာကြားထားတဲ့ အတိုင်း လိုက်နာဖို့ လိုတယ်။ စတုတ္ထမဏ္ဍိုင်ဘက်ကလည်း ရွေးကောက်ပွဲဟာ တရားမျှတမှု ရှိမရှိ စောင့်ကြည့်နေမှာ ဖြစ်တယ်” ဟု သုံးသပ်ပြောကြားသည်။

အမျိုးသားဒီမိုကရေစီအဖွဲ့ချုပ်၏ ပြောရေးဆိုခွင့်ရှိသူ ဦးဥာဏ်ဝင်းကလည်း အလွန်ကောင်းမွန်သော စကားဖြစ်ကြောင်းနှင့် NLD အနေဖြင့် ရွေးကောက်ပွဲ ကော်မရှင်ဥက္ကဌ ပြောသလို အခြေအနေမျိုးကိုသာ မျှော်လင့်ကြောင်း ပြောကြားခဲ့သည်။

လက်ရှိ အချိန်တွင် မှတ်ပုံတင်ထားသော နိုင်ငံရေးပါတီ ၃၇ ပါတီ ရှိပြီး၊ မှတ်ပုံတင် လျှောက်ထားသော ပါတီ ၁၀ ပါတီ ရှိကြောင်း သိရသည်။

by မက်စင်ဂျာ ဂျာနယ်