သက်ထောင်မှာ ကာဖျူးထုတ်ပြန်ပြီ

နိရဉ္စရာ

ရခိုင် တွေက သက်ထောင်လို့ လူသိ များတဲ့ ဘင်္ဂလာဒေခ်ျ့ နိုင်ငံက စစ်တကောင်း တောင်တန်း နယ် ရကန္တာ မတီမှာ သက်လူ မျိုး ဒေသခံ တွေနဲ့ အခြေချ နေထိုင်ရန် ရောက်လာတဲ့ ဘင်္ဂလီတွေ အကြား အဓိဂရုန်း ဖြစ်ပေါ်မယ့် အခြေ အနေကြောင့် အရေးပေါ် ကာဗျူး ထုတ်ထား ရတယ်လို့ သိရ ပါတယ်။

အခုလို ကာဗျူး ထုတ်ထားရတာကတော့ ရကန္တာမတီ ခရိုင် Baghaichari နယ်ဒေသ တစ်ခုမှာ ဘင်္ဂလီ မော်တော်ဆိုင်ကယ် မောင်းသူ တစ်ဦးကို အမည်မသိသူတွေက သတ်သွားပြီးတဲ့ နောက်ပိုင်းမှာ အဲဒီ ဒေသမှာ အခြေချနေထိုင် နေကြတဲ့ ဘင်္ဂလီတွေက ဒေသခံ သက်လူမျိုးတွေက တိုက်ခိုက်ရာကနေ ပြဿနာ စတင် ဖြစ်ပွားလာတာ ဖြစ်တယ်လို့ သိရပါတယ်။

အခုလို တိုက်ခိုက်တာကြောင့် သက်လူမျိုး အသက် (၅၀) နှစ် အရွယ် စိန်ခေါင်မီလာဟာ သေဆုံးသွားခဲ့ပြီး တခြား အများအပြားလည်း ဒဏ်ရာ ရသွားခဲ့တယ်လို့ ပြောပါတယ်။

ဒါ့အပြင် တခြား လမ်းသွား လမ်းလာ တွေကိုလည်း ဘင်္ဂလီ တွေက တိုက်ခိုက်တဲ့ အတွက် ဒက်ခိနာလ ဆေးရုံက ပြန်လာတဲ့ သက်လူမျိုး နှစ်ဦးလည်း နောက်ထပ် ဒဏ်ရာ ရရှိသွား ခဲ့တယ်လို့ သတင်း တွေက ဖေါ်ပြ ပါတယ်။

အခုလို အခြေအနေတွေကြောင့် ပြဿနာ တင်းမာလာပြီး နှစ်ဘက် အပြန်အလှန် တိုက်ခိုက်မူတွေကြောင့် လက်နက်ကိုင် တပ်ဖွဲ့တွေက သေနတ် (၁၅) ချက် မိုးပေါ်ကို ထောင်ပစ်ပြီး လူစု ခွဲခဲ့ရတာတွေ ရှိတယ်လို့လည်း သိရပါတယ်။

အခုလို တိုက်ခိုက်မူတွေကြောင့် ဒေသခံ သက်လူမျိုးတွေ ထွက်ပြေးနေကြတယ်လို့လည်း The Independent သတင်းစာက ဒီကနေ့မှာ ဖေါ်ပြပါတယ်။

တစ်ခြားနေရာတွေမှာလည်း တိုက်ခိုက်မူတွေ ဆက်ဖြစ်နေတာကြောင့် မနေ့က စပြီး Section 144 ( ပုဒ်မ ၁၄၄) အရေးပေါ် ထုတ်ပြန်လိုက်တယ်လိ်ု့ သိရပါတယ်။

စစ်တကောင်းတောင်တန်းနယ်မှာ ဒေသခံ သက်၊ မာရမာ စတဲ့ လူမျိုးတွေနဲ့ အဲဒီ ဒေသကို အခြေချနေထိုင်ဖို့ ပြောင်းရွှေ့လာတဲ့ မြေပြန့်က ဘင်္ဂလီ အခြေချနေထိုင်သူတွေ အကြားမှာ များမကြာခဏ အဓိဂရုဏ်းတွေ ဖြစ်ပေါ်နေပြီး လူတွေ သေဆုံးမူလည်း ရှိနေပါတယ်။

စစ်တကောင်းတောင်တန်းနယ်မှာ နေထိုင်ကြတဲ့ အများစု ဒေသခံတွေဟာ ဗုဒ္ဓဘာသာဝင်တွေ ဖြစ်ကြပြီး အခြေချ နေထိုင်ဖို့ ရောက်ရှိ လာတဲ့ သူတွေကတော့ အစ္စလာမ် ဘာသာဝင်တွေ ဖြစ်ကြပါတယ်။

အခြေချနေထိုင်ရန် ရောက်လာတဲ့ သူတွေဟာ အစိုးရရဲ့ စီမံကိန်းအရ စစ်တကောင်းတောင်တန်းနယ်မှာ ၁၉၈၀ ၀န်းကျင်လောက်က စပြီး ပြောင်းရွှေ့နေရာချ ခံထားကြရသူတွေ ဖြစ်ကြပြီး အခုအချိန်ထိလည်း မြေပြန့်က လူတွေ ၀င်ရောက်နေတာကြောင့် လူများစုကနေ လူနည်းစု ဘ၀ကို တဖြည်းဖြည်းနဲ့ ရောက်သွားကြရတဲ့ ဒေသခံတွေကတော့ ခုလို ၀င်ရောက်လာတဲ့ အပေါ် အထူး မကျေနပ်ကြဘူးလို့ သိရပါတယ်။

ရန်ကုန်မြို့လယ်တွင် နိုင်ငံခြားငွေ လဲလှယ်လိုသူများကို ပွဲစားများ အဖွဲ့လိုက်လိမ်လည်နေ

ရန်ကုန်မြို့လယ်ရှိ ကျောက်တံတားမြို့နယ်၊ မဟာဗန္ဓုလလမ်းနှင့် အနော်ရထာ လမ်းထောင့်တဝိုက်ရှိ တရားမဝင် နိုင်ငံခြားငွေ အရောင်းအဝယ်လုပ်သူ ပွဲစားများသည် ယခုကာလအတွင်း အဖွဲ့လိုက် ပူးပေါင်း၍ လိမ်လည်မှုများ သိသိသာသာ လုပ်လာကြကြောင်း ယခုလအတွင်း လိမ်လည် ခံခဲ့ရသူများထံမှ သိရသည်။
ဘားလမ်းဟုခေါ်သည့် မဟာဗန္ဓုလပန်းခြံလမ်းထောင့်အနီးရှိ ဧမာနွေလ ခရစ်ယာန် ဘုရားရှိခိုးကျောင်း အနီးတဝိုက် ၌ ယခင်ကပင် တရားမဝင် နိုင်ငံခြားငွေ လဲလှယ်မှုများ ပြုလုပ်လေ့ရှိပြီး အဆိုပါ လိမ်လည်သူ အများစု လှုပ်ရှားတတ် သည့် နေရာလည်း ဖြစ်သည်။

ယင်းသို့သော လိမ်လည်မှုမျိုးမှာ ယခင်ကပင် ရှိခဲ့ဖူးသော်လည်း ယခုလပိုင်းအတွင်း  ပေါ်ပေါ်တင်တင် ဖြစ်လာပြီး လိမ်လည်ခံရသူလည်း ပိုတိုးလျက်ရှိသည်။


ရန်ကုန်မြို့ သိမ်ဖြူလမ်းတွင် ဖွင့်လှစ်လိုက်သည့် သိမ်ဖြူ ငွေလဲလှယ်ရေးဌာန အဝင်ဝမြင်ကွင်းကို တွေ့ရစဉ်။ (ဓါတ်ပုံ - မဇ္ဈိမ)

“အဲဒီလို လိမ်တာက နှစ်ယောက်ကနေ လေး၊ ငါးယောက်လောက် စုပေါင်းလုပ်တာ။ ငွေလဲမယ့်သူ လာပြီဆိုရင် အစိုးရ ငွေလဲပေါက်ဈေးထက် ပိုပြောပြီး ရောင်းဖို့ ဝိုင်းပြောကြတယ်။ ရောင်းမယ့်သူလာတော့ အတင်းဝိုင်းညှပ်ပြီး ဘယ်လောက်လဲမှာလဲပေါ့။ ဥပမာ အစိမ်းတရာ ရောင်းမယ်ဆိုရင် အစိုးရဈေးက ၇၈၅ ဆိုရင် သူတို့က ၈ဝဝ လောက် ပေးမယ်ပေါ့။ တကယ်တမ်းကျတော့ ရောင်းမယ်လည်းလုပ်ရော ရှစ်သောင်း မပြည့်တော့ပဲ ခုနှစ်သောင်းခွဲတို့၊ ခုနှစ်သောင်းနှစ်ထောင်တို့ ဖြစ်ကုန်တယ်။ ရဲလာပြီ ဖမ်းတော့မယ်ဆိုပြီး မြန်မြန် လက်ထဲကို ငွေထုတ်ထည့် ပြေးတာ” ဟု နိုဝင်ဘာ ဒုတိယပတ်အတွင်းက ငွေခုနှစ်ထောင်ခန့် လိမ်လည်ခံခဲ့ရသူတဦးက ပြောသည်။

လိမ်လည်သူများသည် ထိုအနီးတဝိုက်တွင် မယောင်မလည် ရှိနေတတ်ကာ ငွေလဲလှယ်လိုသည့်သူနှင့် တူသည်ဟု ယူဆပါက အုပ်စုလိုက်ရောက်လာကာ နိုင်ငံခြားငွေ အလဲအလှယ် လုပ်ဖို့ ရှိ၊ မရှိ စုပြုံ မေးမြန်းကြတက်လေ့ ရှိသည်။

ယင်းသို့ အုပ်စုဖွဲ့ လိမ်လည်ရာ၌ နိုင်ငံခြားသားများကိုပင် လိမ်လည်မှုများ ရှိပြီး လိမ်လည်ရာ၌ လက်လှည့်နည်း သုံး၍ ငွေရေပြကာ လိမ်လည်ခြင်းလည်း ဖြစ်သည်။ လိမ်လည်သူများမှာ လက်ချောင်းများ အတွင်း ခေါက်နည်းမျိုးစုံဖြင့် အပြန်အလှန်ခေါက်ကာ ငွေရေတွက်ခြင်းအား ကျွင်းကျင်သူများဖြစ်ပြီး တဦးနှင့် တဦးလည်း ကူညီပေးတတ် သည်ဟု သိရသည်။

“တယောက်က ငွေရေနေပြီဆိုရင် ကျန်တဲ့သူတွေက လာရောင်းသူကို တခြားကိစ္စတွေနဲ့ အာရုံလွှဲတယ်။ ဥပမာ ဒီအရွက်က ဟောင်းနေပြီတို့၊ ဒီဟာလေးကို သူတို့မလို့ ယူတာတို့ ဘာတို့၊ ရဲဖမ်းမှာစိုးလို့ မြန်မြန်လုပ်ရတာဆိုပြီး ဝိုင်းပြောကြတော့ ရောင်းတဲ့သူအာရုံက ငွေရေနေတာကို မရောက်တော့ဘူး။ အဲဒီမှာ ငွေပါကုန်တာပဲ။ ကိုယ်လည်း ရေနေရော သူတို့က ရဲလာပြီဆိုပြီး ပြေးကြရော” ဟု ကိုယ်တွေ့ကြုံခဲ့ရသူက ပြန်ပြောပြသည်။

ယခင်က ရန်ကုန်မြို့တွင် တရားဝင် နိုင်ငံခြားငွေ လဲလှယ်ရေး ကောင်တာများ မရှိသဖြင့် ထိုနေရာများတွင်သာ ငွေလဲလှယ်ကြလေ့ရှိပြီး အများအားဖြင့် အမေရိကန်နှင့် စင်္ကာပူဒေါ်လာများကို အများဆုံး အရောင်းအဝယ် ပြုလုပ်လေ့ ရှိသည်။

သို့သော် ယခုအခါ တရားဝင်ငွေ လဲလှယ်ကောင်တာများ ဖွင့်လှစ်ထားသည့်အတွက် လာရောက် လဲလှယ်သူ နည်းပါးမည်ဟု ယူဆရဖွယ်ရှိသော်လည်း ငွေလဲလှယ်သူများနှင့် စည်ကားဆဲဖြစ်သည်ဟု လိမ်လည်ခံခဲ့ရသူထံမှ သိရသည်။

အစိုးရငွေလဲလှယ်ကောင်တာများ ရှိသော်လည်း နိုင်ငံခြားငွေများကို စစ်ဆေးလွန်းပြီး အစွန်းအထင်း အနည်းငယ် ပါပါက လက်မခံသည့်အတွက် လဲလှယ်လိုသူများ အခက်တွေ့ကာ ပြင်ပရှိ တရားမဝင် ငွေလဲပေးသည့် ပွဲစားများထံ ရောက်ရှိရခြင်း ဖြစ်ကြောင်း ယခုအပတ်ထုတ် မြန်မာတိုင်းမ်ဂျာနယ်၏ အယ်ဒီတာ့ထံပေးစာ၌ တိုင်တန်းထားသည်။

ကျပ် ခုနှစ်ထောင်ခန့် လိမ်လည်ခံရသူမှာ ပမာဏာ အနည်းဆုံးဟု ဆိုနိုင်ပြီး ယင်းထက်ပိုကာ ကျပ်သောင်းနှင့်ချီ အလိမ်ခံရသူများလည်း ရှိကြောင်း ယင်းအယ်ဒီတာထံပေးစာတွင် ပါရှိသည်။

တရားဝင်ငွေ လဲလှယ်ရေး ကောင်တာများ၌ ရောင်းချလိုသူများမှာ မှတ်ပုံတင်အပြင် ယင်းငွေရရှိသည့် အထောက်အထားကိုပါ မဖြစ်မနေ ပြသရခြင်းကြောင့် ငွေလဲလှယ်သူများ အခက်အခဲတွေနေခြင်းသည် အဓိက ပြဿနာဖြစ်ကြောင်း ပုံမှန် ငွေလဲလှယ်နေသူများက မဇ္ဈိမကို ပြောသည်။

အုပ်စုဖွဲ့ လှုပ်ရှားသူများမှာ တနေ့လျှင် အနည်းဆုံး နှစ်ဦး၊ သုံးဦးခန့်အား လိမ်လည်ပြီးပါက ပျောက်ကွယ်သွားလေ့ ရှိသည့်အတွက် မှန်ကန်စွာ လုပ်ကိုင်နေသူ ငွေလဲလှယ်ရေးသမားများမှာ ထိခိုက်မှုများ ရှိနေကြသည်။

“အကောင်းဆုံးကတော့ အစိုးရကောင်တာတွေမှာ တင်းကျပ်လွန်းတဲ့ အချက်တွေကို ဖြေလျော့ပေးမယ် ဆိုရင်တော့ အကောင်းဆုံးပေါ့။ ဒီလိုအလိမ်မခံရအောင်လည်း ပွဲစားတွေကို ထိထိရောက်ရောက် နှိမ်နင်းသင့်တယ်” ဟု ရန်ကုန်မြို့ခံဦးက ဆိုသည်။

ညီသစ်

ရန်ကုန် (မဇ္ဈိမ) ။        ။

သူရဦးရွှေမန်းကို ဖိအားပေးရန် အိန္ဒိယတွင် တိုက်တွန်း

ဇာနည်မာန် on December 15, 2011

ပြည်သူ့လွှတ်တော် ဥက္ကဋ္ဌ သူရ ဦးရွှေမန်း နယူး ဒေလီတွင် ရောက်ရှိစဉ် မြန်မာပြည် အတွင်း လူ့အခွင့် အရေး အခြေအနေ တိုးတက်ရေး အတွက် ဖိအား ပေးရန် အိန္ဒိယ လွှတ်တော် အမတ် များက အိန္ဒိယ အစိုးရကို ကြာသပတေး နေ့တွင် တိုက်တွန်း လိုက်သည်။


မြန်မာပြည်တွင် နိုင်ငံရေးလှုပ်ရှားသူများ ထိန်းသိမ်းခံနေရမှု၊ တိုင်းရင်းသား ဒေသ စစ်မက်ဖြစ်ပွားမှု၊ လွတ်လပ်စွာ ပြောဆိုခွင့် ပိတ်ပင် ခံရမှုများ ရှိနေကြောင်း IPFDB ခေါ် မြန်မာပြည် ဒီမိုကရေစီ အရေးအတွက် ဆောင်ရွက်နေသော အိန္ဒိယလွှတ်တော် အမတ်များအဖွဲ့က ထုတ်ပြန်သည့် ကြေညာချက်တွင် ဖော်ပြထားသည်။

“နိုင်ငံရေးအကျဉ်းသားများ ချွင်းချက်မရှိ အမြန်ဆုံး လွှတ်ပေးရန်၊ တနိုင်ငံလုံး အတိုင်းအတာနှင့် အပစ်အခတ် ရပ်စဲရန်၊ လူ့အခွင့်အရေး ချိုးဖောက်မှုများကို အမျိုးသား လူ့အခွင့်အရေး ကောင်မရှင်က စုံစမ်း စစ်ဆေးရန် တောင်းဆိုသင့်သည်” ဟု IPFDB ၏ ထုတ်ပြန်ချက်တွင် ရေးသားထားသည်။

IPFDB ကို မြန်မာ့အရေး စိတ်ဝင်စားသော နိုင်ငံရေး ပါတီ ပေါင်းစုံမှ လွှတ်တော်အမတ် ၁၂ ဦးက ၂ဝဝ၅ ခုနှစ်တွင် ဖွဲ့စည်းခဲ့ပြီး ယခုအခါ လွှတ်တော်အမတ် ၂၀ ခန့်ဖြင့် ဆက်လက် လှုပ်ရှားနေသည်။

သူရဦးရွှေမန်း ခေါင်းဆောင်သည့် မြန်မာကိုယ်စားလှယ်အဖွဲ့သည် အိန္ဒိယ ခရီးစဉ်အတွင်း အထက်လွှတ်တော်၊ အောက်လွှတ်တော်၊ အိန္ဒိယ၏ နိုင်ငံရေး၊ စီးပွားရေးစနစ်များကို လေ့လာလျက်ရှိသည်။

မြန်မာကိုယ်စားလှယ်အဖွဲ့၏ ခရီးစဉ်သည် မြန်မာပြည်အတွက် အကျိုးရှိမည်မဟုတ်ဟု အိန္ဒိယရောက် မြန်မာ့အရေး ဆောင်ရွက်သူများက ဝေဖန်နေကြသည်။

“လက်ရှိအစိုးရက ၂၀၀၈ ဖွဲ့စည်းအုပ်ချုပ်ပုံကို အခြေခံထားတော့ အခုလို အိန္ဒိယလွှတ်တော်၊ ဖွဲ့စည်းအုပ်ချုပ်ပုံ စတာတွေကို လေ့လာသွားပေမယ့် ဒါတွေဟာ မြန်မာ့ဒီမိုကရေစီရေးအတွက် တကယ်မှ အထောက်အကူဖြစ်ပါ့မလား ဆိုတာကိုတော့ ကျနော်တို့ သံသယရှိပါတယ်” ဟု ၁၉၉၀ ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ်ကို ကိုယ်စားပြုပြီး ရွေးကောက်ခံရသည့် ဒေါက်တာတင့်ဆွေက အိန္ဒိယ၀န်ကြီးချုပ် မာမိုဟမ်ဆင်းထံ ပေးပို့သောစာတွင် ရေးသားထားသည်။

မြန်မာအစိုးရအဖွဲ့အတွင်း အဂတိ လိုက်စားမှုများ ပပျောက်ရန် လုပ်ဆောင်သင့်ကြောင်း၊ အိန္ဒိယစစ်တပ်မှထွက်ပြီး လူ့အခွင့်အရေး လှုပ်ရှားနေသူ မစ္စတာ အန်နာဟာဇာရီ၏ ဆောင်ရွက်ချက်များကို အတုယူသင့်ကြောင်း သူက ထောက်ပြသည်။

အိန္ဒိယအစိုးရသည် မြန်မာအစိုးရနှင့် ရင်းနှီး နွေးထွေးစွာ ဆက်ဆံသကဲ့သို့ ဒေါ်အောင်ဆန်းစုကြည်နှင့် NLD ပါတီဝင်များကို အလားတူ ဆက်ဆံပြီး အိန္ဒိယနိုင်ငံသို့ ဖိတ်ခေါ် ဆွေးနွေးသင့်သည် ဟူ၍လည်း တိုက်တွန်းထားသည်။

သူရဦးရွှေမန်း၏ အိန္ဒိယ ခရီးစဉ်အတွင်း လေ့လာသိရှိခဲ့သည်များကို မိမိတိုင်းပြည် အတွက် အမှန်တကယ် ပြန်လည် အသုံးချမှသာ နိုင်ငံအတွက် အကျိုးရှိမည် ဟု အိန္ဒိယရောက် မြန်မာ့အရေး ဆောင်ရွက်သူတချို့က ပြောသည်။

“ကိုယ့်ရဲ့ အတိုက်အခံကိုလည်း ကိုယ်လိုပဲ တန်းတူအခွင့်အရေး ပေးပြီးတော့ လွတ်လွတ် လပ်လပ် ယှဉ်ပြိုင်ပြီး တက်လာမှသာလျှင် ဂုဏ်သိက္ခာရှိတဲ့ ပါလီမန်ဖြစ်မယ်” ဟု ပြည်ပအခြေစိုက် ဗမာနိုင်ငံ အလုပ်သမားများ အဖွဲ့ချုပ် (FTUB) မှ တွဲဘက်အတွင်းရေးမှူး ဒေါက်တာဇော်ဝင်းအောင်က ပြောသည်။

ရွှေညဝါဆရာတော်အား ကျောင်းတိုက်မှ ဖယ်ရှားရန် မဟန ညွှန်ကြား

ကျော်ခ | ကြာသပတေးနေ့၊ ဒီဇင်ဘာလ ၁၅ ရက် ၂၀၁၁


အပြည်ပြည် ဆိုင်ရာ ဒီမို ကရေစီ နေ့က မန္တလေးတိုင်း အမျိုးသား ဒီမိုကရေစီ အဖွဲ့ချုပ် NLD ၌ တရားဟော ခဲ့သော ရွှေညဝါ ဆရာတော် အရှင် ပညာသီဟကို ၎င်း သီတင်းသုံး နေထိုင်သည့် ကြည့်မြင်တိုင်မြို့နယ် သာဓု ပရိယတ္တိ ကျောင်းတိုက်မှ ဖယ်ရှားရန် နိုင်ငံတော် သံဃာ့ မဟာ နာယကမှ ဒီဇင်ဘာ ၁၂ ရက် နေ့စွဲဖြင့် ထုတ်ပြန် ညွှန်ကြား လိုက်သည်။

မန္တလေးတိုင်း NLD ရုံး၌ တရားဟောခဲ့ခြင်းနှင့် စပ်လျဉ်း၍ သာဓုကျောင်းတိုက်မှ ဖယ်ရှားရန်၊ သံဃာ့ အဖွဲ့အစည်း အဆင့်ဆင့်၏ ဆုံးမညွှန်ကြားသည်ကို မနာခံပါက ဒုဗ္ဗစပုဂ္ဂိုလ် (ဆုံးမ၍မရသောသူ) အဖြစ် သတ်မှတ်ရန်အပြင်နိုင်ငံတော် သံဃာ့ မဟာ နာယက ၏ ခွင့်ပြုချက် မရပဲ သာဓုပရိယတ္တိ ကျောင်းတိုက် အတွင်း မည်သည့်သင်တန်းမှ ဖွင့်လှစ်ဆောင်ရွက်ခြင်းမပြုရဟု ညွှန်ကြားချက်၌ ပါရှိသည်။

ယင်းညွှန်ကြား ချက်ကို ရန်ကုန်တိုင်း သံဃာ့မဟာ နာယက မှတဆင့် သာဓု ကျောင်းတိုက်သို့ ဗုဒ္ဓဟူးနေ့ ညနေပိုင်း က ပို့ဆောင်ခဲ့ပြီး ရွှေညဝါ ဆရာတော် အနေဖြင့် ငြိမ်းချမ်းစွာ ဖြေရှင်း သွားရန် ဆန္ဒရှိ နေကြာင်း ဆရာတော်က မိန့်ကြားသည်။

“တိုင်းကနေ စာပို့ လာတာ ဟုတ်ပါတယ်။ ဒါနဲ့ ပတ်သက်ပြီး ဒီအခြေ အနေမှာ ဘာဆုံးဖြတ် မယ်ဆိုတာကို ဦးဇင်း အနေနဲ့ ဘာမှ မပြော ချင်သေးပါဘူး။ ဦးဇင်း ဘက်က နေပြီးတော့ ငြိမ်းငြိမ်း ချမ်းချမ်းပဲ ဖြေရှင်းဖို့ ဆန္ဒရှိပါတယ်” ဟု အရှင် ပညာသီဟ က မဇ္ဈိမ ကို မိန့်ကြားသည်။

ရွှေညဝါဆရာတော်မှာ ယခုနှစ် ဖေဖော်ဝါရီ ၁ဝ ရက်မှစ၍ ၂ဝ၁၂ ဖေဖေါ်ဝါရီ ၁၁ နေ့ထိ တရားမဟောရန် အတွက် ရန်ကုန်တိုင်း သံဃာ့ မဟာ နာယက အဖွဲ့က ပိတ်ပင်ထားသည်။

သံဃာ့ မဟာ နာယက၏ ဖိအား ပေးမှုကြောင့် ကျောင်းတွင်း ဖွင့်လှစ်ထားသည့် သာဓု ပရိယတ္တိ စာသင်တိုက် အပါအဝင် ရွှေညဝါ ပညာ့ ဗိမာန် တို့ကို လက်ရှိတွင် ပိတ်ထား လိုက်ရသည်။ ယင်း ပရိယတ္တိ စာသင် တိုက်တွင် သံဃာ တော်ပေါင်း ၅ဝ ခန့် စာဝါချလျက် ရှိသည်။

မြန်မာ အတိုက် အခံ ခေါင်းဆောင် ဒေါ်အောင်ဆန်း စုကြည်၏ နိုဗယ်ငြိမ်းချမ်း ရေးဆု ရရှိခြင်း နှစ် ၂ဝ ပြည့် အခမ်း အနားကို ဒီဇင်ဘာ လ ၁ဝ ရက်နေ့က ဆရာတော်၏ ကျောင်းတိုက်တွင် ကျင်းပခွင့် ပေးခဲ့ပြီး ဆရာတော် ကိုယ်တိုင် အမှာစကား မြွှတ်ကြား ချီးမြှင့်ခဲ့သည်။

ထို့အပြင် NLD ၏ အခြား နိုင်ငံရေးဆိုင်ရာပွဲများ၊ အလှူအတန်း ပြုလုပ်ခွင့်များကိုလည်း ဆရာတော် ကျောင်းတိုက် တွင် ခွင့်ပြုပေး ခဲ့သည်။

ဆရာတော်မှာ မကြာသေးမီက မြန်မာနိုင်ငံသို့ လာရောက်ခဲ့သည့် အမေရိကန် နိုင်ငံခြားရေးဝန်ကြီး ဟီလာရီ ကလင်တန် ခရီးစဉ်အတွင်း ထင်ရှားသည့် လူမှုရေးလုပ်ငန်း လုပ်ဆောင်သူများနှင့် အတူ တွေ့ဆုံဆွေးနွေးမှု များ ပြုလုပ်ခဲ့သေးသည်။

သံဃာ့ မဟာ နာယ က၏ ထုတ်ပြန် ချက်တွင် ပါရှိသည့် ဒုဗ္ဗစပုဂ္ဂိုလ် အဖြစ် သတ်မှတ်ခြင်းမှာ ဆရာတော်အား ယင်းနေ ရပ်မှ စွန့်၍ အခြား နေရာတွင် ပြောင်းရွှေ့ သီတင်း သုံးရန် ဖိအား ပေးခြင်း ဖြစ်ကြောင်း ထိုင်းနိုင်ငံ တွင်ရောက် ရှိနေသည့် ဆရာတော် အရှင်ဇဝနက မိန့်သည်။

ယင်းကဲ့သို့ ပြောင်းရွှေ့ ခံရ မည်ကို စိုးရိမ်သူ ကျောင်းတိုက်မှ စာသင်သား သံဃာ အပါး ၅ဝ ခန့်နှင့် ဒါယကာ၊ ဒါယိ ကာမ များမှာ ကျောင်းတိုက် တွင်း ကြာသပတေး နေ့ နံနက်ပိုင်း ကတည်းက စုဝေး ရောက်ရှိ နေပြီးကျောင်းပြင် ဘက်တွင် လည်း အခြားသော ကျောင်းတိုက် များမှ သံဃာ တော်များ၊ သတင်း ထောက်များ အပြင် အရပ်ဝတ် စစ်ဘက်ထောက်လှမ်းရေး အပါအဝင် စုစုပေါင်း ဦးရေ ၂ဝဝ ကျော် စောင့်ကြည့်လျက်ရှိသည်။

“ဆရာတော်က ဒီလို စာရောက် လာတယ် လို့လည်း အကြောင်းကြား လိုက်ရော တပည့် ဒကာ တွေက ကျောင်းကို ငိုယိုပြီး တော့ ရောက်လာ ကြတယ်။ ဆရာတော်ကတော့ စိတ်အေးအေး ထားကြဖို့ ငြိမ်းချမ်းစွာ ဖြေရှင်း မယ်လို့ပြောတယ်” ဟု ဆရာတော် အနီး ရောက်ရှိ နေသည့် ဒါယိကာတဦးက မဇ္ဈိမကို ပြောသည်။

မွန်းလွဲပိုင်းတွင် NLD ခေါင်းဆောင် ဦးတင်ဦးက ရွှေညဝါဆရာတော်အား သွားရောက် လျှောက်တင်စကား ဆိုခဲ့ပြီး အပြင်မှ စောင့်ဆိုင်း နေသော သူများအား “အားလုံး ငြိမ်းငြိမ်း ချမ်းချမ်း ဖြစ်သွား မှာပါ” ဟု ပြောဆို ခဲ့ကြောင်းကျောင်းတိုက် ရှေ့တွင် ရောက်ရှိ နေသည့် သတင်းထောက် များက မဇ္ဈိမကို ပြောသည်။

အလားတူ ဆရာတော် အရှင်ပညာသီဟကလည်း ကျောင်းရှေ့တွင်ရောက်ရှိနေကြသည့် လူအုပ်အား “မလိုလား အပ်တဲ့ မြားဦးဘက်ကို လှည့်မသွားအောင် ထောင်ချောက်ထဲကို ရောက်သွားမှာစိုးလို့ အဲဒီလို မဖြစ်အောင် အားလုံး သတိတရားကိုယ်စီနဲ့ ထိန်းသိမ်းပေးကြပါ။ မိမိတို့ နေထိုင်ရာ အိမ်နေရာဌာနကို အားလုံးပြန်သွားကြဖို့မေတ္တာရပ်ခံပါတယ်။ ဒါဟာ ဘုန်းကြီးအကျိုးကို တကယ်လိုလားတဲ့ လူတွေအတွက် ဒီစကားကို အလေးအနက် ထားပြီး နားထောင်ပေးကြပါ” ဟု မေတ္တာရပ်ခံခဲ့သည်။

ပြီးခဲ့သည့် နိုဝင်ဘာလ ထဲတွင်းက မန္တလေးမြို့၌ နိုင်ငံရေး အကျဉ်းသား များနှင့် အကျဉ်းကျ သံဃာတော်များ လွှတ်ပေးရန် တောင်းဆို သည့် သံဃာ တော်များကိုလည်း မန္တလေးတိုင်း သံဃာ့ မဟာ နာယကနှင့် အာဏာပိုင်များ ပူးပေါင်း၍ နယ်မြို့ များသို့ ပို့ဆောင် ပစ်ခဲ့ဖူး သည်။

တချိန် တည်းမှာပဲ ရွှေညဝါ ဆရာတော်အား ယခုကဲ့သို့ အပြစ်မဲ့ လုပ်ဆောင် နေခြင်းကို ပြည်ပရောက် ရဟန်းတော် များက ကန့်ကွက် လိုက်ပြီး သာသနာနှင့် ပြည်သူ ဘက်မှ ရပ်တည်မည့် စစ်မှန်သော သံဃာ့ မဟာ နာယက အဖွဲ့ကြီး ပေါ်ပေါက် စေရန် ကြာသပတေး နေ့တွင် ကြေညာချက် ထုတ်ပြန် လိုက်သည်။

“တကယ်က ဓမ္မစက်ရှေ့ကသွားရမှာ။ အာဏာပိုင်တွေ ခိုင်းတာလိုက်လုပ်နေရတဲ့ ဘဝရောက် နေတယ်။ တဖြေးဖြေး တောရွာအထိ ရောက်အောင် ပို့မှာပေါ့” ဟု ထုတ်ပြန်ချက်အား ဦးဆောင်ပါဝင်သူ အရှင် ဇဝနက မဇ္ဈိမကို မိန့်ကြားသည်။

နိုင်ငံတဝန်းရှိ သံဃာတော်များအနေဖြင့် လွတ်လပ်စွာ တရားဟောပြောခွင့်၊ ဒါယိကာ ဒါယကာများ၏ ဖိတ်ကြားမှု အား လက်ခံခွင့်၊ အခြားသော ကျောင်းတိုက်များ၌ သီတင်းသုံးခွင့်များကို အာမခံချက် ပေးနိုင်သည့် သံဃာ့မဟာ နာယက အဖွဲ့ ပေါ်ပေါက်ရန်လည်း ထုတ်ပြန်ချက်မှ တဆင့် တိုက်တွန်းထားသည်။

ယင်းအပြင် ယင်းကဲ့သို့သော သံဃာ့မဟာနာယက အဖွဲ့ကိုလည်း အထက်ပါ အချက်များအား ဖော်ဆောင်ပေးနိုင်သည့် နာယက ဆရာ တော်များနှင့်သာ ဖွဲ့စည်းရန် ထုတ်ပြန်ချက်တွင် ပါရှိသည်။

တရုတ်သံအမတ်ကြီး ဒေါ်အောင်ဆန်းစုကြည် နဲ့တွေ့ဆုံ

သတင်း-မသင်းသီရိ(VOA)

မြန်မာအစိုးရရဲ့ အဓိကမဟာမိတ် နိုင်ငံတခုအဖြစ် ယုံကြည်ထားကြတဲ့ တရုတ်နိုင်ငံဟာ မြန်မာ့ဒီမိုကရေစီရေး လှုပ်ရှားသူတွေနဲ့ ခပ်ကင်းကင်း နေလာတာဖြစ်ပေမဲ့ အခုအခါမှာတော့ ဒေါ်အောင်ဆန်းစုကြည်လို နိုင်ငံရေး ခေါင်းဆောင်တဦးနဲ့ပါ တွေ့ဆုံလာတာ ဖြစ်ပါတယ်။ မြန်မာနိုင်ငံဆိုင်ရာ တရုတ်သံအမတ်ကြီး လီကျုံဝှာ
(Li Junhua) နဲ့ ပြီးခဲ့တဲ့ တပတ်အတွင်း ရန်ကုန်မြို့မှာ တွေ့ဆုံ ဖြစ်တာကတော့ ဒေါ်အောင်ဆန်းစုကြည် ဖက်က ထပ်တလဲလဲ တောင်းဆိုနေတဲ့အတွက် တွေ့ဆုံခဲ့တာလို့ တရုတ်နိုင်ငံခြားရေး ၀န်ကြီးဌာန ပြောခွင့်ရသူ လျူ ဝေမင်း (Liu Weimin) က ဒီကနေ့ပဲ ဘေဂျင်းမြို့တော်မှာ သတင်းထောက်တွေကို ပြောလိုက်တာပါ။

"ဒေါ်အောင်ဆန်းစုကြည် အနေနဲ့  တရုတ်နိုင်ငံက တာဝန်ရှိသူတွေနဲ့ တွေ့ဆုံဖို့ မျှော်လင့်နေတာကို အခါပေါင်းများစွာ ပြောဖူးပါတယ်၊ သူ့ရဲ့ မေတ္တာရပ်ခံချက်ကို တုန့်ပြန်တဲ့ အနေနဲ့ တရုတ်သံအမတ်ကြီး  သွားတွေ့ခဲ့ပဲ ဒေါ်အောင်ဆန်းစုကြည် ရဲ့ သဘောထား အမြင်တွေကို နားထောင်ခဲ့တာပါ။ တရုတ်နိုင်ငံအနေနဲ့ ၂ နိုင်ငံကြား မဟာဗျူဟာကျတဲ့ အပြည့်အ၀ ဆက်ဆံရေးမျိုး ထားရှိဖို့ သန္နိဓာန် ချထားတာဖြစ်သလို၊ မြန်မာနိုင်ငံက လူမှုရေး၊ စီးပွားရေး တိုးတက်အောင် လူတွေဘ၀ သာယာဝပြောအောင် ကြိုးပမ်းမှုတွေဟာ အင်မတန် အရေးကြီးတာကို တရုတ်နိုင်ငံက လက်ခံထားတယ်၊ နိုင်ငံတခုရဲ့ အရေးကို ၀င်မစွက်ဖက်ရေး မူဝါဒအပေါ် အခြေခံပြီး၊ ၂ နိုင်ငံစလုံးက လူထုအတွက် ပိုမိုအကျိုးများစေဖို့ တရုတ်-မြန်မာ ဆက်ဆံရေးမှာ သက်ဆိုင်ရာ လူမှု အသိုင်းအ၀န်းက အားလုံးနဲ့ တရုတ်နိုင်ငံက ထိတွေ့ဆက်ဆံနေတာ ဖြစ်ပါတယ်။"

ပြီးခဲ့တဲ့ ဒီဇင်ဘာ (၈) ရက်နေ့ က တရုပ်သံအမတ်ကြီးနဲ့  အတူ ဒုတိယ အတွင်းဝန်တို့ဟာ ဒေါ်အောင်ဆန်းစုကြည်အိမ်မှာ  ဒေါ်အောင်ဆန်းစုကြည်နဲ့ နေ့လည် ၃ နာရီကနေ   ညနေ ၄ နာရီကျော်ထိ ၁ နာရီကျော် တွေဆုံခဲ့ပါတယ်။ ကနဦး ၂ ဦး ၂ ဖက် ဆက်ဆံရေး တွေရင်းနှီးလာစေဖို့ အတွက် အခုလို တွေ့ဆုံကြတာပါလို့လည်း NLD အမျိူးသား ဒီမိုကရေစီအဖွဲ့ချုပ်က  ဦးခွန်သာမြင့်ကပြောပါတယ်။

"ပထမတော့ တယောက်နဲ့တယောက် ရင်းနှီးဖို့ပါပဲ၊ တယောက်သဘော တယောက်သိဖို့ပါ။ အခုဟာက ဒီကြားထဲမှာ အနှစ် ၂၀ ကျော်က တရုပ်နဲ့ ကျနော်တို့ကြားထဲမှာ ပွင့်လင်းတဲ့ နားလည်မှု မရှိဘူးပေါ့။ အဲဒါအတွက် ပထမဆုံး အဆင့်အနေနဲ့ လာတွေ့တာပါ။ တယောက်နဲ့တယောက် နားလည်မှု အများကြီး ရပါတယ်။"

NLD ပါတီက ဦးခွန်သာမြင့်ပါ။

လာမယ့် သတင်းပတ်တွေအတွင်း မြန်မာနိုင်ငံမှာ ကျင်းပမယ့် မဲခေါင် မြစ်ဝှမ်းနိုင်ငံများ အစည်းအဝေးကို တက်ဖို့ နိုင်ငံတော်ကောင်စီဝင် ဒိုင် ဘင်ဂေါင်း (Dai Bingguo)  လာရောက်မှာ ဖြစ်ပါတယ်။ ဒီလို တရုတ်အဆင့်မြင့် အရာရှိတွေ မြန်မာနိုင်ငံကို လာစဉ် ဒေါ်အောင်ဆန်းစုကြည်နဲ့ တွေ့ မတွေ့ ခုချိန်ထိ မသိရသေးပေမယ့် တရုတ်ဖက်က ပြောင်းလဲလာတဲ့  ဆက်ဆံရေးတွေကြောင့်ရော လက်ရှိ အမေရိကန် မြန်မာ ဆက်ဆံရေးတွေကြောင့်ပါ တရုတ် ခေါင်းဆောင်တွေဟာ အစိုးရနဲ့ေ တွ့သလို ဒေါ်အောင်ဆန်းစုကြည်နဲ့လည်း တွေ့ဆုံနိုင်ခြေ ရှိနိုင်တယ်လုိ့လည်း မြန်မာ့အရေး လေ့လာသူတွေ သုံးသပ်ကြတာရှိပါတယ်။

တခါ ဒီကနေ့ ဗဟန်းရွေဂုံတိုင်မှာ ရှိတဲ့ NLD ရုံးချုပ်မှာ မြန်မာနိုင်ငံကို ရောက်နေတဲ့ ဥရေပသမဂ္ဂ နိုင်ငံခြားရေးနဲ့ လုံခြုံရေးဆိုင်ရာ အကြီးအကဲ ကက်သရင်း အက်ရ်ှတန် (Catherine Ashton) ရဲ့ အကြံပေး Mr. Robert Cooper နဲ့ ဒေါ်အောင်ဆန်းစုကြည် အပါအ၀င် NLD ဗဟိုအလုပ်မှုဆောင် အဖွဲ့ဝင်တွေရော  CRPP အဖွဲ့နဲ့ပါ တွေ့ဆုံခဲ့ပြီး လက်ရှိ မြန်မာ့အရေး အခြေအနေတွေ ပြောဆိုဖြစ်ခဲ့တယ်လို့ NLD ပါတီက ပြောခွင့်ရသူ   ဦးဥာဏ်ဝင်းက ပြောပါတယ်။

"မနက်၁၀နာရီက ကျနော်တို့အဖွဲ့ချုပ် ရွေဂုံတိုင်ရုံးမှာပါ။ CRPP အဖွဲ့တွေကလည်း သူတို့ရဲ့ အခက်အခဲ၊ သူတို့ပါတီတွေ ဘာကြောင့် မှတ်ပုံပြန်မတင်ဖြစ်သေးတယ် ဆိုတာရယ် ဘာကြောင့် ဆိုတဲ့နေရာမှာ ဥပမာ ရှမ်းဆိုရင် ခွန်ထွန်းဦးတို့၊ စိုင်းညွန့်လွင်တို့ အခုထိ မလွတ်မြောက်သေးတဲ့ အတွက် သူတို့အနေနဲ့ ခေါင်းဆောင်တွေ မရှိလို့ မှတ်ပုံမတင်ရသေးဘူး ဆိုတဲ့အကြောင်း။ နောက်တခုကတော့ စီးပွားရေးကိစ္စတွေ ဆွေးနွေးတယ်။ ဒေါ်အောင်ဆန်းစုကြည်ကတော့ IMF ကိစ္စတွေ၊ IMF တို့ဘာတို့နဲ့ ဆက်သွယ် ဆောင်ရွက်ဖို့ အရေးကြီးတယ်ဆိုတဲ့ အကြောင်းတွေ ဆွေးနွေးတာပါ။ မစ္စတာ Cooper က အရင်လည်း တခေါက် လာဖူးပါတယ်။ သူတို့ကတော့ မြန်မာနိုင်ငံ တိုးတက်ဖို့အတွက် ရွေးကောက်ပွဲကိစ္စ၊ လွတ်လပ်ဖို့နဲ့ Secret Voting နဲ့ Monitoring တွေရှိရင် ကောင်းမယ်ဆိုတဲ့ သဘောတွေ ဆွေးနွေးပါတယ်။"

NLD ပါတီပြောခွင့်ရသူ   ဦးဥာဏ်ဝင်းပါ။

ဒါ့အပြင် မစ္စတာ Cooper က နိုင်ငံတော်သမ္မတနဲ့ရော  အစိုးရအဖွဲ့ဝင် တချို့နဲ့ နေပြည်တော်မှာ တွေ့ဆုံစဉ် ဆွေးနွေးတဲ့အကြောင်း အရာတချို့ကို ရှင်းပြခဲ့တယ်လိုလည်း ဦးဥာဏ်ဝင်းက ပြောပါတယ်။

တခါ လာမယ့် ဇန်န၀ါရီလဆန်းပိုင်းထဲ  ဗြိတိန်နိုင်ငံခြားရေးဝန်ကြီး ၀ီလျံဟေ့ဂ် (William Hague) လည်း မြန်မာနိုင်ငံကို  လာရောက်ဖို့ရှိပါတယ်။
ပြီးခဲ့တဲ့ အင်္ဂါနေ့ကမှ အာရှခရီးစဉ်ကို အဆုံးသတ်သွားတဲ့ အမေရိကန်ရဲ့ မြန်မာဆိုင်ရာ အထူးကိုယ်စားလှယ် Drek Mitchell ကတော့ သူတရုတ်နိုင်ငံကိုရောက်စဉ်အတွင်း အမေရိကန်ပြည်ထောင်စုနဲ့ မြန်မာနိုင်ငံရဲ့ သံတမန်ရေးတွေ၊ ဆက်ဆံရေးတွေ တိုးမြင့်လာတယ်ဆိုပေမယ့် တရုတ်နိုင်ငံကို ထိခိုက်စေလိုတဲ့ ရည်ရွယ်ချက် မရှိကြောင်းပြောခဲ့ပါတယ်။ အမေရိကန်အနေနဲ့ တရုတ် မြန်မာဆက်ဆံရေးမှာ အနှုတ်လက္ခဏာပြဖို့ မလိုလာဘူးလို့ ဘေဂျင်းမြို့တော်မှာ ပြောခဲ့တာ ဖြစ်ပါတယ်။