ဒေါ်စုကို မကြိုဖို့ မြန်မာ့အသံ ဝန်ထမ်းများကို ညွှန်/ချုပ် သတိပေး

ကျော်ခ

ရုပ်မြင်သံကြားမှတဆင့် ပါတီ မဲဆွယ်စည်းရုံးရေး ဟောပြောရန်အတွက် နေပြည်တော် မြန်မာ့အသံနှင့် ရုပ်မြင်သံကြားဌာနသို့ လာရောက် မည့် အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌဒေါ်အောင်ဆန်းစုကြည်ကို ဝန်ထမ်းများအနေဖြင့် ကြိုဆိုနှုတ်ဆက်ခြင်း မပြုလုပ်ရန် ဌာန ညွှန်ကြားရေးမှူးချုပ် ဦးသိန်းအောင် က သတိပေး ပြောဆိုထားကြောင်း သိရသည်။

နေပြည်တော် မြန်မာ့အသံနှင့် ရုပ်မြင်သံကြား ဌာန ဝန်ထမ်းများအား သောကြာနေ့ မနက်ပိုင်းက သီးသန့် အစည်းအဝေး တရပ် ခေါ်ယူ ကာ ယင်းကဲ့သို့ သတိပေး ပြောဆိုခဲ့ခြင်း ဖြစ်ကြောင်း အစည်းအဝေး တက်ရောက်ခဲ့သူ ဝန်ထမ်းများက ပြောသည်။

“ကျနော်တို့ဆီကို ဒေါ်အောင်ဆန်းစုကြည် လာမယ်လေ။ လာတဲ့အခါကျရင် ဘယ်ဝန်ထမ်းမှ ထွက်မတွေ့ရဘူး။ နှုတ်ဆက် ဖို့လည်း မလို ဘူး။ ကိုယ့်အလုပ်ကိုပဲ လုပ်ရမယ်လို့ ညွှန်မှူးက ပြောတယ်။ အားလုံးကလည်း သူ့ကြောက်တော့ မတွေ့ပါဘူးလို့ ပြန်ဖြေခဲ့ရတယ်” ဟု အ စည်းအဝေးတက်ရောက်ခဲ့သူ ရုပ်/သံ ဝန်ထမ်းတဦးက မဇ္ဈိမကို ပြော သည်။

NLD အပါအဝင် ဧပြီ ၁ ရက်နေ့ ကြားဖြတ်ရွေးကောက်ပွဲတွင် ဝင်ရောက်ယှဉ်ပြိုင်ကြမည့် နိုင်ငံရေးပါတီ ၁၇ ခုကို ၎င်းတို့ ပါတီများ၏ မူဝါ ဒ၊ သဘောထားနှင့် လုပ်ငန်းစဉ်တို့ကို ရေဒီယိုနှင့် ရုပ်မြင်သံကြားတို့မှ စည်းရုံးဟောပြော တင်ပြနိုင်ရန် ပြည်ထောင်စု ရွေးကောက်ပွဲ ကော်မ ရှင်က ဖေဖေါ်ဝါရီ ၁၇ ရက်နေ့က ထုတ်ပြန်ခဲ့သည်။

ဝန်ထမ်းအချို့မှာ ဒေါ်အောင်ဆန်းစုကြည် ရောက်လာမည်ကို တွေ့မြင်လိုကြသော်လည်း ဦးသိန်းအောင် ၏ သတိပေး တားမြစ်မှုကို လွန် ဆန်နိုင်ခြင်းမရှိသဖြင့် ကြည့်ခွင့်မရတော့ဟု ကာယကံရှင်များက ပြောသည်။

“ဒေါ်အောင်ဆန်းစုကြည်ကို အပြင်မှာ တခါမှ မတွေ့ဖူးဘူး။ အင်တာနက်နဲ့ ဂျာနယ်တွေမှာပဲ တွေ့ဖူးတာ။ အရင်တော့ သူလာရင် သွားနှုတ် ဆက်မယ်။ သူ့ကို ကြည့်မယ်လို့ တွက်ထားတာပေါ့လေ။ ဒါပေမယ့် ကျမတို့ မကြည့်ပါဘူးဆိုပြီး ညွှန်မှူးကို ပြောခဲ့ပြီးပြီ” ဟု မြန်မာ့အသံ ဝန်ထမ်း တဦးက မဇ္ဈိမကို ပြောသည်။

“ရိုတ်ကူးရေး တာဝန်ကျတဲ့လူတွေကတော့ ကံကောင်းတာပေါ့ဗျာ။ ဒေါ်အောင်ဆန်းစုကြည်ကို အနီးကပ် တွေ့ခွင့်ရ တာပေါ့။ ကျနော်တို့ကတော့ ထွက်တောင် ကြည့်ခွင့် မရတော့လေ။ ဒီလိုပဲ ဝန်ထမ်းဆိုတော့လလည်း အထက်ကို မလွန်ဆန်နိုင်ဘူးပေါ့” ဟုလည်း အခြား ဝန် ထမ်းတဦး က ပြောသည်။

ပြည်ထောင်စု ရွေးကောက်ပွဲကော်မရှင်၏ ထုတ်ပြန်ချက်အရ NLD ပါတီ၏ စည်းရုံးရေး ရုပ်သံအစီအစဉ်ကို မြန်မာ့ အသံနှင့် ရုပ်မြင် သံ ကြား မှ တဆင့် မက်လ ၁၄ ရက်နေ့တွင် ထုတ်လွှင့်ပေးမှာဖြစ်ပြီး ယင်းသို့ ထုတ်လွှင့်နိုင်ရန် အတွက် ဟောပြောမည့် ဒေါ်အောင်ဆန်း စုကြည်အနေဖြင့် နေပြည်တော် မြန်မာ့အသံသို့ ထုတ်လွှင့်ရက်မတိုင်မီ ၂ ရက် ကြိုတင်ကာ လာရောက်ရိုတ်ကူးရမည် ဖြစ်သည်။

ဒေါ်အောင်ဆန်းစုကြည်၏ ပါတီ မဲဆွယ်စည်းရုံးရေး ခရီးစဉ်အချို့တွင် အစိုးရ အာဏာပိုင်အချို့၏ နှောက်ယှက်မှု ရှိနေကြာင်း NLD က သတင်းစာရှင်းလင်းပွဲပြုလုပ်၍ သတင်းမီဒီယာများသို့ ဖေဖေါ်ဝါရီ ၁၄ ရက်နေ့က ထုတ်ပြန်ခဲ့သေးသည်။

ဖေဖေါ်ဝါရီလ ၄ ရက်နေ့နှင့် ၅ ရက်နေ့များတွင် မန္တလေးမြို့သို့ သွားရောက်ပြီး ဗထူး အားကစားကွင်းအတွင်း လူထုကို ဟောပြောရန် စီ စဉ်ခဲ့သော်လည်း မြန်မာနိုင်ငံ ဘောလုံးအဖွဲ့ချုပ်မှ ထိုအားကစားကွင်းကို မငှားခြင်းကြောင့် ခရီးစဉ်ကို ရပ်ဆိုင်းထားခဲ့ပြီး မတ်လဆန်း တွင်မှ ပြန်လည် သွားရောက်ဟောပြောရမည် ဖြစ်သည်။

အလားတူ ဖေဖေါ်ဝါရီလ ၁၇ ရက်နေ့ ဧရာဝတီတိုင်း ဖျာပုံခရီးစဉ်တွင် ဟောပြောရန်အတွက် ဖျာပုံမြို့ အားကစားကွင်း အတွင်း ပြုလုပ် ရန် လျှောက်ထားသော်လည်း အားကစားဝန်ကြီးဌာနမှ အသုံးပြုခွင့်မပေး၍ လူထုပရိသတ် လေးသောင်းခန့်အား ဖျာပုံမြို့ပြင် သဲကွင်း တွင် ပင် ဟောပြောခဲ့ရသည်။

ထို့အတူ ရန်ကုန်တိုင်း လှည်းကူးမြို့ရှိ ဘောလုံးကွင်း၌ ဖေဖေါ်ဝါရီ ၁၅ ရက်နေ့တွင် ပြုလုပ်ရန်ရှိသည့် ဟောပြောပွဲကို အားကစားဝန်ကြီး ဦးတင့်ဆန်း က တားမြစ်ခဲ့သော်လည်း ပြည်ထောင်စု ရွေးကောက်ပွဲ ကော်မရှင်မှ ခွင့်ပြုပေးလိုက် သည်။

ဒီမိုကရေစီကို ကာကွယ်သည့် တပ်မတော် ဖြစ်သင့်ဟု NLD ပြော

တပ်မတော်အနေဖြင့် ဒီမိုကရေစီစနစ်ကို ကာကွယ်စောင့်ရှောက်သည့် အမျိုးသားနိုင်ငံရေး ဦးဆောင်အခန်းကဏ္ဍတွင် ပါဝင်သင့် ကြောင်း အမျိုးသား ဒီမိုကရေစီအဖွဲ့ချုပ်(NLD) ပါတီမှ ၀င်ရောက်အရွေးခံမည့် ဦးဖြိုးမင်းသိန်းက ယနေ့သွားရောက်သည့် ကြားဖြတ် ရွေးကောက်ပွဲ မဲဆွယ် စည်းရုံးရေး ခရီးစဉ်တွင် ပြောဆိုလိုက်သည်။

ဖေဖော်ဝါရီ ၁၅ ရက်က ဒေါ်အောင်ဆန်းစုကြည်၏ လှည်းကူးမြို့နယ် စည်းရုံးရေး ခရီးစဉ်တွင် ဦးဖြိုးမင်းသိန်း(လက်မြှောက် ထားသူ) ကို တွေ့ရစဉ်

“ဒီမိုကရေစီပြောင်းလဲရေးမှာ တပ်မတော်ပါဝင်ရမယ်၊ ဘယ်ပါတီ ဘယ်အဖွဲ့ အစည်းကမှလက်နက်နဲ့ အာဏာမသိမ်းနိုင်အောင် ကာ ကွယ်စောင့်ရှောက်သင့်တယ်၊ အာဏာမှာဝင်ရောက်ပါဝင်ခြင်းဟာ တပ်မတော်အခန်းကဏ္ဍကို မှေးမှိန်စေတယ်”ဟု ဦးဖြိုးမင်းသိန်း ကပြောသည်။
ယနေ့ မဲဆွယ်စည်းရုံးရေး ခရီးစဉ်သွားရောက်သော ဦးဖြိုးမင်းသိန်း ပြည်သူ့လွှတ်တော် ကိုယ်စားလှယ်အဖြစ် ၀င်ရောက်အရွေးခံမည့် ရန်ကုန်တိုင်း လှည်းကူးမြို့နယ်သည် တပ်မ ၁၁ အပါအ၀င်၊ တပ်ရင်းတပ်ဖွဲ့ ၃၆ ဖွဲ့ခန့်ရှိပြီး မင်းကုန်းတွင် တပ်မတော် လေ့ကျင်ရေးကျောင်းနှင့် ဖောင်ကြီးတွင် ဗဟိုဝန်ထမ်းလေ့ကျင့် ရေးကျောင်း အခြေစိုက်ရာ ဒေသဖြစ်သည်။
လက်ရှိအခြေအနေတွင် တပ်မတော်သားအများစု၏ ဘ၀မှာ ဆင်းရဲနွမ်းပါးကြောင်း၊ ၎င်းတို့ဘ၀များကို အကာအကွယ် ပေးရန်လို ကြောင်း၊ မိမိတို့ အနိုင်ရလျှင် တပ်မတော်သားများနှင့် မိသားစုများ ရသင့်ရထိုက်သည့် အခွင့်အရေးများရရှိရန် အတတ်နိုင်ဆုံး အကောင်အထည် ဖော်ဆောင်ရွက် ပေးမည်ဖြစ်ကြောင်း ဦးဖြိုးမင်းသိန်း ဆိုသည်။
လှည်းကူးမြို့နယ် မဲပေးနိုင်သူ ဦးရေ ၁သိန်း ၃သောင်းခန့်ရှိရာတွင် အများစုမှာ စိုက်ပျိုးရေးလုပ်ငန်းလုပ်ကိုင်သူများဖြစ်သော်လည်း အလုပ်လက်မဲ့နှုန်းထားမှာလည်း မြင့်မားနေသည့်အတွက် ဒေသတွင်း ဖွံဖြိုးရေးနှင့် ကျန်းမာရေး၊ ပညာရေး တိုးတက်စေရန်နှင့် ကရင်၊ ရှမ်း တိုင်းရင်းသားများလည်း များပြားသည့်အတွက် တိုင်းရင်းသားစည်းလုံးရေး တို့ကိုလည်း ဦးစားပေး လုပ်ဆောင်မည်ဖြစ် ကြောင်း ၎င်းက ဆက်လက်ပြောဆိုသည်။
ဦးဖြိုးမင်းသိန်းနှင့် NLD ပါတီဝင်အင်အား ၄၀၀ ခန့်သည် မနက်ဖြန်မှ စတင်ကာ မတ်လ ၁၁ ရက်နေ့အထိ ဒေသတွင်းရှိ ရွာပေါင်း ၁၁၉ ရွာနှင့် ရပ်ကွက်ကြီး ၅ ရပ်ကွက်သို့လည်း ကားများဖြင့် လှည့်လည်ပြီး စည်းရုံးလုပ်ငန်းများ လုပ်ဆောင်မည်ဟု သိရသည်။
လှည်းကူးမြို့နယ်တွင် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ(ကြံ့ခိုင်ရေး ပါတီ)မှ မြို့ခံတဦးဖြစ်သည့် ဒေါက်တာအောင်မြတ်သူ က ၀င်ရောက် ယှဉ်ပြိုင်မည်ဖြစ်ပြီး“လှည်းကူးသားမှ လှည်းကူးကို ချစ်မည်”ဆိုသည့် ကြွေးကြော်သံဖြင့် စည်းရုံးရေးဆင်းနေသည်။
အလားတူ တပ်မ ၅၅ အခြေစိုက်ရာ ရှမ်းပြည်တောင်ပိုင်း ကလောမြို့မှ NLD ပါတီ ပြည်သူ့ လွှတ်တော် ကိုယ်စားလှယ်အဖြစ် ၀င်
ရောက် ယှဉ်ပြိုင်မည့် ဒေါက်တာ ဒေါ်သန်းငွေကလည်း တပ်မတော်၏ အခန်းကဏ္ဍမှာ အရေးကြီးသည့်အပြင် တပ်မတော်သားများ ၏ မိသားစုဘ၀မြှင့်တင်ရေးမှာလည်း အရေးကြီးကြောင်း ပြောသည်။
“တပ်ထဲမှာ ပြောင်းလဲချင်တဲ့သူတွေ များတယ်၊ ကလောမှာလုပ်တဲ့ ပြီးခဲ့တဲ့ရွေးကောက်ပွဲတုန်းကဆို ကြိုတင်မဲ ယူတဲ့သူတွေကသာ ကြံ့ဖွံ့ကရတာ၊ ကြိုတင်မဲယူမထားတဲ့ တပ်တွင်းမိသားစုတွေက ကြံ့ဖွံ့ကိုမပေးဘူး၊ တခြားအဖွဲ့ကိုပေးတယ်”ဟု ၎င်းက ဆိုသည်။
ယခုရွေးကောက်ပွဲတွင် ကြိုတင်မဲများ ရယူခြင်းမရှိဘဲ သမာသမတ်ကျကျ ပြုလုပ်မည်ဆိုလျှင် တပ်မတော်အတွင်းရှိ အများစုက NLD ပါတီကို မဲထည့်မည်ဖြစ်ကြောင်း ဒေါက်တာ ဒေါ်သန်းငွေက ဆက်ပြောသည်။
ဒေါက်တာ ဒေါ်သန်းငွေ ၀င်ရောက်အရွေးခံမည့် ကလောမြို့နယ် မဲဆန္ဒနယ်သည် ပြီးခဲ့သည့်ရွေးကောက်ပွဲတွင် ကြံ့ခိုင်ရေး ပါတီမှ လက်ရှိ အမျိုးသားစီမံကိန်းနှင့် စီးပွားရေး ဖွံဖြိုးတိုးတက်မှု ၀န်ကြီးဌာန၊ မွေးမြူရေးနှင့် ရေလုပ်ငန်းဝန်ကြီးဌာန ၀န်ကြီး ဦးတင်နိုင် သိန်း ၏ မဲဆန္ဒနယ်ဖြစ်သည်။
ကလောမြို့နယ် မဲဆန္ဒနယ်တွင် ဟဲဟိုး၊ အောင်ပန်း၊ ကလော၊ ဘော်ဆိုင်းမြို့ တို့ပါဝင်ပြီး ပအို့၊ ဓနု၊ ပလောင်၊ ရှမ်း စသည့် တိုင်းရင်းသား လူမျိုးများ နေထိုင်၍ ခြံစိုက်ပျိုးခြင်းနှင့် သနပ်ဖက် လုပ်ငန်းကို လုပ်ကိုင်သူများပြားသည်။
စိုက်ပျိုးရေးကိုသာ အဓိကထားရသည့်အတွက် ဒေသဖွံ့ဖြိုးရေးအတွက် သဘာဝ ထင်းရှူးတောများနှင့် တောတောင် များကို အမှီပြု လုပ်ကိုင်သည့် ကမ္ဘာလှည့်ခရီးသွားလုပ်ငန်းများ၊ တခြားသော ဒေသဖွံ့ဖြိုး ရေးလုပ်ငန်းများ လုပ်ကိုင်ပေးရန် ဆန္ဒရှိကြောင်း၊ ကျန်း မာ ရေးနှင့် ပညာရေးကိုလည်း မြှင့်တင်လိုကြောင်း ဒေါက်တာ ဒေါ်သန်းငွေက ဆက်လက်ပြောသည်။
ဒေသခံများ အနေဖြင့် ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်ကို ယှဉ်တွဲ၍ သိရှိကြသည်ဟုလည်း ၎င်းက ဆိုသည်။
“ဘော်ဆိုင်းမှာဆို ဟိုးတုန်းက ဗိုလ်ချုပ်အောင်ဆန်းပုံတွေကို အိမ် တော်တော် များများမှာ တွေ့ရတယ်”ဟု ဒေါ်သန်းငွေက ပြော သည်။
ကလောမြို့နယ်တွင် NLD ပါတီနှင့် ယှဉ်ပြိုင်ရမည့် ပါတီများမှာ ကြံ့ခိုင်ရေး ပါတီ၊ တိုင်းရင်းသား စည်းလုံးညီညွတ်ရေး ပါတီ၊ ရှမ်း တိုင်းရင်သားများ ဒီမိုကရက်တစ် ပါတီ(SNDP) ခေါ် ကျားဖြူပါတီနှင် ပအို့အမျိုးသားများ ပါတီ(PLO) တို့ဖြစ်သည်။
မနက်ဖြန် နံနက် ၈ နာရီခွဲ ခန့်တွင် NLD ဥက္ကဋ္ဌ ဒေါ်အောင်ဆန်းစုကြည် သည် ဟဲဟိုး၊ အောင်ပန်း၊ ကလောမြို့များတွင် မဲဆွယ် စည်းရုံးရေး လုပ်ငန်းများ လာရောက်လုပ်ကိုင်မည် ဖြစ်သည်။
ဒေါ်အောင်ဆန်းစုကြည်အား ကြိုဆိုရန် တောင်ကြီး၊ ဟဲဟိုး၊ ညောင်ရွှေ၊ ရွှေညောင်၊ ရပ်စောက်၊ ရွာငံ၊ ဘော်ဆိုင်း စသည့်ဒေသများမှ ပြည်သူလူထု က ပြင်ဆင်မှုများ ပြုလုပ်နေကြောင်း၊ ရပ်ဝေးမှလာရောက်မည့် သူများအတွက် ဒေသခံများက ကောက်ညှင်းပေါင်း၊ ထမင်း၊ သောက်ရေသန့် များကို ပြင်ဆင်ထားကြောင်း သိရသည်။
ဧပြီ ၁ ရက်ကျင်းပမည့် ကြားဖြတ်ရွေးကောက်ပွဲတွင် NLD သည် လစ်လပ်နေရာ ၄၈ နေရာအားလုံး ၀င်ရောက် ယှဉ်ပြိုင်မည်ဖြစ်ပြီး ကြံ့ခိုင်ရေး ပါတီကလည်း ထိုနေရာ အားလုံး ယှဉ်ပြိုင်မည် ဖြစ်ကြောင်း သိရသည်။

ဒေါ်စုကို ကန့်ကွက်မှု တိုင်းကော်မရှင် အပြီးပြတ်ပယ်ချ

 ဒေါ်အောင်ဆန်းစုကြည်အား လွှတ်တော် ကိုယ်စားလှယ်လောင်းအဖြစ် အမည်စာရင်း တင်သွင်းမှု ကန့်ကွက်လွှာကို ရန်ကုန်တိုင်း ရွေးကောက်ပွဲ ကော်မရှင်မှ ပယ်ချလိုက်ပြီး တချိန်တည်းတွင် လွှတ်တော် ကိုယ်စားလှယ်လောင်းအဖြစ် အသိအမှတ်ပြုလိုက်ပြီဟု ရန်ကုန်တိုင်း ရွေးကောက်ပွဲ ကော်မရှင်ဥက္ကဋ္ဌ ဦးကိုကိုက မဇ္ဈိမကို ပြောသည်။

"အယူခံလွှာကို တိုင်းဒေသကြီး ကော်မရှင်အဖွဲ့ခွဲက ပလပ်လိုက်ပါတယ်။ ကိုယ်စားလှယ် လောင်းတွေကိုလည်း ဒီနေ့ ထုတ်ပြန်ခိုင်းလိုက်ပါပြီ။ ၃:၃ဝ လောက်က အန်ကယ်တို့ ထုတ်ပြန်ခိုင်းလိုက်ပြီ" ဟု ဦးကိုကို က ပြောသည်။

ရန်ကုန်တိုင်း ကော့မှူးမြို့နယ် မဲဆန္ဒနယ်အတွက် ဒေါ်အောင်ဆန်းစုကြည်နှင့် ယှဉ်ပြိုင်မည့် ညီညွတ်ရေးနှင့် ငြိမ်းချမ်းရေး ပါတီ၏ ကိုယ်စားလှယ်လောင်း ဦးတင်ရီ၏ ဒေါ်အောင်ဆန်းစုကြည်အား ကန့်ကွက်လွှာကို တိုင်းရွေးကောက်ပွဲ ကော်မရှင်မှ အင်္ဂါနေ့တွင် ပလပ်လိုက်ခြင်း ဖြစ်သည်။

ယင်းအပြင် ရန်ကုန်တိုင်း ကော့မှူးမြို့နယ်တွင် ဝင်ရောက်အရွေးခံကြမည့် လွှတ်တော် ကိုယ်စားလှယ်လောင်းများ အဖြစ် အမျိုးသားဒီမိုကရေစီအဖွဲ့ချုပ် NLD မှ ဒေါ်အောင်ဆန်းစုကြည်၊ ကြံ့ခိုင်ရေးပါတီမှ ဒေါက်တာစိုးမင်း၊ ညီညွတ်ရေးနှင့် ငြိမ်းချမ်းရေးပါတီမှ ဦးတင်ရီတို့ကိုလည်း ကိုယ်စားလှယ်လောင်းအဖြစ် ရန်ကုန်တိုင်း ရွေးကောက်ပွဲ
ကော်မရှင်က အင်္ဂါနေ့တွင် အသိအမှတ်ပြုလိုက်ခြင်းဖြစ်သည်။

ဦးတင်ရီ၏ ကန့်ကွက်လွှာတွင် ဒေါ်အောင်ဆန်းစုကြည်သည် အင်္ဂလန်နိုင်ငံတွင် အမြဲတမ်း နေထိုင်ခွင့်ကဒ် ရရှိထားသူ
ဖြစ်ခြင်း၊ ရရှိသည့် ဆုငွေများကို နိုင်ငံခြားဘဏ်များတွင် အပ်နှံထားခြင်း၊ အိန္ဒိယနိုင်ငံ နယူးဒေလီတွင် နေထိုင်စဉ် အခွန်ငွေများကို မြန်မာသံရုံးသို့ ပေးဆောင်ခြင်းမရှိဘဲ ဗြိတိန်အစိုးရသို့သာ ပေးဆောင်ခြင်းတို့ကြောင့် နိုင်ငံခြားသား အကျိုးကျေးဇူးများကို ခံစားနေသူဖြစ်သည်ဟု စွပ်စွဲထားပြီး ၂ဝဝ၈ ဖွဲ့စည်းပုံ အခြေခံဥပဒေပုဒ်မ ၁၂၁ နှင့် ငြိစွန်း
နေခြင်းကြောင့် ကန့်ကွက်ခြင်းဖြစ်သည်ဟု ဖေါ်ပြထားသည်။

၂ဝဝ၈ ဖွဲ့စည်းပုံအခြေခံဥပဒေ ပုဒ်မ ၁၂၁ ပုဒ်မခွဲ (စ) တွင် နိုင်ငံခြားအစိုးရ၏ လက်အောက်ခံ ဖြစ်သူသော်လည်း
ကောင်း၊ တိုင်းတပါး၏ နိုင်ငံသားသော်လည်းကောင်း ခံစားရသော အခွင့်အရေးများ သို့မဟုတ် ကျေးဇူးခံစားခွင့်များကို ခံစားနိုင်ခွင့် ရှိသူသည် ရွေးကောက်ပွဲတွင် ရွေးကောက်တင်မြှောက်ခံပိုင်ခွင့် မရှိရဟု ဖေါ်ပြထားသည်။

ဦးတင်ရီ၏ အထက်ပါ စွပ်စွဲချက်များများနှင့် ပတ်သက်၍ ခိုင်လုံသည့် သက်သေ အထောက်အထား မရှိခြင်းကြောင့် ကန့်ကွက်မှုကို ပယ်ချလိုက်ခြင်းဖြစ်သည်ဟုလည်း ဦးကိုကိုက မဇ္ဈိမကို ပြောသည်။

"ဒေါ်အောင်ဆန်းစုကြည်ဟာ အိန္ဒိယမှာနေခဲ့တုန်းက အခွန်ငွေ မဆောင်ခဲ့ဘူးပေါ့။ အဲဒီလိုမျိုး သူပြောရုံနဲ့တော့ အန်ကယ်တို့က လက်မခံဘူး။ အထောက်အထား အခိုင်အမာ တင်ပြရမယ်။ အဲဒီလိုမျိုး မဆောင်ခဲ့တာကို ဘယ်မှတ်တမ်း မှတ်ရာတွေရှိသလဲ။ သက်ဆိုင်ရာ သံရုံးက စာရွက်စာတမ်း ပြလေ။ သူ ရအောင်ယူပြီး အန်ကယ်တို့ကို တင်လေ။ ဟိုစာစောင်ထဲမှာ ပါတာကိုကူး၊ ဒီက ကြားတာကို ထည့်ရေး၊ ဒါမျိုးဆိုရင်တော့ ခိုင်မာတဲ့ အထောက်အထား မဟုတ်ဘူးလေ။ ခိုင်မာတဲ့ သက်သေအထောက်အထားတွေ တင်သွင်းဖို့ သူ့မှာ တာဝန်ရှိပါတယ်" ဟု ဦးကိုကိုက
ပြောသည်။

ဦးတင်ရီသည် သူ၏ ကန့်ကွက်လွှာကို ရန်ကုန်တောင်ပိုင်းခရိုင် ရွေးကောက်ပွဲကော်မရှင်ကို တင်သွင်းခဲ့သေးပြီး ဇန်နဝါရီလ ၁၁ ရက်နေ့တွင် ပယ်ချပြီးနောက် အယူခံကို တိုင်း ရွေးကောက်ပွဲကော်မရှင်သို့ ထပ်မံတင်ပြခဲ့ရာ တိုင်းရွေးကောက်ပွဲကော်မရှင်က ယခုကဲ့သို့ ပယ်ချလိုက်ခြင်းဖြစ်သည်။

ဦးတင်ရီ၏ ကန့်ကွက်မှုနှင့် ပတ်သက်၍ တိုင်းရွေးကောက်ပွဲကော်မရှင်၏ ဆုံးဖြတ်ချက်သည် အပြီးအပြတ် ဖြစ်သည် ဟု ပြည်သူ့လွှတ်တော် ရွေးကောက်ပွဲ နည်းဥပဒေ ပုဒ်မ ၂၇၊ ပုဒ်မခွဲ (ခ) တွင် ပြဋ္ဌာန်းထားသည်ကို တိုင်းရွေးကောက်ပွဲ
ကော်မရှင်ဥက္ကဋ္ဌ ဦးကိုကိုက ကိုးကားကာ "ဒါ့ကြောင့် အန်ကယ်တို့က နောက်ထပ်တကြိမ်ကိုတော့ အန်ကယ်တို့က လက်မခံတော့ဘူး။ ရှေ့လုပ်ရမယ့် အလုပ်ကိုပဲ ဆက်လုပ်တော့မယ်။ ဒါနဲ့ အချိန်ကုန်မခံနိုင်တော့ဘူး" ဟု မဇ္ဈိမကို
ပြောသည်။

ထို့ပြင် အမျိုးသားဒီမိုကရေစီအင်အားစု NDF ပါတီကလည်း ဦးတင်ရီ၏ ကန့်ကွက်မှုကို လက်မခံနိုင်ကြောင်း တနင်္ဂနွေနေ့က ကြေညာချက်ထုတ်ပြန်ခဲ့သေးသည်။

"ဒီမိုကရေစီနိုင်ငံကို သွားတဲ့အခါမှာ မြန်မာ့ ဒီမိုကရေစီ ခေါင်းဆောင်လို့ သတ်မှတ်ထားတဲ့ ပုဂ္ဂိုလ်တယောက်ကို ဒီလိုကန့်ကွက်ခြင်းဟာ ပြည်သူလူထု မျှော်လင့်ချက်တွေကိုလည်း ရိုက်ချိုးရာရောက်တယ်။ ဒီမိုကရေစီ အစဉ်အလာ
တွေကိုလည်း ပစ်ပယ်ရာရောက်တယ်။ နိုင်ငံရေး ဖြစ်စဉ်ကြီးကိုလည်း အားနည်းအောင် လုပ်ရာကျတယ်။ ဒါ့ကြောင့် ဒါကို ကျနော်တို့ လက်မခံဘူးလို့ ပြောတာပါ။" ဟု NDF မူဝါဒရေးရာကော်မတီခေါင်းဆောင် ဦးခင်မောင်ဆွေက မဇ္ဈိကို ပြောသည်။

ဒေါ်အောင်ဆန်းစုကြည်သည် ကော့မှူးမြို့နယ်မှ ဝင်ရောက်ယှဉ်ပြိုင် အရွေးခံရန်အတွက် ကရင်တိုင်းရင်းသား အများစုနေထိုင်သည့် ဝါးသင်္ခရွာတွင် သန်းခေါင်စာရင်း ဝင်ထားပြီးဖြစ်သည်။

 “အဲဒီမှာ ပြိုင်မယ်ဆိုတော့ ကော့မှူးကနေပြီးတော့ မဲထည့်ရမယ်လေ။ အန်တီက အဓိကကတော့ အဲဒီရွာကို ရွေးတာ ကတော့ ကရင်တိုင်းရင်းသားတွေရွာမို့လို့ပါ။ အဲတော့လည်း ကရင်တိုင်းရင်းသားတွေနဲ့ ပိုပြီးတော့ နီးနီးကပ်ကပ်
နေနိုင်အောင်လို့ အဲဒီရွာမှာ မဲထည့်ဖို့ ရွေးလိုက်တာပဲ”ဟု သတင်းမီဒီယာများကို ဒေါ်အောင်ဆန်းစုကြည်က ပြောဆို ခဲ့သည်။

ကော့မှူးမြို့နယ်တွင် လူဦးရေ စုစုပေါင်း ၁၃၅,ဝဝဝ ခန့် ရှိသည့်အနက် ၂ဝ၁ဝ စာရင်းများအရ မဲထည့်နိုင်သူ စုစုပေါင်း အရေအတွက်မှာ ၈၃,ဝဝဝ ခန့် ရှိကြောင်း သိရှိရသည်။
 ချင်းမိုင် (မဇ္ဈိမ)

ဒေါ်အောင်ဆန်းစုကြည် ကို ဒေါ်အင်ဖန်ဂျာရာ ပြောခဲ့တဲ့စကားတွေ

ဒေါ်အောင်ဆန်းစုကြည် ကို ဒေါ်အင်ဖန်ဂျာရာ ပြောခဲ့တဲ့စကားတွေ

by Yangon Press International on Saturday, 25 February 2012 at 08:25 ·

မြစ်ကြီးနား၊ ဖေဖေါ်ဝါရီ ၂၅၊ ၂၀၁၂ (YPI) (ဆိုင်းဆွတ်)

ဖေဖေါ်ဝါရီလ ၂၃ ရက်နေ့ ည ၈နာရီ မြစ်ကြီးနားမြို့ မနောကွင်း မဂျွယ်ခန်းမမှာ ကချင်ပြည်နယ်သို့ စည်းရုံးရေး ခရီးစဉ်အဖြစ် ရောက်ရှိနေတဲ့ ဒေါ်အောင်ဆန်းစုကြည်နဲ့ တိုင်းရင်သား ခေါင်းဆောင်းများ၊ ဘာသာရေး ခေါင်းဆောင်များနဲ့ ညစာအတူစားခဲ့ကြပါတယ်။ ထိုစဉ်က ကချင်အတိုင်ပင်ခံအဖွဲ့ နာယက

ဒေါ်အင်ဖန်ဂျာရာ နဲ့ ဒေါ်အောင်ဆန်းစုကြည်တို့ ပြောဆိုကြတဲ့အကြောင်းကို YPI သတင်းထောက်က ဒေါ်အင်ဖန်ဂျာရာကို မေးမြန်းထားပါတယ်။

ဒေါ်အင်ဖန်ဂျာရာ။ ။ ည ၈နာရီ ကနေ စပြီး ၁၀ နာရီ လောက်အထိ စကားပြောဖြစ်ခဲ့ပါတယ် သူက အဖွားကို မေးခွန်း နှစ်ခုပဲမေးပါတယ်။

အဲဒါတွေက

၁- KIA က ဘာလို့ဖြစ်လာတာလဲ

၂ – ဒီနေ့အထိ ဘာကြောင့် ငြိမ်းချမ်းရေး ဆွေးနွေးလို့ မရသေးတာလဲ ဆိုတာကို ဒေါ်အောင်ဆန်းစုကြည်က မေးခဲ့ပါတယ်။ အရမ်းအရေးကြီးတဲ့ မေးခွန်တွေကို သူမေးခဲ့ပါတယ်။

ကျွန်မ ပြန်ပြောပြလိုက်ပါတယ်၊ အရင်ကတည်းက ကချင်နိုင်ငံဆိုပြီးရှိခဲ့တာပါ ဘယ်ဘုရင်ကမှ ဒီနေရာက ကချင်တွေအတွက်ဆိုပြီး ပေးထားတာမဟုတ်ပါဘူး၊ ကချင်တွေက ကိုယ်နေရာ ကိုယ့်နိုင်ငံ ကိုယ့်ဒေသနဲ့ ကိုယ် နေထိုင်ခဲ့ကြတဲ့သူတွေဖြစ်တယ်၊ ကိုယ့်နိုင်ငံ ကိုယ့်နေရာနဲ့ကိုယ်အုပ်ချုပ်ပြီး ငြိမ်ငြိမ်းချမ်းချမ်း နေထိုင်ခဲ့ ကြတာဖြစ်တယ်၊ ကျွန်မတို့ ကချင်လူမျိူးတွေဟ မြန်မာပြည်ဘက်ကိုလည်း မသွားဘူး မြန်မာလူမျိုးတွေကလည်း ကချင်လူမျိူးတွေကို တောသား လူရိုင်းတွေဆို ပြီး အရမ်းကြောက်ခဲ့တာ။

ဗြိတိသျှ အုပ်ချူပ်တုန်းက ကျွန်မတို့ ကချင်လူမျိူးတွေဟာ စစ်ရေးစစ်ရာ တိုက်ခိုက်တဲ့နေရာမှာ ကျွမ်းကျင်တဲ့ လူမျိူးတွေဖြစ်တယ်၊ ပထမ ကမ္ဘာစစ်နဲ့ ဒုတိယ ကမ္ဘာစစ် ဂျပန်ခေတ် တွေမှာ ကချင်လူမျိူးတွေ တော်တော်များများ ပါဝင် တိုက်ခိုက်ပါဝင်ခဲ့ကြတယ်၊

ဒီလိုနဲ့ ၁၉၄၇ ခုနှစ်မှာ ဗိုလ်ချူပ်အောင်ဆန်း ကချင်ပြည်နယ်ကိုတက်လာတာဖြစ်တယ်၊ ကျွန်မ က အဲဒီအချိန် ၁၅ ၊ ၁၆ နှစ်ဘဲရှိသေးတယ်၊ အဲဒီတုန်းက ကျွန်မ ကြိုဆိုဧည့်ခံရေး အဖွဲ့မှာပါဝင်ခဲ့တယ်၊ အခုကျွန်မ အသက် ၈၀ ကျော်ပြီလေ၊ ဗိုလ်ချူပ်အောင်ဆန်းက ဗြိတိသျှ တွေဆီက လွတ်လပ်ရေးရအောင်ဆိုပြီး တခြားလူမျိုးတွေဆီ မသွားပဲ ကချင်ပြည်နယ်ကို အရင်လာတာဖြစ်တယ်။

ကချင်ခေါင်းဆောင်တွေနဲ့ တွေ့ဆုံဆွေးနွေးခဲ့ကြတယ်၊ အစကတော့ လွတ်လပ်ရေးမှာ

မပါဝင်ချင်ဘူး၊ ဒါပေမဲ့ အောင်ဆန်းက ကချင်တစ်ကျပ် ဆို မြန်မာတစ်ကျပ်ဆိုတဲ့ အခွင့်အရေးပေးမယ်ဆိုပြီး ပြည်ထောင်စုမူ အရ ကျွန်တော်တို့ယူကြမှပါ ခင်ဗျားတို့ မကြိုက်ရင်လည်း နောက် ၁၀နှစ်လောက်ဆို ပြန်ခွဲထွက်လို့ ရတယ်ဆိုလို့ ကချင်တွေ ပင်လုံစာချုပ်မှာ လက်မှတ်ရေးထိုးခဲ့ကြတာပါ။

ကချင်တွေ ပင်လုံစာချုပ်ချုပ်ဖို့ သဘောတူလို့ ရှမ်းပြည်ကိုရောက်တယ် ရှမ်းတွေလည်း လွတ်လပ်ရေးကို မလိုချင်ကြဘူး ဒါပေမဲ့ ကချင်နောင်တော်ကြီးတွေတောင် သဘောတူတယ်ဆိုတော့ ဆိုပြီး ရှမ်းတွေလည်းသဘောတူ လက်မှတ်ရေးထိုးခဲ့ကြတယ်။ ပြီးတော့ ချင်းတွေ ပြန်ရောက်လာတယ် ချင်းတွေရော ဒီအတိုင်းဘဲ သဘောမတူဘူး လွတ်လပ်ရေးကို မလိုချင်ကြဘူး၊ ဒါပေမဲ့ ကချင်နဲ့ ရှမ်းတောင် လက်မှတ်ရေးထိုးတယ်ဆိုပြီးသူလည်း သဘောတူခဲ့တယ်၊

ပင်လုံမှာလက်မှတ်ရေးထိုးတာက ဗမာ ကိုယ်စား အောင်ဆန်း (ဖဆပလ) ခေါင်းဆောင် လက်မှတ်ထိုးတယ် ကချင်၊ ရှမ်း၊ ချင်း လေးဦး သဘောတူပြီး ပင်လုံမှာ စာချုပ်ချုပ်ခဲ့တာဖြစ်ပါတယ်၊ ၁၉၄၈ ဇန်န၀ါရီ ၄ မှာ လွတ်လပ်ရေး ရတာဖြစ်တယ်၊ ဒါပေမဲ့ ရှင့်အဖေ ပေးထားတဲ့ ကတိစကားကို ကျွန်မတို့ အရမ်းအားကိုးနားထောင်ပြီး လက်ခံထားတာကို အောင်ဆန်းမရှိတော့လို့ ကျွန်မတို့ အရမ်းဝမ်းနည်းပြီး စိတ်ပျက်သွားတယ်၊

အဲဒီအချိန်က စပြီး ကျွန်မတို့ ကချင်တွေက ဘာ အခွင့်အရေးမှ မရတော့တာပါ၊ ဦးနုက ဖဆပလ (ဥက္ကဋ္ဌ) တက်လာတော့ ကချင်တွေကို ဘာမှ မဟုတ်သလို ဆက်ဆံခဲ့တာပါ၊ ဒီလိုနဲ့ ကျွန်မတို့ ကချင်ပြည်နယ် တရုတ်ပြည်နယ်စပ်က ဖီမော်၊ လံကိုင် နယ်မြေကို ဘယ်သူ့ကိုမှ မတိုင်ပင်ဘဲ တရုတ်တွေကို ရောင်းစားလိုက်တာဟုတ်တယ်။ ဒါကြောင့် အရမ်းဝမ်းနည်းတယ် အခုထိလည်း ၀မ်းနည်းနေတုန်းပါဘဲ။

၁၉၆၂ မှာ ကျွန်မတို့ ကချင်တွေ သူပုန်ထလာတာဖြစ်တယ်၊ ဒါဘာဖြစ်လို့လဲဆိုတော့ နိုင်ငံတော်ဘာသာ ဆိုတာကို ဘယ်သူ့ကိုမှ တိုင်ပင်တာမရှိပဲ ဦးနု သူ့ဟာသူ စီစဉ်လုပ်ခဲ့တယ် နိုင်ငံတော်ဘာသာမှာ ဆိုရင် (တစ်နိုင်ငံလုံး ဗုဒ္ဓဘာသာ ဖြစ်ရမယ်ဆိုတဲ့ ဦးတည်ချက်နဲ့သွားရမယ်) ကျန်တဲ့ ခရစ်ယာန် ၊နတ်စား ၊ စတဲ့ ဘာသာတွေကို နှိမ်သလိုဖြစ်လာပြီး ဒါကြောင့် KIO တော်လှန်ရေးစလာတာပါ၊ ကချင်တော်လှန်ရေးကိုစခဲ့တာ နော်ဆိုင်းဟုတ်ပါတယ် နော်ဆိုင်းက ရှမ်းပြည်ကနေ ကချင်ဖက်ကိုတက်လာတော့ သူ့ကို ဘယ်သူမှ ကြိုဆိုထောက်ခံမဲ့သူ မရှိလို့ နော်ဆိုင်းက တရုတ်ကွန်မြူနစ်တွေနဲ့ ပေါင်းသွားတာဖြစ်တယ်။

ကျွန်မတို့ ကချင်တွေက မြန်မာတွေကို သတ်မယ်ဖြတ်မယ်ဆိုတဲ့ စိတ်ဓာတ်လုံးဝ မရှိပါဘူး ဗမာကို မုန်းရအောင်နော်ဆိုတဲ့ စိတ်လည်းမရှိပါဘူး၊ ဒါပေမယ့် ကိုယ့်နိုင်ငံကိုယ့်ပြည်ကို ကိုယ်ပိုင်ဆိုင်ခွင့် အရင်က ပိုင်ဆိုင်သလို ပိုင်ဆိုင်ခွင့် ကိုယ့်နိုင်ငံကြီးပွားတိုးတက်ဖို့ ကိုယ့်ခြေထောက်ကိုယ် ရပ်တည်သွားမယ် ဆိုပြီး ပြောကြည့်ရင်လည်း မဖြစ်လို့ တော်လှန်ရေး KIO ဆိုတာ ဖြစ်လာတာဟုတ်တယ်၊

ဒီနေ့ အထိလည်း ဒါပါပဲ တခြားတော့ ဘာမှမဟုတ်ဘူး အပစ်ခေတ်ရပ်စဲရေးကို ၁၇ နှစ်ကြာအောင် ပြန်လုပ်ခဲ့ပြီးပြီး ကျွန်မတို့ အရမ်းပျော်ရွင်ခဲ့ပါတယ်၊ ဒီအပစ်ခတ်ရပ်စဲရေး လုပ်ပြီး တော့ နောက်တစ်ဆင့်အနေနဲ့ ငြိမ်းချမ်းရေး လုပ်ဖို့ လိုအပ်လာတယ်၊

အပစ်အခတ်ရပ်စဲရေးက ငြိမ်းချမ်းရေးမဟုတ်ဘူး..ငြိမ်းချမ်းရေး ဆိုတာ နိုင်ငံရေးအရ စားပွဲပေါ်မှာ ပြုလုပ်ဖို့ဖြစ်တာ ဒါကို လုပ်ခွင့်မပေးဘူး KIO အနေနဲ့ ခဏခဏတောင်းဆိုတယ် မလုပ်ပေးခဲ့ဘူး “ပြည်သူ့အစိုးရပေါ်လာတော့မယ် မင်းတို့ သိပ်မလောကြနဲ့ ဆိုပြီးပြန်ပြောတယ်” ပြည်သူ့အစိုးရ ပေါ်လာပြီး အစည်းအဝေးတောင် မလုပ်သေးဘူး သူတို့ အရင်ပစ်တယ် ၂၀၁၂ ဇွန် ၉ မှာ စစ်စဖြစ်တယ်။

အခု ကချင်ပြည်နယ်မှ မြန်မာစစ်သား ၁သိန်းကျော်ပြီး သိလား.. ဒုံးကျည် ၂သောင်း ရောက်နေတယ်.. အမြောက်တွေလည်း အများကြီးရောက်နေတယ် ကချင်နဲ့ခရစ်ယာန်တွေကို အမြစ်ပြတ်သွားအောင် လုပ်သွားမှာဖြစ်တယ်။

ဘာဖြစ်လို့လဲဆိုတော့ အပြင်က လောဘ စိတ်ကြောင့်ဟုတ်တယ် ကျွန်မတို့ကချင်ပြည်နယ်မှာ သံယဇာတပေါများတယ် ဒါကြောင့်နယ်မြေကို လုယူပိုင်ဆိုင်ချင်လို့ဖြစ်တယ် လို့ ကျွန်မတို့ ကတော့ ဒီလိုပဲ ထင်ကြပါတယ်။

ကချင်လွတ်လပ်ရေးအဖွဲ့ ကတောင်းဆိုထားတာကက (၁) ပင်လုံစာချုပ် ပင်လုံစိတ်ဓာတ် နိုင်ငံရေးကို နိုင်ငံရေးလို စားပွဲပေါ်မှာ ပင်လုံ အခြေခံပြီး ဆွေးနွေးမယ် (၂ ) ကချင်ပြည်နယ် ရောက်နေတဲ့ တပ်မတော်သားတွေ ကို ကိုယ့်နေရာကိုယ်ပြန်ဆုတ်ခိုင်း ဒါဆိုရင် အပစ်အခတ်ရပ်မယ် စာချုပ်ချုပ်မယ်ဆိုရင်နိုင်ငံတကာက လူတွေကိုခေါ်ပြီး စာချုပ်ချုပ်မယ်ဆိုပြီးတောင်းဆိုထားတာ အခုထိတော့ဘာမှ အကြောင်းပြန်လာတာ မရှိသေးဘူး၊

ဒေါ်စုက အံသြစွာနဲ့ လည်ပင်းတောင် စောင်းတယ် ကျွန်မပြောတာကို နားထောင်နေတာ သူက ဘာမှမသိတဲ့ပုံပဲ မင်းကအဲဒီတုန်းက ငယ်သေးတယ်လေ ပြီးတော့ မင်းအမေနောက်လိုက်သွားရတော့ ငါတို့ဒီက သမိုင်းကြောင်းကို ဘာမှ မသိလိုက်ဘူးပေါ့ လို့ကျွန်မပြောခဲ့တယ်။

အထက်က ပြောဆိုခဲ့သည်များမှာ ဒေါ်အောင်ဆန်းစုကြည်အား ဒေါ်အင်ဖန်ဂျာရာက ပြောဆိုခဲ့သည့် စကားများကို ၎င်းကိုယ်တိုင် ပြန်လည်ပြောပြတာ ဖြစ်ပါတယ်။

ထိုနေ့ညက ရှင်းပြအပြီး ဒေါ်အောင်ဆန်းစုကြည်အား သူပြောချင်တဲ့ စကားတစ်ခွန်းဖြစ်သည့် “မြန်မာ့နည်းမြန်မာ့ဟန် ဆိုရှယ်လစ် အခုလည်း မြန်မာ့နည်းမြန်မာ့ဟန် ဒီမိုကရေစီ မလုပ်ရင်ကောင်းတယ်” ဆိုတာကို မီးပျက်သွားတာကြောင့် မပြောလိုက်ရဘူးလို့ ဒေါ်အင်ဖန်ဂျာရာ က YPI ကိုပြန်ပြောပြပါတယ်။

အဲဒီ့နောက် YPI သတင်းထောက်က ဒေါ်အောင်ဆန်းစုကြည် ဘာကြောင့် ကချင်ပြည်နယ်သို့ လာသည်ထင်သလဲ ဟုမေးရာ

“ ဒေါ်အောင်ဆန်းစုကြည် ပါတီစည်းရုံးရေး ထွက်လာတယ် ထင်တာပဲ” လို့ဖြေဆိုပါတယ်။

ဒေါ်အောင်ဆန်းစုကြည် ကချင်ပြည်နယ် လာတဲ့အပေါ် ဘာမျှော်လင့်ထားလဲ ဆိုတဲ့ မေးခွန်းကိုတော့

“ ဘာမှ ထူးထူးခြားခြား မမျှော်လင့်ပါဘူး၊ ပါတီစည်းရုံးရေး သက်သက်ပဲ ထွက်လာတယ်၊ တကယ်လို့ သူရွေးကောက်ပွဲမှာ နိုင်လို့ လွှတ်တော်မှာ ၀င်ထိုင်ဖြစ်ရင်တော့ ကချင်ပြည်နယ်အတွက် မျှော်လင့်ချက် အတော်များများ ရှိတယ် ” လို့ဖြေသွားပါတယ်။

YPI

ဒီမိုကရေစီလမ်းကြောင်းနှင့် ကိုက်ညီမှု မရှိသည့် ဧည့်စာရင်း တိုင်ကြားခြင်း ဥပဒေကို ဆက်လက် ပြဌာန်း

ခတ္တာနွန်

ဧည့်စာရင်း တိုင်ကြားခြင်း ဥပ ဒေကို ရပ်ကွက် သို့မဟုတ် ကျေးရွာ အုပ်စု အုပ်ချုပ်ရေး ဥပ ဒေတွင် ဖေဖော် ဝါရီလ ၂၄ ရက်နေ့က ပြည်သူ့ လွှတ်တော်၌ အတည်ပြု ခဲ့သည်။

ယင်း ဥပဒေပါ အခန်း (၉) ပုဒ်မ ၁၇ / (က) (ခ) တွင် မိမိ အိမ်ထောင်စု စာရင်းဝင် မဟုတ် သူက ညဉ့်အိပ် ညဉ့်နေ ဧည့်သည် အဖြစ် လာရောက် တည်းခိုခြင်း၊ မိမိထံ လာရောက် တည်းခိုသော ဧည့်သည် ပြန်လည် ထွက်ခွာ သွားခြင်း တို့ကို သက်ဆိုင်ရာ ရပ်ကွက်/ကျေး ရွာ အုပ်ချုပ် ရေးမှူးထံ သတ်မှတ် ချက်နှင့် အညီ တိုင်ကြားရန် တာဝန်ရှိ သည်ဟု ၂၅ ရက် နေ့ထုတ် မြန်မာ အစိုးရ သတင်းစာ များတွင် ယင်း ဥပဒေ ကိုဖေါ်ပြ ခဲ့သည်။

“အခုလို ဒီဥပ ဒေကို ထည့်သွင်း ထားလိုက်ခြင်း အားဖြင့် ကျနော် တို့နိုင် ငံမှာ ငြိမ်းချမ်း သာယာ နေပြီ ဆိုတဲ့ အခြေ အနေမျိုး မရှိသေး ဘူး ဆိုတာကို ဖော်ပြ နေသ လိုဖြစ် နေပါတယ်” ဟု မြန်မာ နိုင်ငံ ရှေ့နေများ ကောင်စီမှ ဦးမျိုး (ဥပဒေ ရေးရာ သုံးသပ်ရေး ဌာန) က ပြောသည်။

မိမိတို့နိုင်ငံ ငြိမ်းချမ်း၍လွတ်လပ်နေပြီဟု ယုံကြည်လျှင် ယင်းကဲ့သိုသော ဥပဒေအား ပြဌာန်းရန် မလိုကြောင်း ဦးမျိုး (ဥပဒေ) က ဆက် ပြောသည်။

ယင်းဥပဒေပါ အခန်း (၁၁) ပုဒ်မ ၂၇ အရ ဧည့်စာရင်းတိုင်ကြားခြင်းမပြုပါက အရေးယူခံရမည်ဖြစ်ကြောင်း၊ ပြစ်ဒဏ်အဖြစ် ကျပ်ငါး ထောင် ထက်မပိုသော ငွေဒဏ်နှင့်၊ ခုနစ်ရက်ထက်မပိုသော ထောင်ဒဏ်ကျခံရမည် ဖြစ်ကြောင်းလည်း ဖော်ပြထားသည်။

“ကိုယ့်နိုင်ငံ လွတ်လပ်ရေးမရခင် ကိုလိုနီခေတ်ကတည်းက မြိူ့ပြဆိုင်ရာအုပ်ချုပ်ရေး အက်ဥပဒေအရ ဧည့်စာရင်းမတိုင်ရင် အပြစ်ဒဏ် ပေးတာတို့ ထောင်ချတာတို့လုပ်ခဲ့တာပဲ၊ အခုလွတ်လပ်ရေးရပြီးကိုယ့်နိုင်ငံ အေးချမ်းနေပြီဆိုတဲ့အခြေအနေကို ပြနိုင်လောက်တဲ့ ဥပဒေ မျိုး မဟုတ်ဘူး” ဟု ဦးမျိုး (ဥပဒေ) မြန်မာနိုင်ငံ ရှေ့နေများ ကောင်စီမှ သုံးသပ်သည်။

တစ်ခြားသော ဒီမိုကရေစီနိုင်ငံများတွင် ဧည့်စာရင်းတိုင်ကြားခြင်းဥပဒေမရှိကြောင်း၊ ဒီမိုကရေစီနိုင်ငံသို့ချီတက်နေပြီဟုပြောဆိုနေပြီး ယင်းကဲ့သို့ ဥပဒေတစ်ရပ်အဖြစ် ထည့်သွင်းဖော်ပြထားခြင်းကို နားမလည်မိကြောင်းလည်း သူကဆက်ပြောသည်။

ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးရွေးချယ်ခန့်အပ်သည့်ပုံစံနှင့်ပတ်သက်၍ သမ္မတ ဦးသိန်းစိန်၏ ဗြောင်မဲ ပေး၍ ရွေး ချယ် သွားရန်အဆို ရှုံးနိမ့်ခဲ့သည်။

ဧည့်စရင်းတိုင်ကြားခြင်းဥပဒေသည် အင်္ဂလိပ်ကိုလိုနီလက်ထက် ၁၉၀၇ ခုနှစ်ကတည်းမှပြဌာန်းခဲ့ပြီး ယခု ကာလ အထိပြုပြင် ပြောင်းလဲ မှုမရှိဘဲ ဆက်လက်အတည်ပြုထားခြင်းဖြစ်သည်။

ဝါဏိဇ္ဖတရားရုံး၏ အဆုံးအဖြတ် တရားမျှတရန်မသေချာဟု ဦးဖိုးဖြူဆို

တိုင်ရီဖိနပ်စက်ရုံမှ ဆန္ဒပြအလုပ်သမားများ၏ လိုလားချက်များကို ၀ါဏိဇ္ဖတရားရုံးသို့ တိုင်ကြားထားသော်လည်း ယင်းတရားရုံးမှ ချမှတ်မည့်ဆုံးဖြတ်ချက်မှာ တရားမျှတမှုရှိရန် မသေချာကြောင်း ယနေ့ပြုလုပ်သည့် သတင်းစာရှင်းလင်းပွဲ၌ အလုပ်သမားများအရေးကို လိုက်ပါဆောင်ရွက်ပေးလျက်ရှိသည့် ရှေ့နေဦးဖိုးဖြူက  ပြောသည်။


“ အရင်အတွေ့အကြုံတွေအရပြောရရင် ၀ါဏိဇ္ဖရုံးက အလုပ်သမားတွေဘက်ကို အများကြီးလိုက်လျောတာမရှိဘူး။ သိပ်မျှော်လင့်ထားလို့မရဘူးဆိုတာ ထင်ရှားတယ်” ဟု ၎င်းကဆိုသည်။


ထိုသို့တရားမျှတရန်မသေချာသော်လည်း ၀ါဏိဇ္ဖရုံးသို့ တိုင်ကြားရခြင်းမှာ အလုပ်သမားများ၏ ဆန္ဒပြတောင်ဆိုမှုကို  ဥပဒေကြောင်းအရ ရှင်သန်စေလို၍ဖြစ်ကြောင်း ၎င်းကပြောကြားသည်။


 
ယနေ့ကျင်းပသည့် တိုင်ရီ စက်ရုံ အလုပ်သမား ဆန္ဒပြမှုနှင့် ပတ်သက်သည့်သတင်းစာရှင်းလင်းပွဲမှ အလုပ်သမားများ

ဦးဖိုးဖြူက “ ဆန္ဒဆက်ပြလို့ အလုပ်သမားတွေထဲက တစ်ယောက်ယောက်ကို အာဏာပိုင်က ဖိအားပေးမယ်ဆိုရင် ကျန်တဲ့သူတွေက ကြောက်လန့်ပြီး သပိတ်ပြိုကွဲသွားလိမ့်မယ်။ ဒါကြောင့် ၀ါဏိဇ္ဖကိုတင်ဖို့ ရွေးရတာပါ” ဟု ပြောသည်။


ယခုကဲ့သို့ ၀ါဏိဇ္ဖတရားရုံးသို့ တိုင်ကြားထားသော်လည်း မည်သည့်အချိန်တွင် ဆုံးဖြတ်ချက်ချမည်ကိုလည်း မိမိတို့အနေဖြင့် မသိရကြောင်း၊  ထို့ကြောင့် တိုင်ကြားစာတွင်  တရားရုံးမှ ဆုံးဖြတ်ချက်ချသည့် အချိန်အထိ အလုပ်သမားများအား  လစာပေးထားရန်ကိုလည်း ထည့်သွင်းတောင်းဆိုထားကြောင်း အလုပ်သမားခေါင်း ဆောင်တစ်ဦးက ဆိုသည်။
ဆန္ဒပြအလုပ်သမားခေါင်းဆောင်တစ်ဦးကလည်း ၀ါဏိဇ္ဖတရားရုံး၏ ဆုံးဖြတ်ချက် တရားမျှတခြင်းမရှိပါက ဆက်လက်ဆန္ဒပြသွားမည် ဖြစ်ကြောင်းပြောသည်။
“ ကျွန်မတို့ လိုလားချက်တွေ မရမခြင်း တောင်းဆိုသွားမှာပါ” ဟု ၎င်းကပြောသည်။

တိုင်ရီဖိနပ်စက်ရုံမှ အလုပ်သမားများအနေဖြင့် နေ့စဉ်ကြေး တစ်နာရီလျှင် ၇၅ ကျပ်မှ ၁၅၀ သို့တိုးမြှင့် ပေးရန်နှင့် ရက်မှန်ကြေးအား တစ်လလျှင် ၆၀၀၀ ကျပ်မှ ၈၀၀၀ ကျပ်သို့တိုးမြှင့်ပေးရန်ဆန္ဒပြတောင်းဆိုကြခြင်းဖြစ်သည်။ စက်ရုံပိုင်ရှင်ဘက်မှမူ နေ့စဉ်ကြေး တစ်နာရီလျှင် ၁၀၀ နှင့် လစဉ်ကြေးတစ်လလျှင် ၇၀၀၀ အထိသာ တိုးမြှင့်ပေးခဲ့သည်။
တိုင်ရီဖိနပ်စက်ရုံတွင် ဆန္ဒပြအလုပ်သမားပေါင်း  ၁၈၆၂  ဦးရှိပြီး ၀ါဏိဇ္ဖရုံးသို့ တိုင်ကြားရန်ကို ၁၃၁၁ ဦးက သဘောတူလက်ခံခဲ့သည်။ ကျန်ရှိအလုပ်သမားများအနက် ၂၂၇ ဦးမှာ စက်ရုံမှ တိုးမြှင့်ပေးသည့် လစာကို လက်ခံကာ လုပ်ငန်းခွင်သို့ပြန်လည်ဝင်ရောက်ခဲ့သည်။
ယခုအချိန်တွင် ယင်းအလုပ်သမားများအနေဖြင့် ၀ါဏိဇ္ဖတရားရုံးအပြင် လွှတ်တော်များရှိ ဥပဒေဆိုင်ရာကော်မတီများသို့ပါ တိုင်ကြားထားသည်။
ယခုကိစ္စသည် နှစ်အတန်ကြာအတွင်း အလုပ်သမားများ၎င်းတို့အခွင့်အရေးကို လူသိရှင်ကြား ဆန္ဒပြတောင်းဆိုသည့် အဖြစ်အပျက်တရပ်လည်း ဖြစ်သည်။
ယခင်နှစ်များက အလုပ်သမား ဆန္ဒပြမှုဖြစ်ပွားလျင်  ရဲလုံခြုံရေး တင်းကြပ်စွာချထားခြင်း ပြင်ပမှ အလုပ်သမားများ အရေးဆောင်ရွက်သူများ ၀င်ရောက်ကူညီခြင်းမပြုနိုင်အောင် ယူနီဖောင်းဝတ်နှင့် အရပ်ဝတ် လုံခြုံရေး အဖွဲ့ဝင်အများအပြား ချပြီး တားမြစ်ခြင်းတို့ကိုသာ တွေ့မြင်ရလေ့ ရှိသည်။
ယခုလက်ရှိ မြန်မာနိုင်ငံသုံးစွဲနေသည့် အလုပ်ရှင် အလုပ်သမား ပဋိပက္ခဥပဒေမှာ ကိုလိုနီခေတ်ကတည်း ကပြဋ္ဌာန်းထားသည့် ဥပဒေဖြစ်ပြီး အခြားသော နိုင်ငံများမှာကဲ့သို့ ဥပဒေဖြင့် အနိမ့်ဆုံး လုပ်ခသတ်မှတ်ချက် ပြဋ္ဌာန်းထားခြင်းမျိုးလည်း မရှိသေးပေ။
ဝါဏိဇ္ဖတရားရုံးဆိုသည်မှာ အလုပ်ရှင်နှင့်အလုပ်သမားများကြားဖြစ်ပွားလျက်ရှိသည့် ပဋိပက္ခများကို ကိုင်တွယ်သည့်တရားရုံးဖြစ်သည်။        ။

ရွှေညဝါ ဆရာတော်နဲ့ ၈၈ မျိုးဆက်ကျောင်းသားတွေရဲ့ဘုရား ထီးတော် တင်ပွဲ

ရွှေညဝါဆရာတော်နှင့် ၈၈ မျိုးဆက်ကျောင်းသားတွေ၏ ဘုရားထီးတော် တင်ပွဲ

ရွှေညဝါ ဆရာတော် ဦးပညာသီဟ ကိုယ်တိုင် ဦးစီးပြီး သီရိမင်္ဂလာ ရာပြည့် မော်ကွန်း စေတီတော် မြတ်ကြီးရဲ့နှစ် ၁၀၀ ပြည့် အထိမ်းအမှတ် ထီးတော်တင် အလှူမင်္ဂလာ အခမ်းအနားကို
မန္တလေးတိုင်း ရမည်းသင်းမြို့နယ် ဘုရားကုန်းကျေးရွာ ရွှေဒါးကုန်းအုပ်စုမှာ ဖေဖော်ဝါရီလ ၂၆ ရက်နေ့ နံနက် ၉ နာရီ ကျင်းပ ပြုလုပ်ခဲ့ရာမှာ ဒီအခမ်းအနားကို ကိုမင်းကိုနိုင်နဲ့ ၈၈ မျိုးဆက်
ကျောင်းသား ခေါင်းဆောင်တွေ ကိုဝင်းမော် ဦးဆောင်တဲ့ ရုပ်ရှင်နဲ့ ဂီတ အနုပညာရှင်တွေ တက်ရောက် ခဲ့ကြပါတယ်။

လူ ထောင်နှင့်ချီ အားပေးခဲ့ကြသည့် ပန်းပဲတန်း အန်အယ်ဒီ ရုံးခန်းသစ် ဖွင့်ပွဲ

ပန်းပဲတန်းမြို့နယ် အမျိုးသားဒီမိုကရေစီ အဖွဲ့ချုပ် ရုံးခန်းသစ်ဖွင့်ပွဲ

ရန်ကုန်တိုင်း ပန်းပဲတန်းမြို့နယ် ၂၈ လမ်းနဲ့ မောင်ထော်လေးလမ်းကြားမှာ ရှိတဲ့ အမျိုးသားဒီမိုကရေစီ အဖွဲ့ချုပ်ရဲ့ရုံးခန်းသစ်ဖွင့်ပွဲ အခမ်းအနားကို ဖေဖေါ်ဝါရီလ ၂၇ ရက်နေ့ မနက်ပိုင်းက
ကျင်းပ ခဲ့ပါသည်။ အမျိုးသားဒီမိုကရေစီ အဖွဲ့ချုပ် သဘာပတိ အဖွဲ့ဝင်များဖြစ်တဲ့ နာယက ဦးတင်ဦးနဲ့ ဟံသာဝတီ ဦးဝင်းတင်တို့က တက်ရောက် ဖွင့်လှစ် ပေးခဲ့ကြပြီး ပန်းပဲတန်းမြို့နယ်မှ
ပြည်သူများ ထောင်နှင့်ချီ တက်ရောက် အားပေး ခဲ့ကြပါသည်။

ကြောင်တောင်တောင်နိုင်သော အောက်လွှတ်တော်ဥက္ကဌ ရွှေမန်း၏အတွေးအခေါ်များ

အခြေအနေများကို အကျဉ်းချုံး သုံးသပ်လိုက်လျှင် တရုပ်ကို ပေးစရာအကြွေးပူရှိနေပုံရ၊

အနောက်နိုင်ငံများက မြန်မာပြည်ကိုချဉ်းကပ်မှု့များရှိလာဆိုသော အသုံးအနှုံးမှာ ကြောင်တောင်တောင်နိုင်သောတွေးခေါ်မှု့၊

ထိုသို့တွေးခေါ်မှု့များရှိနေသရွေှ့၊

ကိုယ်ပိုင်ယုံကြည်ချက်မရှိသည်မှာထင်ရှား၊ အားကိုးရှာ တရုပ်ကိုပေါင်းသောရွှေမန်း၏အပြောအဆိုကြောင့်ပြည်သူများစိတ်ပျက်ရ။

အနောက်ကြောင့် တရုတ်နှင့်ဆက်ဆံရေး ထိခိုက်ခံမည်မဟုတ်ဟု ဦးရွှေမန်းပြော

အနောက်နိုင်ငံများမှ မြန်မာနိုင်ငံကို ချဉ်းကပ်မှုများ ရှိလာသော်လည်း တရုတ်နိုင်ငံနှင့် ဆက်ဆံရေးကို အထိခိုက်ခံမည်မဟုတ်ဟု အောက်လွှတ်တော် ဥက္ကဋ္ဌ သူရဦးရွှေမန်းက တရုတ်နိုင်ငံ အမျိုးသား ကွန်ဂရက် ဥက္ကဋ္ဌ မစ္စတာ ဝူဘန်ကိုနှင့် တွေ့ဆုံစဉ် ပြောကြားခဲ့သည်ဟု တနင်္လာနေ့ထုတ် မြန်မာ့အလင်း သတင်းစာ တွင် ဖေါ်ပြပါရှိသည်။

တရုတ်နိုင်ငံသို့ ၅ ရက်ကြာ သွားရောက်ခဲ့သည့် ဦးရွှေမန်း၏ ခရီးစဉ်အတွင်း "အနောက်နိုင်ငံများမှ မြန်မာနိုင်ငံအပေါ် မည်ကဲ့သို့ပင် ပြန်လည်ချဉ်းကပ်မှုလာသော်လည်း မြန်မာနိုင်ငံအနေဖြင့် မိတ်ဆွေဖြစ်သည့် တရုတ်နိုင်ငံနှင့် ပူးပေါင်း
ဆောင်ရွက်မှုများကို မည်သို့မှ ထိခိုက်ခံမည်ဟုတ်ပါကြောင်း၊ နှစ်နိုင်ငံကြား ဘက်စုံမဟာဗျူဟာမြောက် ပူးပေါင်း
ဆောင်ရွက်မှု ဆက်ဆံရေးကို ဆက်လက် အလေးထား ဆောင်ရွက်သွားရမည်" ဟု မစ္စတာ ဝူဘန်ကို အား ပြောကြား ခဲ့သည်။

အနောက်နိုင်ငံများမှ မြန်မာနိုင်ငံကို ချဉ်းကပ်မှုများ ရှိလာသော်လည်း တရုတ်နိုင်ငံနှင့် ဆက်ဆံရေးကို အထိခိုက်ခံမည်မဟုတ်ဟု အောက်လွှတ်တော် ဥက္ကဋ္ဌ သူရဦးရွှေမန်းက တရုတ်နိုင်ငံ အမျိုးသား ကွန်ဂရက် ဥက္ကဋ္ဌ မစ္စတာ ဝူဘနကိုနှင့် တွေ့ဆုံစဉ် ပြောကြား (ဓါတ်ပုံ မဇ္ဈိမ)

၂ဝ၁၁ ခုနှစ် နိုဝင်ဘာလအတွင်းက မြန်မာနိုင်ငံသို့ လာရောက်ခဲ့သည့် အမေရိကန် နိုင်ငံခြားရေးဝန်ကြီး မစ္စစ် ဟီလာရီကလင်တန်၏ ခရီးစဉ်ကို ဦးရွှေမန်းက ရည်ညွှန်းကာ ပြောဆိုခဲ့ခြင်းဖြစ်သည်။

ထို့အပြင် မစ္စစ် ဟီလာရီ ကလင်တန်နှင့် တွေ့ဆုံစဉ်အတွင်း သူရ ဦးရွှေမန်း က "မည်သည့်နိုင်ငံ အဖွဲ့အစည်းဖြစ်စေ
မြန်မာပြည်သူပြည်သားများ ဒုက္ခရောက်စေမည့် မူဝါဒများ၊ အစီအမံများ၊ လုပ်ဆောင်ချက်များကို လက်မခံကြောင်း"
ပြောကြားခဲ့သည်ကိုလည်း မစ္စတာ ဝူဘန်ကို အား ပြန်လည်ပြောပြသည်ကို သတင်းစာတွင် ဖေါ်ပြထားသည်။

မစ္စတာ ဝူဘန်ကို ကလည်း အနောက်နိုင်ငံများမှ မြန်မာနိုင်ငံကို စိတ်ဝင်စားမှု များပြားနေသည်ကို သတိပြုမိပြီး နှစ်နိုင်ငံ ဆက်ဆံရာတွင် အချုပ်အခြာအာဏာ ပိုင်ဆိုင်မှုကို အပြန်အလှန် လေးစားသွားရမည်ဟု ပြန်လည်ပြောဆိုခဲ့ပြီး တရုတ်
နိုင်ငံ အနေဖြင့်လည်း အနောက်နိုင်ငံများနှင့် ဆက်ဆံရာတွင် မိမိနိုင်ငံ၏ အကျိုးစီးပွားကို အထိခိုက်ခံမည် မဟုတ်ဟု ဦးရွှေမန်းကို ပြန်လည်ပြောဆိုခဲ့သည်။

အနောက်နိုင်ငံများသည် ပတ်ဝန်းကျင် ထိန်းသိမ်းရေး ကိစ္စများ၊ ရာသီဥတု ပြောင်းလဲမှုများကို အကြောင်းပြကာ စီးပွားရေးလုပ်ငန်းအချို့ကို အနှောက်အယှက် ပြုနေသည်ဟု မစ္စတာဝူဘန်ကို က ပြောသည်။

ထို့အပြင် တရုတ်၊ မြန်မာ အကျိုးတူပူးပေါင်းဆောင်ရွက်ရန်ရှိသည့် ၂ဝ၁၁ စက်တင်ဘာလအတွင်း သမ္မတ ညွှန်ကြား ချက်ဖြင့် ရပ်ဆိုင်းခဲ့သော ကချင်ပြည်နယ် မြစ်ဆုံဆည် စီမံကိန်း ပတ်သက်၍လည်း "မြန်မာနိုင်ငံတွင် မြစ်ဆုံ ရေအား လျှပ်စစ် စီမံကိန်းအား ရပ်ဆိုင်းခဲ့ခြင်းသည် ပြည်တွင်း/ပြည်ပ အခြေအနေများကြောင့်ဖြစ်သည်”ဟု မစ္စတာ ဝူဘန်ကို က ပြောဆိုသည်။

သူရ ဦးရွှေမန်းကလည်း မြစ်ဆုံဆည် စီမံကိန်းကို သင်ခန်းစာယူကာ တရုတ်၊ မြန်မာ နှစ်နိုင်ငံပူးပေါင်း ဆောင်ရွက်နေ သည့် စီမံကိန်းများဖြစ်သော ကျောက်ဖြူ ရေနက်ဆိပ်ကမ်း၊ ရေနံနှင့် သဘာဝဓာတ်ငွေ့ ပိုက်လိုင်း လုပ်ငန်းများ၊ ကားလမ်းနှင့် မီးရထားလမ်း စီမံကိန်းကြီးများကို အောင်မြင်စွာ အကောင်အထည်ဖေါ်နိုင်ရေးအတွက် ဆက်လက် တာဝန်ယူ ဆောင်ရွက်သွားမည်ဟု ကတိပေးခဲ့သည်။

မစ္စတာ ဝူဘန်ကို က နှစ်နိုင်ငံအကြား လွှတ်တော်အဆင့် ပူးပေါင်းဆောက်ရွက်မှု မြှင့်တင်သွားရန်လိုအပ်ပြီး ကြံ့ခိုင်ရေး ပါတီနှင့် တရုတ် ကွန်မြူနစ်ပါတီတို့ လက်တွဲဆောင်ရွက်နိုင်ရန် နားလည်မှု စာချွန်လွှာများရေးထိုးကာ ပါတီနှစ်ခုကြား အမြင်ဖလှယ်နိုင်ရန် လိုအပ်သည်ကိုလည်း ကြံ့ဖွံ့ပါတီ၏ ဒုတိယဥက္ကဋ္ဌဖြစ်သူ သူရ ဦးရွှေမန်းကို ပြောကြားခဲ့သေးသည်။ ထိုပြောကြားချက်ကို ဦးရွှေမန်း က လက်ခံသဘောတူခဲ့ပြီး လွှတ်တော်အမတ်များ အချင်းချင်း အပြန်အလှန် ဖလှယ်ရေး အစီအစဉ်ကိုလည်း လက်ခံခဲ့သည်။

ဦးရွှေမန်းက တရုတ်နှင့် နည်းပညာဆိုင်ရာ ပူးပေါင်းဆောင်ရွက်မှုများ ပြုလုပ်ရန်လိုအပ်ပြီး မြန်မာနိုင်ငံကို သိပ္ပံနှင့် နည်းပညာ တိုးမြှင့်သွားနိုင်ရေးအတွက် တရုတ်နိုင်ငံက ကူညီပေးရန် မစ္စတာ ဝူဘန်ကို အား ပြောကြားခဲ့သည်။

အောက်လွှတ်တော် ဥက္ကဋ္ဌဖြစ်သူ ဦးရွှေမန်းက မြန်မာနိုင်ငံတွင် ပြည်ထောင်စုလွှတ်တော် ကျင်းပနေပြီး မြန်မာနိုင်ငံ၏ အနာဂတ်အတွက် အရေးကြီးသော ကိစ္စရပ်များ ဆွေးနွေးနေသော်လည်း တရုတ်အမျိုးသား ကွန်ဂရက် ဥက္ကဋ္ဌ၏ ဖိတ်ကြားမှုကြောင့် နှစ်နိုင်ငံဆက်ဆံရေးကို အလေးထားသဖြင့် လာရောက်ရခြင်းဖြစ်သည်ဟုလည်း မစ္စတာ ဝူဘန်ကို အား ပြောကြားခဲ့သည်။

ဦးရွှေမန်းနှင့်အတူ အောက်လွှတ်တော် ရေးရာကော်မတီ ဥက္ကဋ္ဌများဖြစ်သည့် ဦးသိန်းဇော်၊ ဦးလှမြင့်ဦး၊ သူရဦးအောင်ကို၊
ဦးမောင်မောင်ဆွေနှင့် ဦးကြည်မင်း၊ တိုင်းဒေသကြီး လွှတ်တော်ဥက္ကဋ္ဌများ  ဖြစ်ကြသည့် ဦးစိန်တင်ဝင်းနှင့် ဦးဆန်းဆင့် တို့လည်း လိုက်ပါသွားကြပြီး မစ္စတာဝူဘန်ကို အပြင် အခြား တရုတ်ခေါင်းဆောင်များနှင့်လည်း ဆွေးနွေးခဲ့သေးသည်။
 ချင်းမိုင် (မဇ္ဈိမ)

ရဲ​တွေလုပ်ခိုင်း​တာကို သူတို့​ လုပ်ရတဲ့​ သ​ဘောပါပဲ

၂၀၁၀ သင်္ကြန်ဗုံး​ပေါက်ကွဲမှုနဲ့​ ဆက်စပ် ဖမ်း​ဆီး​ထား​တဲ့​ ကိုဖြိုး​ဝေ​အောင်နဲ့​အတူ သူ့​ရှေ့​နေ ၂ ဦး​ကို တရား​စီရင်တဲ့​ ဝန်ထမ်း​တွေကို ​နှောင့်​ယှက်မှုနဲ့​ တရား​စွဲမယ်လို့​ အင်း​စိန်​ထောင်တွင်း​ တရား​ရုံး​မှာ ​ဖေ​ဖော်ဝါရီ ၂၀ ရက်​နေ့​က ဆုံး​ဖြတ်ခဲ့​ပါတယ်။

ကိုဖြိုးဝေအောင်

ဒီဆုံး​ ဖြတ်ချက်အရ တရား​ခံ ကိုဖြိုး​ဝေ​အောင်နဲ့​ ​ရှေ့​နေ ၂ ဦး​ဖြစ်တဲ့​ တရား​လွှတ်​တော်​ရှေ့​နေ ဦး​ကျော်ဟိုး​နဲ့​ အထက်တန်း​ရှေ့​နေ ​ဒေါ်သင်ဇာလှိုင်တို့​ကို တရား​စွဲမှာ ဖြစ်ပါတယ်။

ဒီကိစ္စဖြစ်ပွား ​တာက အမှုစစ် ရဲအရာရှိရဲ့​ ထွက်ဆိုချက်မှာပါရှိတဲ့​ တရား​လိုပြ သက်​သေဆီက ကြိုတင်ထွက်ချက် ယူထား​တယ်ဆိုပြီး​ ထွက်ချက်ဟာ အမှုတွဲထဲမှာ ​ပျောက်ဆုံး​နေတာနဲ့​ ပတ်သက်လို့​ တရား​ခံက ပြန်လည် ​မေး​ခွန်း​ထုတ်ရာက​နေ စတင်ခဲ့​တာ ဖြစ်ပါတယ်။

အဲဒီ​နေ့​က တရား​ခွင်ကို တက်​ရောက်နား​ထောင်ခဲ့​တဲ့​ ကိုဖြိုး​ဝေ​အောင်ရဲ့​ ဇနီး​ မ​ဌေး​ဌေး​ကို ​မေး​ထား​ပါတယ်။

ကိုဖြိုး​ဝေ​အောင်ရဲ့​ အမှုမှာ တရား​ရုံး​ကို မထီမဲ့​မြင် ပြုတယ်ဆိုပြီး​တော့​ ပါတယ်။ ဒါကို ရှင်း​ပြပါလား​။

“သူတို့​ တင်ပြတဲ့​ အချက်အလက်​တွေအား​လုံး​ကို ကျမတို့​က ​မေး​တဲ့​အချိန်ကျ​တော့​ ဒီ​နေ့​ကျမှ ဘယ်လို ဖြစ်သွား​လဲဆို​တော့​ သူကလည်း​ ဌာနဆိုင်ရာ ဝန်ထမ်း​တွေကို စွပ်စွဲပုတ်ခတ် ​ပြောဆိုတယ်​ပေါ့​။ ဒီလို ​ပြောဆိုတဲ့​အချိန်မှာ ​ရှေ့​နေ​တွေက ထိန်း​သိမ်း​ပေး​ခြင်း​ မရှိတဲ့​အတွက် ဆိုပြီး​ သူရယ်၊​ ​ရှေ့​နေ နှစ်​ယောက်ရယ်ကို တရား​စွဲဖို့​ ဆိုပြီး​ အမိန့်​ချတယ်။”

ဒီအမှုနဲ့ ​ ပတ်သက်ပြီး​တော့​ သူ့​ကို ၂၂၊​ ၄၊​ ၂၀၁၀ မှာ သန်း​ခေါင်​ကျော်မှာ ဧည့်​စာရင်း​ဆိုပြီး​ ဖမ်း​သွား​တာ​ပေါ့​။ X2O (သင်္ကြန်မဏ္ဍပ်) ​ဖောက်ခွဲမှုနဲ့​ ပတ်သက်တဲ့​သူ​တွေ ပြန်လွတ်လာတယ်လို့​ သိရတယ်​လေ။ သူက ဘာလို့​ ကျန်​နေခဲ့​တာလဲ။

“ဖမ်း​တာက​ တော့​ X2O နဲ့​ ပတ်သက်ပြီး​ ကျမတို့​ သိသ​လောက်က ဦး​ဇေယျတို့​ သား​အဖ ၂ ​ယောက်၊​ ကိုဘိုဘိုသိန်း​တို့​ အုပ်စုက ၅ ​ယောက်၊​ ​နောက်တခါ ​ကောင်း​မြတ်လှိုင်က ၁ ​ယောက်၊​ ကျမ ​ယောက်ျား​နဲ့​ဆိုရင် အား​လုံး​ပေါင်း​ ၉ ​ယောက် ရှိတယ်။ အဲဒီ ၉ ​ယောက်လုံး​မှာ ကျမတို့​သိရသ​လောက် ဗုံး​ခွဲမှုနဲ့​ ဆိုင်တယ်ဆိုပြီး​ သူတို့​ကိုလည်း​ စွဲထား​တာပဲ​လေ။ အဲဒါအတွက် ဖန်တီး​ထား​တဲ့​သူ​တွေပဲ​လေ။ အဲဒီထဲက ကျမ​ယောက်ျား​က ကံထူး​သူ​ပေါ့​ရှင်။ ဇာတ်လမ်း​ဆင်လို့​ ​ကောင်း​တဲ့​သူဆို​တော့​ သူက ​ဖောက်ခွဲ​ရေး​သမား​ကို ကူညီတဲ့​သူ ဆိုပြီး​တော့​ ဗုံး​ဖောက်ခွဲမှုနဲ့​ စွဲတာ။ ကျန်တဲ့​သူ ၈ ​ယောက်က ​ပေါ်​ပေါက်တဲ့​ ဥပ​ဒေ ​ကြောင်း​အရဆိုတာက ၁၇-၁ တို့​၊​ အီလက်ထ​ရောနစ်တို့​နဲ့​ တရား​စွဲလိုက်တာ။ ​ထောင်ချတယ်။ လွတ်ငြိမ်း​ချမ်း​သာခွင့်​မှာ သူတို့​ အဲဒီပုဒ်မ​တွေက ပါသွား​တာ​ပေါ့​။ အဲဒီလို သ​ဘောမျိုး​ပါ။”

အခင်း ​ဖြစ်တဲ့​ ဧပြီလ ၁၅ ရက်​နေ့​ ၂၀၁၀ တုန်း​က​လေ အလုပ်လုပ်တဲ့​ ရန်ကင်း​စင်တာမှာ ရှိ​နေတယ်ဆို။ အစ်မတို့​ရဲ့​ သက်​သေပြချက် မခိုင်လုံလို့​လား​၊​ ဘာဖြစ်လို့​လဲ။

“ကျမတို့​ အခု ရှင်း​လိုက်တာ ဒီကိစ္စ​ပေါ်သွား​ပါပြီ။ အဲဒီ​နေ့​က သူနဲ့​အတူရှိ​နေတာ ၃ ​ယောက်​တောင်မကပါဘူး​။ ရန်ကင်း​စင်တာက အလုပ်သမား​တွေ အများ​ကြီး​ ရှိတယ်။ ရန်ကင်း​စင်တာက သူ့​ကို အလုပ်အပ်တဲ့​ တာဝန်ခံ ဦး​ကျော်စိုး​မင်း​။ သူနဲ့​ အလုပ် အတူလုပ်တဲ့​ အင်ဂျင်နီယာ ဦး​မျိုး​မြင့်​အောင်။ သူတို့​ ၂ ​ယောက်ကို သတင်း​စာရှင်း​လင်း​ပွဲပြီး​တော့​ ​အောင်သ​ပြေကို ​ခေါ်ပြီး​ စစ်တယ်။ စစ်ပြီး​တော့​ တရား​ရုံး​မှာ ကြိုတင် ထွက်ချက်​ပေး​ခိုင်း​ထား​တယ်။ သူတို့​က ပထမတ​ခေါက် လာထွက်တုန်း​က​တော့​ ရဲ​တွေရဲ့​ ဩဇာအ​လျောက်ဆို​တော့​ သူတို့​က သိသမျှအ​ကြောင်း​အရာ​တွေကိုပဲ တရား​ရုံး​မှာ ထွက်ဆိုတာပါလို့​ ထွက်ဆိုသွား​တယ်။ ပြီး​တော့​ ကျမတို့​က ပြန်​ခေါ်ပြီး​ ​မေး​လည်း​မေး​ရော ကြိုတင်ထွက်ချက်ဆိုတာကို သူတို့​ နား​မလည်ပါဘူး​။ သိလည်း​ မသိဘူး​ပေါ့​။ ကြိုတင်ထွက်ချက်​ပေး​ရမယ်ဆိုတာကို ရဲ​တွေက ​ပြောလို့​ ရဲ​တွေက ​ခေါ်သွား​ပြီး​ ကြိုတင်ထွက်ချက်​ဖောင်ကို ဖြည့်​တယ်။ သူတို့​ကို လက်မှတ်ထိုး​ခိုင်း​ပြီး​ တရား​သူကြီး​ရှေ့​မှာ ​ပေး​ခိုင်း​လို့​ သူတို့​ပေး​ရတာပါ ဆိုပြီး​ ထွက်ဆိုသွား​ပါတယ်။ ဆိုလိုတဲ့​ သ​ဘောက​တော့​ ရဲ​တွေလုပ်ခိုင်း​တာကို သူတို့​ လုပ်ရတဲ့​ သ​ဘောပါပဲ။ ဒါ​ပေါ်သွား​ပါတယ်။”

အဲဒါနဲ့ ​ ပတ်သက်ပြီး​တော့​ သူတို့​လက်​အောက်မှာရှိတဲ့​ဝန်ထမ်း​တွေ၊​ ​နေ့​စား​အလုပ်သမား​တွေက​ရော အစ်မတို့​ ၂ နှစ်နီး​ပါး​လောက် အကြာမှာ​ရော။

“မ​ပေး​ဘူး​ ရှင့်​၊​ ပိတ်လိုက်တယ်။ အဲဒီ​နောက်ပိ်ုင်း​မှာ ကျမတို့​က ဦး​ကျော်စိုး​မင်း​ဆိုတဲ့​ လူကိုသွား​တွေ့​တယ်၊​ သွား​တွေ့​ပြီး​ အလုပ်သမား​ ၁၀ ​ယောက်၊​ ၁၅ ​ယောက် အနည်း​ဆုံး​ရှိတယ်။ ဒီလူ​တွေရဲ့​ စာရင်း​ နာမည်​လေး​တွေ ကျမတို့​ကို ​ပေး​ပါ၊​ ကျမတို့​ ဒီအ​ကြောင်း​နဲ့​ ပတ်သက်ပြီး​ အဖြစ်မှန်​လေး​ ​မေး​ချင်လို့​ပါ ဆိုတဲ့​ အချိန်မှာ အဲဒီလူက သူက ဒီမှာ သူတာဝန်ခံပဲ၊​ မ​ပေး​နိုင်ဘူး​ပေါ့​။ ကျ​နော့်​ အလုပ်သမား​တွေပါဆိုပြီး​ ငြင်း​လွှတ်လိုက်တယ်။ အဲ့​ဒါ ကျမတို့​ မရဘူး​။ ဒါ​ပေမယ့်​ သူတို့​အခု တရား​ရုံး​ထွက်ချက်လည်း​ကျ​ရော ကြိုတင်ထွက်ချက်ဆိုတဲ့​ သ​ဘောက အခင်း​ဖြစ်တဲ့​ အချိန်မှာ သိရှိတဲ့​ အ​ကြောင်း​အရာ​တွေကို ​ပေး​တဲ့​ထွက်ချက်​လေ၊​ အခု သူတို့​ ၂ ​ယောက်ကကျ​တော့​ အဲ့​လိုမျိုး​မဟုတ်ဘူး​။ အခု ဗုံး​ပေါက်မှုနဲ့​ ဘာမှမသက်ဆိုင်ဘူး​။ ကျမ​ယောကျာ်း​က သင်္ကြန်အကြို​နေ့​က​နေ အဖမ်း​ခံရတဲ့​နေ့​အထိ တ​လျှောက်လုံး​ သူတို့​နဲ့​ အတူတူ ရှိတယ်။ ဒီဗုံး​ပေါက်တဲ့​ အချိန်​လေး​မှာပဲ ၁ နာရီက​နေ ၄ နာရီကြား​ထဲမှာ မရှိပါဘူး​ဆိုတဲ့​ အချက်​လေး​ပဲဆို​တော့​ ဒါ​တော်​တော် ထင်သာမြင်သာ ရှိတယ်။ လိမ်ပြီး​ ထွက်တယ်ဆိုတာ ​ပေါ်လွင်ပါတယ်။”

ရှေ့​နေဦး​ကျော်ဟိုး​တို့​ ​ဒေါ်သဇင်လှိုင်တို့​ပါ အမှုတွဲထဲမှာ ပါသွား​ပြီ​ပေါ့​။

“အခင်း​ ဖြစ်တဲ့​နေ့​က အတူရှိတဲ့​သူငယ်ချင်း​ပေါ့​။ ​အောင်​ကျော်စွာဆိုတာ ကျမတို့​နဲ့​ ​ကျောင်း​နေဖက် သူငယ်ချင်း​၊​ ​အောင်​ကျော်စွာနဲ့​ကျ​တော့​ ကျမအမျိုး​သား​က ဗုံး​မကွဲခင် အချိန်ထိ အတူတူရှိ​နေတာ။ ဘာလို့​လည်း​ဆို​တော့​ ​အောင်​ကျော်စွာရဲ့​ စက်ရုံမှာ ​ရေသန့်​စက် တပ်ဖို့​ဆိုပြီး​တော့​ ကျမအမျိုး​သား​က ကူညီ​ပေး​တာ။ ပစ္စည်း​တွေ လိုက်ဝယ်တဲ့​အချိန်မှာ ရဲ​တွေက ​ဘောက်ချာကို သိမ်း​လိ်ုက်သလို ​ဖျောက်ဖျက်ပစ်လိုက်တယ်။ ​ဖျောက်ဖျက်ပစ်လိုက်ပြီး​တော့​ ​အောင်​ကျော်စွာကိုလည်း​ သူတို့​ ပစ္စည်း​ဝယ်တဲ့​နေ့​က ၁၄ ရက်​နေ့​ ဖြစ်တယ်ဆိုပြီး​ ​ပြောင်း​ပြီး​တော့​ ထွက်ဆိုခိုင်း​တယ်။ အဲဒီ​ဘောက်ချာကို ​ဖျောက်ဖျက်ပစ်လိုက်တယ်။ ဖုန်း​မှတ်တမ်း​တွေကိုလည်း​ ၁၅ ရက်​နေ့​ မှတ်တမ်း​ကို ၁၄ ရက်​နေ့​ဆိုပြီး​တော့​ Microsoft ware နဲ့​ excel နဲ့​ ​ပြောင်း​လိုက်တယ်။ ဆက်သွယ်​ရေး​က​နေ တိုက်ရိုက်ထုတ်တဲ့​ စနစ်မဟုတ်ဘဲနဲ့​ ဘယ်လမ်း​ဘေး​ ကွန်ပြူတာဆိုင်မှာမဆို ပြင်လို့​ရတဲ့​ ဖုန်း​မှတ်တမ်း​တွေအဖြစ် ​ပြောင်း​ပြီး​တော့​ တရား​ရုံး​မှာ သက်​သေခံတင်တယ်။ အဓိက ​ပေါ်သွား​တာက သူတို့​အမှန်တကယ် ပစ္စည်း​ဝယ်တဲ့​ ​ဘောက်ချာ အစစ်အမှန်ဆိုလို့​ရှိရင် သူတို့​ တရား​ရုံး​ကို တင်ကို တင်ပြရမယ်။ ၁၅ ရက် ဖြစ်​နေလို့​သာ သူတို့​ ​ဖျောက်ပစ်လိုက်တာ။ ဒီ​နေ့​ ပြဿနာတက်တာက ​အောင်​ကျော်စွာကို ကျမတို့​ အမှုမှာရှိတဲ့​ အမှုစစ်က ကြိုတင်ထွက်ချက် ယူထား​ပါတယ်ဆိုပြီး​ သူက ထွက်ထား​တော့​ ကျမတို့​ တရား​ရုံး​အမှုတွဲထဲမှာ ​အောင်​ကျော်စွာရဲ့​ ကြိုတင်ထွက်ချက်က မရှိဘူး​။ မရှိ​တော့​ ကျမအမျိုး​သား​က ​ပြောတာက ​အောင်​ကျော်စွာရဲ့​ ကြိုတင်ထွက်ချက် မရှိတဲ့​ဟာက အမှုစစ်​တွေနဲ့​ တရား​ရုံး​ကို တင်တဲ့​အခါမှာ ဥပ​ဒေအရာရှိ​တွေက စိစစ်ရတယ်၊​ စိစစ်ပြီး​မှ တရား​ရုံး​တင်တဲ့​အချိန်မှာ မတင်တာအတွက် ဥပ​ဒေအရာရှိ အဆက်ဆက်နဲ့​ တရား​လိုအဖွဲ့​အစည်း​တွေက ထိမ်ချန်ထားခြင်း​ ဖြစ်သလား​လို့​တောင် သူထင်မိပါတယ်ဆိုပြီး​ ထွက်တဲ့​အချိန်မှာ ဥပ​ဒေအရာရှိက ထပြီး​တော့​ အရင်လည်း​ တချိန်လုံး​ပြဿနာရှာ​နေတယ်။ အခုကျ​တော့​မှ အဲ့​လိုမျိုး​တွေ တင်တဲ့​အတွက် တရား​ရုံး​ကို နိုင်ငံ့​ဝန်ထမ်း​ကို ​စော်ကား​တဲ့​အတွက် အ​ရေး​ယူ​ပေး​ပါရန် ဆိုတဲ့​အချိန်မှာ တရား​သူကြီး​က အ​ရေး​ယူမယ်၊​ အမှုဖွင့်​မယ် ဆိုပြီး​တော့​ အမိန့်​ချတယ်​ပေါ့​။” 

ဒီဗွီဘီ

၈၈ ကျောင်းသားကိုမင်းကိုနိုင်နှင့်အဖွဲ့ကိုမန္တလေးဈေးချိုမှသောင်းသောင်းဖြဖြကြိုဆို

ရန်ပိုင် on February 27, 2012


မန္တလေးမြို့သို့ ရောက်ရှိနေသော ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်နှင့် အဖွဲ့အား ဈေးချိုတော်ရှိ ဈေးသူဈေးသား များက သောင်းသောင်းဖြဖြ ကြိုဆိုကြောင်း သတင်းရသည်။

ခွပ်ဒေါင်းအလံကို ကိုင်ဆောင်၍ ရောက်ရှိလာသည့် ၈၈ မျိုးဆက် ကျောင်းသားများ အဖွဲ့အား ဈေး အကျိုးဆောင် အဖွဲ့၏ မေတ္တာ ရပ်ခံ ချက်အရ ဈေးသူဈေးသားများကို ကိုမင်းကိုနိုင်က စကားပြောဆိုကြောင်း ဒေသခံ တဦးက ပြောပြသည်။

မြန်မာ လူ့ အဖွဲ့အစည်းအတွင်း အပြောင်းအလဲကာလတခုတွင် တဖက်နှင့်တဖက် ပွင့်ပွင့်လင်းလင်းဖြစ်သင့်ပြီဖြစ်ကြောင်း၊ လက်ရှိ ပက တိအခြေအနေအတိုင်း အသိအမှတ်ပြုရန် လိုကြောင်း၊ သို့မှသာလျှင် တဦးနှင့် တဦး ယုံကြည်မှုခိုင်မာမည့်အကြောင်း ကိုမင်းကိုနိုင် က ပြောဆိုသည်။

“ပွင့်လင်း လူ့အဖွဲ့အစည်း ဖြစ်ချိန်တန်ပြီ၊ တဖက်နဲ့ တဖက်လည်း အရှိကိုအရှိအတိုင်း ပွင့်ပွင့်လင်းလင်း ပြောကြဆိုကြရမယ်”ဟု ကိုမင်း ကိုနိုင်က ဆိုသည်။

ထို့အပြင် မန္တလေးမြို့ ဈေးချိုသည် ခေတ်အဆက်ဆက် အမှန်တရားဘက်က ရပ်တည်ခဲ့ကြောင်း၊ အထူးသဖြင့် နိုင်ငံရေးလှုပ်ရှားမှု၊ ကျောင်းသားလှုပ်ရှားမှုများကို ပံ့ပိုးကူညီခဲ့ကြောင်း၊ နိုင်ငံရေး အကျဉ်းသားများကို ကူညီစောင့်ရှောက်ခဲ့သည့်အတွက် ကျေးဇူးတင်
ကြောင်းလည်း ကိုမင်းကိုနိုင်က ထည့်သွင်း ပြောသည်။

ကိုမင်းကိုနိုင်နှင့် အဖွဲ့အား ဈေးချိုတော်အတွင်းရှိ ရွှေဆိုင်တန်းမှ လက်ဆောင်ပစ္စည်းများ ပေးအပ်သည့်အပြင် ပရိသတ်များက လည်း ကိုမင်းကိုနိုင် ကျန်းမာပါစေ ဆိုသည့် ကြွေးကြော်သံများကို ကြွေးကြော်ကြသည်။

၈၈ မျိုးဆက် ကျောင်းသားခေါင်းဆောင် တဦးဖြစ်သည့် ကိုဂျင်မီကလည်း“ဘယ်မြို့ရောက်ရောက် ပရိသတ်ကတော့ ၈၈ မျိုးဆက် ကျောင်းသားဆိုရင် အားပေးတယ်၊ ဒါပေမယ့်လည်း တချို့နေရာတွေမှာ အကြောက်တရားတွေ ရှိသေးတယ်”ဟု ပြောဆိုသည်။

ကိုမင်းကိုနိုင်၊ ကိုကိုကြီး၊ ကိုဂျင်မီ၊ ကိုမင်းဇေယျာ၊ ကိုလှမျိုးနောင်၊ မနီလာသိန်းတို့ ပါဝင်သည့် ၈၈ မျိုးဆက် ကျောင်းသားများအဖွဲ့သည် မြန်မာ လူ့ အဖွဲ့အစည်းအား ပွင့်လင်း လူ့အဖွဲ့အစည်းတရပ်ဖြစ်ထွန်းပြီး အကြောက်တရား ကင်းဝေးစေရန်အတွက် ယခုကဲ့သို့သွား ရောက်၍ ဟောပြောလှုံ့ဆော်ခြင်း ဖြစ်သည်ဟု ဆိုသည်။

နံနက်ပိုင်းကလည်း ကိုမင်းကိုနိုင်နှင့် ၈၈ မျိုးဆက် ကျောင်းသားခေါင်းဆောင်များသည် မန္တလေးမြို့ ၀ါဆို ကျောင်းတိုက်၌ ပြုလုပ် သည့် ၂၀၀၇ ရွှေဝါရောင် တော်လှန်ရေးတွင် အဖမ်းခံခဲ့ရသော သံဃာ တပါးဖြစ်သည့် အရှင်ကေလာသ ၏ သိက္ခာထပ်ပွဲ သို့ သွားရောက် ခဲ့ သေးသည်။

၈၈ မျိုးဆက်ကျောင်းသားများ အဖွဲ့သည် ကချင်ပြည်နယ် မြစ်ကြီးနားမြို့အနီး မြစ်ဆုံဆည်စီမံကိန်းကြောင့် ရွှေ့ပြောင်းခံခဲ့ရသည့် ဒေသ ခံပြည်သူများ၏ ဖိတ်ကြားချက်အရ ကျေးဇူးတော် အခမ်းအနားသို့ တက်ရောက်ခဲ့ပြီးနောက် ယမန်နေ့က မန္တလေးမြို့သို့ ရောက်ရှိ လာ ခြင်း ဖြစ်သည်။

ပြီးခဲ့သည့်ရက်များကလည်း ၈၈ မျိုးဆက်ကျောင်းသားများ အဖွဲ့သည် ဧရာဝတီတိုင်း ဟင်္သာတမြို့၊ မကွေးတိုင်း သရက်မြို့စသည့် ဒေ သ များသို့ သွားရောက်၍ လူထုကို ဟောပြောမှုများပြုလုပ်ခဲ့သည်။ မကြာမီ ပဲခူးတိုင်းအရှေ့ခြမ်း ဒေသများသို့လည်း သွားရောက် မည်ဟု သိရသည်။

အမျိုးသား ညီညွတ်ရေးကို ပြဆိုခဲ့သည့် မြစ်ဆုံအရေးနှင့် ပတ်သက်သော ကျေးဇူးပဲ့တင်သံ အခမ်းအနားကို ဧရာဝတီမြစ်ဆုံ အနီးရှိ တန်ဖဲရွာ၌ ပြုလုပ်ခဲ့

Sunday, 26 February 2012 10:34

ဧရာဝတီမြစ်ဆုံအနီးတွင် ကျင်းပခဲ့သော "မြစ်ဆုံ၏ကျေးဇူးပဲ့တင်သံ" မိတ်ဆုံစားပွဲတွင် ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်က အမှတ်တရစကား ပြောကြားနေစဉ် အမျိုးသား ညီညွတ်ရေးကို ပြဆိုခဲ့သည့် မြစ်ဆုံအရေးနှင့် ပတ်သက်သော ကျေးဇူးပဲ့တင်သံ အခမ်းအနားကို ဧရာဝတီမြစ်ဆုံ အနီးရှိ တန်ဖဲရွာ၌ ဖေဖော်ဝါရီလ ၂၄ရက်နေ့တွင် ပြုလုပ်ခဲ့ပါသည်။ အဆိုပါ ကျေးဇူးပဲ့တင်သံ အခမ်းအနားသို့ ကချင်ဒေသခံများ၊ ၈၈ မျိုးဆက် ကျောင်းသားများအဖွဲ့မှ ကိုမင်းကိုနိုင် အပါအ၀င် အဖွဲ့ဝင်(၁၆)ဦး၊ သဘာဝပတ်ဝန်းကျင် ထိန်းသိမ်းစောင့် ရှောက်သူများ၊ ကဗျာဆရာ၊ ဓာတ်ပုံ ဆရာ၊ ဒီဇိုင်းဆရာများနှင့် သတင်းသမားများ တက်ရောက်ခဲ့ကြသည်။ အခမ်းအနား အစီအစဉ်များတွင် သိက္ခာတော်ရ ဆရာတော် ဘရန်နူးက နှုတ်ခွန်းဆက် အမှာစကားပြောကြားပြီး ဘုန်းတော်ကြီး ဆွမ်ရွိုမ်အောင်က ဆုတောင်းဆပ်ကပ်ခြင်းများ ပြုလုပ်ခဲ့ ကာ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ဧရာဝတီမြစ်ဆုံနှင့်ပတ်သက်ပြီး ၎င်းတို့၏ သဘောထား အမြင်များကို ပြောဆိုသွားခဲ့သည်။ ဒီမြစ်ဆုံစီမံကိန်းနဲ့ ပတ်သက်ပြီး တိုင်းရင်းသားတွေ အပါအ၀င် အားလုံး ရုန်းကန်နေရတဲ့ အချိန်မှာ ကျွန်တော်တို့အားလုံးက ထောင်ထဲမှာပါ။ ဒါ ကချင်ပြည်နယ်မှာဖြစ်နေတဲ့ကိစ္စ၊ ငါတို့နဲ့မဆိုင်ဘူးလို့ မထင်ပါဘူး။ ဘာလို့လဲဆိုတော့ ကချင်ပြည်နယ်ဟာ မြန်မာပြည်ရဲ့ ခေါင်းပိုင်းလို့ ခေါ်ပါတယ်။ ခေါင်းကို ထိရင် ရင်ဘတ်ထဲမှာ နာပါတယ် . . . “အခု ကျွန်တော်တို့လာခဲ့တာ ဟိုးမြန်မာပြည်အောက်ပိုင်း၊ အလယ်ပိုင်းကဆိုပေမယ့် ကျွန်တော်တို့ကို ၈၈ ကျောင်းသားတွေလို့ ခေါ်ပါတယ်။ ၁၉၈၈ တုန်းက ကျောင်းသားလှုပ်ရှားမှုကိုစခဲ့လို့ အဲဒီလိုခေါ်တာပါ။ အဲဒီတုန်းက ကျွန်တော်တို့တွေ အားလုံး ဆင်တူဝတ်စုံ ကချင်ပုဆိုးလေးတွေ ၀တ်ပြီးစခဲ့တာပါ။ အခုလည်း ကျွန်တော်တို့တွေက ကချင်ဝတ်စုံလေးတွေ ၀တ်ပြီး လာပါတယ်။ ကျွန်တော်တို့အားလုံး က မိန်းကလေးတွေကအစ ကချင်လို ၀တ်ရတာမှ ပိုလှတယ် ထင်ပါတယ်။ ဒီမြစ်ဆုံစီမံကိန်းနဲ့ ပတ်သက်ပြီး တိုင်းရင်းသားတွေ အပါအ၀င်အားလုံး ရုန်းကန်နေရတဲ့ အချိန်မှာ ကျွန်တော်တို့ အားလုံးက ထောင်ထဲမှာပါ။ ဒါ ကချင် ပြည်နယ်မှာ ဖြစ်နေတဲ့ကိစ္စ၊ ငါတို့နဲ့မဆိုင်ဘူးလို့ မထင်ပါဘူး။ ဘာလို့လဲဆိုတော့ ကချင်ပြည်နယ်ဟာ မြန်မာပြည် ရဲ့ခေါင်းပိုင်းလို့ ခေါ်ပါတယ်။ ခေါင်းကို ထိရင် ရင်ဘတ်ထဲမှာ နာပါတယ်။ အဲဒီတုန်းက ထောင်ထဲက လူတစ်ယောက်က အပြင်က လူတွေလို မလုပ်နိုင်ပါဘူး။ ဘာလုပ်နိုင်လဲဆိုတော့ ထောင်ထဲမှာ မြစ်ဆုံနဲ့ ဧရာဝတီ ရှင်သန်ဖို့အတွက် သီချင်း ရေးနိုင်ပါတယ်။ ကျွန်တော်တို့ လုပ်နိုင်တာ လုပ်ခဲ့ပါတယ်။ ကျွန်တော်တို့ တတ်နိုင်သမျှ လုပ်ခဲ့ပါတယ်။ ဧရာဝတီဆက်ပြီး စီးဆင်းရေး မြစ်ဆုံဒေသ အလှတွေမပျက်ရေး ဒီက တိုင်းရင်းသားတွေရဲ့ဘ၀တွေ မပျောက်ရေး သီချင်းစပ်ခဲ့ပါတယ်။ ကျွန်တော်တို့သီချင်းတွေ စပ်ပြီးဆိုနေတဲ့ အချိန်မှာ ကချင်မှာ ဟောဒီပြည်သူတွေ အောင်ပွဲခံနေတာကို ကြားရတဲ့ အချိန်မှာ ၀မ်းသာရပါတယ်”ဟု ကိုမင်းကိုနိုင်က ပြောပါသည်။ မြစ်ဆုံ၏ ကျေးဇူးပဲ့တင်သံ အခမ်းအနားကို တက်ရောက်လာကြသူများ “လူဆိုတာ ကိုယ်မွေးတဲ့ နေရာ ကိုယ်နေတဲ့နေရာကို ချစ်ကြတာပါပဲ။ ချစ်ကြတဲ့နေရာမှာ ဟောဒီမြစ်ဆုံ ဒေသက တိုင်းရင်းသားတွေက နောက်ဆုံးနှာခေါင်းကို ရေမြုပ်တဲ့အထိ ကြံ့ကြံ့ခိုင်ပြီး နေသွားမယ်လို့ ကြားတဲ့အခါမှာ ကျွန်တော်တို့ အင်မတန်အားရှိပါတယ်။ ကိုယ့်မြေကိုယ့်ရေကို ချစ်တဲ့ စိတ်တွေလည်း ပိုပြီးတော့ရှိပါတယ်။ သိပ်ပြီး ကျေးဇူးတင်ပါတယ်။ အဲဒီစကားမျိုး ကြားရတာ၊ အဲဒီတော့အခုလို စီမံကိန်း ခေတ္တရပ်ဆိုင်းပြီးတော့ ကိုယ့်ရပ်ကိုယ့်ရွာ ပြန်လာနိုင်ကြပြီး မိတ်ဆုံစားပွဲတွေ ကျေးဇူးတင်စကားတွေ ပြောနိုင်တယ် ဆိုတာ အောင်ပွဲပါ။ အခုလို အောင်ဖို့ အတွက် အလကားမရခဲ့ပါဘူး။ ကိုယ့်ခံစားချက် ကိုယ်လိုရာကို သတ္တိရှိရှိ ဖော် ထုတ်ရဲတဲ့ သတ္တိက နံပါတ်တစ်ပါ။ ဒုတိယအချက်က တစ်ပြည်လုံးက ပြည်ထောင်စုသားတွေဟာ ကချင် ပြည်နယ်မှာ ဖြစ်တာကို ၀ိုင်းပြီး စိတ်ပူတယ်။ စိတ်ပူပြီး ကချင်တိုင်းရင်းသား တွေဘက်က ၀င်ပြီးရပ်ပေးတယ်။ ဥပမာ-သဘာဝ ပတ်ဝန်းကျင် ထိန်းသိမ်းရေးအဖွဲ့တွေ၊ စာပေသမားတွေ၊ အနုပညာသမားတွေ အားလုံးဝိုင်းပြီးတော့ လက်တွဲပြီး လက်ချင်းချိတ်ပြီးတော့ ကချင်ပြည်သူတွေနဲ့အတူ ရပ်လိုက်လို့ အောင်မြင်တာပါ။ အဲဒီတော့ အားလုံးကို ကချင်ပြည်သူတွေ ကိုယ်စား ကျွန်တော်က ကျေးဇူးတင်ပါတယ်လို့ ပြောချင်ပါတယ်။ စီးပွားရေးအရ ဆုပ်ကိုင်ရမယ့် ကိစ္စတစ်ခုလောက်ကို မကြည့်ဘဲ ဟိုးနောက်မမြင်ရတဲ့ မမွေးသေးတဲ့ ကလေးတွေ အနာဂတ်ကမ္ဘာကို ကြည့်ပြီးတော့ အမြော်အမြင်ကြီးခဲ့တဲ့ ပညာရှင်တွေ၊ တိုင်းရင်းသားတွေရဲ့ အမြော်အမြင်ကြီးမှုကို ကျေးဇူးတင်ပါတယ်။ ကျွန်တော်တို့ ပြည်သူတွေဟာ အာဏာမရှိဘူးဆိုပြီး စိတ်မပျက်ပါနဲ့။ အာဏာမရှိပေမယ့် တကယ် ညီညွတ်တယ်ဆိုရင် သြဇာရှိပါတယ်။ အဓိက က အားလုံးညီညွတ်ပါ။ ကချင်မှာပဲ ဖြစ်ဖြစ်၊ ရှမ်းမှာပဲ ဖြစ်ဖြစ်၊ မွန်မှာပဲ ဖြစ်ဖြစ်၊ တစ်ခုခုဖြစ်တယ်ဆိုရင် အားလုံးက အတူတူပဲလို့ ခံစားမယ်ဆိုရင် အရာရာကို အောင်မြင်ပါတယ်။ နောက်ဆုံး ဒီဧရာဝတီမြစ်ကြီးကို ပိတ်ဆို့မယ် ဆိုတဲ့ စီမံကိန်းကို တားလိုက်နိုင်တာ ဟာ အစိုးရရော၊ သမ္မတကြီးရော၊ ဟောဒီ ပြည်သူပြည်သားတွေ ရော ပူးပေါင်းပြီးတော့ ဆောင်ရွက်လိုက်တာပါ။ ပိတ်ဆို့မှုကို ဖွင့်လိုက်ခြင်း အားဖြင့် ပူးပေါင်း  ဆောင်ရွက်မှုဆိုတဲ့ မြစ်ကြီးဟာစီးသွားပါပြီ။ သိပ်မင်္ဂလာ ရှိပါတယ်။ အဲဒါကြောင့် ဗမာလို ပြောတော့ အမျိုးသားညီညွတ်ရေးလို့ ပြောပါတယ်။ ကချင်လို ဘယ်လို ပြောတယ် ကျွန်တော်မသိပါဘူး။ ဒါက အရေးကြီးပါတယ်။ အမျိုးသားအားလုံး ညီညွတ်ရေးဟာ ဟောဒီက မြစ်ဆုံကစပြီး ရသွားလို့ အမျိုးသားညီညွတ်ရေးဆိုတဲ့ မြစ်ကြီး စစီးသွားပါပြီ။ ကျွန်တော်တို့ ကမ္ဘာတည်သရွေ့ ကာကွယ်ကြပါစို့၊ ထိမ်းသိန်းကြပါစို့။ ကမ္ဘာပေါ်မှာ မြန်မာပြည်ကို နိုင်ငံတကာက အားလုံး ကြည့်နေပါတယ်။ ကျွန်တော်တို့ ပြည်ထောင်စုကြီးမှာ ဘယ်လောက် ညီညွတ်သလဲ။ ဘယ်လောက် အားရှိသလဲဆိုတာ ကြည့်နေပါတယ်။ တစ်ကမ္ဘာလုံး က စောင့်ကြည့်နေတဲ့ အချိန်မှာ အားလုံးက ညီညွတ်တယ်ဆိုတာကို ပြလိုက် နိုင်တဲ့အတွက် ဂုဏ်ယူတယ်လို့ ပြောရင်း အားလုံးကို ကျေးဇူးတင်ပါတယ်”ဟု ကိုမင်းကိုနိုင်က ဆက်လက် ပြောကြား ပါသည်။ ထို့နောက် ဦးအုန်း(FREDA) ၊ ဆရာအော်ပီကျယ်နှင့် ကဗျာဆရာကို တင်သစ်တို့က နှုတ်ခွန်းဆက်စကားများ အသီးသီး ပြောကြားခဲ့ပါသည်။ ထို့နောက် ရွာသားကိုယ်စားရွာသား တစ်ဦးက ကျေးဇူးတင်စကား ပြောကြားခဲ့ပြီး ကဗျာဆရာ ကိုစစ်ကောင်းက အားပေးစကားနှင့် ကဗျာတစ်ပုဒ် ဖတ်ကြားခဲ့သည်။ ရပ်မိရပ်ဖများ ကိုယ်စား ဘုန်းတော်ကြီး လဇွမ်နော်ဒင်းက ကျေးဇူးတင်စကား ပြောကြားခဲ့သည်။ ဘုန်းတော်ကြီး လဇွမ်နော်ဒင်းက “မနောကွင်းကနေ လာခဲ့ရလို့ နည်းနည်းမောပါတယ်။ အစ်မကြီး ဒေါ်အောင်ဆန်းစုကြည် တော်တော်အားရ ကျေနပ် သွားပါတယ်။ ပရိသတ်ကလည်း အများကြီး။ ပြောတဲ့ အကြောင်းအရာတွေ ကလည်း သိပ်ပြီး အကျိုးရှိပါတယ်။ ကျွန်တော်တို့ ကချင်ပြည်နယ် မြစ်ကြီးနားမြို့ဟာ ပင်လုံစာချုပ်ရဲ့အစ ဖြစ်တယ်လို့၊ ငြိမ်းချမ်းပါစေ၊ လွတ်လပ်ပါစေ၊ အားလုံးညီညွတ်ပါစေလို့ ပြောသွားတာကို ကျွန်တော်ကြားသိရပါတယ်။ ၀မ်းသာအားရနဲ့ ဒီနေရာကို ရောက်လာတဲ့အခါ ဆုတောင်းပွဲရှိတယ် လို့ကြားရတော့ အခုလို တွေ့မြင်ရတဲ့ အခါမှာ သိပ်ပြီးအားရပါတယ်။ ဒီမြစ်ဆုံအကြောင်း ကျွန်တော်ကြားသိရတာ တော်တော်ကြာပါပြီ။ ဘာမှမတတ်နိုင်ပါဘူး။ အားကိုးရာမဲ့ပါဘဲ။ ဆုပဲတောင်းနိုင်တယ်။ သမ္မတကြီး ကြေညာတဲ့ သတင်းကို ကြားရတဲ့အခါ စိတ်မှာကျေနပ်မိတယ်။ အားရမိတယ်။ မြစ်ဆုံနဲ့ ဧရာဝတီမြစ်ကြီးဟာ အသက်ရှင်ခွင့်ရပြီ။ ဒါကြောင့်မို့ အဖဘုရားသခင်အား ရှေးဦးစွာ ကျေးဇူးတင်ပါတယ်။ ဒီနေရာလေးဟာ သဘာဝတွေကို ဘယ်လောက် လေးနက်စေသလဲ၊ ဒီနေရာ လေးမြစ်ဆုံအဖြစ်နဲ့ ဖြစ်ရတယ် ဆိုတာ အံ့သြလို့မဆုံးနိုင်ဘူး။ ကချင် ပြည်နယ် မြေပုံကြည့်တဲ့အခါ တောတောင်အထပ်ထပ် မိုင်ပေါင်းများစွာက စီးဆင်းလာတဲ့ ချောင်းရေမြစ်ရေတွေ စမ်းရေးတွေ မိုးရေတွေ အကုန်စီးဆင်း လာတာ ဒီနေရာမှာ လာဆုံတာ ထူးဆန်းတယ်။ ဒါတောင် တစ်နေ့နဲ့တစ်နေ့ မတူဘူး။ အခုဆို ရေနည်းနည်းလေး တွေ့ရတယ်။ မိုးတွင်းဆိုရင်တောင် တစ်နှစ်နဲ့တစ်နှစ် မတူဘူး။ မြစ်ကြီးနားအောက်ပိုင်းမှာ ဘယ်လောက် ဒီမြစ်ရဲ့စွမ်းအားကို တွေ့ရသလဲ။ ဒီမြစ် ဟာ မြန်မာနိုင်ငံရဲ့ အသက်သွေးကြောပဲ ဖြစ်တယ်။ ဒီမြစ် ဆက်အသက်ရှင် ခွင့်ရတာ ဘုရားသခင်ကို ကျေးဇူးတင်တယ်။ စောစောက စာရေးဆရာတွေ၊ ကဗျာဆရာတွေ၊ ပညာရှင်တွေ၊ မိဘညီအစ်ကို မောင်နှမတွေ ဒေသမျိုး စုံကနေ ဖော်ပြပြီးဖြစ်ပါတယ်။ ပညာရှင်တွေပြောစကားအရ မြစ်ဆုံက နှစ်သက်တမ်း သန်းပေါင်း၇၀၀ ကျော် ရှိပြီလို့ သိရတယ်။ စဉ်းစားမိတာက မြစ်ဆုံဟာ နှစ်သက်တမ်း သန်းပေါင်း ၇၀၀ ကျော်ရှိခဲ့ပြီလား။ နှစ်သန်းပေါင်း ၇၀၀ ကျော် အသက်ရှင်ခဲ့ပြီးမှ ဆက်လက်အသက်ရှင်ဖို့ဆိုရင် ကျွန်တော် တို့ပြည်သူပြည်သားများ အားလုံးကာ ကွယ်ဖို့လိုတယ်။ စောစောက ကျောင်းသားတွေ ပြောတဲ့အထဲမှာ ပြည်သူလူထုရဲ့အသံက အရေးကြီးတယ်လို့ ပြောတယ်။ ကျွန်တော်တို့အသံက ဘယ်မှ မရောက်တာ။ ဒီမှာ စာရေးဆရာ၊ ကဗျာဆရာ၊ အနုပညာရှင်ကြီးတွေ ပါတယ်။ ကျွန်တော်တို့ အားကိုးရမယ်။ ဆက်လက်ပြီးတော့ ဖော်ပြပေးပါ။ ကြေညာပေးပါ။ ဒါတွေကို တစ်ကမ္ဘာလုံး သိအောင်၊ အားလုံး သဘောပေါက် နားလည်အောင် ဖော်ပြပေးပါ။ ကြေညာ ပေးပါ။ တွေ့ချင်တာကြာလှပြီ။ ဒီနေ့ ဒီအချိန်မှာ ဆုံရတော့ သိပ်အားရတယ်။ မသိနားမလည်သူတွေ များတယ်။ အားလုံးသိရှိ နားလည်အောင် ဆောင်ရွက် ပေးကြပါ။ ပတ်ဝန်းကျင်အကြောင်း မသိကြဘူး။ ဒီရဲ့ အကျိုးကျေးဇူးကိုလည်း မသိဘူး။ လာမယ့် ဘေးဒုက္ခ အန္တရာယ်တွေကိုလည်း မသိဘူး။ ပညာရှင်တွေက အားလုံးစမ်းသပ်ပြီး သွားကြပြီ။ ဒါတွေကို ဖော်ပြပေးပါ။ ဒီမှာ အားလုံး ဒုက္ခရောက်ကြရတယ်။ မိမိတို့ကျေးရွာတွေ၊ နေအိမ်တွေမှာ ဆက်လက် နေထိုင်လို ကြပါတယ်။ အားလုံး စည်းစည်းလုံးလုံး အေးအေးချမ်းချမ်းနဲ့ ဘုရားသခင် ဖန်ဆင်းပေးထားတဲ့ နေရာမှာ ကျွန်တော်တို့ကို ဆက်လက် နေထိုင်ခွင်ရအောင် ကူညီပေးကြပါ။ ကျွန်တော်တို့ အထူးပဲ မေတ္တာရပ်ခံပါတယ်။ ဧရာဝတီမြစ်ကြီးကို သနားပါလို့၊ ပြည်သူပြည်သားတွေကို အကျိုး ပြုတဲ့မြစ်ကို၊ ကျေးဇူးရှင်ကို ကာကွယ်ရအောင်၊ စောင့်ရှောက်ရအောင်လို့ ကျွန်တော်တို့လည်းပဲ ပြည်သူလူထုရဲ့ အသံတွေများများ ပေါ်ထွက်လာပါ စေ။ ၃ နှစ်မက၊ ၄ နှစ်မက၊ ၁၀ နှစ်မ က ကမ္ဘာကုန်ထိတိုင်အောင် နောင်နှစ်ပေါင်းများစွာ ဧရာဝတီမြစ်ကြီး အသက်ရှင်ပြီး စီးဆင်းနိုင်ပါစေလို့ မေတ္တာပို့ ပါတယ်” ဟု ပြောကြားခဲ့သည်။ အဆိုပါ အခမ်းအနားသို့ ဒေသခံ ၂၀၀ ၀န်း ကျင်ခန့် တက်ရောက်ခဲ့ကြသည်။ မြစ်ဆုံစီမံကိန်းနှင့် ပတ်သက်သော ရက်စွဲများ  ၂၀၀၆ ခုနှစ် - မြစ်ဆုံစီမံကိန်းများ လုပ်ဆောင်ရန်အတွက် တရုတ်အစိုးရက မြန်မာအစိုးရ နှင့် စတင်ဆွေးနွေးမှု ပြုလုပ်။ ၂၀၀၆ ခုနှစ် ဒီဇင်ဘာ - မြစ်ဆုံ ရေအားလျှပ်စစ် စီမံကိန်းအပါအ၀င် မေခ၊ မလိခ မြစ်ညာမြစ်ဝှမ်း ရေအား လျှပ်စစ်စီမံကိန်းများ ဆိုင်ရာ နားလည်မှု စာချွန်လွှာ(MoU) ကို ၂၀၀၆ ခုနှစ် ဒီဇင်ဘာလအတွင်းက အမှတ်(၁)လျှပ်စစ် စွမ်းအားဝန်ကြီးဌာနနှင့် တရုတ်နိုင်ငံ China Power Investment Corporation(CPI) တို့ ချုပ်ဆို။ တည်ဆောက်မည့် စီမံကိန်းများမှာ မြစ်ဆုံ၊ ချီဖွေ၊ ချီဖွေငယ်၊ ၀ူဆောက်၊ ခေါင်လန်ဖူး၊ ယီနန်၊ ပီဇော၊ လိုင်ဇာတို့ ဖြစ်ကြပြီး စုစုပေါင်း စက်တပ်ဆင်အား မဂ္ဂါဝပ် ၁၈၄၉၉ မဂ္ဂါဝပ်ဖြစ်ကြောင်းနှင့် ၁၅ နှစ်အတွင်း အပြီးတည်ဆောက်ရန် လျာထားခဲ့။ ၂၀၀၉ ခုနှစ် ဒီဇင်ဘာ- မြစ်ဆုံ စီမံကိန်းများကို စတင်လိုက်ပြီ ဖြစ်ကြောင်း နိုင်ငံပိုင် သတင်းစာများမှ တစ်ဆင့်ထုတ်ပြန်။ စီမံကိန်းများကို အမှတ်(၁) လျှပ်စစ်စွမ်းအား ၀န်ကြီးဌာနနှင့် တရုတ်စွမ်းအင် ကုမ္ပဏီ (CPI))တို့ ပူးပေါင်း လုပ်ဆောင်ခြင်းဖြစ်ပြီး အေးရှားဝေါလ် ကုမ္ပဏီက စီမံကိန်း လည်ပတ်မှုလုပ်ငန်းများတွင် ပူးပေါင်းဆောင်ရွက်။ ၂၀၀၉ ဒီဇင်ဘာ ၂၁ - စီမံကိန်း စတင်ခြင်း အခမ်းအနားကို ကချင်ပြည်နယ် မြစ်ကြီးနားမြို့ တန်ဖဲရွာ အနီး မေခ-မလိခမြစ်ဆုံ အောက်ဘက်တွင် ပြုလုပ်ခဲ့။ ၂၀၁၀ နိုဝင်ဘာ - မြစ်ဆုံဒေသ၌ ဧရာဝတီမြစ်အား ရေကြောင်းလွှဲရန် မြေသားပြုပြင် ဖောက်လုပ်ခြင်း ပြုလုပ်။ ၂၀၁၁ မေ - တရုတ်နိုင်ငံတွင် ဒေါ်လာဘီလျံ ၄၀ ကျော် အကုန်အကျခံပြီး တည်ဆောက်ခဲ့သော ကမ္ဘာ့ အကြီးဆုံး ဆည်ဖြစ်သည့် မြစ်ကျဉ်းသုံးသွယ် (Three Gorges) ဆည်သည် လူဦးရေ ၁ ဒသမ ၃ သန်းကျော်ကို နေရာရွှေ့ပြောင်း ပေးခဲ့ရပြီး သဘာဝ ပတ်ဝန်းကျင် ပြဿနာများကို ဖြစ်ပေါ်စေခဲ့ကြောင်း တရုတ်အစိုးရက ပထမဆုံး ၀န်ခံပြောကြား။ ၂၀၁၁ ခုနှစ် ဇွန်လ ၁၈ - အရေးကြီးသည့် ရေအားလျှပ်စစ် စီမံကိန်းကို ကာကွယ်စောင့်ရှောက် လိုသော ရည်မှန်းချက် တစ်ခုတည်းဖြင့် မိမိတပ်မတော်သားများနှင့် KIA အဖွဲ့အကြား တိုက်ပွဲများဖြစ်ပွား နေရခြင်းဖြစ်ကြောင်း နိုင်ငံပိုင် သတင်းစာများတွင် ဖော်ပြ။ ၂၀၁၁ ခုနှစ် သြဂုတ် ၉ - နိုင်ငံပိုင် သတင်းစာများ၌ လျှပ်စစ်ဝန်ထမ်း တစ်ဦးရေးသားသော ထာဝရ အမွေအနှစ်၊ မွန်မြတ်သည့် စေတနာဆောင်းပါးကို ဖော်ပြခဲ့။ မြစ်ဆုံနှင့် ပတ်သက်ပြီးရေးသားခဲ့ခြင်း ဖြစ်ကာ ဆောင်းပါးတွင် အချို့ပုဂ္ဂိုလ်/အဖွဲ့အစည်းများ အနေဖြင့် ကချင်ပြည်နယ်အတွင်း အကောင်အထည်ဖော် ဆောင်ရွက်လျက် ရှိသည့် ဧရာဝတီမြစ်ဆုံ မေခ၊ မလိခ၊ မြစ်ညာမြစ်ဝှမ်း ရေအားလျှပ်စစ် စီမံကိန်းများနှင့် ပတ်သက်၍ နိုင်ငံတကာနှင့်ပြည်တွင်းရှိ ပြည်သူလူထု အထင်မှားအမြင်မှားဖြစ်စေရန် မဟုတ်မမှန် ဖန်တီးလုပ်ကြံ၍ ရေးသားလုပ်ဆောင်လျက် ရှိကြသည်ဟု တုံ့ပြန်။ ထိုတုံ့ပြန်ချက်ကို ၀ါရင့်သတင်းစာ ဆရာကြီး လူထုဦးစိန်ဝင်းနှင့် Eleven Media Group  တို့မှ တရားဝင် အတိအလင်းဝေဖန် ပြောဆိုခဲ့။ ထိုသို့ အတိအလင်း ဝေဖန် ပြောဆိုခဲ့ခြင်းသည် နှစ်ပေါင်း ၂၀ ကျော် ကာလအတွင်း အစိုးရ သတင်းစာ၏ ပေါ်လစီဆောင်းပါးကို ပုဂ္ဂလိကပိုင် ဂျာနယ်ပုံနှိပ် စာမျက်နှာမှတစ်ဆင့် ပထမဆုံး ဝေဖန်ပြောဆိုသည့် အကြောင်းအရာ အဖြစ် မှတ်တမ်းဝင်ခဲ့။ ၂၀၁၁ ခုနှစ် သြဂုတ် ၁၂ - အစိုးရသစ် လက်ထက်တွင် ပထမဆုံးပြုလုပ်ခဲ့သော သတင်းစာရှင်းလင်းပွဲ၌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးကျော်ဆန်းက မြစ်ဆုံစီမံကိန်းများ ဆက်လုပ်၊ မလုပ် ကိစ္စကိုအမျိုးသား အကျိုးစီးပွားအတွက် အစစအရာရာ ချိန်ထိုးပြီး ဆောင်ရွက်မည်ဟု ပြောကြားခဲ့။ ၂၀၁၁ ခုနှစ် စက်တင်ဘာ ၁၁ - နေပြည်တော်ရှိ မီးရထားဝန်ကြီးဌာန၀န်ကြီးရုံးတွင် ပြုလုပ်ခဲ့သော မီဒီယာ တွေ့ဆုံပွဲတွင် အမှတ်(၁)လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီး ဦးဇော်မင်းက မည်သည့် ကန့်ကွက်မှုများ ရှိသည်ဖြစ်စေ၊ ဧရာဝတီမြစ်ဆုံ စီမံကိန်းကို ဆက်လုပ်မည်ဖြစ်ကြောင်းနှင့် ဘယ်တော့မှ နောက်ဆုတ်မည် မဟုတ်ကြောင်း မီဒီယာများကို ပြန်လည်ဖြေကြားခဲ့။ ဦးဇော်မင်း၏ ပြောကြားချက်များကိုလည်း Eleven Media Group အပါအ၀င် အခြားသော နယ်ပယ်အသီးသီးမှ ထင်ရှားသူများ၊ ပညာရှင်များက ပုံနှိပ်စာမျက်နှာများ၊ အင်တာနက် စာမျက်နှာများမှ တစ်ဆင့်တရားဝင်အဖြစ် ပြန်လည်ဝေဖန် ပြောဆိုခဲ့ကြသည့် ပြည်သူလူထု အကြား၌ ဝေဖန်ပြောဆိုမှုများ ကျယ်လောင်စွာ ထွက်ပေါ်လာခဲ့။ ထိုသို့ ဝေဖန်ရာ၌ မြစ်ဆုံ အရေးကိစ္စသည်- (၁) သဘာဝပတ်ဝန်းကျင် ဆိုင်ရာ ကိစ္စရပ် တစ်ခုတည်းကြောင့် မဟုတ်၊ (၂) နိုင်ငံရေးပြဿနာ တစ်ခုတည်းကြောင့် မဟုတ်၊ (၃)အမျိုးသားရေး ပြဿနာ ဖြစ်ခြင်းကြောင့် နိုင်ငံတော်သမ္မတကြီး ဦးသိန်းစိန်အနေဖြင့် နိုင်ငံအကျိုး၊ ပြည်သူ အကျိုးအတွက် မြစ်ဆုံကိစ္စရပ်ကို တိုက်ရိုက်ကိုင်တွယ် ဖြေရှင်းပေးရန် စသော အချက်များကို အဓိကထားပြီး ပြောဆိုလာခဲ့။ ၂၀၁၁ ခုနှစ် စက်တင်ဘာ ၁၀ - Save the Irrawaddy ဟောပြောပွဲကို ရန်ကုန်မြို့၌ ပြုလုပ်ခဲ့၊ မောင်စိန်ဝင်း(ပုတီးကုန်း)၊ ကိုတာ၊ ဒေါက်တာထွန်းလွင်နှင့် ကိုမြင့်ဇော်တို့မှ ဟောပြောဆွေးနွေးခဲ့ပြီး ထင်ရှားသော လှုပ်ရှားမှုတစ်ရပ် ဖြစ်ခဲ့။ ၂၀၁၁ ခုနှစ် စက်တင်ဘာ ၁၅ - မြစ်ဆုံ စီမံကိန်းအပေါ် ဂျာနယ်များ၏ ရေးသားမှုသည် နိုင်ငံရေးအရ သွေးရိုးသားရိုး မဟုတ်ကြောင်းနှင့် လာရောက်လေ့လာသင့်ပြီး ပညာရှင်ကို ပညာရှင်ချင်း၊ ဓားကို ဓားချင်း၊ တုတ်ကို တုတ်ချင်း ဖြေရှင်းသင့်ကြောင်း ရေအားလျှပ်စစ် အကောင်အထည်ဖော်ရေး ဦးစီးဌာန ညွှန်ကြားရေးမှူး ဦးတင်ဝင်းက မဇ္ဈိမသတင်းဌာနသို့ ပြောကြားခဲ့။ ၂၀၁၁ ခုနှစ် စက်တင်ဘာ ၁၇ - ဧရာဝတီမြစ်ဝှမ်း ရေအားလျှပ်စစ် စီမံကိန်းများကြောင့်  ဧရာဝတီမြစ်နှင့် သဘာဝပတ်ဝန်းကျင် အပေါ်သက်ရောက်မှု အလုပ်ရုံ ဆွေးနွေးပွဲကို နေပြည်တော်ရှိ အမှတ်(၁) လျှပ်စစ်စွမ်းအား ၀န်ကြီးဌာန၌ ပြုလုပ်။ ဆွေးနွေးပွဲသို့ ဒေါက်တာထင်လှ(ဥက္ကဋ္ဌ၊ BANCA)၊ Mr. Li Guan Ghua(President, CPIYN) ၊ ဦးထွန်းနိုင်အောင်(ဥက္ကဋ္ဌ၊ KKS Group of Companies)၊ ဦးလှမောင်သိန်း (ညွှန်ကြားရေးမှူး၊ ပတ်ဝန်းကျင် ထိန်းသိန်းရေးနှင့် သစ်တောရေးရာ ၀န်ကြီးဌာန)နှင့် ဦးကိုကို (ညွှန်ကြားရေးမှူး၊ ပို့ဆောင်ရေး ၀န်ကြီးဌာန)တို့ စာတမ်းဖတ်ကြားခဲ့။ အဆိုပါ အလုပ်ရုံဆွေးနွေးပွဲသို့ နိုင်ငံရေးပါတီ အသီးသီးမှ လွှတ်တော်ကိုယ်စားလှယ်များ တက်ရောက်ခဲ့။ ၂၀၁၁ ခုနှစ် စက်တင်ဘာ ၁၉ - ဧရာဝတီမြစ်ဆုံနှင့် အထက်ဘက် မေခ-မလိခမြစ်ဝှမ်းတွင် ရေအားလျှပ်စစ်စီမံကိန်း ရှစ်ခုအား အကောင်အထည်ဖော် ဆောင်ရွက်လျက်ရှိရာ မြစ်ဆုံ ရေအားလျှပ်စစ် စီမံကိန်း အကောင်အထည်ဖော်မှု ၁၀ ရာခိုင်နှုန်း ပြီးစီးနေပြီး ချီဖွေငယ် ရေအားလျှပ်စစ်စီမံကိန်းမှာ ၉၇ ရာခိုင်နှုန်းကျော် ပြီးစီးနေပြီဟု အမျိုးသားလွှတ်တော် အစိုးရ၏ အာမခံချက်များ၊ ကတိက၀တ်များနှင့် တာဝန် ခံချက်များ ကော်မတီ အတွင်းရေးမှူး အမျိုးသားလွှတ်တော် ကိုယ်စားလှယ် ဦးဝင်းနောင်က လွှတ်တော်၌ ဖတ်ကြားခဲ့။ ၂၀၁၁ ခုနှစ် စက်တင်ဘာ ၂၄ - သဘာဝပတ်ဝန်းကျင်နှင့် ပြည်ထောင်စုသမ္မတ မြန်မာနိုင်ငံ ဟောပြောပွဲကို ရန်ကုန်မြို့၌ပြုလုပ်။ ဒေါက်တာထွန်းလွင်၊ ဒူဝါဇောင်ဂမ်၊ ဦးအုန်း၊ Eleven Media Group ၏ CEO ဒေါက်တာ သန်းထွဋ်အောင်၊ ဦးဝင်းမျိုးသူ (မန်နေးဂျင်း ဒါရိုက်တာ Eco Dev) တို့က မြစ်ဆုံအရေးနှင့် ပတ်သက်ပြီး အချက်အလက်များဖြင့် ထောက်ပြပြောဆိုခဲ့။ ၂၀၁၁ ခုနှစ် စက်တင်ဘာ ၂၈- မြစ်ဆုံစီမံကိန်း တည်ဆောက်မှုနှင့် ပတ်သက်ပြီး လုပ်ဆောင်နေသော စီမံကိန်းဓာတ်ပုံများကို Eleven Media Group ၀က်ဘ်ဆိုက်စာမျက်နှာ၌ ဖော်ပြ။ ၂၀၁၁ ခုနှစ် စက်တင်ဘာ ၃၀ - နိုင်ငံတော်သမ္မတ ဦးသိန်းစိန်၏ မြစ်ဆုံစီမံကိန်းကို မိမိတို့ အစိုးရ လက်ထက်တွင် ယာယီရပ်ဆိုင်းထားရန် လွှတ်တော်သို့ သ၀ဏ်လွှာပေးပို့။ ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီအဖွဲ့ချုပ် ထိပ်တန်း ခေါင်းဆောင်များ၊ နိုင်ငံရေးသမားများ၊ အစိုးရ၏ အတိုက်အခံများ၊ သတင်းမီဒီယာများနှင့် ပြည်သူလူထုများက သမ္မတ၏ ဆုံးဖြတ်ချက်ကို ကြိုဆိုခဲ့။ ထို့အပြင် အဆိုပါ ဆုံးဖြတ်ချက်ကို နိုင်ငံတကာ အသိုင်းအ၀ိုင်းကလည်း ကြိုဆိုခဲ့ပြီး အမေရိကန်နိုင်ငံ အပါအ၀င် ဥရောပသမဂ္ဂမှလည်း သမ္မတ၏ ဆုံးဖြတ်ချက်ကို ကြိုဆိုကြောင်း တရားဝင် ထုတ်ဖော်ပြောဆိုခဲ့။ မြစ်ဆုံစီမံကိန်း ရပ်ဆိုင်းခဲ့မှုမှာ အစိုးရနှင့် ပြည်သူအကြား နှစ်ပေါင်း ၅၀ ကြာ အတားအဆီးဖြစ်ခဲ့သော နံရံများကို ဖြိုချနိုင်ခဲ့ခြင်းအဖြစ် သတ်မှတ်ခဲ့ပြီး အမျိုးသားညီညွတ်ရေး၏ သင်္ကေတတစ်ခုအဖြစ် မှတ်တမ်းဝင်ခဲ့။ ၂၀၁၁ ခုနှစ် အောက်တိုဘာ ၁ - အမေရိကန်ဒေါ်လာ ၃ ဒသမ ၆ ဘီလျံတန်ဖိုးရှိ မြစ်ဆုံစီမံကိန်း ရပ်ဆိုင်းလိုက်ခြင်းနှင့် ပတ်သက်ပြီး ဆွေးနွေးရန် တရုတ်နိုင်ငံခြားရေး ၀န်ကြီးတောင်းဆို။ ၂၀၁၁ ခုနှစ် အောက်တိုဘာ ၃ - မြစ်ဆုံစီမံကိန်း ရပ်ဆိုင်းထားပါက ဥပဒေကြောင်းအရ ရင်ဆိုင်ရမည့် အခြေအနေများသို့ ဦးတည်သွားနိုင်ကြောင်း တရုတ်စွမ်းအင်ကုမ္ပဏီ(CPI)ဥက္ကဋ္ဌ လူကျိရှိုက ဆင်ဟွာ သတင်းဋ္ဌာနသို့ ဖြေကြားရင်း ခြိမ်းခြောက်မှုပြုလုပ်ခဲ့။ ၂၀၁၁ ခုနှစ် အောက်တိုဘာ ၁၀ - မြစ်ဆုံစီမံကိန်း ရပ်ဆိုင်းထားမှုနှင့်ပတ်သက်ပြီး မြန်မာနှင့်တရုတ် ညှိနှိုင်းဆောင်ရွက် သွားရန် နှစ်ဖက်နိုင်ငံခြားရေးဝန်ကြီးများ သဘောတူညီခဲ့။ ၂၀၁၁ ခုနှစ် အောက်တိုဘာ ၂၀- ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ သီဟသူရ ဦးတင်အောင်မြင့်ဦးနှင့် တရုတ်နိုင်ငံ ၀န်ကြီးချုပ်ဝမ်ကျားပေါင်တို့ နန်နင်းမြို့၌ တွေ့ဆုံခဲ့ပြီး မြစ်ဆုံစီမံကိန်းနှင့် ပတ်သက်သော ကွဲလွဲချက်များက နှစ်နိုင်ငံဆက်ဆံရေးကို မထိခိုက်စေနိုင်ကြောင်း တရုတ်မီဒီယာများက ဖော်ပြခဲ့။ ၂၀၁၂ ခုနှစ် ဇန်န၀ါရီ ၃၀ - မြစ်ရေတင်စီမံကိန်းများ၊ ရေလှောင်တမံ၊ ရေလွှဲကန်စီမံကိန်းများကို ကျပ်သန်းပေါင်းများစွာ အကုန်ကျခံ တည်ဆောက်ထားသော်လည်း လျာထားချက်အတိုင်း အမှန်တကယ် ရေပေးဝေနိုင်မှု မရှိသောကြောင့် စီမံကိန်းအသစ်များ ထပ်မံတည်ဆောက်ခြင်းကို ရန်တန့်ထားရန် ပြည်သူ့ လွှတ်တော်မှ သဘောတူ။ ကျေးဇူးပဲ့တင်သံ အခမ်းအနားသို့ တက်ရောက်ခဲ့သူ တချို့၏ ပြောစကားများ ကျွန်တော့် စိတ်ခံစားချက်ကတော့ ဒီပွဲလေးကိုတက်ရတာ သိပ်ကောင်းတာပဲဗျာ။ ပထမဆုံး အခမ်းအနား စဖွင့်တော့ပြောတဲ့ အရောင်စုံတဲ့ တိုင်းရင်းသားတွေ ဆိုတာကိုပါ။ အဲဒါကို သဘောကျတယ်။ အခု ရောင်စုံ တိုင်းရင်းသားရောင်စုံ အဖွဲ့အစည်းအမျိုးမျိုးပေါ့ဗျာ။ ၈၈ လည်းပါတယ်။ ပညာရှင်လည်း ပါတယ်။ ကျွန်တော်တို့ အနုပညာသမားလည်း ပါတယ်။ ရွာသူရွာသားလည်း ပါတယ်။ NGO တွေလည်းပါတယ်။ အဲဒီလိုအရောင်လည်း စုံတယ်။ အသွေးလည်းစုံတယ်။ ပညာရောင်စုံ အတွေးအခေါ်ရောင်စုံ ရှိတယ်။ အဲဒါတွေ အကုန်လုံးက ဒီမှာစုစုစည်းစည်းသန္ဓိဌာန်ချတဲ့ စကားလေးတွေကြားရတော့ တအားဝမ်းသာတယ်။ မနေ့က တစ်နေကုန်ဟာ တကယ်ကိုတန်ဖိုးရှိတဲ့ နေ့တစ်နေ့ပါ။ လာတဲ့သူတွေ အားလုံးက မြစ်ဆုံကြီးရပ်လိုက်ပြီဆိုပြီး စိတ်ချလက်ချဝမ်းသာပြီး ကြွေးကြော်နေတဲ့ သူတွေမဟုတ်ဘဲနဲ့ အားလုံးက မြစ်ဆုံကြီး လောလောဆယ် ခေတ္တရပ်လိုက်တာ ကျေးဇူးတင်တယ်။ လုပ်ရမယ်ဆိုရင် နောက်ထပ် ထပ်ပြီးကိုယ့်ဘက်က ဆက်လုပ်ရမှာတွေ ကတိတွေ သန္ဓိဌာန်တွေ မျှော်မှန်းတာတွေ အဲဒီမျှော်မှန်းချက်တွေနဲ့ လုပ်စရာတွေကို ကတိပေးတဲ့ ပွဲလေးတစ်ပွဲလို့ ခံစားရပါတယ်။  ဆရာအော်ပီကျယ် ကချင်တိုင်းရင်းသား တစ်ယောက်အနေနဲ့ ကျွန်တော်တို့ဆီမှာ ဒီလိုတွေ ကြောက်နေရတာ မဖြစ်ချင်တော့ဘူး။ ဘာကိုကြောက်မှန်းမသိ ကြောက်နေရတာ။ ကျွန်တော်မှာ သမီးနှစ်ယောက်နဲ့ မိန်းမရှိတယ်။ ကိုယ့်အတွက် စိတ်ပူတာထက် မိသားစုအန္တရာယ်ရှိမှာ ကြောက်တယ်။ အခုဘာ အလုပ်မှမရှိဘူး။ နေစရာရှိပေမယ့် စားစရာမရှိလို့ ကိုယ့်နေရာကိုပဲ ပြန်ချင်တယ်။                 မလိဇွပ်ရွာသားတစ်ဦး ဒီကိုလာခွင့်မပေးဘူး။ ပြောင်းနေရတဲ့ နေရာကလည်း ကျဉ်းကျဉ်းလေးရယ်။ ငါပေးလိုက်ရတာ လိမ္မော်ခြံတွေ။ အခုသားသမီးတွေကို ပေးစရာ ဘာမှမကျန်တော့ဘူး။ ငါတို့ ဘာမှအပြစ်လုပ်တာလည်း မရှိဘဲနဲ့ လုပ်ကိုင် စားလို့ မရတော့တဲ့ အခြေအနေထိ ရောက်သွားရတာ။ ဒီနေရာမှာပြန်နေလို့ ရရင်ပြန်ချင်တယ်။ ဒီနှစ်ဆို တောင်ယာလည်း မစိုက်လိုက်ရဘူး။ တန်ဖဲကျေးရွာမှ အသက်(၆၀)၀န်းကျင်အမျိုးသမီးကြီးတစ်ဦး ငါးနှစ်အတွက် ဆိုတာထက် တစ်သက်လုံးအတွက် သေချာစေချင်တယ်။ ကိုမင်းကိုနိုင် ပြောသလိုပဲ နှာခေါင်းမြုပ်တဲ့အထိ ဒီနေရာကိုကာကွယ်သွားရပါမယ်။ ဒီပွဲမှာလာပြီးပြောသွားတဲ့ ဆရာတွေရဲ့ စကားကြောင့် ကိုယ်လုပ်ရမယ့် အလုပ်ကိုပိုပြီး သိလာတယ်။ တန်ဖဲကျေးရွာသား လူငယ်တစ်ဦး

လူသတ်မှုကျူးလွန်သည့် စစ်အရာရှိနေရာ တပ်ကြပ်ဖြင့် လူစားထိုး

တနင်္လာနေ့၊ ဖေဖေါ်ဝါရီလ 27 ရက် 2012 ခုနှစ် - သျှမ်းသံတော်ဆင့်သတင်း

ယခုလ ၂၄ ရက်နေ့ ည ၈ နာရီကျော်ခန့်က ကချင်ပြည်နယ် ဗန်းမော်မြို့ မလူလာကျေးရွာအတွင်း အရပ်သား တစ်ဦး အား စစ်အရာရှိ တစ်ဦးက ပစ္စတို သေနတ်ဖြင့် အနီးကပ် ပစ်သတ်ခဲ့သည့် အမှုတွင် ကျူးလွန်သူ အရာ ရှိ၏ နေရာတွင် တပ်ကြပ် တစ်ဦးဖြင့် လူစားထိုးထားကြောင်း မိသားစုဝင်များက သျှမ်းသံတော်ဆင့်သို့ ပြော သည်။

ဗန်းမော်မြို့ ခွန်သာရပ်ကွက်နေ အသက် ၃၇ နှစ်အရွယ် ကိုမင်းခန့်အား အရက်သေစာသောက်စားထား သည့် ခလရ ၂၃၇ မှ ဗိုလ်မှူးတစ်ဦးက ငွေတောင်းရာမပေးသဖြင့် ပစ်သတ်ခဲ့ခြင်းဖြစ်ကြောင်း သေဆုံးသူနှင့် ဆိုင်ကယ်တစ်စီးတည်း အတူလိုက်ပါသူ မျက်မြင်၏ အပြောကို ကိုးကား၍ ညီဖြစ်သူက ပြန်ပြောသည်။

"သူက သစ်ကယ်ရီဆိုတော့ ခလရ ၂၃၇ က အရက်မူးနေတဲ့ အရာရှိတချို့ပါတဲ့  ၄၊ ၅ ယောက်အဖွဲ့က လမ်း ရှင်းကြေး တောင်းတာပေါ့နော်။ ကိုမင်းခန့်တို့ နှစ်ယောက်က ဆိုင်ကယ်ပေါ်မှာ။ သူကနောက်မှာထိုင်တယ်။ အဲတော့ တပ်ရင်းရုံး မှာ ငွေ ၃ သိန်းပေးခဲ့ပြီးပြီ လို့ပြောတော့ မင်းခန့်ကိုသေနတ်နဲ့ချိန်ထားတယ်။ မချိန်ပါနဲ့ ခဏစောင့်ပေးပါ ဗိုလ်မှူး လို့ ပြော တဲ့အချိန် မင်းခန့် ဆီကိုဖုန်းဝင်လာတယ် ဖုန်းနိုက်ယူတဲ့အချိန် အနီးကပ် ပစ်ထည့်လိုက်တာ " ဟု ဆိုသည်။

အဆိုပါ မျက်မြင်၏ အပြောအရ  လူသတ်မှု ကျူးလွန်သူမှာ ဗိုလ်မှူးတစ်ဦး ဖြစ်ကြောင်း သိရသော်လည်း ယခုလ ၂၅ ရက် နေ့က သေဆုံးသူ၏ မိခင်အား လူသတ်မှု ကျူးလွန်သူမှာ တပ်ကြပ်လှမြင့်အောင် ဖြစ်ကြောင်း ဗန်းမော်ရဲစခန်းမှ ဂတ် စာရေး ကိုကိုနိုင်ဆိုသူက ၀န်ခံလက်မှတ်ထိုးခိုင်းခဲ့သည်ဟု ဆိုသည်။

"ပစ္စတိုကျည်က ဘယ်ဘက်မျက်လုံးကနေဝင်သွားပြီး   နောက်ကိုပေါက်မထွက်သွားဘူး။ ရဲစခန်းက ဂတ်စာရေး ကိုကိုနိုင်ပေါ့နော် ။ ညနေပိုင်းမှာအိမ်ကိုလာပြီးတော့ သေဆုံးသူကိုဖိုးခန့်ရဲ့ အမေကို လက်မှတ် ထိုး ခိုင်းတယ်လေ။ အဲဒီ မှာတော့ ကျူးလွန်သူက တပ်ကြပ်လှမြင့်အောင်ဖြစ်နေတာပေါ့နော် " ဟု ဆိုသည်။

ဗန်းမော်မြို့ ရင်ခွဲရုံ၌ ရင်ခွဲစစ်ဆေးချက်အရ ပစ်ခတ်သည့် ကျည်မှာ ပစ္စတိုကျည်ဖြစ်ပြီး အနီးကပ်ပစ်ခတ် ခံရကြောင်း ဆရာ ၀န်ကြီးက ထွက်ဆိုကြောင်း သိရသည်။

သေဆုံးသူ ကိုမင်းခန့် ခလရ ၂၃၇ တွင် ပေးထားသည့် ကျပ်ငွေ ၃ သိန်း အပါအဝင် ဆိုင်ကယ်နှင့်ဖုန်းများကို ဗန်းမော် ရဲစခန်း၌ သက်သေခံပစ္စည်းအဖြစ် ယူဆောင်လာပြီး လူသတ်မှုကျူးလွန်ရာတွင် ပါဝင်သူများအား အရေးယူမှု မရှိသေး ကြောင်း သိရသည်။

NLD ပါတီအား အမြစ်ပြတ် ခြေမှုန်းပစ်ရန် ဗိုလ်ချုပ်မှူးကြီး သန်းရွှေက အမိန့်ပေးခဲ့

မိုးမခအထောက်တော် အမှတ် ၀၀၇
ဖေဖော်ဝါရီ ၂၅၊ ၂ဝ၁၂

စစ်အစိုးရလက်ထက်တွင် ဗိုလ်ချုပ်မှူးကြီး သန်းရွှေ၏ အမိန့်အရ NLD ပါတီဝင်များကို အပြစ်ရှာ နှိမ်နင်းခဲ့သည်ဟု မြန်မာစစ်ထောက်လှမ်းရေးတပ်ဖွဲ့တွင် အရာရှိတစ်ဦးအဖြစ် တာဝန်ယူခဲ့ဖူးသူ ဦးအောင်လင်းထွဋ်က VOA သတင်းဌာနကို မကြာသေးမီက ပြောလိုက်သည်။

၁၉၈၈ နှင့် ၂၀၁၀ အတွင်း နိုင်ငံရေးသမားများ ရည်ရွယ်ချက်ရှိရှိဖြင့် နှိပ်ကွပ်ခံရပုံကို စစ်ထောက်လှမ်းရေးအရာရှိဟောင်းတစ်ဦးက ပထမဆုံးအကြိမ် ထုတ်ဖော်ပြောဆိုလိုက်ခြင်း ဖြစ်သည်။

“NLD အမြစ်ပြတ်ခြေမှုန်းရေး ကျနော်တို့ ကိုယ်တိုင် မဟုတ်တောင်မှ ကျနော်တို့အဖွဲ့အစည်းက လုပ်ရတာကိုးဗျ။ NLDနဲ့ ပတ်သက်လျှင် NLD ပါတီဝင် တွေ ကို ရေဖြတ်၊ မီးဖြတ်ကအစ အပြစ်ရှာပြီး လုပ်ခဲ့ရတာ။ မလုပ်လို့ လည်းမရဘူး။ အာဏာရှင်တို့ရဲ့သဘော သဘာဝအရ ခင်ဗျားသိတဲ့အတိုင်း၊ ကျူပင်ခုတ်ကျူငုတ်မကျန်၊ သားစဉ်မြေးဆက်အကုန်လုံးကို ဒုက္ခ ပေး တာ ကိုး” ဟု ဦးအောင်လင်းထွဋ်က ပြောဆိုကြောင်း VOA သတင်းဌာန ၀က်ဆိုက်တွင် ဖေဖော်ဝါရီ ၁၈ နေ့စွဲဖြင့် ဖော်ပြထားသည်။

၁၉၉၆ နောက်ပိုင်းတွင် ထိုသို့ နှိမ်နင်းရန် အမိန့်ရခဲ့ခြင်းဖြစ်သည်ဟု ၎င်းက ရှင်းပြသည်။

“ဗိုလ်ချုပ်မှူးကြီးကနေ ကျနော်တို့ကို NLD ကို မင်းတို့ အမြစ်ပြတ်ခြေမှုန်းရမယ် ဆိုလို့ ထောက်လှမ်းရေးက လူမိုက်အငှားခံခဲ့ရတဲ့ အနေအထားမျိုး ရှိပါတယ်” ဟု စစ်ထောက်လှမ်းရေး အရာရှိဟောင်း ဦးအောင်လင်းထွဋ်က ပြောသည်။

ထိုသို့ ချေမှုန်းခံရသော်လည်း NLD ပါတီဝင်များ၊ နိုင်ငံရေးသမား အများအပြား ဒီမိုကရေစီလှုပ်ရှားမှုတွင် တစ်စိုက်မတ်မတ် ပါဝင်ခဲ့ကြသည်။

ဗိုလ်မှူးဟောင်း ဦးအောင်လင်းထွဋ်က ဆက်လက် ပြောကြားရာ မြန်မာပြည်တွင် စစ်သားများက အနိုင်ကျင့်တတ်သည့် စရိုက်ရှိသည်ဟု ဆိုသည်။

“စစ်သားဆိုတာ တပ်ရင်းမှူး၊ တပ်စုမှူးက တောမှာ ဗိုလ်ကျချင်တိုင်း ကျကြတယ်ဗျာ။ မြို့ပေါ်တက်တော့လည်း အဲဒီအကျင့်က ပါနေတုန်းပဲ။ ဒီအကျင့်တွေက ခုထိ မပျောက်သေးဘူးဗျ။ အဲဒီတော့ ဒီအကျင့်တွေ ပျောက်ဖို့ဆိုတာ တပ်မတော်ကိုလည်း ပြင်ဖို့ ဆင်ဖို့ train လုပ်ဖို့ က လိုတယ်ဗျ” ဟု သူက ရှင်းပြသည်။

သို့သော်လည်း စစ်တပ်တွင် တိုးတက်ဖြစ်ထွန်းမှုတခုရှိကြောင်း သူက ထောက်ပြသည်။

“ဒီနေ့ ကြားရတဲ့သတင်းမှာ ကချင်ပြည်နယ်မှာ အမျိုးသမီးတစ်ယောက်ကို ဖမ်း ထားပြီးမှ ပြန်မလွှတ်တဲ့ကိစ္စကို နေပြည်တော်မှာ တရားရုံးတင်မယ်ဆိုတာ ဒါကောင်းတဲ့ သတင်းပါ” ဟု သူက ပြောသည်။

“တောထဲမှာ လူမသိသူမသိ အသတ်ခံရ မုဒိန်းကျင့် ခံရတာတွေအများကြီး ရှိခဲ့တယ်။ ဒါတွေကို အရေးယူပေး ရမယ်” ဟုလည်း သူက ပြောပြသည်။

ဦးအောင်လင်းထွဋ်သည် အမေရိကန်ပြည်ထောင်စုတွင် နေထိုင်လျက်ရှိသည်။

ဝါရှင်တန်ရှိ မြန်မာသံရုံးတွင် သံတမန်တစ်ဦးအဖြစ် ဦးအောင်လင်းထွဋ် တာဝန်ယူစဉ် စစ်ထောက်လှမ်းရေးအရာရှိများကို မြန်မာပြည်တွင် ဖမ်းဆီးအကျဉ်းချသည့် ၂၀၀၅ ခုနှစ်တွင် ဦးအောင်လင်းထွဋ်က အမေရိကန်တွင် ခိုလှုံခွင့် တောင်းလိုက်သည်။

ဇနီး၊ သား တစ်ဦး၊ သမီး နှစ်ဦး၊ နှမ (သို့မဟုတ် အစ်မ) တဦး တို့နှင့် အတူ ခိုလှုံခွင့် တောင်းခံခြင်း ဖြစ်ကြောင်း၊ သူ၏ အတိတ်ကာလ စစ်ဘက်ဆိုင်ရာ တာဝန်ထမ်းဆောင်မှုများကြောင့် ခိုလှုံခွင့် ငြင်းပယ်ခံထားရကြောင်း၊ သို့သော်လည်း ၎င်းတို့အား နေထိုင်ခွင့် ပြုထားကြောင်း Asia-Pacific Defense Forum စစ်ဘက်ဆိုင်ရာ မဂ္ဂဇင်း၏ အင်တာနက် စာမျက်နှာတွင် ရေးသား ဖော်ပြထားသည်။

ဒေါ်အောင်ဆန်းစုကြည်ကို ကန့်ကွက်ဖို့ အယူခံ ထပ်တင်

2012-02-25

လွှတ်တော် ကိုယ်စားလှယ်လောင်း အရည်အချင်းတွေနဲ့ မကိုက်ညီဘူးဆိုတဲ့ အကြောင်းပြချက်နဲ့ ကော့မှူးမြို့နယ် လွှတ်တော်ကိုယ်စားလှယ်လောင်း ဒေါ်အောင်ဆန်းစုကြည်ကို ညီညွတ်ရေးနဲ့ ငြိမ်းချမ်းရေးပါတီ ကိုယ်စားလှယ်လောင်း ဦးတင်ရီက ရန်ကုန်တိုင်း ရွေးကောက်ပွဲ ကော်မရှင်ရုံးကို ကန့်ကွက် အယူခံလွှာ တင်ထားတဲ့ကိစ္စနဲ့ ပတ်သက်ပြီး NLD ပါတီက ဖြေရှင်းချက်ပေးမယ့်စာကို တနင်္လာနေ့မှာ တင်သွင်းမှာ ဖြစ်ပါတယ်။

AFP

၂ဝ၁၂ ခုနှစ် ဖေဖော်ဝါရီလ ၁၁ ရက်နေ့က ကော့မှူးမြို့နယ် ဝါသိင်္ခကျေးရွာသို့ ပါတီစည်းရုံးရေး ခရီးစဉ် သွားရောက်သည့် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လူထုက ကြိုဆိုနှုတ်ဆက်စဉ်။

ဦးတင်ရီက ဒေါ်အောင်ဆန်းစုကြည်ကို ခရိုင်ကော်မရှင်ရုံးမှာ ဖေဖော်ဝါရီ ၁၁ ရက်နေ့က ကန့်ကွက်ခဲ့တာပါ။ အဲဒီ ကန့်ကွက်လွှာကို ခရိုင်ကော်မရှင်က ပယ်ချပြီးနောက် ဖေဖော်ဝါရီ ၂၂ ရက်နေ့မှာ အယူခံလွှာကို ရန်ကုန်တိုင်း ကော်မရှင်ရုံးမှာ ထပ်တင်ခဲ့ပါတယ်။

ရန်ကုန် တောင်ပိုင်းခရိုင် ရွေးကောက်ပွဲ ကော်မရှင်ရုံးကတော့ သူတို့အနေနဲ့ ရွေးကောက်ပွဲပုဒ်မ (၂၈-က) အရ ဒေါ်အောင်ဆန်းစုကြည်ကို လက်ခံခဲ့ကြောင်း အကြောင်းပြပြီး ညီညွတ်ရေးနဲ့ ငြိမ်းချမ်းရေးပါတီ ကိုယ်စားလှယ်လောင်း ဦးတင်ရီရဲ့ ကန့်ကွက်လွှာကို ပယ်ချခဲ့တာဖြစ်ပါတယ်။

နိုင်ငံအကြီးအကဲများ နေ့ စားအလုပ်သမားတို့ ၏ ဘ၀ကိုနားမလည်၊ ကျောသားရင်သားမခွဲခြားနဲ့ 

၂၅-၂-၂၀၁၂

အခု မြန်မာနိုင်ငံမှာ ဥပဒေပြုပြီး လမ်းညွှန်မှုလုပ်တဲ့ လွှတ်တော်အဖွဲ့ နဲ့ ဒီ လမ်းညွှန်ချက်

တွေကို မူတည်ပြီးလုပ်ငန်းအကောင်အထည်ဖော်ရတဲ့ အစိုးရအဖွဲ့ တို့  ၀န်ထမ်းအနိမ့်ဆုံး

လစာသတ်မှတ်ရေးနဲ့  မလိုအပ်ဘဲငွေကုန်များနေတဲ့စက်ရုံတွေအပါအ၀င် စီမံကိန်းတွေကို

ရပ်ဆိုင်းရေးကိစ္စတွေနဲ့ ပက်သက်ပြီးဝိ၀ါဒကွဲပြားတဲ့အချက်တွေကို ရုပ်မြင်သံကြားမှလွှင့် ထုတ်ပြီး ဆွေးနွေးနေကြတာကိုကြားသိရပါတယ်။


ဦးရွှေမန်းရဲ့ တင်ပြချက်တွေကတော့ ယေဘူယျသဘောဆန်ပြီး အစိုးရအဖွဲ့ သမ္မတရဲ့ ကိုယ်

စားပြန်ကြား ချက်တွေကတော့ ပညာရှင်အကြံပေးတွေတင်ပြပေးတဲ့ လက်တွေ့ ဆန်တဲ့အနေ  

အထားက အများစုဖြစ်တယ်လို့ ထင်မိပါတယ်။


အထူးသဖြင့်အစိုးရ၀န်ထမ်းအနိမ့်ဆုံးလစာသတ်မှတ်ချက်ကို အပြင်ပုဂ္ဂလိကလုပ်ငန်း
တွေရဲ့ အနိမ့်ဆုံးလုပ်သားလစာကိစ္စတွေနဲ့ ပါ ဆက်စပ်ပြီး အတွေ့ အကြုံရှိတဲ့နိုင်ငံတကာ
အဖွဲ့ အစည်းများ၊ ဘဏ်လုပ်ငန်းများနဲ့ ပညာရှင်အဖွဲ့ အစည်းတွေနဲ့ ပါဆွေးနွေးညှိုနှိုင်း
ပြီး အစိုးရအနေနဲ့ စွမ်းဆောင်ရည်ပြည့်ဝစွာ လုပ်ဆောင်နိုင်တဲ့အခြေအနေ(ပိတ်ဆို့ မှု 

များရုပ်သိမ်းခြင်း၊ ချေးငွေနဲ့ နိုင်ငံတကာအကူအညီများရရှိခြင်း၊နည်းပညာနဲ့ တိုက်ရိုက် 

ရင်းနှီးမြှုပ်နှံမှုများများပြားလာခြင်း) တို့ဖြစ်ပေါ်လာချိန်မှ ချိန်ဆသတ်မှတ်သင့်ပါတယ်လို့  စီမံဘဏ္ဍာဝန်ကြီးကပြန်လည်ရှင်းလင်း ဆွေးနွေးသွားပါတယ်။


ဒါပေမယ့် နိုင်ငံရဲ့ အသုံးစရိတ်စာရင်းများကိုသာတင်ပြသွားပြီး ရငွေစာရင်းများကိုတော့

 မပြောပြခဲ့ပါဘူး။ အစိုးရရဲ့ လုပ်ဆောင်နိုင်စွမ်းမြင့်လာအောင်ကလည်းပိုမိုကောင်းမွန် 

တဲ့နိုင်ငံရေးအခြေအနေတွေ နိုင်ငံတကာငွေကြေးနဲ့ နည်းပညာအကူအညီအပြင် ကောင်း

မွန်တဲ့နိုင်ငံတကာဆက်ဆံရေးအခြေအနေတွေနဲ့ လည်းတည်မှီဆက်စပ်နေပါတယ်။

 နောက်ပြီး လွှတ်တော်မှာပြောတာက ပြင်ပပုဂ္ဂလိကလုပ်သားတစ်ယောက်ရဲ့ အနိမ့်ဆုံးတစ်

နေ့ ဝင်ငွေဟာကျပ်ငွေ (၂၀၀၀)၊ ဒါ့ကြောင့်ဒီအလုပ်သမားရဲ့ ဝင်ငွေက တစ်လ ကျပ် (၆၀၀၀၀) လို့ တွက်ချက်ပြီး အစိုးရ၀န်ထမ်းတွေရဲ့ လစာထက်များပြားနေတဲ့ပုံစံမျိုး ပြောပြသွားပါတယ်။ နေ့ စားဝန်ထမ်းဟာနေ့ တိုင်းအလုပ်ရရှိဖို့ မသေချာပါဘူး။ ရတယ်ဆိုရင်တောင် အစိုးရ၀န်

ထမ်းလိုတစ်ပတ် (၂)ရက် နားနေခွင့် မရနိုင်တော့ဘူးလား၊ ပင်စင်ခံစားခွင့်ဆိုတာ ဘယ်မှာလဲ၊ စတဲ့အချက်တွေကိုပါ ထည့်သွင်းတွက်ချက်စဉ်းစားပေးဖို့ လိုပါတယ်။ 

လက်လုပ်လက်စား ဈေးရောင်းစားရတဲ့လူတွေကလည်း အမြဲတမ်းမြတ်နေတာမဟုတ်ပါဘူး။

 ရောင်းမကောင်းလို့  ဆုံးရှုံးသွားရတဲ့နေ့ ရက်တွေလည်းရှိပါတယ်။ ပုဂ္ဂလိကလုပ်ငန်းတွေမှာ အလုပ်အကိုင်တည်မြဲမှု၊ခွင့်ရက်ကိစ္စ၊ အချိန်ပိုနဲ့ အလုပ်ချိန်များပြားလွန်းတဲ့အခြေအနေ
တွေကြောင့် မကြေလည်မှုတွေဖြစ်ပေါ်နေရတယ်ဆိုတာ သတိပြုစရာပါ။ ဒါကြောင့် ၀န်ထမ်း

လစာတိုးမြှင့်ရေးဟာ အစိုးရ၀န်ထမ်းအလုပ်သမားတွေနဲ့ပြင်ပပုဂ္ဂလိကအလုပ်သမားတွေရဲ့ 

အခြေအနေတွေကိုပါ ဆက်စပ်စဉ်းစားပြီးဆောင်ရွက်ပေးဖို့ လိုပါတယ်။ 

လွှတ်တော်ကိုယ်စားကြီးများအနေနဲ့ နိုင်ငံကိုကောင်းစားစေချင်ကြတယ်ဆိုရင် အစိုးရအဖွဲ့ နဲ့  ကိုယ်စားလှယ်ကြီးများကိုအားကိုးစေကြဖို့  အစိုးရအဖွဲ့ ဝင်တွေနဲ့ မိသားစုတွေရဲ့ပိုင်ဆိုင်မှု 

အပါအ၀င် ပြည်သူ့ ကိုယ်စားလှယ်များရဲ့ ပ်ုင်ဆိုင်မှုတွေကို တရားဝင်ဥပဒေနဲ့ တကွ မှတ်တမ်း

ပြုထားပေးဖို့ လိုအပ်ပါတယ်။ အရင် မဆလ ခေတ်မှာတောင် အစိုးရအဖွဲ့ ဝင်တွေနဲ့ 
ဗဟိုကော်မတီဝင်များဟာ သူတို့ ရဲ့ ပိုင်ဆိုင်မှုစာရင်းတွေကို ဖွင့်ဟကြေညာထားရပါတယ်။

 အခု ကိုယ်စားကြီးများအနေနဲ့  ဒီအကြောင်းကို မေ့ချင်ယောင်ဆောင်နေကြပါတယ်။


အစိုးရအဖွဲ့ ဝင်တွေနဲ့ ကိုယ်စားလှယ်တွေဟာ သင့်တင့်တဲ့တရားဝင်အခွင့်အရေးသာရရှိပြီး 

ကိုယ်ကျိုးရှာချမ်းသာအောင်လုပ်လို့ မရဘူးဆိုရင် ဘို့ တစ်ဘို့ ထဲကြည့်တတ်တဲ့နိုင်ငံရေး

သမားဆိုသူတွေအနေနဲ့  လွှတ်တော်တွင်းနိုင်ငံရေးလုပ်ဖို့့စိတ်ဝင်စားကြတော့မှာ 

မဟုတ်ဘဲ နိုင်ငံအတွက် ကိုယ်ကျိုးမဖက် အားကျိုးမာန်တက်လုပ်ပေးမယ့် နိုင်ငံရေးသမား

ကောင်းတွေဘဲ ၀င်ရောက်နေရာယူလာကြမှာဖြစ်လို့ အစိုးရနဲ့ လွှတ်တော်ရဲ့ စွမ်းဆောင်

ရည်တွေမြင့်မားလာပြီး ပြည်သူတွေကလည်း အစိုးရထုတ်ပြန်တဲ့ဥပဒေနဲ့ ညွှန်ကြားချက်တွေ

ကို စိတ်ရောကိုယ်ပါပူးပေါင်းလိုက်နာဆောင်ရွက်လာကြပါလိမ့်မယ်။


ပုဂ္ဂလိကလုပ်ငန်းကုမ္ဖဏီတွေနဲ့  အစိုးရဌာန၀န်ထမ်းတွေရဲ့ လုပ်ငန်းအခြေအနေသဘောသ

ဘာဝ ဟာ အားနည်းချက်အားသာချက် နေရာအစုံမှာရှိနေပြီးထပ်တူထပ်မျထားကာ ဥပမာ

ပေးလို့ မဖြစ်နိုင်ပါဘူးဆိုတာပြည်သူ့ လွှတ်တော်ဥက္ကဌကြီးတစ်ယောက်အနေနဲ့  သတိလည်း

မူ ဂူလည်း မြင်ဖို့ လိုအပ်ပါလိမ့်မယ်။

                                                                  S ခင်ဇိုင်

မန္တလေး မြို့တော်ဝန် အကူအညီဖြင့် ဒေါ်အောင်ဆန်းစုကြည် ဟောပြောရန် နေရာရ

မန္တလေး မြို့တော်ဝန် ဦးဖုန်းဇော်ဟန်၏ ကူညီမှုဖြင့် ဒေါ်အောင်ဆန်းစုကြည်၏ မန္တလေးတိုင်း စည်းရုံးရေး ခရီးစဉ်အတွင်း လူထုသို့ ဟောပြောရန် နေရာရရှိသွားပြီ ဖြစ်ကြောင်း အမျိုးသားဒီမိုကရေစီအဖွဲ့ချုပ် NLD က ပြောသည်။

ဦးဖုန်းဇော်ဟန်၏ လမ်းညွှန်မှုဖြင့် မန္တလေးမြို့ စည်ပင်သာယာရေးကော်မတီပိုင် ချမ်းမြသာစည်မြို့နယ်
အောင်ပင်လယ် ရပ်ကွက် ၅၁ လမ်းနှင့် အောင်ဇေယျ လမ်းထောင့်ရှိ ပလပ်မြေအတွင်း သောကြာနေ့က ရရှိသွားခြင်းဖြစ်သည်။
က်လိုက် တဲ့ သဘောပါ။ ကျနော်တို့လည်း ကျေးဇူးတင်ပါတယ်” ဟု NLD ပြောခွင့်ရ ဦးအုန်းကြိုင်က မဇ္ဈိမကို ပြောသည်။

ဗိုလ်မှူးချုပ်ဟောင်း ဦးဖုန်းဇော်ဟန်သည် ၂ဝ၁ဝ ရွေးကောက်ပွဲအတွင်း မန္တလေးတိုင်း လွှတ်တော်အတွက်

အောင်မြေသာဇံ မြို့နယ် မဲဆန္ဒနယ် ၂ တွင် ဝင်ရောက်ယှဉ်ပြိုင် အနိုင်ရခဲ့သူ ဖြစ်ပြီး မြို့တော်ဝန်နှင့် မန္တလေးတိုင်း စည်ပင်သာယာရေးဝန်ကြီး ဖြစ်လာသူ ဖြစ်သည်။

သူသည် ၂ဝ၁၁ ခုနှစ် သြဂုတ်လအတွင်းက အာဏာအလွဲသုံးကာ မြေကွက်များ အလွဲသုံးစားပြုမှုဖြင့် မန္တလေးတိုင်း ဝန်ကြီးချုပ်ဦးရဲမြင့်မှ ခေါ်ယူစစ်ဆေးခဲ့သည်ဟုလည်း သတင်းများ ထွက်ပေါ်ခဲ့သည်။

ဦးဖုန်းဇော်ဟန် ခွင့်ပြုသည့်နေရာသည် လူထုပရိသတ် လေးသိန်းခန့် ဝင့်ဆံ့မည်ဟုလည်း ဦအုန်းကြိုင်က ခန့်မှန်းပြီးဒေါ်အောင်ဆန်းစုကြည်သည် မတ်လ ၃ ရက်နေ့တွင် မန္တလေးသို့ လေယာဉ်ဖြင့် သွားရောက်မည်ဟု သိရသည်။

ဒေါ်အောင်ဆန်းစုကြည်၏ ခရီးစဉ်အတွင်း မန္တလေးလူထုမှလည်း ကြိုဆိုရန် ပြင်ဆင်မှုများ ပြုလုပ်နေသည်ဟု မန္တလေးတိုင်း လူငယ်တာဝန်ခံ ကိုမျိုးနိုင်က မဇ္ဈိမကို ပြောသည်။

“မနေ့က (ကြာသပတေး) မြို့တော်ဝန်ကနေ ခေါ်ပြီးတော့ ကွင်းစီစဉ်ပေးတယ်ပေါ့။ သူတို့နဲ့ ပူးပေါင်း ဆောင်ရွ
“ အောင်နိုင်ရေး အလှပြကားပေါ့ ကျနော်တို့ ဆင်ထားတယ်။ ကားပေါ်မှာ ရွှေရောင် ခွပ်ဒေါင်းကြီးနဲ့ ကြယ်ဖြူကြီးကို ကျနော်တို့ လုပ်ထားတယ်။ မန္တလေး သင်္ကြန် အလှပြကားတွေလိုပေါ့ဗျာ” ဟု ပြောသည်။

ထို့အပြင် ဒေါ်အောင်ဆန်းစုကြည် ဟောပြောစဉ်အတွင်း လူထု ပရိသတ်များမြင်နိုင်၊ ကြားနိုင်ရန် LCD ရုပ်မြင်သံကြား စက်များ ကွင်းအတွင်း တပ်ဆင်နိုင်ရန် ယုဇန လျှပ်စစ်ပစ္စည်း ကုမ္ပဏီမှလည်း ကူညီသွားမည်ဟု ကိုမျိုးနိုင်ကပြောသည်။

ဒေါ်အောင်ဆန်းစုကြည်သည် ဖေဖေါ်ဝါရီလ ၄ ရက်နေ့နှင့် ၅ ရက်နေ့များတွင် မန္တလေးမြို့သို့ သွားရောက်ပြီး ဗထူး အားကစားကွင်းအတွင်း လူထုကို ဟောပြောရန် စီစဉ်ခဲ့သော်လည်း မြန်မာနိုင်ငံဘောလုံးအဖွဲ့ချုပ်မှ ထိုအားကစားကွင်း ကို မငှားခြင်းကြောင့် ခရီးစဉ်ကို ခေတ္တရပ်ဆိုင်းထားခဲ့ခြင်း ဖြစ်သည်။

ယခုအစီအစဉ်အရ မန္တလေးခရီးစဉ်ကို မတ်လ ၃ ရက်နေ့တွင် စတင်မည်ဖြစ်ပြီး ၄ ရက်နေ့တွင် စစ်ကိုင်း၊ ၅ ရက်နေ့ တွင် တံတားဦး၊ နွားထိုးကြီး၊ မိတ္ထီလာ၊ နေပြည်တော် တို့သို့ ပါတီစည်းရုံးရေး လှည့်လည်ဟောပြောမည် ဖြစ်သည်။

မတ်လ ၆ ရက်နေ့တွင်လည်း ပဲခူးလူထုသို့ ပါတီစည်းရုံးရေး ဟောပြောမည် ဖြစ်သည်။

သတင်း...... (မဇ္ဈိမ)