နိုင်ငံရေးအကျဉ်းသားများ အရေးတကြီးလွတ်ဖို့ လိုအပ်နေပါပြီ။ အစိုးရ၏ သံသယနှင့် စိုးရိမ်မှုများကို ပြေလည်စေရန် နိုင်ငံရေး အကျဉ်းသားဟောင်းများမှ ကောင်းမွန် သင့်လျော်သော နည်းလမ်းများရှာမည်....

Saturday, January 07, 2012  ဒီမိုဝေယံ  

ဓမ္မဘေရီဆရာတော် "မကျေနပ်တာတွေကို လျော့ပြီးတော့ ကျေနပ်စရာတွေကို စဉ်းစားပြီး ယူရမယ်၊ အဲဒါကိုတောင်းပြီးယူမလား၊ လုပ်ပြီးယူမလား"၊ "အိုမင်းမစွမ်းကြီးတွေမို့လို့ ထောင်ထဲက လွှတ်လိုက်တာ၊ တကယ်လုပ်နိုင်တဲ့ လူတွေကျတော့ တယောက်မှ မလွှတ်ဘူး"

ဆရာကြီး ဒဂုန်တာရာ   "1990 ခုနှစ်က ရွေးကောက်ပွဲ ကိစ္စကိုသူတို့ အသိအမှတ်မပြုလို့ မရဘူးကွ"

သခင်ချန်ထွန်း "ဥပဒေချိုးဖောက်ထားတဲ့ သူတွေနဲ့ တတန်းထဲထားပြီး သတ်မှတ်ထားတာဟာ မဖြစ်သင့်ဘူး"ဓားပြတိုက်လို့ ခိုးလို့ အဖမ်းခံရတာ မဟုတ်ဘူး၊ နိုင်ငံရေးလုပ်လို့ အဖမ်းခံရတာ"

ဦးလှရွှေ "နိုင်ငံရေးအကျဉ်းသားက out of order/ out of law ပေါ့ကွာ၊ သူတို့လုပ်ချင်သလိုလုပ်နေတာ"

နိုင်ငံရေး အကျဉ်းသားများ အရေးတကြီးလွတ်ဖို့ လိုအပ်နေပါပြီ။ အစိုးရ၏ သံသယနှင့် စိုးရိမ်မှုများကို ပြေလည်စေရန် နိုင်ငံရေး အကျဉ်းသားဟောင်းများမှ ကောင်းမွန်သင့်လျော်သော နည်းလမ်းများရှာမည်...

နိုင်ငံရေး အကျဉ်းသားဟောင်းများက နိုင်ငံရေးအကျဉ်းသားများလွတ်မြောက်ရေးအတွက် သင့်လျော်ကောင်းမွန်သောနည်းလမ်း များကိုရှာရန်အတွက် ရန်ကုန်မြို့တွင်ရှိသော ဓမ္မဘေရီဆရာတော်၊ ၀ါရင့်နိုင်ငံရေးသမားကြီးများဖြစ်ကြသော သခင်သိန်းဖေ၊ သခင်ချန်ထွန်း၊ ဆရာကြီးဒဂုန်တာရာ၊ ဗကသ ဥက္ကဌ ဦးလှရွှေ တို့ထံသို့ ယနေ့( ၆-၁-၂၀၁၂) နေ့တွင်သွားရောက် တွေ့ဆုံကာ အကြံဥာဏ်များ တောင်းခံခဲ့ကြပါသည်။

နိုင်ငံရေး အကျဉ်းသားဟောင်းများ အနေဖြင့် နိုင်ငံတော်အစိုးရမှ ထုတ်ပြန်ခဲ့သော (၁/၂၀၁၂) လွတ်ငြိမ်းချမ်းသာခွင့် အမိန့်များအား ကြိုဆိုချင်ပါသော်လည်း ထိုအမိန့် ကြေညာချက်ကို ကြားသိရပြီးသောအခါ ကြိုဆိုရန် ခက်ခဲပြီး လွန်စွာပင် စိတ်ပျက်ရပါသည်။

အကျဉ်းထောင်အတွင်း ထိန်းသိမ်းထားခြင်း ခံနေရသော ကျောင်းသားခေါင်းဆောင်များ အပါအ၀င် နိုင်ငံရေးအကျဉ်းသားများ အားလုံးတို့သည် အမိမြန်မာပြည် ကောင်းကျိုးကို အုတ်တချပ်သဲတပွင့် ပါဝင်ဆောင်ရွက်ရန် လိုလားကြသော သူများဖြစ်သည်မှာ ယုံမှားသံသယ ဖြစ်စရာမရှိအောင် ထင်ရှားပါသည်။ ထိုသို့ ဆောင်ရွက်လိုသော ကျောင်းသားခေါင်းဆောင်များ အပါအ၀င် နိုင်ငံရေးအကျဉ်းသား အားလုံးတို့အား အကျဉ်းထောင်တွင်း မလွှတ် ပေးနိုင်လောက်အောင် နိုင်ငံတော်အစိုးရ၏ အစိုးရိမ်ကြီးမှု၊ သံသယကြီးမားနေမှုများကို ပြေလည်အောင် ဖြေရှင်းနိုင်သော နည်းလမ်းများကို ဆရာတော်နှင့်တကွ ၀ါရင့်နိုင်ငံရေးသမားကြီးများ တို့ထံသို့ သွားရောက် ဆွေးနွေး အဖြေရှာခဲ့ကြပါသည်။

ဒီမိုကရေစီအစိုးရတစ်ရပ် အနေဖြင့် ကောင်းမွန်သော အုပ်ချုပ်မှု၊ သန့်ရှင်းသော အစိုးရတစ်ဖွဲ့အဖြစ် သက်သေပြနိုင်ရန် အကောင်းဆုံးသော နည်းလမ်းမှာ နိုင်ငံတော်မှ အစိုးရအဆက်ဆက် ဖမ်းဆီးထားသော ကျောင်းသား ခေါင်းဆောင်များ အပါအ၀င် နိုင်ငံရေးအကျဉ်းသား အားလုံးတို့ကို အမြန်ဆုံးလွှတ်ပေးသော နည်းလမ်းဖြင့် သက်သေပြရန် အကောင်းဆုံး အချိန်ဖြစ်သည်ဟု နိုင်ငံရေး  အကျဉ်းသားဟောင်းများ အားလုံးမှ ယုံကြည်ပါသည်။ 

(Red Star Burmaအား ကျေးဇူးတင်ပါသည်)

နိုင်ငံရေးအကျဉ်းသားတွေလွှတ်မှ EU ဒဏ်ခတ်မှု ရုပ်သိမ်းမည်

ဓာတ်ပုံ ASSOCIATED PRESS

ဗြိတိန်နိုင်ငံခြားရေးဝန်ကြီး ၀ီလျံဟိတ်ဂ် နဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ ဒေါ်အောင်ဆန်းစုကြည် နေအိမ်မှာ သတင်းထောက်များနှင့် တွေ့ဆုံနေစဉ်။ (ဇန်န၀ါရီလ ၆၊ ၂၀၁၂)

မြန်မာနိုင်ငံမှာ နိုင်ငံရေးအကျဉ်းသားတွေ ရှိနေသေးသရွေ့ EU ရဲ့ ဒဏ်ခတ်မှုတွေ ပြောင်းလဲမှာ မဟုတ်ဘူးလို့ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ် (William Hague) က ပြောလိုက်ပါတယ်။ မြန်မာနိုင်ငံမှာ ပြောင်းလဲမှုအရှိန်ကို မြင်နေရပေမဲ့ လုပ်စရာတွေ အများကြီး ကျန်နေသေးတဲ့အတွက် မြန်မာအစိုးရအပေါ် ပေးထားတဲ့ ဖိအားတွေကို အစောတလျင် လျှော့ပေါ့ မပေးသင့်ဘူးလို့ ဒီနေ့မနက် ဒေါ်အောင်ဆန်းစုကြည်နဲ့ တွေ့ဆုံအပြီးမှာ ဗြိတိန် နိုင်ငံခြားရေးဝန်ကြီးက ပြောခဲ့တာဖြစ်ပါတယ်။ ဒေါ်အောင်ဆန်းစုကြည်ကလည်း မကြာခင်ကျင်းပမယ့် ကြားဖြတ်ရွေးကောက်ပွဲမှာ NLD ပါတီ အပြတ်အသတ် အနိုင်ရဖို့ မျှော်လင့်ပါတယ်လို့ ပြောခဲ့တဲ့အကြောင်း ဘန်ကောက်ရုံးက မစုမြတ်မွန်က တင်ပြထားပါတယ်။
မြန်မာအစိုးရဘက်က လုပ်နေတဲ့ အပြောင်းအလဲတွေကို အားပေးဖို့ မြန်မာနိုင်ငံကို ရောက်လာကြတဲ့ အဆင့်မြင့် သံတမန်တွေထဲမှာ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ် ဟာ နှစ်သစ်မှာ ပထမဆုံး ရောက်လာခဲ့သူ ဖြစ်ပါတယ်။ သူဟာ ဒီကနေ့ မနက်ပိုင်းမှာ အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံခဲ့ပြီး သတင်းထောက်တွေကို မြန်မာနိုင်ငံမှာ လုပ်ဖို့လိုနေသေးတဲ့ ပြုပြင်ပြောင်းလဲမှုတွေ အများကြီး ကျန်သေးတယ်လို့ ပြောခဲ့ပါတယ်။ သမ္မတဦးသိန်းစိန်ရဲ့ ဆောင်ရွက်မှုတွေကို ဗြိတိန်နိုင်ငံက ထောက်ခံအားပေးပေမဲ့ နိုင်ငံရေး အကျဉ်းသားတွေ လွှတ်ပေးရေး အပါအဝင် လုပ်စရာတွေ အများကြီး လိုနေသေးတယ်လို့ ဝန်ကြီး မစ္စတာဟိတ်ဂ် က အခုလို ပြောပါတယ်။
“ကိုယ့်ရဲ့  နိုင်ငံရေး ယုံကြည်ချက်ကြောင့် ထောင်ချခံထားရတဲ့သူတွေ ရှိနေသရွှေ့ ဒီနိုင်ငံဟာ လွတ်လပ်ပြီး၊ ဒီမိုကရေစီ ကျင့်သုံးနေပြီလို့ ပြောဖို့ မဖြစ်နိုင်ပါဘူး။ မြန်မာအစိုးရအပေါ် EU ဥရောပသမဂ္ဂက ချမှတ်ထားတဲ့ ဒဏ်ခတ်အရေးယူမှုတွေ ပြင်ဆင်ဖို့ဆိုရင်တော့ ဒီလို ထောင်ချခံထားရသူတွေ ပြန်လွတ်လာရေးဟာ အင်မတန်ကို အခရာကျပါတယ်။” - လို့ ဗြိတိန် နိုင်ငံခြားရေးဝန်ကြီး ၀ီလျံဟိဂ်က ပြောသွားတာ ဖြစ်ပါတယ်။
မကြာခင်ကလုပ်ခဲ့တဲ့ လွတ်ငြိမ်းချမ်းသာခွင့်မှာ နိုင်ငံရေးအကျဉ်းသားတွေ ဆယ် ဂဏန်းပဲ ပါတဲ့အပေါ် ပြည်သူအများရဲ့ စိတ်ပျက်သံတွေကို ကြားနေရတဲ့အတွက် ဒီကိစ္စကို အစိုးရဘက်က ပိုပြီး စိတ်အား ထက်ထက်သန်သန်နဲ့ လုပ်ဖို့လိုတယ်ဆိုတာ ရှင်းပါတယ်လို့လည်း သတင်းစာရှင်းလင်းပွဲမှာ ပြောသွားပါတယ်။ မြန်မာနိုင်ငံကို ကြာသပတေးနေ့ကစပြီး ၂ ရက်ကြာ ခရီးစဉ်နဲ့ ရောက်ရှိနေတဲ့ ဝန်ကြီး မစ္စတာဂိတ်ဂ် ဟာ နေပြည်တော်မှာ မနေ့က သမ္မတဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်သူ့လွှတ်တော် ဥက္ကဋ္ဌ ဦးရွှေမန်းတို့နဲ့ သီးခြားစီ တွေ့ဆုံ ဆွေးနွေးခဲ့ပါတယ်။ အဲဒီလို ဆွေးနွေးမှုတွေမှာလည်း နိုင်ငံရေး အကျဉ်းသားတွေ အားလုံးကို ပြန်လွှတ်ပေးရေး၊ ဧပြီလမှာကျင်းပမယ့် ကြားဖြတ် ရွေးကောက်ပွဲတွေမှာ  နိုင်ငံတကာ လက်ခံနိုင်လောက်တဲ့ လွတ်လပ် မျှတမှုရှိရေးနဲ့ တိုင်းရင်းသား ဒေသတွေမှာ ခံစားနေကြရတဲ့ ဆင်းရဲဒုက္ခတွေ အမှန်တကယ် ကင်းဝေးသွားအောင် ဆောင်ရွက်ရေးတွေကို ဗြိတိန်အစိုးရက မြင်ချင်တယ် ဆိုတာကို ရှင်းရှင်းလင်းလင်း အသိပေးခဲ့တယ်လို့ ဗြိတိန်နိုင်ငံခြားရေး ဝန်ကြီးက ပြောခဲ့ပါတယ်။
ရန်ကုန်မှာ ဒေါ်အောင်ဆန်းစုကြည်၊ အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင်တွေနဲ့ တွေ့ဆုံအပြီးမှာလည်း လက်ရှိမြန်မာနိုင်ငံရဲ့ အခြေအနေကို မစ္စတာဂိတ်ဂ်က ခုလို ပြောပါတယ်။
“ပြုပြင်ပြောင်းလဲရေး အရှိန်ရနေတာကတော့ သေချာတယ်လို့ ကျနော် ထင်ပါတယ်။ အစိုးရ အဖွဲ့ဝင်တွေ ကြားထဲမှာတင် မြင်နေရတာ မဟုတ်ပါဘူး။ မြန်မာပြည်သူတွေမှာလည်း အပြောင်းအလဲတွေ ဖြစ်လာမယ် ဆိုတဲ့ မျှော်မှန်းချက်တွေ ရှိလာတာကို တွေ့ရပါတယ်။” - လို့ ပြောသွားတာ ဖြစ်ပါတယ်။
ဒီသတင်းစာရှင်းလင်းပွဲ တလျှောက်လုံးမှာ ဗြိတိန် နိုင်ငံခြားရေးဝန်ကြီးက မြန်မာနိုင်ငံမှာ ပြုပြင် ပြောင်းလဲမှုတွေ၊ နောက်ထပ် တိုးတက်မှုတွေ အများကြီး လိုနေသေးတယ် ဆိုတာကိုတော့ ထပ်တလဲလဲ ပြောသွားတာကို တွေ့ရပါတယ်။ ပူးတွဲသတင်းစာရှင်းပွဲမှာ ဒေါ်အောင်ဆန်းစုကြည်ကလည်း သူတို့ရဲ့ မျှော်လင့်ချက်တွေ၊ ခံစားချက်တွေကို ဗြိတိန် နိုင်ငံခြားရေး ဝန်ကြီးဟာ ထပ်တူထပ်မျှ ပြောကြားသွား ခဲ့တယ်လို့ ပြောပါတယ်။
“နိုင်ငံရေး အကျဉ်းသားတွေ အားလုံးကို ပြန်လွှတ်ပေးသင့်ပါတယ်။ မြန်မာပြည်မှာ တိုင်းရင်းသား ပဋိပက္ခတွေအားလုံး အဆုံးသတ်သွားဖို့ အားထုတ် ဆောင်ရွက်သင့်ပါတယ်။ ကြားဖြတ်ရွေးကောက်ပွဲ တွေကိုလည်း လွတ်လပ် မျှတမှု ရှိစေချင်ပါတယ်။ ဒီရွေးကောက်ပွဲတွေမှာ NLD ကောင်းကောင်းကြီး အနိုင်ရတာကို မြင်ချင်ပါတယ်။” - လို့ ဒေါ်အောင်ဆန်းစုကြည်က ပြောသွားခဲ့ပါတယ်။
မြန်မာနိုင်ငံမှာ သမ္မတ ဦးသိန်းစိန် အစိုးရ တက်လာခဲ့ပြီးနောက်မှာ လုပ်လာတဲ့ ပြောင်းလဲမှုတွေကို အသိအမှတ်ပြုတဲ့အနေနဲ့ အရင်က မြန်မာအစိုးရနဲ့ အဆက်အဆံမလုပ်ခဲ့တဲ့ ဗြိတိန်၊ အမေရိကန် စတဲ့အနောက်နိုင်ငံတွေက ထိတွေ့ဆက်ဆံမှုတွေ လုပ်လာတာကို တွေ့ရပါတယ်။ ရန်ကုန်မှာ ကိုယ်စားလှယ်ရုံးခွဲ တစ်ခုထားမယ်ဆိုတာကိုလည်း မစ္စတာ ဟိတ်ဂ် မြန်မာနိုင်ငံ ရောက်နေချိန်မှာ EU က ကြေညာခဲ့ပါတယ်။ ဒီလို မြန်မာအစိုးရနဲ့ ထိတွေ့ဆက်ဆံမှု လုပ်တဲ့နေရာမှာ သတိထားသင့်တာနဲ့ ပတ်သက်လို့လည်း မစ္စတာ ဟိတ်ဂ်က -
“ပြုပြင်ပြောင်းလဲမှုတွေ လုပ်ပြီးသွားပါပြီလို့ ယူဆလိုက်မှာကို သတိထားသင့်ပါတယ်။ တကယ်တော့ လုပ်နေတဲ့ ပြောင်းလဲမှုတွေဟာ လမ်းတဝက်မှာပဲ ရှိနေသေးတယ် ဆိုတာကို မေ့နေကြမှာကို သတိထား သင့်ပါတယ်။ အစိုးရအပေါ် EU ဥရောပသမဂ္ဂက ချမှတ်ထားတဲ့ အရေးယူ ဒဏ်ခတ်မှုတွေ၊ EU ရဲ့ ကန့်သတ်ထားမှုတွေအပေါ်မှာ ဆုံးဖြတ်ချက် တစ်ခုခုမချခင်မှာ နောက်ထပ် ပြောင်းလဲမှုတွေကို ထပ်ပြီး မြင်ချင်ပါတယ်။ အခုချိန်ထိလုပ်နေတဲ့ အပြောင်းအလဲတွေက မလုံလောက်သေးပါဘူး။ နိုင်ငံရေး အကျဉ်းသားတွေ ရှိနေပါသေးတယ်။ ကျနော်တို့အနေနဲ့ အစိုးရအပေါ် ပေးထားတဲ့ဖိအားကို အစောတလျင် လျှော့ပေါ့မပေးဖို့ အရေးကြီးပါတယ်။” - လို့ ဗြိတိန် နိုင်ငံခြားရေးဝန်ကြီး ၀ီလျံဟိတ်ဂ်က ပြောသွားတာ ဖြစ်ပါတယ်။ ဝန်ကြီးဟာ တိုင်းရင်းသား ခေါင်းဆောင် တချို့ အပြင် နိုင်ငံရေး အကျဉ်းသားတချို့ကိုလည်း တွေ့ဆုံခဲ့ပါတယ်။

TOYATPO အထည်ချုပ် စက်ရုံ အလုပ်သမားတွေ ဆန္ဒပြ

TOYATPO အထည်ချုပ် စက်ရုံ အလုပ်သမား

ရန်ကုန်တိုင်း၊ ဖော့ကန်မြို့၊ အမှတ်(၄၆၃) ၊ရွှေကျီးလမ်း၊ စဥ့်ငူ ရပ်ကွက်မှာ ရှိတဲ့ TOYATPO အထည်ချုပ် စက်ရုံမှာ အလုပ်သမားတွေ ဆန္ဒပြတောင်းဆိုမှု တစ်ခု
ဖြစ်ပွားခဲ့ပါတယ်။ ဒီစက်ရုံမှာ အလုပ်သမား ၁၀၀၀ ကျော် အလုပ်လုပ်ကိုင်နေပြီး စက်ရုံပိုင်ရှင် အသစ်မှ လုပ်ခ လစာငွေတွေကို လျှော့ပေါ့ ပေးခဲ့ခြင်းကြောင့် အလုပ်သမား
၆၇ ယောက်က အရင်လစာငွေအတိုင်း ပြန်လည်ရရှိရန် ဒီဇင်ဘာလ ၆ ရက်နေ့ မနက် ၈ နာရီခန့်လောက်မှာ ဆန္ဒပြ တောင်းဆိုခဲ့ကြပြီး အာဏာပိုင်တွေဆီမှ ထိရောက်တဲ့

တာဝန်ယူ ဖြေရှင်းမှုမျိုး မရရှိခဲ့သည့် အကြောင်းကို TOYATPO အထည်ချုပ် စက်ရုံ အလုပ်သမား တစ်ဦးမှ ပြောပြ ထားပါတယ်။

စစ်တွေ တက္ကသိုလ်ကျောင်းသားများ ကားခ ဈေးတက်၍ လမ်းလျှောက် ဆန္ဒပြ

သောကြာနေ့၊ ဇန်နဝါရီလ 06 ရက် 2012 ခုနှစ် သတင်း - နိရဉ္စရာ သတင်းဌာန

ကျောင်းကားခကို တိုးမြှင့်လိုက်သည်ကို မကျေနပ်သဖြင့် စစ်တွေ တက္ကသိုလ် ကျောင်းသား ၃၀၀ ကျော်ခန့် သည် ယနေ့တွင် လမ်းလျှောက် ချီတက် ဆန္ဒပြခဲ့ကြသည်။

" ကားခ တစ်ကြောင်းကို ကျပ် ၁၀၀ ကနေ ၂၀၀ ထိ တိုးလိုက်ပါတယ်။ ဒါကို မကျေနပ်တဲ့ အတွက် ဆန္ဒပြတာပါ။ တောင်းဆိုတာကတော့ ပုံမှန်အတိုင်း ကားခကို ဆက်ထားဖို့ပါဘဲ" ဟု လမ်းလျှောက် ချီတက်ရာတွင် ပါဝင်သူ ကျောင်းသား တစ်ဦးက ပြောသည်။

ကျောင်းသားများသည် စစ်တွေ တက္ကသိုလ်မှ နေ၍ ပြည်နယ် ၀န်ကြီးရုံးထိ ယနေ့နေ့လည်ပိုင်းတွင် လမ်းလျှောက် ချီတက်ခဲ့ကြသည်ဟု မျက်မြင် တစ်ဦးက ပြောသည်။

" ကျွန်တော်တို့ အိမ်ရှေ့ကဘဲ သူတို့ အခု သွားနေကြတယ်။ ကျောင်းသား ကျောင်းသူ သုံးရာကျော် ပါမယ်ထင်တယ်။ အခု ပလုတ်တောင်ရဲစခန်းကို လွန်သွားပါပြီ" ဟု ပလုတ်တောင်ရပ်ကွက်မှ ကျောင်းဆရာ တစ်ဦးက ပြောသည်။

ဆီဈေးနုန်းတွေ မြင့်တက်နေတဲ့ အတွက် ကားခ တိုးတောင်းခြင်း ဖြစ်သဖြင့် ကားသမားများ တောင်းတာက တရားသဖြင့် မဖြစ်ဘူးလားဟု ကျောင်းသားကို ဆက်မေးရာ သူက ယခုလို ပြန်ပြောသည်။

" အခုလို ကျောင်းကားခကို တစ်ရာကျပ်ကနေ နှစ်ရာထိ တိုးလိုက်တဲ့ အတွက် တစ်နေ့ကို ကျပ် ၄၀၀ ဖြစ်သွားတော့ ဆင်းရဲနွမ်းပါးတဲ့ ကျောင်းသားတွေ အနေနဲ့ ဘယ်လိုမှ မတတ်နိုင်ပါဘူး။ ဒါကြောင့် ကျောင်းကားခကို မလျော့ဘူးဆိုရင် အများစုက ကျောင်းသားတွေက စာသင်နိုင်ကြတော့မှာ မဟုတ်ဘူး။ ဒါကြောင့် ကျောင်းကားခကို ပုံမှန်အတိုင်းထားပေးဖို့ တောင်းဆိုရတာ ဖြစ်ပါတယ်။"

ပြည်နယ် အထွေထွေ အုပ်ချုပ်ရေးမှူးရုံးကို ချီတက်ရခြင်း အကြောင်းအရင်းကိုလည်း သူက ယခုလို ပြောသည်။

" ဒီလိုကားခ တက်တာကို အစိုးရမှာ ဖြေရှင်းပေးဖို့တာဝန်ရှိတယ်။ ကျွန်တော်တို့ကလည်း ကျွန်တော်တို့ အခက်အခဲကို အဲဒီမှာ တင်ပြဖို့ အစီအစဉ် ရှိတယ်။ ဒါကြောင့် ပြည်နယ်ရုံးကို ချီတက်ရတာ ဖြစ်ပါတယ်။ ကျောင်းကားတွေကို စီစဉ်ပေးရမယ့် တာဝန် အစိုးရမှာ ရှိတဲ့ အတွက် ကျွန်တော်တို့က ပြည်နယ်ရုံးကို ချီတက် နေကြတာ ဖြစ်ပါတယ်" ဟု သူကဆက်ပြောသည်။

ကျောင်းသားများ၏ အခက်အခဲကို ပြည်နယ် အစိုးရမှ တစ်စုံတစ်ရာ ဖြေရှင်းပေးခြင်း မရှိလျှင် ဆက်လက် တိုက်ပွဲဝင် တောင်းဆိုသွားမည် ဖြစ်ကြောင်းလည်း သူက ပြောသည်။

ကျောင်းသားများ ဆန္ဒပြနေစဉ် အာဏာပိုင်များဘက်မှ တစ်စုံတစ်ရာ နှောင့်ယှက်ခြင်းများ မရှိသော်လည်း အနီးကပ် ဓါတ်ပုံ လိုက်ရိုက်မူများ၊ မှတ်တမ်းတင်ခြင်း များရှိကြောင်း သိရသည်။

ကျောင်းသားများ ဆန္ဒပြသည့် သတင်းကြောင့် စစ်တွေ တက္ကသိုလ်တွင် လုံခြုံရေးကို တိုးမြှင့်ထားပြီး ကျောင်း အ၀င်အထွက် တံခါးများကိုလည်း ပ်ိတ်ထားခဲ့ကြောင်း ကျောင်းသားများက ပြောသည်။

လောကနန္ဒာ လမ်းဆုံ အရောက်တွင် ကျောင်းအုပ်ဆရာကြီး ဦးတင်မောင်ထွန်းနှင့် ဆရာ ဆရာမများ၏ ကြားဝင် ညှိနိုင်းပေးမူကြောင့် လူစုခွဲလိုက်ကြသည်ဟု သတင်း ရရှိသည်။

စစ်တွေ တက္ကသိုလ်အား စစ်တွေမြို့ထဲမှ စစ်တွေမြို့ပြင်သို့ ပြောင်းရွှေ့ပြီးနောက် သက်ဆိုင်ရာမှ ကျောင်းကားများကို စနစ်တကျ စီစဉ် ပေးနိုင်ခြင်း မရှိသဖြင့် ကျောင်းကားခတိုးမြှင့်မူနှင့် အတူ ကျောင်းသားများ ဆန္ဒပြမူများလည်း မကြာခဏ ဖြစ်ပေါ်နေကြောင်း သိရသည်။

အကျဉ်းကျ တိုင်းရင်းသားခေါင်းဆောင် ခွန်ထွန်းဦး နေမကောင်း ဆေးရုံတက်နေရ

သျှမ်းသံတော်ဆင့်


ပူတာအို ထောင်မှ တောင်ငူ ထောင်သို့ ပြောင်းရွှေ့ အကျဉ်းချ ထားသည့် သျှမ်း တိုင်းရင်း သားများ ဒီမိုကရေစီ အဖွဲ့ချုပ် ဉက္ကဌ ခွန်ထွန်း ဦး နေမကောင်း သဖြင့် ထောင် ဆေးရုံ တက်နေ ရကြောင်း မိသားစုနှင့် နီးစပ်သည့် အသိုင်း အဝိုင်းက ပြောပါသည်။

“မနေ့တုန်းက မိသားစုက ထောင်ဝင်စာသွားတွေ့တယ် ။ မနက်ပိုင်းတောင်ငူထောင်ကိုရောက်သွားတယ်။ ထောင်စောင့် ကပေးမတွေ့ဘူး။ အန်ကယ်ဆေးရုံတက်နေတယ်လို့ပြောတယ်။ တနေကုန်ထိုင်စောင့်ရတယ်။ ညနေ ၃ နာရီလောက်မှ တွေ့ခွင့်ရတယ်” - ဟု မိသားစုနှင့် နီးစပ်သူတဦးက ပြောပါသည်။

ကချင်ပြည် မြောက်ဖျားပိုင်း ပူတာအို အကျဉ်း ထောင်မှ တောင်ငူ ထောင်တို့ ပြောင်းရွှေ့ ချုပ်နှောင်ခြင်း ခံရသည့် သျှမ်းခေါင်းဆောင် ခွန်ထွန်းဦး သည် ရာသီ ဥတု အပြောင်း အလဲကြောင့် နာမကျန်း ပြန်ဖြစ် ရခြင်းဖြစ် ကြောင်း ပါတီ ပြောခွင့်ရ စိုင်းလိတ်က ဤကဲ့သို့ ပြောပါသည်။

“ပူတာအို ထောင်မှာတုန်းက သောက်လာတဲ့ဆေးကို တောင်ငူထောင်ရောက်တော့ ဆရာဝန်က ရာသီဥတု ကြောင့်ဖြစ်တာ သောက်ဆရာ မလိုတော့ ဘူးလို့ ပြောတော့ အဲဒီအိပ်ေ ဆးကို ဖြတ်လိုက်တယ်။ ဆေးဖြတ် လိုက် တော့ အိပ်မရဘူး၊ စောချွေးပြန်တယ်။ အသက်ရှူကြပ် တယ်။ မောလာတယ်။ နှလုံးရောဂါဖေါက်တာလား heart attack လားဆိုပြီး တာဝန်ကျ ဝန်ထမ်းတွေကို ပြောတယ်။ အဲဒီကနေ ထောင် ပိုင်ကိုပြောတယ်။ ထောင်ဆေးရုံကို ပို့ပြီး ဒရစ်ပ် သွင်းပေးတယ်။ မနက် နှစ်နာရီလောက်တော့ နဲနဲပြန်ကောင်းလာတယ်။ မိသားစုနဲ့တွေ့တဲ့အချိန်အထိ ထောင်ဆေးရုံမှာပါဘဲ” ဟု ပြောပါသည်။

အသက် ၇၀ ခန့်ရှိ တိုင်းရင်းသားခေါင်းဆောင် ခွန်ထွန်းဦးသည် ဆီးကျိတ်ရောင်၊ အစာအိမ်၊ နှလုံး၊ သွေးတိုး၊ အာရုံကြောအား နည်းပြီး နားအူရောဂါ ခံစားနေရပါသည်။

၂၀၀၅ ခုနှစ်က သျှမ်းခေါင်းဆောင် ၉ ဦးအား ပြည်ထောင်စုမှ ခွဲထွက်လိုမှုအပါအဝင် အခြားအမှုပေါင်းများစွာဖြင့် စစ်အစိုးရက စွပ်စွဲပြီး ထောင်ဒဏ် ၇၉ နှစ် မှ ၁၀၆ နှစ် အထိ ပြစ်ဒဏ်ပေးခဲ့ပါသည်။

ဗိုလ်ချုပ်ဆေထဲန်ကို ၂၀၁၁ နိုဝင်ဘာ ၁၂ ရက်က လွှတ်ငြိမ်းချမ်းသာခွင့်ပေးခဲ့၏။ ယခု အစိုးရသစ် ၏လွှတ်ငြိမ်းချမ်းသာ ခွင့်အရ ထောင် ဒဏ် နှစ်သုံးဆယ်အထက်ကျခံနေရသည့်အကျဉ်းသားများအားထောင်ဒဏ် နှစ်သုံးဆယ်စီ၊ နှစ်သုံးဆယ်နှင့် နှစ်သုံး ဆယ်အောက် အကျဉ်း သား များအား ပြစ်ဒဏ်(ထောင်သက်) ၄ ပုံ တစ်ပုံ လျှော့ပေါ့ ပေးကြောင်း ၆၄ နှစ် မြောက် လွတ်လပ်ရေးနေ့က ထုတ်ပြန် ကြေငြာခဲ့ပါသည်။