ကြားဖြတ်ရွေးကောက်ပွဲနှင့်အမျိုးသားဒီမိုကရေစီအဖွဲ့ချုပ်မှပါတီမှတ်ပုံတင်ခြင်းအပေါ်နှင့်ပါဝင်ယှဉ်ပြိုင်ခြင်းအပေါ်
၈၈မျိုးဆက်ကျောင်းသားများ၏သဘောထားကို တင်ပြလိုက်ပါတယ်။
လက်ရှိနိုင်ငံရေးအခင်းအကျင်းနှင့်ပတ်သက်၍
၈၈မျိုးဆက်ကျောင်းသားများ၏
သဘောထားထုတ်ပြန်ချက်
ရက်စွဲ။ ။ ၅.၁၂.၂၀၁၁
(၁) ဒေါ်အောင်ဆန်းစုကြည်သည် တိုင်းပြည်နှင့်လူထုကောင်းစားရေး၊ တပ်မတော်နှင့်ပြည်သူအကြား
စိတ်ဝမ်းမကွဲ ချစ်ကြည်စေရေးအတွက် သဘောထားကြီးစွာ အားထုတ်ကြိုးပမ်းနေသည့် လူထုခေါင်းဆောင်နေရာတွင် ခိုင်ခိုင်မြဲမြဲ ရပ်တည်နေဆဲဖြစ်သည်ဟု
မိမိတို့မှ ယုံကြည်သည်။
(၂) အမျိုးသားဒီမိုကရေစီအဖွဲ့ချုပ်က ပါတီမှတ်ပုံတင်ပြီး လာမည့်ရွေးကောက်ပွဲများတွင်ဝင်ရောက်ယှဉ်ပြိုင်မည်ဟု
ဆုံးဖြတ် ချက်ချခဲ့ခြင်းသည် ၄င်းတို့ပါတီအနေဖြင့် အမျိုးသားပြန်လည်သင့်မြတ်ရေးနှင့်
အထွေထွေသဟဇာတဖြစ်ရေး တို့အတွက် သင့်တော်မည်ဟုထင်သည့် လမ်းကို ပါတီဝင်အများစု၏ဆန္ဒအရ
ရွေးချယ်လျှောက်လှမ်းလိုက်ခြင်းသာ ဖြစ်သည်ဟု မိမိတို့ မှ လေးစားစွာဖြင့် ရှုမြင်နားလည်သည်။
(၃) မိမိတို့အနေဖြင့် ၈၈မျိုးဆက်ကျောင်းသားခေါင်းဆောင်များအပါအ၀င် တိုင်းရင်းသားခေါင်းဆောင်များ၊
သံဃာ့ခေါင်း ဆောင်များနှင့်နိုင်ငံရေးအကျဉ်းသားပေါင်း မြောက်များစွာ အကျဉ်းထောင်ထဲတွင်
မတရားဖမ်းဆီး ချုပ်နှောင်ခံနေရဆဲ ဖြစ် သောကြောင့် ယခုလာမည့် ရွေးကောက်ပွဲနှင့်ပတ်သက်၍ တစုံတရာ ထည့်သွင်း စဉ်းစားနိုင်လိမ့်မည်
မဟုတ်ပါ။
(၄) ထိုသို့ဆုံးဖြတ်သည်နှင့်အညီ လာမည့်ရွေးကောက်ပွဲအတွက် ကိုမင်းကိုနိုင်ဦးဆောင်သည့်
၈၈မျိုးဆက်ကျောင်းသားများမှ မည်သူတဦးတယောက်ကိုမျှ
၈၈မျိုးဆက်ကျောင်းသားများအား ကိုယ်စားပြု၍ နိုင်ငံရေးပါတီတခုခုသို့ ကိုယ်စား လှယ်ပေးခြင်း၊
ဝင်ရောက်ယှဉ်ပြိုင်စေခြင်းများအား ပြုမည်မဟုတ်ပါ။ ၈၈မျိုးဆက်ကျောင်းသားများအနေဖြင့်
မဟုတ်ဘဲ၊ မိမိတို့တဦးချင်း သဘောဆန္ဒအလျောက် ရွေးကောက်ပွဲဝင်ခြင်းအပေါ် သဘောထား မှတ်ချက်
တစုံတရာပေးရန် မရှိပါ။
(၅) လက်ရှိအစိုးရအနေဖြင့် တိုင်းပြည်အကျိုးအတွက် မတူတာတွေ ခဏဖယ်ထားပြီး တူတာတွေတွဲလုပ်မယ်ဆိုသည့်
သမ္မတ၏စကားကို လက်တွေ့အကောင်အထည်ပေါ်စေရေးအတွက် ၈၈မျိုးဆက်ကျောင်းသားခေါင်းဆောင်များအပါအ၀င်
နိုင်ငံရေးအကျဉ်းသားအားလုံးကို ချွင်းချက်မရှိ အမြန်ဆုံးလွှတ်ပေးရန် လိုအပ်နေပါသည်။
၈၈မျိုးဆက်ကျောင်းသားခေါင်းဆောင်များ၊ တိုင်းရင်းသားခေါင်းဆောင်များနှင့် နိုင်ငံရေးအကျဉ်းသားအားလုံး
ပြန်လည် လွတ်မြောက်လာမှသာလျှင် တိုင်းပြည်အတွက် ရေရှည်အကျိုးဖြစ်ထွန်းစေပြီး၊ ပြည်တွင်းစစ်ပြဿနာနှင့်
နိုင်ငံရေးပဋိပက္ခများကို ငြိမ်းချမ်းစွာ ဖြေရှင်းနိုင်မည့်ဆုံးဖြတ်ချက်များ မှန်ကန်ပြည့်စုံစွာချနိုင်လိမ့်မည်
ဖြစ်သည်။
သို့မှသာ တိုင်းပြည်အကျိုးအတွက်
ပူးပေါင်းဆောင်ရွက်ရေးလမ်းကြောင်းပေါ်တွင် တဦးနှင့်တဦး အပြစ်မမြင်ဘဲ သံသယကင်းစွာ အတူတကွ
လက်တွဲ ရပ်တည်နိုင်ကြလိမ့်မည်ဖြစ်ကြောင်း သဘောထားထုတ်ပြန်လိုက်သည်။ ။
ထွန်းမြင့်အောင် စိုးထွန်း
မြတ်သူ ကိုကိုကြီး(စမ်းချောင်း)
၈၈ မျိုးဆက်ကျောင်းသားများ
No comments:
Post a Comment
wwwwnyinyi@gmail.com