မလေးရှား ဝန်ကြီးချုပ်ဟောင်း ဒေါက်တာ မဟာသီယာ မြန်မာသို့ လာမည်

The Voice Weekly

ကမ္ဘာပေါ်တွင် ရွေးကောက် တင်မြှောက်ခံခြင်းဖြင့် သက်တမ်း အရှည်ကြာဆုံး အစိုးရ အကြီးအကဲ ဖြစ်ပြီး မလေးရှား နိုင်ငံ၏ စတုတ္ထမြောက် ဝန်ကြီးချုပ် အဖြစ် ၂၂ နှစ်ကြာ တာဝန်ယူခဲ့သူ ဒေါက်တာ မဟာသီယာ မိုဟာမက်သည် နိုင်ငံအခြေစိုက် Felda Global Group နှင့် မလေးရှား ဆီအုန်းကောင်စီတို့၏ ပြည်ထောင်စု သမ္မတ မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ထံ ဆက်သွယ် စီစဉ်မှုဖြင့် မြန်မာ - မလေးရှား စီးပွားရေး လုပ်ငန်းများ ပူးပေါင်း ဆောင်ရွက်နိုင်ရန် နိုဝင်ဘာလ ၂ ရက်နေ့တွင် မြန်မာနိုင်ငံသို့ ရောက်ရှိမည် ဖြစ်ကြောင်း UMFCCI ၏ အလုပ်အမှုဆောင် အဖွဲ့ဝင် တစ်ဦးထံမှ သိရသည်။

မလေးရှား အစိုးရပိုင် ပက်ထရိုနပ် ရေနံကုမ္ပဏီ၏ အကြံပေးနှင့် ပရိုတွန် ကားကုမ္ပဏီ၏ အမှုဆောင်ချုပ် ဖြစ်သူ ဒေါက်တာ မဟာသီယာ မိုဟာမက်သည် ရန်ကုန် မြို့တော်ရှိ UMFCCI ရုံးချုပ် အဆောက်အအုံတွင် UMFCCI အမှုဆောင်/ ပုံမှန် အသင်းသား ကုန်သည်ကြီးများ၊ စက်မှုလက်မှု လုပ်ငန်းရှင်များနှင့် တွေ့ဆုံကာ နှစ်နိုင်ငံ စီးပွားရေး လုပ်ငန်းရှင်များ အကြား စီးပွားရေးနှင့် ကူးသန်း ရောင်းဝယ်ရေး သဘောတူ စာချုပ်များ ချုပ်ဆိုမည် ဖြစ်ကြောင်း UMFCCI ထံမှ သိရသည်။

မဟာသီယာ ခရီးစဉ်အပြီး မြန်မာနိုင်ငံ ရန်ကုန် မြို့တော်တွင် ပရိုတွန်ကား အရောင်းပြခန်း တစ်ခု ပေါ်ပေါက်လာဖွယ် ရှိကြောင်း နှစ် ၂၀ ဝန်းကျင်ခန့် မော်တော်ယာဉ် ဝယ်ရောင်း လုပ်ကိုင်လာသူ တစ်ဦးက သုံးသပ် ပြောကြားသည်။