ရိုးသားစွာကြိုးစားပါ။မရိုးသားမှု့ကိုတိုက်ဖျက်ကြပါ။

 ကိုယ့်တိုင်းပြည်ကို သူများတိုင်းပြည်တွေလို တိုးတက်လာစေချင်ရင် စိတ်ဓါတ်တွေပြင်စဉ်ကြပါ။
တဦးချင်းဆောင်ရွက်နိုင်သော စိတ်ဓါတ်ရိုးသားမှု့များကို ကြိုးပမ်းကြပါ။ မရိုးသားမှု့တွေပပျောက်မှ ၊
လူမျိုးဂုဏ်သိက္ခာ တိုင်းပြည်ဂုဏ်သိက္ခာတက်လာမည်။ ရိုးသားမှု့ဖြင့်တိုင်းပြည်ကို ဝိုင်းဝန်းတည်ဆောက်
ကြပါ။ မကောင်းသောလုပ်ရပ်ကို ဝိုင်းဝန်းတားဆီးရန်လိုပါသည်။အောက်တွင်ဖေါ်ပြထားသော သတင်း
တပုဒ်သည် ပြည်သူများယုံကြည်စိတ်ချ ရသည်ဟု ဆိုအပ်သော ဘဏ်လုပ်ငန်းလို နေရာတွင်ပင် ဤသို့သော တခါစား ယုတ်ညံ့သော ဝန်ထမ်းများရှိနေလျှင် တိုင်းပြည်၏ အခြားသော လုပ်ငန်းသေးငယ်
များတွင် ပြည်သူများ မည်သို့ အားကိုးယုံကြည်ရမည်နည်း။ထိုသို့သောကိစ္စ ပြဿနာများကို ဥပဒေ အရ အရေးယူမှု့များမပြင် လူမှု့အသိုင်းအဝိုင်းကြားတွင်ပါ လက်မခံသင့်ပေ။ လာဒ်စားမှု့များ၊ မိမိတာဝန်
ယူဆောင်ရွက်သောလုပ်ငန်း၏ လုပ်ပိုင်ခွင့်အပေါ် မိမိအတ္တအတွက် အခွင့်အရေးယူသူများကို လူမှု့အသိုင်းအဝိုင်းကြားတွင် လက်မခံပဲ ဝိုင်းဝန်းတားဆီးခြင်း၊ လူ့အသိုင်းအဝိုင်းကြားတွင် အကျင့်စာရိတ္တ
မကောင်းသူများ အဖြစ်လက်မခံသင့်ပေ။ထိုသို့ လူတိုင်းကညီညွှတ်စွာ ဝိုင်းလုပ်လျှင် ထိုသူများသည်
လောလောဆယ် မတရား ရှာရသောငွေသာ ပိုင်ဆိုင်သော်လည်း ရေရှည်တွင် လူတောတိုးဝန့်မည်မဟုတ်ပေ။  ထိုသူများမှမွေးဖွားလာသောသားသမီးများလည်းငွေကြေးချမ်းသာသော်
လည်း ကိုယ့်မိဘ မတရားရရှိထားသောငွေများကြောင့် အသက်ရှင်နေရသည်ကို ရှက်တတ်လာလိမ့်မည်။
အားလုံးထို သို့ မသမာသော အကျင့်ပျက်ဝန်ထမ်းများကို ဆန့်ကျင်ကြလျှင် ဆင်းရဲသူများအတွက်ကောင်း
မွန်သော အခြေအနေကိုရောက်လာပေလိမ့်မည်။ ပေးသူရှိလို့ယူသူရှိသည်။ ပေးသူမရှိလျှင် ဘယ်လောက်ပင်တောင်းတောင်း မောရုံသာပင်။



Tuesday, 04 October 2011 10:18
   မန္တလေး အလင်း
news
မန္တလေးမြို့ရှိ ပုဂ္ဂလိကဘဏ် တစ်ခုမှ ငွေကျပ် ၁၂၅ သိန်းကို ဩဂုတ်လ
တတိယပတ်အတွင်းက ထုတ်ယူခဲ့ရာ ကျပ်တစ်ထောင်တန် တစ်သိန်းအုပ် ၂ အုပ်တွင်
အပေါ်နဲ့ အောက် တစ်ရွက်စီမှအပ ကျပ် ၂၀ဝ တန်များ ညှပ်ထားတာကိုရော နှော
ထုတ်ယူမိပါတယ်။ ထုတ်ယူခဲ့ သူက ကျွန်တော် အိမ်ရောင်းထား တဲ့ငွေကို
ပုဂ္ဂလိကဘဏ်မှာ ခဏ အပ်ထားတာပါ။ ပြန်ဝယ်မယ့်အိမ် ကို
စိတ်တိုင်းကျရှာလို့ရမှ ဘဏ်က နေ ငွေထုတ်တော့ အခုလို ကြုံရတာ ပါ။

၂၀ဝ တန်တွေ ညှပ်ထားတာကို
လည်း ချက်ချင်းမသိပါဘူး။ အိမ်ဖိုး ငွေ
အကျေချေတော့မယ်ဆိုမှ စစ် ရင်းအခုမှသိတာပါ။ သိသိချင်းငွေ ထုတ်ခဲ့တဲ့
ပုဂ္ဂလိကဘဏ်ရဲ့ မန်နေ ဂျာနဲ့တွေ့ပြီး ကျွန်တော် ကြုံရတာကို ပြောပြပါတယ်။
ကျွန်တော်လာတာ က ကွာဟတဲ့ငွေ ၁၆၀ဝ၀ဝ ကျပ် နီးပါးကို အလျော်ပေးဖို့ လာပြော
တာ မဟုတ်ပါဘူး။ လူကြီးမင်းတို့ ဘဏ်မှာ မရိုးသားတဲ့ဝန်ထမ်းတချို့ ရှိနေ
တယ်ဆိုတာကို သတိထားနိုင် ဖို့ အသိပေးတာပါ။ ကျွန်တော့်ဘက် က ဘယ်လောက်ပဲ
ရိုးသားသည် ဖြစ်စေ၊ မှန်ကန်မှုရှိသည်ဖြစ်စေ ဘဏ်အတွင်းမှာ ရေတွက်စစ်ဆေးမှု
မပြုခဲ့တာကိုက အဓိကအမှားဆိုတာ ဝန်ခံပါတယ်။...... ဘဏ်အပေါ် မှာ
ယုံကြည်ခဲ့တာလည်းပါတယ်။ ဘဏ်နဲ့ ဆက်ဆံနေကြသူအားလုံးကို
သင်ခန်းစာရစေချင်လို့ပါ။

မန်နေဂျာ က ကျွန်တော့်ဆီက တစ်သိန်းအုပ် ၂ အုပ်ကို ယူကြည့်ပြီး ငွေရေတွက်
သူရဲ့ လက်မှတ်မပါဘူးလို့ ပြော တယ်။ မရိုးမသားလုပ်မယ့်သူက သူပါလို့ ဘယ်မှာ
လက်မှတ်ထိုးပါ့ မလဲ စသည်ဖြင့် ပြောပြခဲ့ပါတယ်။ ယခုဖြစ်စဉ်တွင်....ဘဏ်တွင်
ကျင့်သုံးသော စနစ်အရ ကျပ်တစ် သိန်း ၁၀ အုပ်လျှင် တစ်စည်းပလပ် စတစ်
ကြိုးဖြင့်စည်းထားခြင်း၊ ကျပ် တစ်ထောင်တန်နဲ့ နှစ်ရာတန် အသေးတို့မှာ
အရွယ်အစားထပ်တူ ဖြစ်ခြင်း၊ (မတူရင်လည်း တူအောင် လို့ မသမာသူကညှိတယ်)
ပုဂ္ဂလိက ဘဏ်သို့အသွားအလာနည်းပြီး မျက် နှာစိမ်းဖြစ်ခြင်း၊ ရေတွက်စစ်ဆေးမှု
မပြုဘဲ ပေါ့ဆခြင်း၊ ပုဂ္ဂလိက ဘဏ်ဝန်ထမ်းတစ်ဦးတလေရဲ့ မရိုး သားမှုကို
တာဝန်ရှိသူ မန်နေဂျာမှ မသိရှိခြင်းတို့ကိုလည်း တွေ့ရတယ်။

ပွဲရုံလုပ်ငန်းရှင်တစ်ဦးက ပုဂ္ဂလိက ဘဏ်မှမဟုတ်ဘူး၊ ငွေနည်းလို့ များ
လို့လည်းမဟုတ်ဘူး၊ ကျွန်တော်တို့ ငွေလက်ခံရင်လည်း ကိုယ်လက်ခံ မယ့်
ငွေထက်တန်ဖိုးနည်းတဲ့ငွေတွေ ညှပ်ထားတာကို ပုဂ္ဂလိကဘဏ်မှာ ရော၊ ပွဲရုံမှာပါ
ကြုံဖူးပါတယ်။ သတိဆိုတာပိုတယ်လို့မရှိပါဘူး။ ကိုယ့်ဘဏ်ကသာ ငွေလက်ခံတဲ့
အခါ အစိမ်းအကျက်မရွေးဘဲ စိတ် ရှည်ရှည်ထားပြီး အလုပ်သဘော အရ
ရေတွက်စစဆေးဖို့လိုပါ တယ် လို့ ပြောပြခဲ့ပါတယ်။

Tuesday, 04 October 2011 10:18

   မန္တလေး အလင်းမှကူးယူဖော်ပြပါသည်

                                                            ကိုတင့်